|
هلا باللي يناجي من هيامه صوت مـوالي
الى منه سمع صوتي قمز واقف يجاوبني غلاه بخافقي يشبه غلايه لاصغر عيالي حضوره يزعج العاذل على شانه يحاربني |
الحر ولع ذروته تفقع الراس
كلن يصيف ياعرب وسط بيته نسمة هوا أبها تغلغل بالانفاس لولا الغلا فيها مصيفي قضيته |
يا ابريل جيت ورحت ما من محاصيل
ما شفت بك برقٍ بعرض المخيلة وين السحاب اللي يسوق الهماليل اللي يرد الروح وبله وسيله لا شك عنا حابسه حابس الفيل ولا لنا في دفع الاقدار حيله بشايرك صارت كما كذبة ابريل اتكذب الغطاس في كل ليلة اليوم يا ما عيني تخيل وتخيل واثر الغمام اللي تخيله نثيله غدا النهار بعجها كنه الليل وصار الفضا معها بستين نيلة , , , , اللهم لا اعتراض |
المزن ساق وشفت نوضه شمالي
زان وتحدر في ثقيل المزوني أخيل براقه بحد الخيالي عله من ألرحمه يهل الغشوني |
عسى الشهور القادمه كلها سيل
ولا هي على الله ياولد مستحيله خل الأمل بالله من دون تأويل كانت ربيع وديدحان وخميله |
لحقت براقه بسرعه لحالي
من قو برقه خفت يعمي عيوني السيل مع دربه وبرقه يلالي هذا هوى نفسي وقمة جنوني |
أربع شهور وعقبها يطلع سهيل فيها الضبي يبي يغير مقيله ولاشفت نجم سهيل لاتامن السيل وراع القنص يبي يراسل زميله |
اقتباس:
اربع شهورٍ حريقصر بها الليل واليوم عن يومين مافيه حيله خلاص انا ابضف كل المعاميل وعلى الديار الوارفه والظليله |
يا مسوي الفنجال لا تكثر الهـيل
ادغث عليه شوي من زين هيلــه عطه العريمه خص من دون تقليل الشاعر اللي مــــا يجيب الهزيلـــه |
من يستطيع من الشباب الاستفادة من أي كلمة قافية
وتوظيفها بمعنى أفضل مما وردت به ، فلا مانع ، تحيتي |
اقتباس:
مجدولها يطرق إلى حد الاقـــدام من خلقته ما فيه شخص سبرها بنت الرجال موردة حوض الالغام ماوزعت بين الحبايب صــورها |
لا طبت الميدان في عرس الارحام
ما شفتها في ذمة اللي ذكرهـــا قالت بأن الله كسا جسمها خـام خام البياض تعطره من طهرها ما زلت أنتظركم ... |
ياللي توجهتوا لكازا ومكناس
ما تاخذون اللي كره شوف بيته وخا مراكش والغرانيق في فـاس وروني اللي ما سبق وان رأيتــــه |
ياللي تجر الصوت من حر اﻻنفاس
طار الحمام وما بقى اﻻ مبيته بعض الطيور توقع الفاس بالراس وبعض الطيور أشره علي ﻻ شريته |
اقتباس:
الضومري حقه قعود وعشر حيل وأحسها انه بحقه قليله من غير قاصر بالرجال الحلاحيل اهل الكرم واهل المهار الاصيله |
اقتباس:
أثرك خبيرٍ بالسباحه وغطاس وتجود المبنى لامنك بنيته من الذهب تملك قناطير واكياس اطرب واشوش لبيتك الياقريته |
اقتباس:
ورجم الشعر من شان عينك رقيته لو كان مالي فيه ياخوك مجلاس صفحه من الماضي وبيدي طويته ,اعتذر أن لم أوفق فيما أقدم سواء بالمعنى أو القافيه فكما تعلم (( لست بشاعر )) |
اقتباس:
مشكور ماقصرت ياطيب الساس ماخاب ضني يوم فيكم هقيته الشعر يامحمد ماهو لناس عن ناس وانته يابو خالد خذيت وعطيته |
