المساعد الشخصي الرقمي

مشاهدة النسخة كاملة : سلام الله علـى بحـر ٍ تلاطم موجه الغدار


عبدالمحسن الرحمه
2010-12-22, 10:20 صباحاً
سلام الله علـى بحـر ٍ تلاطـم موجـه الغـدار
تهدّ أمواجـه صخـوره يخلـي شاطئـه مليـان
ما يكفي يا بحر إنك هتكت أرواح كـم بحـار
غدو في قاعك المظلم غدو في عالم النسيـان
خوافي بحرك الموحش حباك الواحد القّهار
حباك بزينة أسماكك حبـاك بزينـة المرجـان
طيور النورس أتحلق تناظر موجك الهدار
ياهي شفقا على أسماكه ياهي شفقا على الربيان
حرام أنك تخليها تحلق بالسماء تحتار
تريث لو ربع ساعة توكَل طيرها الجوعان
هذاها قربت يمي أناظرها وأنا محتار
أكيد أبصم تناديني طيوري جسمها عريان
ما تدري عن معاناتي يعانقها كثير أسرار
هجر وفراق مع ضيقة غدن في داخلي نيران
زمان ٍفات يذبحني يقلبني على المجمار
غديت بعالم ٍ قاسي يجرحني بلا تحنان
أجر الصوت ياغايب ترى قلبي كوته النار
وروحي بعدكم عمري يعانقها أسى وحرمان
بعد ما غاب من عندي لقيت أوراق لتذكار
تصفحت الورق فجأه صور لأفراحنا عرسان
أقبَل وأذرف أدموعي على هذي الصور مدرار
أحس الجوف من بعده يفوح بداخله بركان
عذاب البعد ياكوده يحد الكبد بالمنشار
تلاعب في حشا جوفي على دقة هلّ الزيران


(مخرج )

يا بيت الطين لك ماضي سكن فيني ولازالي
سكنا فيك مع أمي وبويه ويضى الاخواني
ترابك يشرح الخاطر يساوي كنز ألأموالي
وجدرانك بها ريح العطر بالحب مزداني
هذاك المجلس الواسع وهذا روشن ٍعالي
يطرزهن سواليف ٍأمي بصوت ٍهادي ٍحاني
هذاك السطح يجمعنا بوقت النوم مدهالي
يلحفنا ظلام الليل يسامر كلً ألأعياني
ننام الليل بسكونه وطعم النوم به حالي
يوقضنا بعد ساعات أذان المؤذن الثاني
نروح نصلي بالمسجد ونطلب ربنا الوالي
بعد ما ينتهي فرض الصلاة نجلس بليواني
نسولف عن أبونا اللي تركنا يا بعد حالي
يا ليته قربنا دايم وننسى كلّ ألأحزاني
يا زينه لا دخل بيته ينادينا هلا أعيالي
نجي لمه يقبلنا يعانقنا بالأحضاني
يمدّ بكفه اليمنى يناولنا على ريالي
تعمَ قلوبنا فرحه خطانا يم دكاني
في حوشك نلعب الخطة ودبق ٍذكرها غالي
ولعبة طاق طاقية بها عذبات الألحاني
يابيت الطين في وصفك ذهب بوسط سلسالي
خياله ساكن ٍ فكري وفي قلبي وشرياني






( تأمل )

السماء يا هـي عجيبـة يـا فتـون
سبحـان ربـي واحـد ٍمـالـه أحــد
زينهـا تبهـر عقـول ٍ مـع عيـون
سـبـعـة أيـــام ٍ خلـقـهـا بـالـعــدد
معجـزه سبحـان خالقـهـا بــدون
مـالـهـا عـمــدان مافـيـهـا وتــــد
من رفع طرفه تعجب في سكون
سبحـان ربـي واحـد ٍفـرد ٍصمـد
زين ذاك الليـل وأنسامـه لحـون
تـرفـع أعيـونـك تـأمـل ثــمَ تـعـد
تذرف الدمعة تصافحها الجفـون
مــن خـشـوع الله بـاقــي لـلأبــد
مـن يكـذب أو تـراوده الضـنـون
مـالـه ألا نــار تـشـوي لــه كـبـد

