|
[COLOR="red"]نشكر الجميع على المعلومات الثرية
لكن ما فيه أخبار عن الشرقية وأمطار الشرقية والتوقعات ...................[/COLOR] |
اقتباس:
البركه فيك يابو بدر بس ترا والله مايصير تتركونا لحالنا انا وبو عبد المحسن من العصر حتى الصباح مافيه غيرنا موجود اقصد من اصحاب التوقعات والناس اللي في الواجهة ليش مانشوفك معنا يابو بدر ليش ماتدخل إلا الصباح عسى المانع خير ان شاء الله |
[quote=ولد حريملاء;834616]من جاور السعيد يسعد .. مجاورين البحر المتوسط والزيتونات والشام ماتبي على مهل وحنا وتضاريسنا على عجل مع جبهات تصفق صفق خخخخخخ
ههههههههههههههههه صادق يابو بدر حتى اسامي ديار جيرانهم تفتح النفس ( تل التفاح وتل الرمان وتل الزيتون) وحنا ( ام الجماجم وام المشاعيب وروضة الخفس) |
صباح الخيرات الحمد لله مطرنا بفضل الله بعد أمطار البارح بالساعات المتأخرة إتصال من مشرفنا (الشبيعان ) الآن جريان شعيب الحثاقي فوق المتوسط شمال المجمعة 50 كلم وكذلك شعيب العقلة جريان متوسط كذلك جريان شعيب السايلة شمال غرب المجمعة التابع لمحافظة الزلفي وأكيد ابو عبد المجيد بيجيب خبرة أو صور للشعيب هذا مالدي بهذه اللحظة |
اقتباس:
مريحينكم الصبح مره حتى فتره الظهيره نعطي اللي عندنا الصبح ومافيه زياده بعدين انت مع الشباب عشره على عشره .. واي واحد يدوخك حوله على موضوع الخليه ابو محمد يستلمهم استلام موجودين يا غالي نتابع صباح وليل بس ماودننا بالتكرار انت ماقصرت والشباب مايقصرون هناك المزيد من الاخوان يدلي بدلوه [quote=برد الطويلين;834623] اقتباس:
شفت احد يستخدم كاز عندنا في الوسطى مغير حطب وتحطيم للبيئه هناك دلع وولع ومثل ماقلت تل التفاح والزيتون وسحاره بندوره .. مو كرتون طماط والا روضه الخفس والاشعيب عندنا اسمه ابو قتاده (وين تنظيم القاعده) ههههه |
اقتباس:
هههههههههه أبو بدر شغل سودانيين يعطي الي عندة الصباح ويروح أو مثل العقرب تنثر سمها وتمشي ماتقرص مرة ثانية :new3: |
الرسائل المرسلة عبر جوال " ديم " يوم الثلاثاء 13 / 5/1431هـ الموافق 27/ 4/2010م اليوم "12" من "المؤخر " الذراع الأول " رابع منزلة في فصل الربيع هذا العام من فضل الله تعالى جريان الشغايا الصغيرة ونقع في مزارع المغيدر شمال شرق حرمة 5كم ونقع شارع في حي الروضة بحرمة ونقع خفيف من بعد صناعية حرمة على خط الكويت إلى ما بعد جبل العنيب شمال شرق حرمة 7كم وجريان أودية شعيب الأرطاوية والسحيمي شمالها 10كم وجميع الشعيبات والعبارات ما بين الأرطاوية والزلفي تمشي وشمال أم الجماجم 30كم سيل طيب حفر ودفن بالنفود " هلال المطيري " الخويش على طريق المستوي يمشي ..يتبع ونقع من بعد الغرابة على طريق المستوي شمال شقراء إلى أبا الطلاح " التميمي "وادي الشعبة وصل الآن وبقوة جنوب الوهيبية 20كم " أبوخالد " هديب الشام الهيبية جنوب حائل 100كم , نفد عنيزة تغبطت بالخير والسيل وما بينها وبين المذنب مناقع طيبة والعوشزية جميلة جدا " عبدالله العيدي "والأجواء في مسقط الرأس حرمـة رائعة وجميلة جدا من بعد الفجر أرض ممطورة ورائحة عبقة وهواء عليل يشرح الصدر بعد ذكر العزيز المنان اللهم زد وبارك اللهم أغثنا يا مغيث |
اقتباس:
والله ياحلو العقرب انكان هي مثل ابو بدر سمها مطر وتوقعات تشرح الصدر حيالله ابو عبد المحسن البارح شكلك محمره عيونك من تصوير البرق ياقو قلبك ماشاء الله عليك لو تعطيني شيك بمليون ماطلعت للبر بالليل وصورت برق فوق راسي مثلك |
ابو بدر
حنا نبغاك متواجد في الليل وبعدين اللي عندك خله تقصيط مانبغى كاش خله تقسيط معلومات في الصباح ومعلومات في الليل وكذا نكسب تواجدك وتنورنا |
أمطار خفيفة على الدمام الان..العاشرة صباحا.. اللهم لك الحمد
|
| الساعة الآن 07:24 AM |
Powered by vBulletin .
جميع الحقوق محفوظة © لشبكة ومنتديات البراري 2010