راحت ولدت واستدارت وردّت
ولع بها البارق ولجلج رعدهـــــا أول مطرها وبل بعدين شدت لين غسلت نفس العنى من نكدها |
يا جماعة خير والله ما يصير لا يضيع الحق في وضح النهار تجمع النملة ومن حــظ البعيــر التخــفــي خلــف اســم مستعار |
ياللي تــوايق يشـهد الله عرفناك
احساسي المفرط عرف حس ظلك ادخل تفضل نـمت وانا اتحــراك البيت بيتك ماانت ضيف بمحلك |
يا الله على الفقره نشـد الرحالي
أروج بسرعه لا تأخر عليّــــــه تراي ناويها لو اني لحـــالي برادها يشفي النفوس الشقيّه |
خلك مع البزران وام العيالي
احمل لها الاكياس بالقيصيرية |
في راس ضلع الاحمدي شبت النار
برادها يسوى براد المكيف مصيفها روعه وتحري بالامطار انصح شباب المنطقه به تصيف |
أهدي لكم مسواك غصن البشامه
من عالي الفقره قطفته مسيان |
ترى البخيل اللي بخيل بكلامه
اللي على الكلمه تقل يدفع فلوس والا البخيل اللي بخل في سلامه دوره على الصفحه مثبت بدابوس |
يكفيني انك تطالع كل صفحاتي
اكتب وتقرا وهذا اللي مريحني خلك على جرتي شاهد نهايــاتي تبطي عظم ياصديقي مانت طارحني |
الله يرحم بـلاد الشــام
ذكــرى جميله نغنيهــا كانت لنا في زمن صدام واليوم ضاع الامل فيها |
ياخوي الدرب والله ما يصير .. ما تكلم ليه ؟ في فمك بلام !
ضاقت السكه على صدر البعير .. والشوازل طيرت سرب الحمام |
اقتباس:
جيتكم مستعجلٍ وقتي قصير ومالقيت من الشباب الا الركام والبعير بعير وانته يالامير الحمام اللي تقول اصبح يمام |
لا بذلت الجهد بالسيف الشطير ما عليك ولا على الفاطر مــلام يا أسير العاطفه أنت السفير للقلوب الصافية أجمل سـلام |
الجمل وان رغا عقب الهدير
................اتركه في مبركه وارم المسام مايقوم ابحملته دامه كسبر .................نزل الحمله عنه وارم الخطام |
الجمل يهدر على جال الغدير
ولا ينكد مشربه رمي السهام ولا تأثر بالصياح و بالصفير لو يصدر قل على البير السلام |
ليت بن فرناس منها مستخير
يوم فكر يعتلي فوق الغمام بس أنا بسألك دامك مستنير فعلته هذي حلال أو حرام |
فكرته باسبابها العالم يطيــــر
صار فوق الريح طاير بانتظام ماحلى المقناص مع حزة عصير لا لمحت السرب يبحث عن منام |
اقتباس:
الزمان اليوم شرٍ مستطير وش نقول وش نخلي من الكلام الحقيقه مايشاهدها الضرير لو رفعت الصوت في وسط الزحام |
صحت ألسنتكم ومتابع معكم
|
ياراعي العرض عرضك ما يكفيني
ارفع عروضك زياده يمكن اقبلها إلى متى وانت ساكت ما تحاكيني افتل من الشعر وانقض شعرو افتلها |
قلت عروضي من اللي شافته عيني
واليوم باكتب لك الأبيات وأرسلها مدري البلا فيك والا ان البلا فيني هذي علومي من آخرها ليا اولها |
يكفيني إني إذا ناديت تاتينــي اكتب لك أبيات تاصل قبل أكملها ما تدري انه عليك البعد طاويني اصبّر النفس في رؤياك أعللها |
| الساعة الآن 05:07 PM |
Powered by vBulletin .
جميع الحقوق محفوظة © لشبكة ومنتديات البراري 2010