|
من اللي يبا يقنعك وإلا تصدق من
بكذب الظنـون اللي لك ايام شايلها ، إذا كنت متعود تعامل بسوء الظن حروف السلام تشك في قصد قايلها ، #عبدالله_الطلحي |
شهرة الي لا ( هويه ) ولا سترة نجاه
مالها ( قيمه وشيمه ) . دعايات ورياء . لا تجرد من ثياب الحيا لجل !! الحياه كافح وخل الك مبدا وفي وجهك حياء . #متعب_مرزوق |
لا شفت أحد طاح لا ترمي سكاكينك
الوقت دوّار لا تشمت ولا تضحك بكرة إذا طحت والدمعة ملت عينك بتشوف منهو يجي يضحك على جرحك |
بيض النوايا باقيه داخل الجوف
والا الرضا للناس ماني زبـونه يالله توفقني على الطيب واشوف خذلان حاسد طيبتي فـــي عيونه |
يقتلني الشوق للي صار تحت الثرى
عقلي رضا بس قلبي مايعٓرف النصيب الوقت دوّار ليت الوقت يرجع ورى !! والله ماأخليه لحظه عن عيوني يغيب .. |
لا تظن الناس : تحزن .. ليا منّك : فرحت
ولا تكبّر حجم نفسك .. وتعمل لك : صدى ' كثرة الأعداء .. ماهو دليل .. إنّك : نجحت يمكن إنت : إنسان مكروه ، وتحبّ الردى ! |
ماعاد والله باقي فـ خاطري شيّ
عفت المجامل واهتويت الصراحه وعزلت روحي حروة اسبوع وشوي واونست في بعدي عن الناس راحه |
ياوجودي وجدمن شاف من ظلم اقرباه
مايزيدجروح صدره وطعنات ظهره . ان تكلم راح يبحث على العالم خفاه وان سكت نفسه على الظيم ماهي مصبره |
قالو لي أنسى تواجه لك جبل ما يطيح
قالو لي أرضى بواقع يستحيل الرضا - طيرك جزاه الهدد لكن جناحه جريح طافه هداد الحرار اللي تحوم الفضا - تو أنتصفت الطريق ومنبع الما شحيح أعتق ظما قلب ً ظلوعه تشب الغضى - مفالي العمر لو تنبت "خزامى وشيح" ما ردنا " للعضاه " .. إلا القدر والقضا |
من كلّما الصمت يفتح باب ويصكّ باب
نذرت لك صوت في حلق التعب منزوي رحلت .. والروح تلبس من ثياب الغياب " وحشة قرى " فاتها يوم المطر ترتوي |
تصطفيني غيمةً في شطر محرَابي تصلي
كلما خانتني الهقوة، مـلا صدري حنينه عبدالعزيز الدوسي |
توقف ظِلالك تخيط من إلتفاتك : ثبات
متقاسمه معك لحظات إنكسار الخٌطى - حضرت لكن حضورك سالفه من : شتات داخل صراع إختلافك بين صح وخطأ - تذبل من الصمت في موسم حصاد أمنيات معذور " والوهم " .. مداته كثيرة عطا - بفراش صدرك غفت هاله من الذكريات و تفرّعت من : جدايلها .. لستر وغطا |
يامن تدور في رماد العمر حافز للبقا
كنك تدور عن زمن صالح وقاتل ناقته دخان من جمرة لكن فـ الريح ماهم بـ اصدقا كلٌ يروح لمبتغى دنياه ولعشّاقته |
https://up.albrari.com/uploads/15123806711.jpg
توآجدكم شرف ودعم لي أسأل الله أن يحفظكم أينما كنتم ويجعل الخير والسعادة فالكم محبكم / بقآيآ .. حرف |
على حآلنآ مآ غير آلوقت فينآ شي
نعيش بَ كرآمة نفس ونموت ما خنآ ندور بيآض آلوجه يآهل آلضمير آلحي ونعز آلرفيق ولآ يشوف آلخطآء منآ |
من شفت زوله مقبل قلت لا حول
هذا هو الليء جايب العيد فيني |
لا تعاتب وانت حتى ماتعرف حقوقك
وان حداك الشوق والحرمان تدري ويني شد حيلك في طريق الهجر والله فوقك يرزقك باللي يسوي بك . . سواتك فيني |
ماذا فعلت بعد خيبتـك الأولـى ..؟!
