المشاركة الأصلية كتبت بواسطة الإستراتيجي (المشاركة 1851237)

السلام عليكم ومساء الخير جميعا شدني المقطع بس تمنيت فيه فائدة جديدة وتعليقي عليه :

أخوي هاوي الشمال مشكورا الموضوع منتشر قبل 30 سنة عند شيبانا وكانو يتكلمون عن البرق عبر المذياع والرجل والنعم فيه ماجاب شيء جديد ولا إكتشاف جديد حيث أن كل قرية من قرى نجد كانت تستمع للمذياع في الليل وتخبر وتبشر الأهالي بقرب السحاب وكان هناك شيبان يخيل السحاب وكان إن تكلم قالك جاك الخير بإذن الله تعالى ما يخيب كلامه مع أنه سدى أو سحاب عادي لكن خبرته يتبين بين سحاب وآخر والرياح وأخرى غفر الله للميت منهم ورحمه وأسكنه فسيح جناته و الله يمتع كل حي بصحته وعافيته .

وكانو يخرجون في البرح الكبيرة والسطح في البيت من بعض الشيبان أيام قبل ما نعرف التقنية

وسبحان الله كانو مع أنهم بسطاء إلا أنهم متعلقين بالله سبحانه ولا يخيب رجائهم بعكس حالنا حاليا ولا أنسى أننا كل فترة نستسقي فيها يكون السحاب مخيل على ديارنا ثم بعد الإستسقاء يخلب وماعاد نشوفه

كانو يستسقون وينتظرون الخير ويجيهم ويتباشرون به بل إن الأولين قبلهم يوم يستسقون وعلى كلام كثير أنهم لما يخرج يروح ينظف سطح بيت الطين وذلك لأنه متعلق بالله سبحانه .


وللأمانه شخصيا كنت أيام ما تجي الجوالات كنت أتسمع للبرق وأطلع فوق الطعوس أخيل البرق لوحدي إلى أن يقبل على الديار وكانت من أمتع الأيام .


والآن ولله الحمد التقنية جابت لنا البعيد وخلتنا نتابع كل حاجة :) وإن شاء الله نتعلق بالله سبحانه ولا يخيب رجانا ....

وتباشير إن شاء الله في الأيام القادمة بإذن واحد أحد

المشاركة الأصلية كتبت بواسطة الإستراتيجي (المشاركة 1851253)

الله يجيب الخير لكن المرتفع يا أخوان مؤثر حتى الآن على مناطق حتى الآن والله العالم أنه ممتد لحد اليمن


يعني الساحل الغربي و شمالي المملكة هو المستفيد من الوضع الراهن


الله يزيدكم أمطار وخيرات


والله يبعد عنا هالمرتفع إلي سبب لنا هالجفاف وكل مسبب لجفاف المنطقة الوسطى وجنوب المملكة .


ننتظر رحمة رب العالمين و الغريب مافيه إستسقاء لحد الآن !!

المشاركة الأصلية كتبت بواسطة فتاة البراري (المشاركة 1851257)

ان شاء الله تكون عامة على المملكة يارب وتكون امطار خيــر وبركه

بالنسبة للرياض دايم تكون امطارها بشهر مارس :w10: صح والا انا غلطانه ؟

المشاركة الأصلية كتبت بواسطة هاوي الشمال (المشاركة 1851255)