( الحنين )
يا حنين الشوق في قلبي يزيد
ياولـه فـي داخلـي دوم ٍيــزود
أذرف الدمعة على خدي تزيد
لا لفـا قلبـي شعـورة ياسـعـود
هو عذاب القلب هتاك الوريد
مشعـل ٍنـاره تـزايـد بالـوقـود
ياحنين الشوق يالعيـد السعيـد
لك غلا في داخلي ماله حدود

حرر في 14 / 1 / 1432 هـ

الركام
2010-12-22, 10:52 صباحاً
الله اكبر ابحرت في بحور الشعر
صح لسانك على هذه الابداعات

الذعذاع
2010-12-22, 11:24 صباحاً
عبد المحسن العمر

شاااااااااعر وقصائدك تبهرني بجديدها داااائما
صح الله لسااااااانك مدد بلا عدد
الله يوفقك أخوي ويسعدك

تحياااتي يالغااااالي

ابو طلال الفيفي
2010-12-22, 02:27 مساءٍ
هذاك السطح يجمعنا بوقت النوم مدهالي
يلحفنا ظلام الليل يسامر كلً ألأعياني
====================

صح لسانك ياغالي ...

لحن الحياه
2010-12-22, 03:30 مساءٍ
مـــا شــاء الله
تمـيز و ابــداع
يـعطيك عافيه
مــشكوور
بارك الله فيك

ندى الورد
2010-12-22, 05:45 مساءٍ
أبداع ماشاء الله
ما أقدر أقوال الا مبدع ومميز وهذي قليله
صح لسانك والله يعطيك العافيه

روح آلوفآ
2010-12-22, 08:51 مساءٍ
عذاب البعد ياكوده يحد الكبد بالمنشار
تلاعب في حشا جوفي على دقة هلّ الزيران

آلله آلله وش هآلآبدآع ، صح لسآنك
وتسلم يمنآك ، مآننحرم من عطآءك
وآبدآعك ، خآلص شكري لكْ
وبآنتظآر جديدك ،

المخلص
2010-12-22, 09:06 مساءٍ
جدا ابدعت لك خالص تحياتي
واشواقي دمت بود
تقبل مروري
المخلص

عبدالمحسن الرحمه
2010-12-23, 06:29 صباحاً
شاكر لكم مروركم العطر وصحت أبدانكم جميعا الله لا يهينكم
تقبلوا خالص تحيتي

كمال البدور
2010-12-23, 02:43 مساءٍ
صح لسانك وصح ذوقك أخي الكريم
اشكرك وتقبل مروري

خاطف الأضواء
2010-12-23, 04:47 مساءٍ
صح لسان قايله

والله يعطيك العافيه

عبدالمحسن الرحمه
2011-01-18, 08:23 مساءٍ
صحت أبدانكم جميعا ترا حنا ما نعرف المنقول

أحمد الحربي
2011-01-21, 12:17 صباحاً
تذرف الدمعة تصافحها الجفـون
مــن خـشـوع الله بـاقــي لـلأبــد


صح لسانك و لا هنت يالغالي

عبدالمحسن الرحمه
2011-01-27, 04:21 مساءٍ
تذرف الدمعة تصافحها الجفـون

مــن خـشـوع الله بـاقــي لـلأبــد



صح لسانك و لا هنت يالغالي



هلابك والله وصح بدك شاكر لك مرورك العطر

عايد
2011-01-27, 04:35 مساءٍ
مشالله عليك
وصح لسانك اخوي
ابحرت بنا بقصائد جميله
وفي منتهى الروعه والابداع
الله يوفقك ويسعدك

فتى هاشم
2011-01-27, 05:28 مساءٍ
كلمات جميله جداً
بارك الله فيك
وجزاك الله خير