|
اقتباس:
لا تغير الورد وردك فاح خلك كذا وارفع الشيله يستاهل اللون والمفتاح وباقة من الفل نهدي له شكرا لإبداعكم واختياركم البراري دون غيرها تحيتي |
اقتباس:
راع الدبش للربيع يحيل لو حده البعد يمشي له وقد قالوا الناس من لايعيل يبلش له بناس عييله ســــــــــــــــــــآهر |
اقتباس:
والله ما شفت منه ميل أفرح ليا جت مراسيله وان راح دمعي عليه يسيل وامسح دموعي بمنديلـــه أنته معي قابل التحليل مادمت غامض وش الحيله ؟ ياساهر اذا ما تعلمت الكسره من تحت يدك ، فلن أتعلمها ما حييت .. استاذي واستاذ الكسرة .. الله ما أجمل الكسره ، إنها أعجبتني ، كسر .. كسر.. لاكسر الله لي ولكم خاطرا . تحيتي |
ياسآهـــــر الليل لوني رآح
اللـي أحبّــه ومــرتاحـــه والدمع من مُقلـتـي قد ساح والقلـب زادت به جراحـه رذآذ |
الموف وسط العروق اجتاح
منه المعاليق منساحه يارذرذ الورد ياتفاح انتي للألوان فوآحه ســـــــــــــــــــآهر |
ذكرتني في زمان راح
صيته مع الزمل سراحه مااحد قدر يرمي المفتاح لولا الحيا شال مفتاحــه الله على الطير والملواح يشفي قليبك من جراحــه تحيتي |
عزي لقلب طعن برماح
خسران ماحلت ارباحه حط الهقاوي كما المسباح ثم انقطع حبل مسباحه ســـــــــــــــــــآهر |
ذعذاع وينك أصيح اصياح
إفزع ترى الربع ذباحــــه السر عندك مع المفتاح عجل وسلم مفاتيحـــــه الشاعر المميز المحبب إلى نفسي لو أنه حضر واعتذر عن عدم رده لنداءتي المتكررة له .. إني ما زلت أنتظرك .. خلاص ... ؟ مكانك القلب .. فك ستارك لنرى حقيقة الغياب ؟! معليش .. تحيتي |
اقتباس:
لك في عيــــوني بــريـــقٍ لآح يضوي ليٓ الليـــل وصَباحـــه مادام لونـي إكـتسى بوشاح فأنته ضيا إسمي ،، ووشاحـه رذاذ |
اقتباس:
وللعاذل تهيج نطاحه لأجلك جبال السراه تزاح ويحلى لك العمر بأفراحه ســـــــــــــآهر |
ياليت صيته تجي وتشوف
كيف المره ترمي الشيلــه مدري أنا شاعر ملقوووف والا عن البحر بي ميله ؟ ذعذاع حبك بوسط الجوف ياليت تظهر لنا الليلـــــه تحيتي |
ياغانم الشاعر المعروف
ياللي من رجال حلحيله مدري تبي رمية النفنوف والا تبي تكشف الحيله ســــــــــــــــــآهر |
عن الذهب يتعب الملهوف
لا مشكله سهل تغسيلـــه حرام حرفك بهند ونوف شاعر من الصعب تحليله تحيتي |
أكتب وهو بالعيون يشوف
ويسري له القاف في ليله ومن ذمني للكلاشنكوف يرديه بآشر تقتيله ســـــــــــــــــــــآهر |
خوفتني ما تعرف الخوف
كلاش بيدينك تشــيلــه كلاش مصبوغ لونه موف مايجرح القلب ياحليله |
إلى هنا صرنا حبايب
إسمح لي استاذ ساهر .. فقد وصلتني رساله بأني لا أصلح أن أكون شاعر كسره .. يكفين أن أكون متفرجا مؤدبا متابعا لإبداعاتكم .. تمنيت لو أني كنت ضيفا خفيفا متقنا لهذا النوع من الشعر .. تحيتي وتقديري |
أفآ يابو سامي تأكد من الرسايل تكفا
كني سما والنجوم حروف وكن المجرات توصيله وكن الصدر صآيبه عاصوف يآليل ما اطولك هالليله ســــــــــــــآهر |
لمن سألوا عن أخي ذعذاع ، فإني أقول لهم أنه سوف يكون معنا بعد زوال ظروفه
سترونه قريبا بثوبه الأصيل .. وحروفه الساحرة ، وروحه المرحه ، وحضوره المميز تحيتي |
اقتباس:
صندوقنا دائما مقفول وقلوبنا دوم مفتوحــه أنا اتحمل أنا المســـؤول بس انت لا تطري الروحه شكرا استاذ / ساهر .. إن ملت عن البحر فقومني .. إني أخاك تحيتي |
