|
وعليكم السلام ورحمة الله وبركاته
هذا التعليم المطور الله يعينك ويعيننا عليه والله فرق بين تعليمنا في السابق الطالب كان يتخرج ويفهم وتظل هذه المعلومات معه مهما طال عمره ولابد ان يتذكر ولو الجزء البسيط وتعليمنا الآن يصل الى سادس أبتدائي ولا يعرف لايكتب ولايقرأ .. والله مصيبه .. ولاأدري ماهو الحل المناسب ؟ ننتظر باقي الأعضاء لعلنا نجد الاجابه الشافيه .. بارك الله فيك اخي الفاضل عبد الرحمن التميمي وننتظر جديدك .. |
اقتباس:
أخي ضيف الله مشكور على التواجد والتفاعل بارك الله فيك وننتظر البقيّة ورأيهم |
اقتباس:
يارجآل هم مآخذينها لعيآلهم على قول المثل ( أدهن السير ويسير !! ) والله لا يحدنا وآنا أخوك على مثل هالأمور ويآليت الوزآره ترآجع منآهجها وبالذآت الصفوف الأولى وأقصد بها الإبتدآئي |
يالله الله يوفق الجميع :)
|
أخي الكريم عبد الرحمن
بنتي تدرس بنفس السنة ثاني أبتدائي وبصراحة تفاجأت من أول ابتدائي والمناهج تغيرت وأضيف العلوم مع إن العلوم نعلم جميعنا إن مادة العلوم تدرس من السنة الرابعة ومع هذا وجدت تقبل كبير من أبنتي للمادة وتفوقت بها والحمدالله أما بالنسبة للرياضيات نحن نشوفها صعبه عليهم ونشيل همهم بحكم حنية القلب طبعاً لكن والله والله بمجرد مايشرح لهم الدرس يتفوقوا فيه بنتي الحمدالله أجلس معاها وقت الدراسة هي تحل وأنا أشرف عليها ماشاء الله تحل بسرعة وعن فهم وعلى مدار السنة الماضية وهذي السنة استلم ثلاث شهادات تفوق والأسبوع الماضي أستلم تقرير نصف الفصل والحمدالله كانت نتيجتها كالعادة تفوق أخوي الي أحب أقوله إن المعلمه أو المعلم هم من يسهلوا الدرس للطالب أو الطالبة فإذا كان متمكن من المادة يستطيع وبسهولة شرحه للتلاميذ وبعدين الأطفال عندهم قوة إستعاب كبيرة وقدرة كبيرة على الحفظ بشرط الفهم أقول كلمة حق المنهج الجديد يواكب العصر والتقدم الذي نشهده وتطور مدارك أطفالنا ونهمهم للمعلومة الجديدة وسرعة تطور عقولهم وهذا رابط لشبكة الرياضيات التعليمية خاص بطالبات السنة الثانية الأبتدائية إن شاء الله تستفيد منه وممكن بنتك الله يحفظها تستفيد منه بعد https://www.d-math.com/1/index.php آسفه على الأطالة ولكن الموضوع يستحق خصوصاً إنه يتعلق بأطفالنا الله يحفظهم ويهديهم |
اقتباس:
|
اقتباس:
بس هناك فروق إجتماعية ...هناك أبناء الهجر والبادية لايوجد مقارنة بينهم وبين أبناء المدن حيث أبناء المدن لديهم مهارات مكتسبة من مدارس التمهيدي مثلا |
اقتباس:
أسمح لي أخوي عبد الرحمن أنا مو معك بهذي النقطة أبناء الهجر والبادية أذكى بكثير من أبناء المدن ولكن المشكلة تتركز بخبرة وإدراك المعلمين وطريقة تلقين الطلاب المعلومة .. أما بالنسبة للتمهيدي مو كل الطلاب بالمدن يدخلوا تمهيدي وبنتي دخلت فصل واحد يعني نص سنة بس أما الكبار مادخلوا تمهيدي أبد ومع هذا ماطلعوا من سنة أول أبتدائي إلا هم يتقنوا مهارة الأملاء والقراءة بطلاقة الأهم والأساس هو المعلم ومتابعة الأهل بالبيت بالمدن من سنتين المعلمين ياخذوا دورات على المناهج الجديدة وطرق تطبيق سياسته أما القرى أعتقد إنهم تفاجؤا بالكتب المطورة وما أخذوا دورات تدربية بس أهم شيء تداوم على متابعة بنتك ولا تبين إنك مستصعب المناهج وحاول أنك تلقنها المعلومة بشكل محبب وصدقني بإذن الله بتشوف فرق كبير بالتلقي والفهم وربي يوفق بنوتتك وكل أبنائنا الطلاب وآسفه على الأطاله :) |
