|
" وامتدّ ليلٍ فرّ من قبضة الموت ،
ياما .. سهرناه وقرينا كتابـه " عاطف الحربي |
لو يمرك شي من صوتي ، أمانه :
شف لك أقرب ريح بتجيني و ردّه |
لو صافح النور يدّي ماعلى الذاكره :
غير انّها ف العمر يا كثر ما لوّحت |
اختصرت "المسافة" عن طويل الأنين
يوم صوت الحسافة من غيابك صحى ! ، واتخذت "الموادع" ظِل شمس الحنين يوم منك التجاهل ، غصن حلمي، لحى ! ، اختياري " المفارق " حَلّ .. للـ أجمعين دام لا جيت أبكتب وصل، صدّك محى ! ، راضي به لو إني جِعت " قربك " سنين فـ لا وصالك "سنابل" ولا حنيني رحى ! |
وإذا قضيتوا من سنينه ومقفين
ياحيّ من زار المواجع .. وخفّف . حصرتوا اللي حبكم بين شيئين : قلبٍ تعفّف ___ خاطرٍ ما تعفّف |
للحين في دربي خُطاه
للموت بكتب له قصيد من راح والدنيا وراه أسترجع حكايه واعيد ماكان بالدنيا حياه ماكان للساعي بريد ماكان للقارب نجاه ماكان للحاضر جديد لو كان ماخذني معاه ماكنت ب لحالي وحيد |
كيف اكون انسان في معزل عن انسانيّتي؟
وكيف يرضيني من انصاف الحلول انصافها؟ تقبض الكلمة ورى الكلمة ثمن حرّيتي يوم احررها غواية من قيود اسلافها كان يغريني وانا محتاج قيمة ديّتي (كلمةٍ) مايستر العاري سوى شفافها ماقدرت احمل على اكتافي طهر مكيّتي واستحيت آعيش زي الناس.. فوق اكتافها عبدالله الكايد |
أغمّض.. ثمّ أنا بين النبيّ وصاحبه فـ الغار
أسافر في شعور أبوبكر وأنام فـعروقه واهاجر للمدينة واطوي البيداء بـ قلبٍ حار .. يظن انّه يسابق كل صبح لـ موعد شروقه ! وافتّح ، واثرني بين اربعة جدران صرت جدار ولي جرحٍ زنازين الورق تستاحش فتوقه عاطف الحربي |
من شْقوقٍ سهى عنها الجدار وساكنين الدار
وبيبانٍ من ايام سْكنوا ماهي بـ مطروقه .. عبر ضيّ النهار وفجّ صدر اللي معاك احتار إلييين انّه تفاجأ وانصدم في كثرة شقوقه !! عاطف الحربي |
الجروح فـ بعض الاحيان تاخذها الحميّا
و"الكتابة جرح" قد ايش جرحي بالسهوله سامح الله طيبة القلب يا طلق المحيّا يومها خلّت عيوني عن عيوني خجوله فـالمرايا كل ماشفت دمعي لي تهيّا استحيت وقلت هذا شبيهي فالبطوله وحدتي جنة مـ دام الكتابة في يديا وموتي: بـ شيِّ على البال مااقدر اقوله عاطف الحربي |
يا هي سنة..وفصولها ما هي فصول
صبّت ضماها في عيون المرابع كنّ الفصول الأربعة فصل مجهول يعود لي ثاني/ وثالث/ ورابع ! جفّ السراب ولا بقا شي معقول إلا إني أجلس في مكاني وأتابع أشرب ضمايه ،من ضمايه ،وأنا أقول: كذب السراب ولا جفاف المنابع محمد الاسمري |
سألت عن راع السنين العجافي
وصلتني علومه حكايا وبسمات وانا ذبحني في غيابه جفافي دايم لسمعي هرجته بين الاصوات كيف اتعامل معك وانت ارتجافي واساير ايامك وانا فيك موات |
مبارك عليكم الشهر الفضيل
أسأل الله تعالى أن يرزقنا في هذا الشهر الصيام والقيام إيماناً واحتساباً وأن يوفقنا لقيام ليلة القدر وعلى المبادر لكل عمل صالح يرضي عنا ربنا تبارك وتعالى . |
رحم الله من كانوا يفرحون معنا لقرب رمضان
رحم الله من كانوا يزيدونه حلاوة وجمالا رحم الله من هم الآن ينتظرون دعواتنا لهم فى قبورهم . اللهم ارحمهم رحمة واسعة تنير قبورهم اللهم ارحمهم رحمة واسعة تزيل وحشتهم اللهم ارحمهم رحمة واسعه تبشرهم بها بعظيم مغفرتك وواسع فضلك وجمال جنتك |
اللهم أنت أحق من ذُكر وأحق من عُبد
وأجود من سئُل وأكرم من أعطى الخلق خلقك والعباد عبيدك وانت الله الرؤوف الرحيم نسألك بنور وجهك الذي أشرقت له السماوات والأرض أن تقبل صيامنا وقيامنا وصالح أعمالنا وارحمنا يارحيم واغفر لنا واقبلنا في عبادك الصالحين |
يارب خذني من العزلة لحلو الحياة
وارزقني الفرحة اللي ما تخيّلتها |
واللي على اصغر عيوبي ماتحملني
يا مرحبا بالظروف اللي تقفّي به |
اللهم لك عباد ينتظرون فرجًا فبشرهم ، و عباد يسألون شفاءًا فعافهم ، وعباد يرجون رحمتك فارحمهم ، و أموات ينتظرون دعاءً فاغفر لهم
|
|
