|
اسم جميل مخترع البر
مخترع البر ياليت نعرف عنه اشياء اذا سمحت ابو ثابت |
هذي والله الساعه المباركه
مخترع وصل ابشرو بالخير وياويلك ياابو ثابت ارشح مخترع البر |
طيب اللي وده ينشد ابو ثااابت وش يسوي
مشكوووووووووور سلام |
وش قصتهم على مخترع البر
أنا أقول نهااااااااااااااااااام وبس أول شيء نهام بعدين مخترع البر |
ارجوكم نبي nahham اتمنى امنية لان عندي كم سؤال جامده له وعلى الخير نلتقي اخوك صقر البر |
nahham nahham nahham nahham nahham nahham nahham
عطونا نهام ارجوكم انا جاهز له ليونارد دافنشي |
بارك الله فيكم على هذه الجهود
ورغبتنا في ان يكون ضيفنا هو المشرف العام نهام لكم كل شكر وتقدير |
انا اطلعت على الموضوع من اوله واعتقد ان المشرف العام nahham هو من يستحق الاستظافة
هيا يا مشرفنا لاتخذل اعضاءك |
مرحبا شباب
اعتقد الموضوع لا يزال في اوله ويحتاج وقت ليثبت اقدامه لم ارى اي سؤال جيد لابو ثابت من غير تعصب بالله عليكم اقراو الموضوع من الاول وشوفو ايش عرفنا عن ابو ثابت من ابو ثابت طبعا لانريد خصوصيات اتكلم عن من ابو ثابت العضو ماهي افكاره وكيف يكتب ماهي همومه واراؤه في الحياة وهكذا لكن ان يتم استضافة اي عضو او مشرف وبدون اسئله اعتقد ماله داع شرايكم ؟ |
بديت تصرف يانهام
ههههههههههههههههههه لكن معليش تر الدور الجاي عليك يالغالي تجهز بس إن شاء الله نشوف الأسئله الحلوه |
ماشاء الله عليكم
وين كان الموضوع هذا في اي قسم للأسف لم اعلم عنه الا في هذه اللحظة والله مالكم حق ياشباب ما احد سأل العم ابو ثابت غير نهام ومخترع البر وعندي اقتراح هو ان يكون اسمه على كرسي التحقيق او الأستجواب وعند اختيار اي عضو يطرح الأستجواب او التحقيق في موضوع مستقل مجرد اقتراح لا اكثر ولا اقل وبما ان الوقت المحدد للعم ابو ثابت قد انتهى( للأسف) فاختياري للعم ابو هشام بالتوفيق للجميع |
هلا ابو محمد
للاسف الشباب ما تجاوبو مع الموضوع واتفنا مع ابو ثابت تمديده اسبوع اخر ونقلت الموضوع من قسم الاقتراحات الى الاستراحه لكن يفتح موضوع لكل واحد صعبه ياابو محمد وتشتيت للموضوع الاصلي اتمنى التجاوب لتتم الفائده بعيدا عن الخصوصيات |
معنى كذا مازال عمنا ابو ثابت على كرسي التحقيق
ان شاء الله نبحث عن اسئلة تليق اخي الكريم ابو ثابت والله يحييكم عندنا في الأستراحة |
بسم الله الرحمن الرحيم السلم عليكم ورحمة الله وبركاته حياك الله اخي ابو ثابت وتفضل اخي الكريم 1- البطاقه الشخصيه ..؟ 2- أجمل يوم بحياتك؟ 3- لو أحد بيعطيك هديه وش ودك: 4- موقف يضحك صارلك: 5- حكمتك المفضلة أو بيت شعر أعجبك: 6- كلمة ترددها دائما: 7-شخص له تاثير في حياتك: 8- هواياتك: 9-قدوتك في الحياة: 10 - هدفك في هذه الحياة: 11- عندمـــا تضع امامك هدف وتعجز عن الوصول اليهـ ما هو موقفك من ذلك ؟ 13 - الاسرهـ هي اللبنه الاولى في بناء المجتمع ؟ فاين انت من اسرتك وكيف هي طبيعة حياتك معهم ؟ 14- شيء لا تقبل المزاح بهـ ابدااا ؟ 15- صف نفسك بثلاث كلمات ؟ 16- هل انت راضي عن نفسكـ حاليااا ؟ 17- تحب القرااااااءه او لا واذا تحب ما الكتب الي تحبها ..؟ 18- موقف محرج حصل لك؟ 19شخص ودك تقوله يعطيك العافيه ؟ 20لما تتضايق ما ذا تفعل ؟ 21اقرب شخص لكـ ؟ 22اسوء خبر سمعته ؟ 23ماذا يعني لك منتدى البراري؟ 24اقرب الاعضااء الى قلبكـ .؟ 25هي افضل الأوقات في الذهاب الى البر؟ 26 ماهو رايك بشخصية ابوهشام ؟ كمدير موقع وكشخص خارج نطاق الانترنت ؟ |
