|
لا تعممون النااس مازاالت بخيرر
.............وفي كل وقت ن فيه خيب وطيب وحنا ترانا بخير واحسن من الغير .............من اللي استوا شبابها والمشيب |
ما دام ابن سيرين منا تخــــرج
يكتب على المعنى جميل القوافي أحلى البيوت ولا بها بيت أعرج لو تحذفه بالبحر تلقاه طاااافي أسعدكم الله جميعا .. |
حل الوسط يكفي على اقل تقدير
في كل شي الا التبرج يعيّـــــب |
البحر لو زاد موجه وش تقول .. تقطعه والا تعثر بالعميق
|
وش يفيد البوح بالطرق القديم،،، دام طير الشوق ما رفرف سعد
البري ما يجزعه قول الخصيم ،،، وش بيده لا بذل كل الجهد لا تعوج القاف دامه مستقيم ،،،، القصيدة واضحة بأول عدد |
اقتباس:
طيب أنـا بنصح ونصحي فيه خير وش حيلتي لا صار رجوي مخيب لو نترك الإرشـــاد كل شي يصير وتعود الـحــرمـه بـهــا مــا يعيب |
اقتباس:
يضومري تـسـلم ومنّك انا حـرج أكتب ردودي واعـرفـك يالسنافي واطلبك يا صاحب تسامح وتفرج مـقـدر أشـوفـك امتضايق مجافي |
اقتباس:
البري حـكمه بـيـد اللي يديم ما وصلك العلم أو نصفه بعد دام طـير السعد يمك مستديم وش تبي يـا من تدور للوعد لو تدور الــــدايره تقعد نديم تسهــر الليلــه وتلقى ما تعد |
ليت أبو سيرين يدخل بالصميم ،،،، يوم رمي الليل بالهضبة ركد
اعرفه شاعر وله بدع وحكيم ،،،،، يستخيل المزن لا منه رعد والدواير حوبة الفعل الجسيم ،،،، أحمد الله كل قيفاني جدد |
كلهم غالين ما ادور خصيم . . ولا تلوم اللي يسمى مجتهـد
نحمد الله كلها برد ونعيـــم .. والشمالي فروته تدفي بلــد والسوالف كلها فوق البريم .. مارفعت الثوب عن غض النهد |
ما جهلت الــرد يا صبح الحشيم مير قـطـــع النت والهاتف صمد جـيـت والله جابك ابوسط اللطيم انـتـبه لـلــدرب واشـهـد واستعد وان بغيت العلم والـقــول الحكيم احمد الله واشكره واقـرى المسد |
الله يعطيك العافية اخي ابو سيرين
يشرفني تواجدك وممتن لهذه المشاركات الطيبة جعل برق البارحه خيره عميم يوم ربي ساق هماله مدد ما يبور القاف والشاعر يهيم الخيام البيض يبنيها وتد القصيد بهاجسي ما هو عقيم ضيقتي تزداد لا من ما قصد |
ياثقل ليل البارحه ياجماعه
.............مدري البلا في الليل والا بلايه هم ن لجا في جوف قلبي ولاعه ............ونيران همي موقده في حشايه عسعس علي الليل مانمت ساعه ..............انهي حكايه وابتدي في حكايه ابولبيب |
جعل سيله ينهمر فوق القصيم وتنفتح شعبان للوادي جـــدد يستمر العمر والوادي يهيــم نهار جاري ما يوقّف له مــدد |
اقتباس:
لا طال ليلك خل عندك شجاعه قوم وتوضى واستخير وتشهد يصير عندك للهواجس مناعه ويرتاح بالك من حياة التوحد |
لاهنتوا جميعاً وبيض الله وجيهكم على جهودكم الملموسة متابعين معكم - |
أشكر الأخ صبح المطر حفظه الله على مداخلته بالليال الخمس مــا شفت المهيم مـا قدرت اشوف واعرف ما نقد جــاه ابن حــمــاد بالــرد الحكيم واخـتـبـص ساعه وازبد وارتعد جـعـل ابـن حــمــاد مثواه النعيم يـاكـل ويـشــرب ويـتـزوج بـعـد |
اقتباس:
ونهمل ونهل همــــال الرعد راعي المعروف ونهج السليم ناصر للــــحق واضداده مضد رايته بيضاء وميقافـــه مديم وقفته للــــــحق ميقاف الفهد |
[IMG]https://store2.up-00.com/2014-05/1399395074451.jpgمركز تحميل الصور[/IMG] فالكم حسن الضيافه والبخور مرحبا مليون وأهلا بالكرام |
