المساعد الشخصي الرقمي

مشاهدة النسخة كاملة : واعذابي من فراقك ياشهر


عبدالمحسن الرحمه
2010-09-06, 06:50 صباحاً
بسم الله الرحمن الرحيم

( واعذابي من فراقك ياشهر )

أحسن عزائكم على فرقا رمضان الله يعيده علينا أعوام عديده آآآآآآآآمين

هلّ دمعي يوم صليت الفجر
بسباب فرقا شهرنا شهر الصيام
كن قلبي كاويه جمر السمر
والحشى كنّه مصوب بالسهام
جود خيرك نابع ٍمثل النهر
يستقي به صايم ٍدوم الدوام
لك قلوب صابرة تبغا الأجر
شاقها شوق المحبة والهيام
العمل يزداد في وقت العشر
يرقبون الليل من شان القيام
معتكف بالعشر مايطلع شبر
يلهج بذكر الولي منشي الغمام
فيك ليله اسمها ليلة قدر
خيرها عن ألف شهر ٍ بالتمام
ليله ٍفيها علوم ٍكالدرر
من غنمها يبشر بجنة سلام
جوها هادي معطر بالزهر
نورها ينبان في وسط الظلام
يعجز التعبير ودوأت الحبر
عن وصوف شعور حبه والغرام
من غنم أيامه بذل وذكر
يسعد بيوم الحشر يوم الزحام
التباغض والتناحر والكدر
مالهن بصدورنا أية مقام
شهرنا شهر التأخي والصبر
شهر يجمعنا بألفه واحترام
هذا كفه مثل مزن ٍمنهمر
يعطي من حده زمانه للعدام
واعذابي من فراقك يا شهر
شهر خير ٍفيه ترويض الأنام
قاربك أقبل على شط البحر
معلن ٍتوديعنا شهر الصيام
يا شهر تكفى تصبر ونتظر
ارحم قلوب ٍتبي قربك دوام
عيني ياللي دمعها مثل المطر
دمعها خلا عيوني ما تنام
دايم ٍ ذكرك على قلبي يمر
حاز ذكرك بالملا أعلا وسام
المساجد لو لها حس البشر
كان ترفع صوتها والله حرام
كم عين ٍكم روح ٍفي خطر
لانطفت نور المساجد بالتمام
واعذابي كلما شفت القمر
نوره الخافت يودع باعتزام

27 / 9 / 1431 هـ

غيمة سحابة
2010-09-06, 07:25 صباحاً
اللهم آمين ... تقبل الله منآ ومنكم يارب صآلح الاعمآل....
صح لسآنك اخوي عبدالمحسن ولاهنت يالغالي

غيمة سحابة
2010-09-06, 07:26 صباحاً
اللهم آآآمين يآرب. تقبل الله منآ ومنكم صالح الاعمآل
وصح لسانك اخوي عبدالمحسن ولاهنت يالغالي ........... تحياتي لك

منصور الدوسري
2010-09-06, 08:03 صباحاً
http://center.jeddahbikers.com/uploads/jb12837494221.jpg

ام الدانه
2010-09-06, 08:17 صباحاً
الله يتقبل منا ومنكم صالح الاعمال وكل عام وانت بخير

وعساااااك من عوااااده اخي الكريم

عبدالهادي المفرج التميمي
2010-09-06, 09:23 صباحاً
واعذابي كلما شفت القمـــر
نوره الخافت يودع باعتزام

بالامس كنا ننظر لغروب شمس ليالي رمضان
ونفرح بمنظر هلال الشهر
واليوم ننظر لفجر ليالي رمضان
ننتظر القادم وقت المغيب
ونودع المسافر وقت الفجر
بدأ القمر يتناقص
صح لسااانك اخوووي
مكشوووووووور



سلام

جزاء الشمري
2010-09-06, 11:55 صباحاً
صح لسانك وكل عام وأنتم بخير

كمال البدور
2010-09-06, 04:02 مساءٍ
الله يجزيك الخير اخي عبدالمحسن العمر
فعلا" نودع الغالي الغالي . ولكن كلنا أمل ان يعود علينا ازمان عديده ونحن في اتم الصحه والعافية

مدور الغيث
2010-09-06, 04:07 مساءٍ
صح لسانك . الله يعيدنا علينا جميعاً أعواماً عديدة.

الركام
2010-09-06, 04:21 مساءٍ
صح لسانك
اللهم اجعلنا من المقبولين

الذعذاع
2010-09-08, 05:57 مساءٍ
صح الله لساااانك يالعمر

وتراني شرهان عليك (في احد المنتديات انا وياك زملاء ولا دريت غير اليوم )

يعطيك العاااافيه