وكان برضوا يجي فيها برد كثيف ويستمر كل يوم من بعد صلاة الظهر إلى 10 او 11 بالليل
وكان الامر جدا طبيعي كذالك
والمفترض الي يكون مستغرب كيف كانت اشكال الشعبان والوديان اول؟ وكم كان عمقها وكيف إذا مشت وكبرت وكيف صوتها من بعد كيلوات
وكيف المناقع الي تستمر في الخبرات والحيالات. طوال اشهر الصيف الحار وتشرب منها الغنم لحد الوسم .
الان يمشي الشعيب دوبك تسمع صوته وانت عنده
بينما شعيب الخشيبي كان بعده عن بيتنا تقريبا كيلو إذا مشى في الليل جاي طلب نتروع من الصوت الي مانعرف وش هو لحد مانكتشف بعد وقت ان هذا مشي الشعيب

إستكمالا للمشاركة السابقة

مايقال عنه تطرف في المناخ في الفترة الحالية اغلب من يقولون هذا الكلام يقيسون على فترة 20 سنة وما تلاها إلى الان
المقياس الحقيقي ماقبل ذالك بكثير
حيث كانت الارض مراعي خضراء مستمرة من الوسم إلى الوسم
واتكلم بذالك عن نجد تحديدا
للحديث بقية لاني منشغل بالخط 🌹

كلام سليم

واعتقد اننا بدأنا تدريجيا في العودة لما كان قبل مئات السنين ... لو ركزت في الاودية وجدت فيها احافير اصداف وقواقع ... وهي لا تتواجد الا في الأنهار

عموما التلميحات الامريكية لامطار موسم الصيف لا بد ان لا نعتبرها تهورا ... بل من الممكن حدوث تغيرات مناخية بحيث تصبح السنة بكامل فصولها موسما للامطار او حتى للغبار

وش سالفة الافلاج .. يعني عشانها على طرف الربع الخالي تصير التوقعات عليها صفررررر

الله يرحمنا برحمته

فيه منطقة شمال غرب الرياض اسمها الداهنة يوجد بها من المتحجرات الكثير على شكل اصداف و محار و سلاحف متحجرة جمعت منها الكثير

شكرا أخي زياد الرشيدي وفعلا التوقعات رهيبة إن تحققت وهي فعلا توقعات رائعة ولاكن بإذن الله أن تتحقق من غير هدم ولا غرق ولا ضرر

علينا نشو ركامي ماشاء الله قبل الحالة اجل كيف لو بدت الحالة راح اطلق تحذير لمدينة بريدة وضواحيها اتوقع يوم الثلاثاء اقوى من الحالة اللي راحت لازم تستوجب التنبيه على محافظات القصيم اتوقع الله اعلم سيول قوية ماعمرها سيلت معظم القصيم وربما يسيل وادي الرمة بشكل نادر هذا والله اعلم