لا شـي .. دخلت لـ خيبتي الثانية بكامل إرادتـي .. |
إطرد سرابي واتبعه وين ماراح
خلك تشوفه ماي وتموت ظامي دام الوفا ((خون)) وقدر الغلا طاح لو قلت أحبك لا تصدق كلامي |
اقفيت شايل في ضلوعي صوابي
وعجزت من زود الوجع لا ألتفت به |
لو وجيه النّاس تكشف لك خفاها
شانت وجيهٍ ، ملامحها جميله .. |
هذي الدنيآ تبي تمشي كذآ ~
انتفارق تحت عنوآن : النصيب يشهد الله ما جآء منك ردآ ، ويشهد الله مآيجي بعدك حبيب ! |
البارحــة ربـي كتب لي ومريـت
دربٍ عليه بروق الاحباب لاحـــت جـيت المكان اللي جمعنا وخفيـت وقامت جروحي للجوارح وصاحــت يــاليتني في لفـة درب زلـيـت كــان العيون من الدموع استراحت |
يســعد صــباح اللي على بال طـاري
الصاحب اللي ياحـضر مـــــا نـمــلّه \ من غــاب عني زاد قلبي هـــذاري وهمٍ بصــدري يشــدي لفوح دلــه |
اللهُّم أرحم كل فقيرٍ يرتجف برداً
( ولم يجد مٰ يقــي به نفسه من شدَّة البرد ) |
و لا يهون الصبر ، و الشعر و الغيم
ليل الشتا ، ثلث السنين الحزينة . |
ما للصباح الا حديث العصافير
يسرق من اسماعه ضجيج الشوارع ياموطني ، صبحك امان و تباشير و ظلّك رغم شمس المقادير ، فارع |
عسى الله يرحم المقفي من التعذيب
و نار البعد يقلبها ، سلام و برد مشيت و مامعاي الا شعور الريب وقصيدٍ فوق قبر الوصل باقة ورد . |
ياتعتبرني حمل ، و ارتاحت كتوفك
او تعتبرني غصن ذاوي و تكسرني لكن دخيلة على الله عنك، لا اشوفك ما عاد باقي عليك احساس يجبرني |
حتى لو اتحدا حنيني و اخليك
عليك كل ضلوع صدري يحامن السدرة ان مالت تبي الغيم يسقيك خلك تحت سدرة شعوري و آمن . |
عادك تحب الصبح ولا تخلّيت ؟
مثلي عن الصبح و هواه و شروقه ؟ عنّي ؟ من ابيات المشاريه ملّيت و الشعر مابلّت عروقي طروقه |
خطية العشق عذبة ، وانت عشت بخفاي
والذنب الاجمل ، و لذة ناره الحارقة وش فيك احبك واحسّك صرت تكبر معاي وقلبٍ من سنين صدري بالخفا سارقه |
و اللي فَرَج في زمزم لـ هاجر الضيق
اني تمنّيت الحَرَم ، و الشعاير كثر حمامات الحرم و المخاليق و كثر الخشوع اللي غشته العباير ! |
ش احكي لك اكثر عن حنيني من اعوام
عن ما وقف من ذكرياتك ف بابي .. عن وجهك اللي شحّـ/به كفّ الايام و ما شحّـ/به غير الفراق و غيابي . |
فرجة يجي منها سنا الشمس يارب
فرجة يجي منها النفَس لو دقايق .. |
انا هربت لـ شي مدري وش اتلاه
عن شي مدري كيف مرّ بحياتي ! |
بعض القصايد تصحّيني بـ عزّ المنام
ضميا و كاس القصيدة في يدي و اشربه و بعض القصايد ابيها لو مرور الكرام احتاج لو بيت واحد ما قويت اكتبه |
لاتنكأ الجرح بالشرهات و عتابك
و انا من العام اضمّد فيه لا يكبر بشويش بشويش لاتستنزف احبابك القلب ليّن و كسر القلب ما يجبَر |
|
وش حاجتي باللي ابي قربه و راح
ارجيه لكن خطوته - لي - قصيرة بـ اسند عصب قلبي على الصبر وارتاح عسى يكون فـ تالي الأمر خيرة |
| الساعة الآن 02:58 AM |
Powered by vBulletin .
جميع الحقوق محفوظة © لشبكة ومنتديات البراري 2010