اسئلتي هي
1- متى بدأت صلتك بالرحلات البرية وهل تأثرت بأحد ما قريب او غيره ؟؟ 2- اي أنواع التضاريس أحب لك : النفود ، الضلوع ، الفياض بوقت الربيع ؟؟ 3- شخص تعجبك الكشته معه ولماذا ( القصد من السؤال لماذا أي صفاته اللي عجبتك ) انا تقيدت بالنظام وهو ثلاثة أسئلة وبانتظار الضحية الثاني واقترح نهام ... تحيتي |
1- من وين ابوثابت (وش هي ديرتك)
2- وش موترك 3- كم الساعه الحين وشكرا........ |
هلا وغلا بحبيب قلبي
1 - وش ذكرياتك مع الدلم 2 - ليه تحب شي اسمه هيت 3 - وش يقرب لك مخترع البر 4 - ابي اعرف ليه مدلعينك في هالمنتدى بس |
هلا ابو ثابت
وين الناس يالغالي وين الاجابات سلامات |
الأسبوع بينتهي والعم ابوثابت لم يجيب على الأسئلة
عسى المانع خير |
[COLOR="Red"]1- البطاقه الشخصيه ..؟
وش تبي بالبطاقة لايكون شغال في المرور ؟ بس لعيونك تستاهل .. وهوعندي اغلى منك : خذها : الاسم : ابراهيم بن سعد .. العمر : فضيحة مابي اعلم اني صغير بس نقول في العشرينيات .. الحالة النفسية : ؟ أعزب يعني (( مستقره الحالة ولله الحمد )) !! 2- أجمل يوم بحياتك؟ أيام كثيره في حياتي بس أحلاها لما تكون في قمة الضيقة والأبواب مقفلة في وجهك وتدعي الله وتنفتح في وجهك فجأة . 3- لو أحد بيعطيك هديه وش ودك: بصراحة وش قصدك تلمح بتعطيني هدية .. !! خخخخ بصراحة طلعة قنص ميم ميم (( محمول مكفول )) خخخخ 4- موقف يضحك صارلك: المواقف واجد بس مره كنت ماخذ سيارة أخوي الجديدة وطاق الرسم ورايح أودي أهلي لأسواق العامر نبي نأثث البيت المهم وأنا راز السيارة قدام الباب وانزل والجوال في يدي وقاعد أكلم واحد من الربع وأقوله ياخي أشوف العالم تطالعني وتبتسم وش السالفة كل هذا تلزق خخخخخخ المهم يوم خلصنا وعند الباب بنطلع طالعت تحت وانتو بكرامة لقيتني لابسة نعلة جديدة سوداء ونعلة الثانية بنية لها سنتين ونص ومافيه مسمار الا فيها خخخخخخخ!! 5- حكمتك المفضلة أو بيت شعر أعجبك: من زعل بكيفة وكيفة موديه .. خله على كيفة وكيفة يرده .. 6- كلمة ترددها دائما: بصراحة مالاحظت هالشيء بس دائما ربعي يقولون انك دائما اذا جينا نسولف معاك تقول : قل قسم ؟؟ 7-شخص له تاثير في حياتك: بصراحة وبدون إحراج لايوجد !! 8- هواياتك: بصراحة الصيد وطلعات البر .. 9-قدوتك في الحياة: قدوتي في الحياة سؤال يحتاج الا تفكير لأني بصراحة لاأقتدي بشخص معين ولاكن أحب دائما أن أقتدي بالأشخاص اللذين يتمتعون بالجرأة والطلاقة في الإلقاء .. 10 - هدفك في هذه الحياة: إرضاء الله عز وجل وأن أرحل من هذه الدنيا والكل راضي عني ولن أكون أنانيا وراضي عن الكل .. 11- عندمـــا تضع امامك هدف وتعجز عن الوصول اليهـ ما هو موقفك من ذلك ؟ أدعو الله وأحاول مرة أخرى .. 13 - الاسرهـ هي اللبنه الاولى في بناء المجتمع ؟ فاين انت من اسرتك وكيف هي طبيعة حياتك معهم ؟ أنا بالنسبة لأسرتي آخر العنقود والابن المدلل ومع ذلك فهم يعتمدون علي في كل شيء ولله الحمد لاأرفضلهم أي طلب ..14- شيء لا تقبل المزاح بهـ ابدااا ؟ امور الدين عامة وإن واحد يمزح أمام ناس لاأعرفهم .. والباقي ايزي .. 15- صف نفسك بثلاث كلمات ؟ انسان لايوصف بالكلام . 16- هل انت راضي عن نفسكـ حاليااا ؟ الحمد لله راضي عن نفسي 17- تحب القرااااااءه او لا واذا تحب ما الكتب الي تحبها ..؟ أحب القراءة بالطبع وأحب قراءة كتب وراويات الكاتب سيلم مطر وخاصة الرواية التي بحثت عنها ولم أجدها وتمنيت أقرأها وهي التوأم المفقود . وباقي الأسئلة قريبا بإذن الله وآسف على الإطالة .. |
