|
صح لساااانك يابو سعود
وهذي اعترضت بنصيبها واكثر مايهيض الشعاااااار اذا صار لها قصه وكانت فجاااائيه يابنت تكفين انا ملتاااااااع غطي هدب عينك السحري القلب قد هو من اول مااااع والجسم من صاااااااحبي مبري الذعذاع |
صح لسانك يابو زياد والله يعينك ياويل منهو زمانه ضاع تركض سـنيـنه ومايدري وان قلت ماهو لقولك طاع يـقــول تـو الـزمـن بدري |
حضي كذا بالهوى له بآآآآآآآآع
أدري وياليتني ما ادري لابد ما يخضر المرباااااااع واتروح الاحزآآآن من صدري الذعذاع |
الخوف من كونكم طماع كل ماظهر لك قمر تشري تراه بـيـسبب الاوجاع لا بد ماتحـسـم الامري |
اصبر على الهم يالذعذاع
الحب ماهو يجي جبري لابد تتحسّن الاوضاع وتنساه وعيونه الخدري |
حياك الله يابرق العارض ونسعد بمشاركتك |
الحزن سيطر على الجلاس مافيه يوم يجـي صـافي وان جيت تشكي لقيت الناس تشـكي ولا فيه متعـافي |
صح لسااااااانك اخوي برق العارض الله لايهينك
ابو سعود صح لساااااانك يابعدي لاباس ياصاحبي لاباس ياطيب الساس ياوافي الناس لو تشكي الاوناس ما اظن تبدي لك الخاااافي الذعذاع |
السلام عليكم ورحمة الله ويركاته
كسرة اليوم موجهه الى الذعذاع وانا بانتظارالردعلى احر من الجمر في هاجسي لو تهب النود @@@ وبمزونها البارق الوامض لاعنك ناشد ولا منشود @@@ تلقى الحلا مطعمه حامض والعود لاطق راس العود @@@ نطحنك يالشاعر الغامض ازبن على الظل يامقرود @@@ بالشمس يلعبك الرامض |
يآراعي القآف مامن فود @@@@ وش هو له تبني على آمض
دور بدآله واقودك قود @@@@ وأطعمك من مرك الحآمض دام انك تريد وتبغى رود @@@@ لاتكشفه سرك الغامض سآير وعن كلمة المنقود @@@@ أشوم وأمشي على الرامض حياك الله ياسفير العيص وش هالقاف المكتف هههههههههه وترى ردي بالبيت الاول والابيات الثلاث اعتبرها نقاط لصالحك يسعدني تواجدك الله يحفظك وبإنتظار جديدك |
طيب هذي جديده
القلب كيف الطريقه فيه كيف اتغلب على شعوره # كيف اقنعه بس واداويه يومن بلش فيه دكتوره |
القلب دآمه على طآريه
مآشه على الحزن وسروره أما يجي شي ثم يعميه وان ماحصل شي مقدوره الذعذاع |
لأهل المشآعر ولأهل الذوووق
واللي بعد حسهم رآآآآقي أكتب لهم مع قصيدي شووووق وأبعث لهم كآمل أورآآآآقي الذعذاع |
ياشاعر كل شعرك ذوق زرعت طيب وبتلاقي ونسوق لك باتحية سوق ياشـاعر دائمـا راقي |
تزايد الهم وأشتـاقـت ,, ارواح بس القدر مـكتوب
ينبع على وسعها ضاقت ,, على الذي فارق المحبوب |
الركام , الذعذاع , صحت ابدانكم
الحزن يجلب لنا الوسواس وسواس وهموم ياكافي اضحك وكنك عديم احساس ماكن بك هم وخلافي |
الـوقـت شـانـت لياليه == وحنا على حالنا نرقب نرقب ولا شفت ماريه == لكن لعل وعسى يقلب |
الوقت يآ صآح عآريه
مردود للي علينآ رب والبغض زآدت مجآريه نآس بها تآكل وتشرب الذعذاع |
.
