ابو محمد صباح الخير نرى في بعض كتاباتك انك تأتي بخبر تثبت فيه انه حصل في هذا اليوم كذا وكذا

مثال عاصفة عمان والموضوع الذي طرحته اليوم الذي قبل 26 سنه

وبخبر اخر تقول انها ظاهره غريبه ووقتها غريب مثل كلام صاحبك الذي قام بزيارتك اللبناني وأستشهدت بكلامه

فارجو التوضيح وشكراً لجهودك المميزة ولتعم الفائدة للجميع

وتقبل تحياتي

اقصد السحاب الكثيف اللي علي مصر وعلي الصحراء لم اره منذ مده طويله بهذه القوه

جنوب غربي محافظة عفيف
سدى كثيف

السلام عليكم



شقراء



غائم جزئيا بسحب اغلبها متوسطة وعالية



مع بعض السحب المنخفضة



الله يجيب الخير

توضيح اكثر
من اخر ابريل
المنخفضات الحركيه في العاده تبدأ تذهب شمال شرق قبل وصول حوض المتوسط الشرقي بحيث يكون المسار
الجزائر جنوب شرق اوروبا شمال تركيا الى غرب روسيا
وسبب هطول الامطار بعد امر الله في شهر مايو واكتوبر حيث تتشابه الظروف بينهم
بسبب امتداد اخاديد بعيده جداً احيان مركزه يكون شمال تركيا والغالب فوق غرب روسيا وبحر قزوين
وشماله
وهي احد اهم اسباب هطول الامطار بأذن الله في الفتره المذكوره
اما شرق البحر المتوسط فيستقر بالعاده من اخر ابريل :24:
وهذا لم يحصل هذا العام
والله اعلم واحكم

صبحكم الله بالخير جميعا

والله تفسيراتك أخوي خالد العوض تنشطنا فتارة تقول لبنان حصل فيها كذا

وتاخر منخفض الهند الموسمي والسحب حايره

ان شاء الله انها بداية لتغير مناخ الجزير العربية

وبالفعل عندنا في ينبع الرياح وشكل السحاب تذكرنا بنهاية الخريف وبداية الشتاء

https://wx.msn.com/sat_____-sa_____-e...0515060000.jpghttps://wx.msn.com/sat_____-sa_____0e...0515060000.jpg

صورة السحب الساعة 9 صباح اليوم

من اغرب الاشياء هو تحرك البخار الى الشرق في اقصى جنوب شرق الجزيره العربيه
الامارات والهند وباكستان في مثل الوقت
عن اذنكم الصلاة

الله يجزاك خير اخوي خالد العوض لكن ياحبذا مزيدا من التوضيح

وصلت المعلومه


والله يجزاك خير في الدنيا والآخرة وجعل امطار الخير والبركة علينا وعليكم ماتنقطع

الصلاة حسب التوقيت المحلي لينبع وماجاورها

الضغط الجوي في المدينه المنوره

يسجل 1002

وفي خيبر 1001

وش رايك يابو محمد أنت والأخوان ؟؟؟

أنا أشوفه منخفض بالحيييييييل ..

للحديث بقية يابومحمد لدراسة معلاماتك الثمينة
وشكراً

الآن رش خفيف يبعد عن المجمعة شمال ب8 كلم

وبعد كل دقيقه تشغل المساحات



للعلم

سبحان الله رغم شح الأمطار في الوسم والشتاء تلك السنة إلا أنها تاريخية في أمطار الربيع

وموسم ربيعي لا ينسى لسنة محفورة بالذاكرة

عافاك الله يا بو محمد

التوضيح بشكل دقيق يحتاج الى الرجوع الى 26 سنه ماضيه
لكن بشكل مختصر وحسب توقعاتي ومن خلال قرأتي للمناخ حيث بدءت الملاحظه عندي من عام
1402 بس بدون تسجيل بالورق حيث اقتصر تسجيلي على الاحداث من بعد عام 1405
ثم اهملت ذلك في عام 1407 وحترقة المذكره مع بعض الصور والذكريات الجميله
المهم هو اعتقد والله اعلم ان السنوات العشر القادمه ستكون اعلى من حيث معدل هطول الامطار
واعتقد والله اعلم ان امطار بداية الموسم سوف تقل وتعوض ذلك في ايام الشتاء والربيع
يعني من المربعانيه ووراء هي نقطة ارتكز الامطار وتكرره
والله اعلم واحكم

هبوط الضغط فوق الجزيره العربيه الى 1000 مليبار في هذا الوقت يعتبر امر طبيعي الى شهر سبتمبر
وفي شهر اغسطس يصل احيان الى دون الف مليبار مع ارتفاع شديد في نسبة الرطوبه على المنطقة الشرقيه والرياض والربع الخالي وعسير وغرب المملكه
لو كان فيه سلسلة جبال في الرياض والشرقيه والربع الخالي
كان باذن الله تشوف امطار وسيول غير شكل في عز القيظ
وكله بيد الله

نفع الله بك وبعلمك
معلومة ستدون في مخي والفضل لله ثم لك ...

اعتقد في شهر مارس كنا مخيمين جنوب الرس في القشيع
غرقنا بالسيل واذكر المطر في احد الليالي يصب صب قوي وطول اخذ اكثر من ساعه وهو وبل
تركنا الخيمه وركبنا في احد الجموس المهم الخيام اغلبه اغرقه السيل وبعضها طاحت واذكر رجعنا
ونمنا في الرس ومن بكره الضحى رجعنا وكل شيء حاسه السيل والخيام بعضه طايح
والشعبان اللي جنوب الرس ماعاد تصرف السيل من غزارة المطر
الله عليها من سنه
-----
لكن اخذت تفاصيل عام 1395هجريه
وكانت من نصيب سدير يقول احد كبار السن وبذمته ان العشب اغرب من كثر المطر
وان الغنم ماتاكله يعني خرب من كثر مايغمره السيل
ويقول انه تعتبر من افضل السنوات اللي مرت عليه
بالنسبه لي
ماذكر منه الا اليوم اللي توفي فيه الملك فيصل رحمة الله عليه حيث كنا طالعين للبر
وكان الجو مكهرب وفيه مطر وصواعق وبروق قويه هذا الكلام بعد صلاة العصر بشوي

جزاك الله خيرا على التوضييحأخي خالد

معلوووماااتك مفيدة يابوو محمد
مشكوور على المعلوووومات المفيدة والتى ستبقى في ذاكراااتنا

على فكره
ترى النشوء هالوقت مايبدء او مايزين الا بعد العصر الى الليل واحيان يستمر الى الفجر
اذكر في احد السنوات كنا كاشتين جهة جبله غرب الدوادمي المهم الجو حار ذاك اليوم
وكان هذا الكلام يوم الاربعاء اعتقد في عام 1406 مدري بالضبط او 7
وكان وقت الاختبارات النهائيه المهم غابت شمس ذاك اليوم بخيال والعجيب ان الخيال
كان صاك من الافق الشمالي الى الافق الجنوبي قال الوالد الله يرحمه عجيب خيال اليوم
قلت كيف قال خيال شتاء عريض وعقب صلاة العشاء بدت البروق تلعج غرب
يوم غطينا بالنوم الا تبدء السماء ترش رش شوي شوي يزيد قمت وركبت في السياره حقتي
ولاتهنيت في النوم كنت مقروص من عقرب مابين الوجع ومتابع السحاب تالي الليل
يوم جاء قبل اذان الفجر وتبدء تصب صباً طيب وتبدء الشعبان الصغيره تحدر من الحزوم والهضاب
ثم ديمت الى بعد طلوع الشمس اعتذرة من الوالد وقلت غديك تسمح لي ارجع لرس امر مستشفى
غديهم يعطونن مسكن الم قال اجل معك قلت لا والله اجلس الجو يابوي مايفوت استانس والامر سهل
المهم رجعت الساعه تقريباً 8 الصبح والسياره يالله تمشي من الطين ركبت الخط الى الرس
وكل عباره وشعيب يمشي ثم تقطع السحاب وبدء يبرق
لكن اكثر شيء لفت نظري ذاك اليوم هو انخفاض درجة الحراره وزرقة السماء بعد انقشاع السحاب
غرض المصورين يمديك تشوف جبال المدينه ((مبالغه))
وهذي احد اجمل القصص وكثره الم علي
والله يعيده بس بدون قرصة عقربhttps://www.albrari.com/vb/images/icons/038.gif

