|
خذها نصيحه صادقـه م̷ـــِْט لسانـي
ما دام ربــي فـي حياتـــك معافيـــك العمـــر لحظـــه واكثــر العمـر فانـي واللـي زرعتــه تحصده بيـن أياديــك |
،؛،؛،؛،
بعض البشر مثل النجوم المراهيش انوارهم تزهي بالافراح بشه افكارهم ري العقول المعاطيش في الدين والدنيا للاخيار هشه وبعض البشر عقله من التبن والخيش لوزان شكله داخل الراس عشّه ،؛،؛،؛، |
لاقالو العين ماتعلى على الحاجب
قلت الرجل يعتلي بأخلاقه وطيبه رفيقك إليا تذكرته .. من الواجب تذكر مزاياه .. ما تذكر عذاريبه ➛ |
،؛،؛،؛،
من طاول الدمعه تكدر شرابه والغت مرارة دمعته كل حالي وافنى عنا دنياه زهرة شبابه لو كان من بين الخلايق مثالي واللي يبي ياقف لوقته يجابه ينهد حيله,, والزمن ما يبالي ،؛،؛،؛، |
،؛،؛،؛،
لو ضاقت الدنيا على راعي الطيب يبقى شذى طيبه على الناس طايب ~ للغيم في صدر الثرى صوت ترحيب والطيب هو فعلك ياراعي النجايب ،؛،؛،؛، |
يازايري لجيتك أبهديك بيتين
يعني كذا يازايري جتك الجزيله أهلاً هـُلاٌٍ وأهلين أهلاً وسهلين أهلاً هـَْـُلاٌٍ بك عد وبلً نخيله |
الوقت طوّع ولوّع عالم شابت
وقامو يقولون يادنيا من انتي له نفوسهم من مكاسيب الزمن طابت قد جربو لذة الوقت وغرابيله |
اقتباس:
راقت لي كثيرآ ..بارك الله فيك لاحرمنا اطلالتك ودررك الثمينه وفقك الله واصلي مسيرك وعين الله ترعاك. |
لا تكره الدنيا .. ولا تلعن الناس
للحين فـي الدنيـا أوادم نـظيفه وكانك تفكر ويـن تقدير الاحساس غيرك يـفـكر ويـن يـلقى وظـيفه" |
أرقام بعض العرب للعين : مرغوبه
وأصواتها كنه / النسناس والعنبر لكن بعض العرب لآ دق : والكوبه أشيّك على أرقامها ببرنامج النمبر |
ياحظ منهو عن اعراض البشر صامت
العمر يفنى وماقمنا بــــه مسجّل ويانفسي اللي عن أعراض البشر شآمت! خافي ترى الموت لآ جاء صعب يتأَجّل |
في غلطة الغالي تجوز المعاذير
( نشيلها ونحطها في كفنها ) تروح بأطراف الهواء والمعاصير ( جرة مطر جاها عجاج ودفنها ) |
الاصيله بنت شيخ تكرْه الهّين
ولاتعشق الاصميدع راس وسنافي والطيب بيّن ودرب اهل الوفا بيّن و الهيّنة بنــت لاشٍ ، تعشق ، الهافي.. |
نعيش ف الدنيا العريضه ونحلم
ويمكن نحب آشياء وفيها مضره يارب وانت الليي عن الغيب تعلم اكتب لنا الليي فيه خير ومسره |
تشابه القاب..بس الفرق بالتاريخ
ياراعي العلم الابيض إترك الدايخ هذاك بس البنوك ..إتلقبه بالشيخ والا انت من وين ماسجيتها شايخ |
رافق أصيل في زمانك يصافيك
لاشاف زلاتك عن الناس غطاك] ترى الصديق اللي يحبك ويغليك [تلقاه عونك على الشدة ويمناك |
نعيش الزمن مابين ربع واهل واجناب
نقـدر جنـاب النــاس حتــى تقدرنا نغيب وتغيب اجسادنا والوفا ماغاب نصون الخــوي واليـا زهـم ما تعـذرنا |
لو كل خلق آلله على آلحق يمشون
[كآن آلقلوب من آلخطآ مستريحه ،] كم وآحدٍ بعروض آلأجوآد مفتون [و هو سلـومه يفضحنّه فضيحهـ !] |
الشجاعه في القفا ماهي شجاعه
[الطلايع تضرب وجيه الطلايع] أسهل الغلطات غلطات الطباعه [وأصعب الغلطات غلطات الطبايع] |
لاجفاك اللي من الناس له عندك مقام