. . هاجوس قلبي يقول اصبر والصبر خله على بـالـك لو كنت فى جـــو متـعـكـر لابـــد الايــــام تـصـفـالـك |
أعوذُ بالله تعالى من التشاؤم
بيصفالي الوقت وبيزين معي بحول الله تعالى وقوته اولا ـــ نحسن الظن بالله تبارك وتعالى وثانيا ـــ نتفاءل بالخير وكما قيل, تفاؤلو بالخير تجدوه |
عودت انا عاشـق مشتـــاق يم الشعر واعشق الكسرات عودت انا يوم صدري ضاق بسلي النفس من الضيقــات |
بقول لو خـاطري مـاراق وبكثر من الحزن والاهات ياللي لفن الشعر مشتـاق ويلي ترد الشعر لي هـات |
لاباس يالصآحب التوآق
اللي بليله حزين بآت اهلا هلابك عدد ماساق برق سرى بأحلك الظلمات كفاك غرور |
يامرحبا بك عدد الاشراق هلا هلا وابرك الساعات يوم اجتمعنا بعد افراق وعدنا لموضوعنا الكسرات |
عن اذن اهل الكسرات طلعت من الطقس والتوقعات وكالعادة بدون امطار لو الاحوال تصدق والمواقع تصيب كان من كثرة الامطـار مشت نهــر ياكثر مانتظـرنا وياكثر ماتخـيـب طول الايام نرقب لو يقولوا شهــر صار كلا يدور للـمواقع رقيــب لاسترحنا نهار ولاسلمنا السهــر يالله انك تغفر ذنوبنا يامجـيــب وترسل الغيث مدرارا علينا دهــر |
أهلا هلا وصاحبي حاضر يامرحبا بطلته مليون عيدنا مر وانتظر شاعر راح وترك صاحبه مغبون ينقل لمنتدى شعراء البراري ويثبت مع الشكر تحياتي لكم |
من كثرمااغليك صرت انادوم ساهر ياهلا والله باالعداب من نجل العيون وصار الفكر من كثر الشوق حاير ياعسى وصلك ينسيني الشجون |
الوصل لعيون من حبنا جاير وبالود والطيب معه ماشين دام الوصل يا هلي ناير يبقى خفوقي معاه سنين |
صابر على وصلكم صابر
لين اتحقق لي اثنين الاولة ابي انتظر باكر والثانية عسى قلبك يلين |
شفت السحاب يمكم عابر
يمطر على داركم الحين بعد الهطول ياقف الغابر وبأرضكم تزرعون التين |
يالله يا عــــالــم الـنـيـــات = تـفرج لمـن طـاولـه همه
يبي السعادة وهي ماجات = و ما غير دمعه نقع كمه نبي نحرك الموضوع بس ... |
هلا هلا بك حي ذا الجيـــــات = عسى حضورك يزيد في الهمه
غبتوا وغاب الفن والكسرات = عسى حضورك يرجع اللمـــــه |
حسّ (المطر) يقصر الغيبات = جعل المطر دارنا يعمه
تلقى تقارير و موضوعات = و المنتدى يصير به زحمه ... |
سلام يامنتدى الكسرات = بالجر والفتح والضمه
من شاعر( ن) ينحت الابيات= والشعر يجري مع دمه ..،.،،.....،. |
يامرحبا زاهي الطلات = يــاشاعرٍ فـذ ومــطمه
خلك هنا أغلب الاوقات = من نهركم اسقنا جمه |
سامي مشاعر ولك وقفات .......... والطيب لك منهج ويمه
افخر برديتك لا جات ................ واردد الهمه الهمه |
المنتدى يشكي الصـــــــدات = من عقبكم صابته صدمـه
يابو زياد اسعد اللحظـــــات = ليجيت والناس ملتمــــــه الناس جو له بعد مامـــــات = جو ينقذونه من الغمـــــه ياهل الشعر ياهل الطــولات = شيلوه شيلوه للقمـــــــــه |
ابشر بنا ساعة الفزعات = نبني لك الصرح ونزمه
انرجع الماضي اللى فات = وتصبح به الناس مهتمه |
ابشر بنا ساعة الفزعات = نبني لك الصرح ونزمه
انرجع الماضي اللى فات = وتصبح به الناس مهتمه |
ركام هذي ابرك الحزات = جوك الشباب يجلو الغمه
خــالد يخــطط لمرتدات = لتسجيل اهداف من هجمه |
| الساعة الآن 04:53 AM |
Powered by vBulletin .
جميع الحقوق محفوظة © لشبكة ومنتديات البراري 2010