|
لا جاك منهو عانيٍ لك وناصيــك
ارفع عن النفس العزيزه حرجهــا لا تذخر المعروف لا صار بيديــــك فـــرّج وتلقـــى عنــد ربــك فرجهـا |
اللي يرخّص قدرنا كيف نغليه
واللي خذلنا ما نثمّن وقوفه لاضاعت الهقوه وكل الرجا فيه لو هو بجنب اكتافنا ما نشوفه |
الكلآم في ظهر الخوي عيب ،
والمدايح في وجهه ماهي وفا ، تبغى تزوّد الطيب طيب ؟ تكلم فالوجه وامدح بالقفا |
ماكل من يشفق على الصيد قناص
[ولا كل من قال القصايد وزنها] و لـو كـل مـن طب البحر صـار غواص [الـجـوهره لابد. يرخص ثـمنهـا] |
اصحابي اللي ليا من غبت لي ليله
الكل منهم .. يعاتبني على غيابي ! و اصحابي اللي نسوني حزة الميله مخطي و اسف لاني قلت اصحابي |
النفوس انواع والدنيا ، مصالح
والستر مكسب ويغنيك ان كسبته! لا جبرك الوقت : تشرب ماء مالح اشرب ولا تقول للعالم شربته !" |
واللـه إني .. جيت أطهر من ينابيع النقــاء ... ــــ واللــه إني جيـت أصــدق .. من دموعــك .. ياليتيم ..! آه ياربي .. يارب الأرض هذي .. والسمــاء .. ــــ تغفر أخطـائي وزلاتي ...... وترحم ... يارحيـــــــم .. كنت مثل الطفل أحلم في زمن كله صفـااء .. ــــ وكنت ابني الحلــم هذا ... من ( جزيئات ) النسيــم ..! لين ماطاح الصباح / ودمعتي / .. وآخر لقااااء ..! ــــ لين مايّبست اعروق ..! وسال ملح /...... وجف غيم ! الهوى ماعاد ابيه .. ولايشرفني إنتمااااااء .. ــــ دام ( إذلال ) الرجولة .. من ورى ( ضحك ) .. الحريم !! أنت تسأل كيف حالي ؟ مزري وكلي استياء .. ــــ من سخافات الزمان ........ ومن سماجات النديم ..!! لا ياقلبي عاد صحصح .. طير لعيون السماااء ...! ـــ عيش باحضان السحابة .. وارسم الاحساس / غيم !! |
أعوذ بك , يّ الله من " قلّ " الثبات والضعف ليمنّ الزمان أصبح شحيح ومن " المصايب "لا لفتني معضلات ومن " الكذب "ليمن تغلّف بّ المديح ومن " الأماني " والهقاوي المايلات ومن " الخطا " ليمن تهيّالي صحيح ! |
: عزوتي ياقف لها الماضي تحيه
الشجاعـه ورث والشيخه سلايل قبل ماتصرف ختـوم الداخليـه ختمهم معروف في ظهور الاصايل ♥ |
باقول لك بيت كنـه طلقة البندق
واليا انشدوك العرب قل صاحبي قاله لاصرت تسمع كلام الناس وتصدق الناس ما خلوا اللي مات في حاله |
| الساعة الآن 06:20 AM |
Powered by vBulletin .
جميع الحقوق محفوظة © لشبكة ومنتديات البراري 2010