الجو فيه كدرة والسماة غائمة بالسحب العالية وأحيانا المتوسطة

والرياح جنوبية متوسطة السرعة مع بعض الهبات النشطة احيانا

طالما ذكرت إنها وقت الاختبارات فهي سنة 1406 ولا تقبل شك


بعدين كل هالقصص عندك ورا توها تطلع :56:

القصص والايام الجميله التى عشناها كثيره ولكنه تمر مثل مرور السحاب
اها لو يعيده الله علينا
سنة
1378 من نصيب القصيم حيث صلو من اجل ان يرفع الله المطر عنهم
عام
1395 من نصيب سدير امطار بشكل متكرر الى درجة ان الامطار اثرة على نمو العشب
عام
1402من نصيب القصيم امطار تاريخيه الى درجة ان احد الشيبان سمعته بأذني يقول يرب يكفي مطر
1406 من نصيب حائل
عام
1418 من نصيب جنوب القصيم ومنطقة الرياض والمنطقة الشرقيه
وبعض المناطق
واللي عنده اضافه او تعديل
يتفضل جزاه الله خير

اشوف صور الاقمار حقته واحطه
من عام 1402
لعلي اصل اليها والى تواريخه

ما بعدك حسوفه 00 بس أذكر أول سنة قرروا فيها إجازة ربيع [ نصف العام ] وقسموا السنة إلى فصلين دراسيين

كانت من بداية الوسم إلى نهاية الربيع أمطار وخيرات وهي سنة شهيرة بالنسبة للقصيم ولا أدري إذا كانت على غيرها

إنها سنة 1396 وتوافق تقريبا 1975/1976 م[ سنة فقع وربيع لايوصف بالقصيم ]



ولا أنسى عام 1413 جانا خير وربيع بالقصيم وجنوبه 00قد تكون شملت الرياض وهي سنة فقع بالقصيم



عام 1421 خير وربيع على القصيم وجنوبه حهة جبلة ووضاخ والسر ولقطوا الفقع الناس من وضاخ ونفود السر

وأذكر في الوسم من عام 1421 في شهر نوفمبر وتحديدا في طالع الغفر ثالث نجوم الوسم نزل على المذنب جنوب عنيزة

مطر سنة بساعة سبحان الله العظيم [ حوالي 90ملم ]00 وشمل المطر الغزير بلدة العمار جنوب المذنب والخرما والعديد من

القرى هناك وحدثت حالة استنفار
وكتبت بعض الصحف عن الحدث الذي أحدث أضرارا في بعض المزارع والممتلكات والحمد لله على كل حال 0

البروق مشعللة شرق القصيم وشمال إلى شمال شرق الرياض الساعة 30/ 2

شاهد اشارات البرق الآن :


https://ows.sembach.af.mil/GifImages/rq_lightning9.gif

بدة ترش علئ العزيزية بتمير......

الان السحاب فى جنوب الرياض يبشر بالامطار باذن الله

الله يبشركم بالخير

والسماء عندنا في عنيزة غائمة كليا الآن بمختلف أنواع السحب

البروق الان اخذت تقوى فى الرادو

ياخون اكثروا من الاستغفار والدعاء بان يرزق الله المسلمين امطار وسيل

السلام عليكم ورحمه الله وبركاته


مسيكم بالخير يالربع


مشتعلين اليوم ماشاء الله تبارك الرحمن

الصلاة الصلاة ياخوان ...............