[نعمة النسيان نعمه وفالدنيـا سعـه] لاجفاك ابلا سبب لا تلحقـه المـلام [ان رجع يامرحبا وان رحل عذره معه] |
البنت مآتشبـه ابـوهآ باالأحسـآس
[ياللي تخطب البنت من طيب ابوهآ] كم شيخ خلف بنت مآترفع الـراس [وكم بنت رآعي رآفعه رآس ابوهآ.] |
محبه لغير الله سر اهلها مفضوح
[ولتفه سبب لو طولوا بنيها طاحت] محبة مصالح والمصالح تجي وتروح [احبك لياما جات واكرهك لا راحت] |
لا جـا مـن الـطيـب خطـا مـا أتحـيّر
[أصمت وصمتي ماهو الا شرف لي] أسـامحـــه مــادام وجهـــه تغيّـــر [حتى لـو انـه بالخطـا ما اعترف لي] |
دام الـنوايـــا ســود وأهـدافهــا جــرد
نـوحى علـى غصـن النـدم ياحمـامـه يـا اللـي زرعــت الـشوك مـا تقطـف الــورد لـو تسقـي أشجـاره ... ليوم القيـامـه |
إنـمـا الأرزاق عـند الله و يـعطي خـلـقـه ,,
لا هي بـالقوة و لا هي بحيلة الحيّالة لا تـدوّر عـذر واهي للـخـطـا و تـخـتـلقـه ,, ذم ربي في البنادم كثرة استعجاله |
نعيش بالدنياا . . وننعاان / ونعين
حناا بشر .. محناا مجرد هيااكل نتعب لفعل الطيب والمنطق الزين ماا الله خلقناا بس نشرب وناكل” |
الكفو نعطيه حقّه واعتباره
[خوتّه نتعب لأجل نكسب رضاها] والردي قدره مثل قدر الزقارة [لأنتهت من شرب راعيها وطاها] |
لاتستحي والحقّ مافوقه غبار
في هالحياه بعرضها وبطولها بنكّك الأصلي، او بنك مستعار كل ما تداهمك الحقيقه.. قولها |
لا تمد رجلك ولحافك قصير
ولا تناظر فوق تتعب بالنظر القناعة كنز لو حلمك كبير والحياة دروس والدنيا عبر |
يارب عفوك يا محل العفو وأنت المستعان
عنّي على نفسي وساعدني في ردع شرورها يا خالقي ما بينك وبين الخلايق ترجمان وأنت العليم المطلّع في ما تكنّ صدورها |
عسى الله يعين اللي عليه الهموم وفود
ترزّم على صدره وضحكته تغشاها كفيلٍ بها الي يقسم الجود بالماجود وقال اصبروا..والعبد يجهل خفاياها |
اقتباس:
مشاركه رآئعه يا عاشق الطيب ... حماك ربي ... ،؛،؛، |
،؛،؛،
أنت الذي يرمى بك الظن ويصيب.. والا الردي ماله على الظن طاقه ~ ساسك عريب وراسك اطيب من الطيب.. وابوك يرخي للثقيله شقاقه ،؛،؛، |
سلم نبضك ياغالي
سلم نبضك ياغالي |
ৡ
لاتهمش آلنآس ، وتبجل بني عمك حتى لو تحبهم خلك على آلصآمت بكره ليآ ضآق صدرك وآثقلك همك تلقى بعضهم يصد وبعضهم شآمت |
بعض البشر يفسرون التسامح
انه خضوع وذل لاصار بإعلان محدٍ كثر رب المخاليق يسامح وشلون ما اسامح وانا نطفة انسان |
خطواتنا صايـــرة وجلــة ومحسوبـــة
نقسى علـى الروح والعالـــم نداريهـا احلامنــا من ضلـوع الصدر محطوبة بفـاس حطّـــاب يحطبهـــا ويرميهــا" |
لو ( العمر ) ! في دبرة الناس طوّاع
ما شفـت قلـب ٍيشتكي .. اليـوم عله تدري وش اللي يبسط بكل الاوضاع الحمد / و التسبيح / و استغفـر اللـه |
يا بايع الذمه على شاري العيـب
اترك لحوم الناس ماهـي تجاره لاتحسب ان الطيب في شقة الجيـب من شق ستر الناس شقوا ستـاره"" |
صل وتصدق واترك اللي ينمون
مالك ومال مولف القيل والقال وابوك وامك برهم لين يرضون احرص ترا في برهم زين الاعمال |
| الساعة الآن 12:19 AM |
Powered by vBulletin .
جميع الحقوق محفوظة © لشبكة ومنتديات البراري 2010