بيض الله وجهك يا بن حماد دنيا وآخره وكل من شارك وأشكر أستاذي الفاضل الضومري على الضيافه والبخور ههههه وأختم هذا الموضوع الشائك بهذه الأبيات المعبرة : هـــذي ثــوره قــادها عبد الرحيم ضــد مـــن جـانا يبي نقض العهد والله إنـــه يـبـطي وربــك عـلـيـم مــا درى إنّــا لـمــثـلــه نـسـتـعـد يــوم جــانـا شفت شيطان الرجيم يـدفـــع الـغـافــل وحـنـا لــه نصد شــافـه الـحـاضر وشهدنا الزعيم جـعـل قبره مثل قصر ن لـــه مدد بـانـت اعـلـومـه ولـيـتـه يسـتقيم ليت مــن صـفـق وأشــر لـه ركد وانبرى لــه صاحب اللون الفخيم يــوم شــاف الـجــد ولى وانـخمد هذي ثوره وسط سيل ن من نهيم تـطـلـب الـــدنيا ولا تسـمـع لاحـد أسـئـلـك يــا رب وقفه ياكريم بين يدك بعدها جنة رغد وسامحوني يا إخوان والله إني أحبكم جميعاً |
مرحبا ما داعب الريح الزهور
عقب ودان ٍ مع الليل استهام مرحبا بالغايبين وبالحضور من دواعي قافي قلته والسلام |
ما عرفت من الرجال إلا القـروم كلهم نقوه و عالين المقـــام عزوة اللي بالخلا عادوه قوم لا نخاهم أقبلوا مثل السهـام |
يا حلاة المنتدى طــول الشهور دون فاسد أو حثاله أو لـــــئـام ما عـرفته غير شامخ بالصقور ضومري وإلا ابن حماد الحسام |
كلهم غالين مافيهم قصور
.............القصور ابعيد عنهم والملام زعفران وهيل ن اخضر والبخور .............فالكم تستاهلونه في الختام |
منتدانا به صقور وبه نمور .... وبه النجوم وفيه بدرن بالتمام
وفيه صبح ن لجلى يشع نور ...وفيه ابو سيرين زيزوم الحشام. . . .. |
كلكم شعار وافين الشبور ..... تعرفون البذر من وقت الصرام
جعلكم دايم على عز وسرور ...... ما ينكد جوكم عج وعسام |
وين رامز فاقده ماله حضور لو تشوفه بلغه مني سـلام ووين راع العرض ماشفته يزور منقطع عني عسى وضعه تمأأم |
ياركام أرجوك شرف لو مرور لا تطول مرنا يابن الكـــرام شوف ابوسلطان قناص الطيور أفرحتني شوفته وسط الزحام |
ما سعيت إلا لتوسيع الصدور
والمحبة والتعاون والوئام عزوتي وأحب وافين الشبور مشعلين النور في عز الظلام |
رامـز اللي مــا تــأخر بالحضور يوم نادى ضومري ن بــه سقام وراعي العرض المعلم والصبور يــوم جـيـتـه قــال لي كـلّـه تمام والـركام اللي نـشوفه من شهور مــا عــرفته مــا ذكرته يالحشام هــو هـنـا والا هـنـا والا سطور كــاتـبـيـنـه بـالـقـلـم لـلإبـتـسـام |
صبح المطر ،، أبو سيرين ،، غانم الضومري ،، أبو لبيب ،، إبن حماد
إستمتعت بمشاهدة أبياتكم الرآئعه .. وإثراءكم المتصفح بهذه الجزاله .. صحت ألسنتكم جميعاً ولاحرمنا الله تواجدكم جميعاً ... رذاذ |
السلام عليكم العريمه جالكم بأول ظهور يارجالٍ مايوفيها الكلام تمضي الأيام والدنيا تدور وخوة الوافين لي فخر ووسام |
وعليك السلام
منتدا نا زود الفرحه حبور . بالرجال اللي لها وزن ومقام مرحبابك والقدروسط الصدور والكلام يقل في حق الكرام |
ما عليكم زود ياواف الشبور العريمه والنعم عالي مقــام ياحروف الشعر قولي للبحور أبشريبه جابه الله يا سلاااام ستجد صادق المحبة والتعاون والإخاء ، من الجميع بإذن الله .. تحيتي |
البراري ماهي بنقطة عبور عند كل الناس تحضى باهتمام والعذر وإن كان جا منا قصور الحقيقه مايغطيها الجهام |
والبراري أرض خصبه أرض بور ابذر البذره وتنتج لك شمــام مع نشامى عشقهم صيد الطيور ويسبقون الطير باخبار الغمام |
ذي شهادة حق صدق ماهي زور
واشهد اللي قيل هو ذروة سنام يوم توايقنا لقينا زود نور من اسير العاطفة أجلى الظلام |
اقتباس:
وعليكم السلام يــا هـــلا بـك بالتمور وبالبخور احـنـا نتمنى ظـهـورك بـانـتـظام واحذر احذر من وصولك للفتور الـفـتـور اللي يـصـيـبـك كالركام |
،؛،؛،
لا غاب نجـمٍ بداله يعــود نجـمٍ من الجـزل قيفــانه يبـدع بشعـرٍ غدا معهــود والقلب يطرب مع الحانه رذاذ |
نبي الزياده على الموجود
النفس للشعر شفقانــــــــه والشعر بحره بدون حدود لا تتعب الرجل من شانه |
| الساعة الآن 10:15 PM |
Powered by vBulletin .
جميع الحقوق محفوظة © لشبكة ومنتديات البراري 2010