شبكة البراري - متابعة الطقس ليوم الأثنين 20/ 12 / 1430 هـ الموافق 7/ 12 / 2009 م

اقتباس:

المشاركة الأصلية كتبت بواسطة الراصد (المشاركة 718850)

السلام عليكم
مبرووووك ياأهل الرياض الغسله الثانيه الله يعيدها..
بصراحه سحابة بعد العشا اللي حول كوبري قوات الأمن ياهي سحابه ..سحابة الموسم ..برق مايفصل وطها يتطارد وماء يسح سح..لك الحمد ياعظيم يامنان

اقتباس:

المشاركة الأصلية كتبت بواسطة خالد العوض (المشاركة 718855)

مساكم الله بالخير جميعاً

من اخباري الميدانيه هذه الليله
هي رصد هذه السحابه من على السطوح
صورة
https://www.albrari.com/vb/uploaded/93_01260212162.jpg

ثم دقينا سلف الى السنتر
وكانت النتيجه شمال شرق الرياض
جهة سوق الابل
الصورة
التاليه
https://www.albrari.com/vb/uploaded/93_11260212162.jpg

كانت مصحوبه برياح قويه وقليل من حبات البرد الصغيره
والامطار بشكل عام حتى مزرعة الملك عبدالله يحفظه ربي
كانت من خفيف الى متوسط مع جريان بعض العبارات
والسحاب مهو على قد برقه

ويالله ياكريم

اقتباس:

المشاركة الأصلية كتبت بواسطة برق تمير (المشاركة 718859)

السلام عليكم ورحمة الله وبركاتة

الحمد لله بعد مطارده ممتعه للسحااب في الريااااض

السيوول تغمر جوانب طريق المطاااااار من بعد شركة سابك وحتى المطاار تقريبا

واثاار البرررد مخرب ومقطع ومكسر الاعلام والشجر وبعض اللوحات الاعلانية..

وهنااااك تفحم لشجرتين على طريق المطاار بسسب صااعقه.
.
وناسف لم تكون هناك تصووير نظرا لحساااسية المكاااان ,, والمرور السري ..

.........................................
وفي اتصاال من احد الاخووة

هطلت امطااااار محمله بالبرد الكثيف الان على الجنادرية بالريااض والسيول تدخل بيوت الاغنااام هنااك

والله كانت بروووق قوووووية جدا

والحمد لله اني سلمت من هالسحابة..

تحياااااتي

اقتباس:

المشاركة الأصلية كتبت بواسطة البصمه (المشاركة 718861)

تقريري :::
توني مطفي موتري::
المطر العظيم والي بصراحه افضل ما جاء الرياض بتقديري هو الي بادي من دوار عثمان بن عفان (طريق الثمامه)محاذاة جامعة الإمام محمد بن سعود الى دوار العويضه المطر قوي مره مره المساحات على الآخر والسرعة 40وماتلحق المساحات تم بعد دوار العويضه خف المطر كثيراً**الموقع الآخر بالأحرى تحت كبري لفحص مرة السحابه عجله ومطرها في ذاك الموقع طيب وفيه ايضا شبوب صغيره**أما من ناحي الإتصالات فيخبرني احد الأصدقاء انه في المحطات الي بعد كبري الفحص تقريباًعند أحواش الأبل فيه مطر غزيز مع (برد)**وايضاًمن الاتصالات فيه بردية دكت صلبوخ لكن الخبر ماني متأكد منه ممكن الإخوه عندهم خبر يبلغوننا بارك الله فيهم
أسأل الله العلي القدير أن يجعلها أمطار خير ورحمة وأن يعم بنفعها أرجاء البلاد
إنه سميع مجيب

ماشاء الله تبارك الله

مبروكين ماجاكم ويعطيكم العافية على الأخبار الزينة والسارة

بارك الله فيكم ونفع بكم

:32: