|
اللي معه عقله وابصــره
يصير يامسندي صـاحي لاتامن الدرب للبــــصره لو شفت بالدار سواحي |
وداعا للكسرة حتى يعود أستاذ الكسرة ذعذاع
المجلس يتشرف بحضوركم .. https://www.albrari.com/vb/showthread.php?t=71901 |
إلى متى يا نفس وأنتي شقيّــه .. .. إلى متى وانا معك حرب وعناد ؟
|
أما تفكر يوم قرب المنيــه ! .. وان الحروف الممتعه بعضها إلحــاااااد
والمشكله والنصح ما فاد فيّه .. فديغ قلبه .. ما .. عرف كيف منقاااد ! يالله سألتك شربةٍ لــه هنيـــه .. من حوضك الطاهر عقب نصب واسهاد |
لاهنت يآحضي العاوي
ياللي بليلك تزيد عواك بالله ويش انت لي ناوي يوم ابتدا بالصدر مسراك ســـــــــــــــــآهر |
يآهيه يالفاتن الحاوي
اللي لك الزين كله جاك يآغصن بين الشجر راوي سبحان من صورك واعطاك ســــــــــــــآهر |
درب الهوى صدق ماياوي
ياكثر مابه تزل خطاك من ماضي الوقت هو كاوي تقتل ولافيه من ينعاك ســــــــــــــــآهر |
دق المعاني وشد السور
واحرص على القاف والوزنه واسقف وشطب من أول دور وحط المكاسيب بالخزنه ســـــــــــــــــــآهر تصبحون على خير (: |
هات القوانين مع الدستور
واشرح بنوده لنـــا وسنه واللي تجاوز نبيه محذور لين يعتدل ما يجــــي منه |
كلن يترجم أحآسيسه
بأبيات تعرض لكل الناس يلفي بها من كواليسه من بدع مآيحتويه الراس ســــــــــــــآهر |
يآزين هبت نسانيسه
روض خضر مكتسيه ألمآس متمآيل وفيه تقويسه ومن كل جانب عليه قياس ســــــــــآهر |
وبجانب الـــرّوض تلبـيسه
وشاعر يهلّ الشعر بإحساس أونس بصدره فوآحيــــسه والشـــوق زوّد به الوسـواس رذاذ |
يبدو انه مأخذ لــه تدبيسه
من بوعيون واسعة نعاس ومـــــانسمع إلا تعـاطيسه الله يجـــــيره عليـه لاباس |
مدام ساهر يجي ماغــــاب
احلى القوافي بنلقاهــــــــا نفرح ويفرح به الاصحاب وكسرتكم نحب نقراهــــــا |
هذا زمنا زمان إرهاب
حتى الخطوط نتعـــداها على الحيا نجمع الاحباب والناس صعب نتحدااهــا تحيتي |
اشرفت انا عالي المرقــــاب
نخفف على الروح ماجاها اقضي شبابي وراسي شاب ودورات الايام نخشاهــــا منور ياساهر الليل |
اقتباس:
ياشاعر نلت حسناها وكسرات لأجلك تراها تجاب ولأصحاب الاذواق جبناها ســـــــــــــــــــآهر |
اقتباس:
عيني ترى قدرت ماهآ جرح مضى واحسبنه طاب أتلف لي الروح وعضآهآ ســـــــــــــــآهر |
يآسآهر الليل حلمك وين
إرقد عشان يتحقق لك إرقد وسآمر رموش العين مافيه داعي اوضح لك الذعذاع |
وين انت غايب ولك حولين
وقيفان الاشعار تشعب لك درب الهواوي وحول وطين وكل العنا فيه يحسب لك ســــــــــــآهر |
ابشر بذعذاع ياســـــــــاهر
عود على منتدى الكسرات هو عارف الفن به مــــاهر ارحب ترى زانت السهرات |
غمضت عيني وشميته
الورد يفرق عن النعناع يازينها يــــــــــوم لميتــه نسمة هوى عطرها ذعذاع تحيتي |
جبته وشلته وحطيته
ونزلت به اشتري وابتاع وابلشت قلبي وعنيته ياكثر ناس عليه جياع الذعذاع |
العام واليوم ناديتـــــه
بحثت عنه ولكن ضاع قلبي عن الحب صكيته يكفيه مافيه ياذعذاع تحيتي |
وين إنت ياسيّـد الكســرآت نآديت لك سرّ وآجــــآهر أبطيت غآيـب تعآل وهــآت من فنّ أصبحت به مآهر رذاذ |
الله يرحم زمان فات
يوم الحيا عله الماطر الحر شلهب هكالوردات حتحتهن القيض ياساتر |
موجود يآزينة الخفرات
سآهر ببستآنك الزاهر أزين القاف والكلمات لعيونك وقلبك الطاهر ســــــــــآهر |
أحيآن تسهــــر ولك حزّات
وأحيان في بُعدك تجآهـــر أهـلاً هــلا قلتــها مـــــّرآت بحضورك اليوم ياسآهـــر رذاذ |
الحر والهجر كــله نار
ياهل الشعرما تطفونه ابياتكم تســــعد الزوار واللي شكى لا تخلونه |
الحر لا صار فيه غبار
من المطر يغسل حزونه والهجر يقضي على المحتار تاكل هواجيسه اظنـــونــــه |
من عاش مآضي يجيه طيآر
مآحيلته غير بلحونه لامرته قال ياستار يآويل حالي على عيونه ســـــــــــــــآهر |
طير الهوى طول المشوار
ردوه ياللي تشوفونــــــــه مافيه احد يكرهه بالدار الكل منهم يحبونـــــــــه تحيتي |
طير الهوى اظن له محدار
قلبه تعلق بمظنونــــــــــه وان كان به طول المشوار ياناس لا لا تلومونـــــــه |
وين انت يالشاعر الذعذاع
أزعلت ربعي وجاريتــــــك قهويتك الشاهي النعنـــاع وفي عالي الصوت ناديتك |
العين عن النوم جاهـا شي
ماتقبل النوم لو غطه انا ادري ان السبايب هي ام الجدايل ممشطـه |
ذيب الجبل شايفه يشكي
قريتها من أثر خطـــــه يعظ الاصبع إلين الأي ريح الشمطري وله عطه |
اقتباس:
يآشآعر ذآيع صيتك قلبي مع الصيد والمطلاع ولولآ الغلا كان ماجيتك الذعذاع |
يالصيف لا تنتظر شعــــار
راحوا عن النت واخبــاره كل ضرب له طريق وسـار ومصير كــل عـــلى داره |
مادام صيفك مولع نــار
وابعد مواصيلك الحاره ماازين من مكيفٍ هدار وسليك للنت والفـــاره |
ياراعي الصيد والمطلاع
ماعمرك الصيد ذكيتــــه مااظن عندك جويب شراع لا دلهم الليل سريتـــــــه ؟! |
| الساعة الآن 10:07 PM |
Powered by vBulletin .
جميع الحقوق محفوظة © لشبكة ومنتديات البراري 2010