18- موقف محرج حصل لك؟
أيام الجامعة كان عندنا دكتور أول مرة يجينا بس ثقيل دم المهم وقعدت أطب فيه وأقطع فيه على اللي جالس جمبي في الأخير صار اللي قاعد جمبي يصير ولده .. 19شخص ودك تقوله يعطيك العافيه ؟ أخوي نهام 20لما تتضايق ما ذا تفعل ؟ أجلس لحالي .. 21اقرب شخص لكـ ؟ مخترع البر .. 22اسوء خبر سمعته ؟ وفاة خادم الحرمين الشريفين الملك فهد رحمه الله .. 23ماذا يعني لك منتدى البراري؟ بكل صراحة نادي يضم أغلى الأحبة وبه كل مايخطر ببالك من ثقافة وترفيه وفوائد وخبرات .. 24اقرب الاعضااء الى قلبكـ .؟ برضه أخوي نهام .. 25هي افضل الأوقات في الذهاب الى البر؟ أفضل الأوقات وقت النزل .. 26 ماهو رايك بشخصية ابوهشام ؟ كمدير موقع وكشخص خارج نطاق الانترنت ؟ شهادتي مجروحة فيه خارج نطاق النت لأنه بصراحة انسان غير عادي وداخل نطاق النت لايحب المجاراة بل يهمه الصواب فقط .. مما قد يغضب البعض ولاكنه تميز بأنه سريع الإقناع ..!! |
1- متى بدأت صلتك بالرحلات البرية وهل تأثرت بأحد ما قريب او غيره ؟؟ بصراحة من يوم كنت صغير وكنت أحب أروح البر مع إخواني بس بعد ماشريت سيارة أدمنت .. 2- اي أنواع التضاريس أحب لك : النفود ، الضلوع ، الفياض بوقت الربيع ؟؟ بصراحة جميعها أحبها وماقدرت أفضل شيء على شيء ..3- شخص تعجبك الكشته معه ولماذا ( القصد من السؤال لماذا أي صفاته اللي عجبتك ) ؟ أحب الشخص اللي مايكون من النوع الغثيث !! لما تغرز يقولك قايلك من أول لاتجي من هنا ؟؟ والين قلت خلنا نطلع الضلع اللي هناك قالك والله أمي موصيتني أجيب خبز !! بصراحة أحب اللي يكون معاك في كل شيء ومايقول ورى ..!! دائما قدام .. |
1- من وين ابوثابت (وش هي ديرتك)
بصراحة عشت وترعر ت بمدينة الخرج وبعدين انتقلت الى الرياض وديرتي الأصلية (( الخرمة )) صاير تجميع .. 2- وش موترك ؟ بصراحة الحين مامعي سيارة معينة قاعد أدور .. وقبل كم أسبوع كان معاي جيب شيروكي .. وقريبا الباثفيندر .. 3- كم الساعه الحين الساعة 5 : 1 تصدق انه اصعب سؤال يالله قدر ت أكتبها .. خخخخخ |
هلا وغلا بحبيب قلبي
هلا وغلوين ,, 1 - وش ذكرياتك مع الدلم2 - يؤيؤيؤ الدلم خخخخخخخ كنت كل خميس وجمعة هناك .. والدكريات مانتعد هناك .. وخصوصا آآآآآآآآآآآآآه لاتقلب المواجع .. يبيلك قعده انت من وين تجيب علومي ..!! خددت حموري والله ؟؟ (( فضايح )) ليه تحب شي اسمه هيت مادري والله سؤال عجزت ألقاله جواب ..بس يمكن لأني كل ماروح لها أكتشف شي جديد .. 3 - وش يقرب لك مخترع البر ؟ ولد خالي وهو الحين قاعد يتسدح في ربوع الباحة .. 4 - ابي اعرف ليه مدلعينك في هالمنتدى ؟ يحبــــــــــــــــــــــــــــــــــوني .. |
بصراحة أحب أقدم أسفي لأني طولت على الإجابة ولاكن كانت لظروف خارجة عن ارادتي..
|
الله يعطيك العافية ياعمنا الغالي ابوثابت
وماقصرت وبيض الله وجهك اخوك ابومحمد |
مشاء الله عليك يأبو ثابت
تشكر وتشكراتي يالغالي |
تسلم أخوي الصلبروخي وتسلم على الأسئلة ..