ياحي والله هذاك الزول
ليا مشى زان منطوحه متورسٍ والعيون كحول والردف باين لنا ضوحه |
اقتباس:
ولا همها من يطق طبول لوهي من الحب مذبوحه الحب حب الخفا مقبول ولا تشكي الحب وجروحه تسرح مع الزمل دون نعول ياعنك ما احدٍ عرف شوحـه |
رذاذ بنت تقول أشعار
وساهر يحب ان يجاريها بنت لها بالقصيد أثمار وش لون ياناس نخفيها ســـــــــــــآهر |
اقتباس:
رذاذ ساهر ونعم الجار أصلاً هو اللي مربيها مأذون موجود لو مسيار نلحق قبل لا يسويهـــا راح اشتري شبكتك وأنوار والكل منا يهنيهههههههها تحيتي تحيتي |
لاتلحق العود وسط النار
يحرق شضآ النار واطيها خل النوايا تروح طيار وحسابها عند واليها ســـــــــــــــآهر |
اقتباس:
وتشوف ساهر يباريهـــــا وين الذي يفهمون الدرس غانم مصيبه يسويههههها تحيتي |
راحت علومك يمين يسار
والمشكله عند قاريها خل السوالف حليب بكار بعض البشر مالنا فيها ســــــــــــــآهر |
اقتباس:
ناولت لك والهدف مشكوف لا تضيع القول ياساااااهر باركت لك والفرح وازفوف كله فدى قلبك الطـــــاهر ! تحيتي |
رذاذ بنتي وانا المسؤول
زوجتها الليل ساريههها تكفيك والا عليها تقوول لا اشوف وحده تباريها خلاص تكفى تحط قفول أرجوك لا عاد تطريها تحيتي |
لايحتمي دمك المعسول
وانته لروحك تسليها ياللي بطيبك كذا مجبول صحتك صحتك نشريها ســــــــــــــــــــآهر |
أستآذنكم
سوف أغيب عن الكسره بهذا المنتدى ..الى أجل غير مسمى ....سررت بالتعرف بكم أحبتي أستودعكم الله |
شهر العسل وين ناوينه ؟ إرجع لنا لا تخلينا
فرقى المواليف ياشينه .!. من غيركم من يسلينا إن لم أراك فإني فقدت شخص تعلقت به حتى النخاح ، بس يالله شهر العسل الأب ليس له فيه نصيب . ما أصعب الفرقى .. تحيتي |
اقتباس:
من شفتها كني المشلول والمشكله ما لها لوحــه ماهمها غانم وهملول من شافها قال وشنوحه تحيتي |
مادمت ماشي تمام وصح
وعلومكم كلها صحاحي لاتخاف من عاذل يفضح اللي على السد فضاحي |
اقتباس:
لو يثقل الحمل ما طاحي ماهو مع الدرب بس صياح لاجا العرب هل مسباحي هذاك هو مكسب الارباح هو غايتي سر مفتاحي أين أساتذتي وأساتذة الكسرة أي بحر أسير فيه ؟؟ تحيتي |
بعد الخساير تجي ارباح
بعرق جبيني وبكفاحي سهم المؤشر علينا طاح مليون عليه نصف قد باحي هامور هوا به بوجه شاح شرشح بنا أي شرشاحي خلك بدربك كذا وارتاح درب الهجيني معك صاحي |
غانم تعلم على الكســــــره
والصبح في البحر سباحي لونها صعبه وعســـــــره لنشه مـــع الموج مرتاحي |
يقولون إن الكسرة حقة غزل .. أنا واياك ياهملول .. صعبه علينا .. والا تبي نشطح مثل غيرنا .. ؟
خديد صيته كما البسره وسط النخل تقل تفاحي باقصى الحياله تقل مهره تجفل ليا سمعت صياحي هماليل .. شكلنها حولنا الكسره إلى فتحه ! ماعليك نبي نتعلل لين يجون أساتذة الكسرة ـ فسحه فسحه خذ راحتك .. تحيتي |
انت المعلم ولك خبرة
نورك بدأ مثل مصباحي اخذت عشرة على عشرة افرح باسمك الى لاحي |
يمين ما ابحث عن الشهره
وان الهدف كان ايضاحي والكل منا على قــــــدره ماينقص القدر مزّاحــي تحيتي |
ذعذاع صفحتك وصلت فوق
وين انت يكفي كفاك غياب ؟؟؟؟؟؟ تحيتي |
| الساعة الآن 01:24 AM |
Powered by vBulletin .
جميع الحقوق محفوظة © لشبكة ومنتديات البراري 2010