المساعد الشخصي الرقمي

مشاهدة النسخة كاملة : اليوم قمرا قلت أروح النفودي=أكتب لي أبيات ٍ بعهد السعودي


عبدالمحسن الرحمه
2011-03-29, 06:57 صباحاً
بسم الله ارحمن الرحيم

مشاعر متواضعه في خادم البيتين


اليوم قمرا قلت أروح النفودي
أكتب لي أبيات ٍ بعهد السعودي
عهد المليك اللي يحل القيودي
عبدالله اللي محتزم للمهمات
حاكم جزيرتنا خوي المناعير
الشعب يهتف له جميل التعابير
حكمه مروينا مزون المزابير
يوم ٍ غمر شعبه بجزل الكرامات
عشرين بند ٍخلت الشعب فرحان
ينسى المآسي والنكد ينسى الأحزان
من خادم البيتين خيره لنا حان
عمّ الجزيرة بهجة ٍ واحتفالات
أمر بأمره ياعسى الرب يحماه
شهرين بحساب المواطن وينصاه
وأمر بتوظيف المواطن ورقاه
يا الله تحفظه ياولي السموات
ويضا أمر تسديد بنك العقاري
قصدين للي ناوي ٍ للعماري
وزود قروضه في بنود القراري
جعل الولي يحماه رب البريات
ويضا أمر ترميم كل المساجد
من شان يلقى راحته كل ساجد
ويرتاح رجل ٍللولي دوم عابد
يذكره سبحانه جزيل العطيات
ومن غيرته للدين نسل الكراما
دعم حماة الدين أهل السلاما
أهل التقى والعلم قدر ومقاما
يبذل لهم وقته عليه السلامات
من سبهم بوساط كل الجرايد
يلقى العقوبة بالسجن والنكايد
نظام صارم محكم ٍ بالوكايد
من خادم البيتين عال المقامات
أنشأ أدارة رادعة للفسادي
مبداه رفع الدين دحر المعادي
تعز دين الله بكل اجتهادي
تحماه من شر النفوس المشقات
من خير جودك يامليك المحبين
أمرت تسديد لديون المساجين
اللي لهم مده شكوا واهج الدين
صاروا حرار ٍبعد طول المعانات
ويضا أمر بنشاء عدة مباني
للي شكا حال الفقر من زماني
أمر بتعجيله بليا تواني
من شان ينسى كل همّ ٍ وضيقات
ومن خيره أيضا راتب ٍ للعطالا
اللي لهم مده بليا انشغالا
حماه ربي من نفوس ٍ نذالا
ويجعل حياته كلبوها مسرات
ويضا الضمان اللي له الخير كله
هلت مزونه بالعطا مستهله
من خيره اللي عمنا ما نمله
ياالله تجعل له من الخير حسنات
أنشا مدن طبية للمشافي
عساه دايم طيب ٍ ومتعافي
يجزية رب البيت نعم المكافي
باحسن جزاء يامستجيب الدعوات
حنا فدالك يالمليك المفدا
الشعب بأمرك دايم ٍ مستعدا
حنا كعام ٍللعدو لو تحدا
ناقف بوجهه بالسيوف الشطيرات

فتى الرابيه
2011-03-29, 07:44 صباحاً
يستاهل خادم الحرمين المدح الله يطول عمره ويمده بالصحه والعافيه
وصح لسانك على القصيده الطيبه -- وصباحك ورد
تحياتي

بنت من جدة
2011-03-29, 08:18 صباحاً
صح لسانك اخووووي..
ويستاهل أكثر أبووو متعب طول الله بعمره,,
وهو با الصحه والعافيه يا رب العالمين..
الله يجزاك الجنة..

الركام
2011-03-29, 08:33 صباحاً
صح لسانك
ويستاهل ابو متعب

امطار مكة
2011-03-29, 09:30 صباحاً
صح لسانك
والله ويستاهل ابو متعب .. الله يحفظه ويطول بعمره يارب
يعطيك الف عافيه..ابيات نابعه من مشاعر صادقه

ابو طلال الفيفي
2011-03-30, 04:16 مساءٍ
قصيده جزله من شاعر جزل

صح لسانك ياشاعرنا .. لاهنت

ولاخلا ولاعدم اخي الفاضل عبد المحسن العمر

حـــــارب
2011-03-30, 04:23 مساءٍ
تسلم اخوووي عبد المحسن قصيده جزله من راس جزل صح اللسانك وعلا شانك
ولا تحرمناااا من جديدك

تحياااتي
اخوووك عنااااد

عبدالمحسن الرحمه
2011-05-23, 11:53 مساءٍ
صحت أبدانكم جميعا ودي لكم