شمس القرى ما صدّها بارد الطين
هجيرها فج القلوب الحزينة من شيحها مرّات اسوّي بساتين وْبترابها مرّات اسوّي مدينة اسعد الروابة |
عوّد الليل ... ليل المتعبين القديم
واصبح الصبح .. ماياوي لجفن وهدب والحنين المسافر في ثياب النسيم مرّني .. والبس اللحظة مسافة تعب! |
. عدّت سنه ولا تغيّر معك شيّ
ما عاد باقي غير اوافق واتمم دامك مصمم لا تحط العذر فيّ انا بعد على فراقك .. مصمم اخر علاج لجرح تقصيرك .. الكيّ نهاية اهمال الجروح .. التسمم مليت اطوّف ذيّ واجامل بذّي انت تهدم وانا اتغاضى وارمم اول عليك ايمم احساسي الحيّ والحين .. ما والله اوجّه وايمم احلامي اللي من قبل عام وشويّ نفضتها .. نفضة تراب التيمم ما احب اعمم بس ما حسّها ليّ ومن كرهي للي لك .. حبيت اعمم محمد الجارالله |
ماعاد اميز متى الخميس والجمعة
ولا الغداري والا النسناس والقمرا ولا السوالف ومتى الاصحاب مجتمعة معاد باقي معي منها سوى الذكرى |
اقتباس:
تحياتي |
|
خلّي جروحي عنْك، لا تنشديني
و تبسّمي لا شفتي الدمع همّال اليوم !! حتى جيّتك .. صدقيني ما وسّعت خاطر ولا ضيّقت بال سلمان البلوي |
"الحسايف يوم تصحى وتلقى العمر راح
مابقى إلا مثل ريشٍ تقفّته الهبوب ماصحيت إلا على الشيب في عارضك لاح أشرقت شمسه وشمسك على وقت الغروب والحسايف يوم ليلك يطول بلا صباح لين تنسى كل امانيك واحلامك تذوب " عبدالله الطلحي |
.
اجي لك بسمةٍ تخفي وراها ذكريات وحزن واعود بخطوةٍ تفقد مع الواقع توازنها اعرف ان الضماء قاع وسنابل تنحني للمزن وانا حنطة بخيلٍ والفت وحشة مخازنها تهيّا للرّحى والجمر وكفوف البشر والوزن ولو هي في يدي لادفن زماني في هوازنها صالح اللذيذ |
ماشاب لوني ذا بياض القديمين
على بياض " قلوبهم " لونوني كنت اتمنى يوم , راحو مقفين " ما كبّلو : يدّي ولاَ .. قفلوني " |
سد باب الوصل، فيني مايكفّي
مالي بوصلٍ يورّد للمهونة رفرفي ياروحي، ويانفس عفّي "مابي اللي كل خلق الله يبونه" خل صف الناس.. تلقاني بصفّي وموقفي لو حاولوا مايوقفونه لاحقٍ شفّي، ولا أبغى غير شفّي وشفّ غيري، جعل غيري يلحقونه. |
وتمر الايام الحزينة ، وبالي :
ما بين ذكرى ، وارتباكه ، وتفكير .. رحتي وخليتي لي الصبح : خالي .. لابه شجر أخضر .. ولا به عصافير .. ! |
انا اتسلف حضوري من غيابك واغيب
غيابك اللي غدو فيه الضحى من غدو دايم تقولين وصلك يا غناتي قريب وانا بدوي وادري ان وصلك قريّب بدو |
يا سقف الاحلام طاح اللي عليه الكلام
ما عاد انا حمل لاحساسي وحمل اسئله : وش حيلة النور والدنيا تمدّ الظلام : مع كل ليلة غياب | و كل ليلة وله ؟ |
يربك الليل صدرٍ من مواجعْه فاض
وش يسوّي ، من عزاز البشر خانته ؟ ما لقلبي على المقفين ، أي اعتراض و الله المعطي اللي رجّع آمانته |
طافت سنين العمر والقصد ما تم
وافز له لبيه لوحيت داعيه |
" وان أنكر الدرب رجليني وعاف الرصيف
دوّرت لي غيمة ٍ ترقى السلالم ... سما عذروب هالناس ما تبغى الشعور العفيف تركض ورا هالسراب و تنخدع بالضما " مناحي النفيعي |
"لو عشت تستر خطاياهم بثوب السماح
بتشوفها من طرف كم الليالي.. تويق". |
طاح من صدري مبادي ومن جنبي حزام
قلت لصدوف الليالي وقالت لي فدا كان فالشكوى تردّي وفالحاجه ملام والله أنّي ل أدخل القبر ماجاني ردا |
كـل عـام نرقــب الجـو الجـمـيــــل
وكــل عــام تمـضـي ايامـه بحين مـايدوم الحـال هـذا مسـتحـيــــل وكــل وقـــت راح يـبـقـى لـه حنين |
-
جيت أقول الكلام اللي بصدري و أروح للضياع .. و ضياعي عقبك أربع جهات ! في عيوني دموع و في خفوقي جروح و المشاوير من صمت لذبول لشتات ! كنّي اللي عجزت ألقى بدونك طموح وإنت واقف ما بين الجاي و الذكريات ! ما بقى من رحل صوتك .. للأيام روح، ولا بقت ضحكة و ليلة شعر و أمنيات! |
| الساعة الآن 04:57 AM |
Powered by vBulletin .
جميع الحقوق محفوظة © لشبكة ومنتديات البراري 2010