|
هلا وغلا بالشيخ حاتم ( أسفرت وأنورت ) يخوي لك وحشه والمنتدى مظلم من دونك والشباب طبعآ فيهم البركة وبعدين غير توقيعك الله يحفظك ونزل صورة سيارتك الجديدة وإلا خايف من عين مديرنا هادي https://www.alganasah.com/vb/images/smilies/biggrin.gif هلا بالمعزب والهامور يفداك الموتر وراعيه يبوناصر تراه كومة حديد لاراحت ولاجت المهم متى نفطر عندك على دخل وقميري ( طرار ويتشرط ) https://www.alganasah.com/vb/images/smilies/biggrin.gif الغالي الجنـ 2000 ـوبي ترى الشيخ هادي يعرف الكفت لكنه يتلكع |
طيب ليش ما تصور لنا المكينة وكيف تم الترهيم
نبي نتعلم نك اخوي عاشق الا اذ تتغلى علينا وعلمنا وش الورش الزينة في الرياض ترانا يا اهل سدير عليميه في الورش |
الأخ : ولد سدير وش عليه نتغلى وأنا أخوك ؟ أبشر بالسعد لكن صبركم شوي والموتر يحتاج بعض الصور الواضحة خاصة الفيديو ولازلت أبحث عن كاميرا قبل كل شي وبعدها يهون كل شي |
ماشاء تبارك الله
موتر كامل مكمل الله يوفقك ويبارك لك |
وعليكم السلام ورحمة الله وبركاته
الف شكر على هذا الموضوع الا هل تصلح ترهيمات على الهايلكس انا اذكر هادي مسويها بهايلكس معه زمان مركب مساعدات قدام وورا ومغير في السست يعطيك الف عافيه وماقصرت اخوي ربي يجزاك كل خير اخوك الجارح 2000 |
اخوي عاشق الجبل
الله يستر عليك وعلى موترك لكن سؤال ... الا يؤثر عزم وقوة المكينة على توازن الموتر اثناء السرعة العالية ؟؟؟ يعني مايصير فيها انحرافات يمين ولا يسار عند السرعة نظرا لقوة المكينة مع عدم انسيابية السيارة ؟؟ |
أخوي عاشق الجبل
الله يعطيك خيره ويكفيك شره .. بس الله لا يهينك أرفق على نفسك شوي جيب وتمشي به فوق الميتين تراها خطر وأنا أخوك ... |
السلام عليكم
الف مبروك يابو منصور واخيراً بعد جهد تحقق الحلم اخوك المحب راعي كيف ابو ناصر |
الأخ محب النفود الكامل وجه الله والموتر الأن أحسن من الصورة الأخ الجارح 2000 كل شي قابل للترهيم هاليومين ( أرخ الدراهم ) الأخ وحيد11 ماشاء الله عليك . . . نعم هذا صحيح وسبب ذلك ليس من خف وزن السيارة فقط بل أرتفاعها بالإضافة الى أن مكينة الــ إس إس خفيفة جدآ لأنها مصنوعة من الألمنيوم طبعآ أحد الشباب معه مثل سيارتي يقول أنه وصل الى سرعة 250 كيلو متر بالساعة على القارمن ( وهذا تهور لاداعي له ) صدقت أخوي الأسطورة . . . لكنه فترة التجربة قصيرة جدآ والله خير حافظ هلا براعي الكيف لازم أشوفك وتركب معي علشان يتبارك الموتر |
ما شاء الله قسم رائع ويحتوي على موضوعات جديدة كليا
الله يجزاك خير اخوي على هذا الموضوع وما رديت الا من حماسي لي شفته اخوك الصاعق |
| الساعة الآن 03:44 AM |
Powered by vBulletin .
جميع الحقوق محفوظة © لشبكة ومنتديات البراري 2010