جبتها ع الجرح اخوي عبد الرحمن فعلآ المناهج تصعبت وصارت خاويه من الفائده مجرد حشو ولاحظ في الاجازه الطلاب مايصدقون خبر وتلاقي المعلومات طارت من عقوولهم ولا ادري على مين نلقي باللوم ,,
ماادري اي مبدأ اتخذته الوزراه (( حذو القذة بالقذه )) ؟؟؟!!! يقولون لك منهج اميركي متطور ؟؟!!! حتى المعلمات لما ناقشناهم قالوا حتى احنا تفاجأنا ؟؟؟!!! طيب واللي مادرس المنهج ولا تعود على كذا مسائل ؟؟ بالله مو ظلم للطلاب تغيير وانقلاب تام على المناهج بدون سابق إنذار !!! مع انوا المفروض بما انوا الوضع مدروس ومخطط له من سنوات ولا فيه نظام او تعميد يجي فجاءه المفروض إنوا الوزاره خلال السنوات الماضيه ادرجت بعض المسائل التمهيديه في المناهج القديمه ومافيه مانع تكون محلوله وتدرس على اساس إنها تمارين نشاط او خارج منهج مع دوافع ونقاط تحفيزيه للطلاب عشان يكون عندهم استعداد وتهيئه نفسيه لمثل هذي المناهج ونكون إحنا اولياء الامور متقبلين الامر بكل اريحيه وعندنا خبره كفايه عن مثل هذي المسائل اما قضية خذني جيتك فهذي والله مو حكايه .. مع اني اوافق اختي ام محمد في قضية انوا الاطفال اشطر منا وانوا بعضهم ماشي مع المنهج بحسب كفاءة المعلم وهنا معقل الفرس !!!المعلم الملم والناجح او المعلم الفاشل الكسول اللي يأدي واجبه بلا مبالاة ويمشي اسم اني شرحت ,,, والقضيه هذي كنت اتلكم فيها قبل امس انا وزوجي وكيف اننا عشنا ايتام ولا احد التفت لنا وقال ذاكر او ركض ورانا او عبينا البيت من المدرسين الخصوصيين مثل حال اولادنا وعساهم يفلحون بعكسنا اللي مازالت المعلومات راسخه ونعلمها اولادنا وهذا بفضل الله ثم الكفاءات اللي كانت فعلآ تستحق وسام المعلم ومو بعض المعلمين في وقتنا هذا وان جيت للحق فالمعلم يلام ويعذر في كون اكثر الانظمه في صالح الطالب بدءً بـ ممنوع الضرب وأنتهاءً بـ طريقة التقييم وطالب بلا حقيبه فهذا هو الدلع بعينه والخراب والكسل اللي اعتاد عليه الطلاب ,, عفوآ للإسهاب لكن الموضوع يحتاج دراسه ومعالجه لا نقاش ,, شكرآ لك اخوي ......... |
اقتباس:
فعلا يجب أن يكون المعّلم ملمّا بالمادة هذا أولا وثانياً تعاون البيت ولاكن هناك ملاحظة أيضاً في وحدة السعة قارورة صحة فارغة وبجانبها ملعقة وكوب طبقت هذا بالمطبخ أنا وبنتي وجت كالتالي تقريبا 60ملعقة وكوبين ومن بكرى قالت الابلة الاجابة خطأ؟!! كيف حلها ...مشكووووووووووور |
| الساعة الآن 12:21 PM |
Powered by vBulletin .
جميع الحقوق محفوظة © لشبكة ومنتديات البراري 2010