تسلم أخوي القصيم الرس يالغالي .. ؟؟ |
يالله عاد دورك يانهاااااااااااااااام كل الاصوات عليك .. لاتتغلى تراي ضحيت عشانك ..خخخخخخخخخخ ؟؟
|
السلام عليكم ورحمة الله وبركاته
الله يجزاك خير اخي ابوثابت وماقصرت وانا اصوت للغالي ابوهشام |
تسلم ابوثابت على الاجابات
وحنا بانتظار ابو هشام يالله عجل علينا |
يالله يابو هشام راح أبدى أنا .. ولك الحرية في طريقة إجابتك على الأسئلة .. !!
س1: ياليت تعطينا خلفية عنك بإختصار .. عشان اللي يجهلك يعرفك !! س2: هل أنت راضي عن المتدى في الوقت الراهن أم أنه لم يصل إلى ماتطمح إليه .؟ س3 :هل تخشى الفشل . !! ولما ؟؟ وأفسح المجال لغيري وأنتظر الأجوبة .. |
ماشاء الله بدت الأسئلة مع الغالي ابوهشام
س1 حكمتك المفضلة أو بيت شعر أعجبك؟ س2 لما تتضايق ما ذا تفعل ؟ س3 ماذا يعني لك منتدى البراري؟ س4 ماهي افضل الأوقات في الذهاب الى البر؟ وكنت اتمنى ان يكون الأعتراف بعد الإجازة الصيفية لأن جميع الأخوة الأعضاء في اجازات ومعلوم مافيها من مناسبات وسفريات , مجرد وجهة نظر وبالتوفيق يالغالي |
مرحبا شباب
انا حاضر في اي وقت وتحت امركم لكن رأي الغالي الصلبوخي في محله فكما نعرف ان الصيف فترة ركود كبير والناس في رحلات استجمام فياليت نؤجل الموضوع الى بعد العوده لكم تحيتي |
وعليكم السلام ورحمة الله وبركاته
ولا زلنا ننتظرك على احر من الجمر يعطيك الف عافيه وماقصرت اخوي ربي يجزاك كل خير اخوك الجارح 2000 |
وين العم ابو ثابت
نبدأ في استجواب الغالي ابو هشام ام ننتظر ؟ |
هلا والله .. وغلا أخوي الصلبوخي ... والله انك قدها وقدووود ماشاء الله عليك نبيه .. اجل أجل الموضوع يقول فترة الصيف يبينا ننسا .. خخخخخخخخخخ مادرى إن معنا ذيابه واقفين له بالمرصاد ..!!
يالله أخوي نهام .. وبدون قواعد ولاشروووط إنت بالذات !! جاوب وبس .. خخخخخخخخخخخخخ ؟ أنا أول من يسأل .سر س : كيف تعرفت على المنتدى ..؟ س : هل ترى نفسك ناجحا ؟ ولماذا ؟ س : أنا بصراحة ماعمري دخلت موضوع وإلا والاقي إسمك موجود .. (( إما يلومك أو يشكرك أو يعاتبك أو يثني عليك أو أو أ, ........... الخ )) ؟ ماهذا السر العجيب أهي عواقب الشهره أم محبة .. ماهو تفسيرك ؟ وتقبل تحيات أخوك : أبو ثابت .. |
هلا والله وسهلا
تحت امركم وانا حاضر لكن ارجو ان لا يتجاوز كل عضو ثلاثة اسئله لاتاحة الفرصه للجميع في انتظار اسئلتكم |
هلا وغلا بك اخي الكريم ابوثابت
يالله يابوهشام الله يعينك ويقويك نبدأ بالأسئلة س1 حكمتك المفضلة أو بيت شعر أعجبك؟ س2 لما تتضايق ما ذا تفعل ؟ س3 ماذا يعني لك منتدى البراري؟ س4 ماهي افضل الأوقات في الذهاب الى البر؟ |
مرحبا
عندي كم سؤال 1 - كيف فكرت تسوي هالموقع 2 - هل هناك خلاف بينك وبين مكشات وبسببه سويت الموقع هذا شكرا |
| الساعة الآن 09:23 AM |
Powered by vBulletin .
جميع الحقوق محفوظة © لشبكة ومنتديات البراري 2010