المساعد الشخصي الرقمي

مشاهدة النسخة كاملة : ابيه لامني نويت الزبيرة


غازي الوهبي
2010-08-27, 09:12 صباحاً
ابيه لامني نويت

ابيه لامني نويت




1 ياماجد اركب جعل بالامـر خيـره=ابيك لاسافرت تركـب علـى يميـن
2عقب العشاء والركعتيـن الاخيـره=وختمتها بالوتـر عقـب المصليـن
3 لامن خلي البال قــام لسريـره=لاراح ثلـث وباقـي الليـل ثلثيـن
4لاصار تـوه قايمـن مـن فطيـره=راس ادرعـا ماشيبـوه البعيـديـن
5ماشاقـه الماطـور لاشـد قـيـره=ولاذكره مكنـون صـوت الشكاميـن
6ولاتلـه الغربـي وبعـد العشيـره=اللي عن ربوعه تغرب لـه اسنيـن
7ولاوقفه مجرى الشعيـب وهديـره=ولاقام يمشي من شعيـب لشعيبيـن
8ولاراح بالوايـت وروى غـديـره=ولاعجله شـوف الغنـم والبعاريـن
9ولاراح عسـاس وشـاف البذيـره=ولاقال جعلـك يـام سالـم تغنيـن
10ولاجاء البيوت الشامخات النظيره=ماتسمـع الاياهـلا فيـه واهلـيـن
11ولاهيضه قاف الحويفـي بطيـره=ولاابن زويبـن لابغـى دار غاليـن
12ابوك ياماجـد عطـاك السريـره=وابيك ياماجد تجيلـي علـى الديـن
13 اركب على جيب يسرك مسيـره=من فضل ربي ماخذيته مـن الديـن
14مارتاح بالي لين يضـرب نبيـره=ويزعـل عليـه دون ميـه وستيـن
15حقه عليه ليـن تسمـع صفيـره=صفير غصن من هبـوب الخماسيـن
16 ابيـه لامنـي نويـت الزبيـره=لادق هاجـوس يـفـك الشرايـيـن
17 والقلب جابه من عنا الوقت حيره=والبـال متكـدر يجيلـه نهـاريـن
18الوقت يرعى القلب رعي السعيره=ولوعهـا العرفـج وهبوبهـا شيـن
19والهم لوهـو زاد مابـه معيـره=دارت بنـا الدنيـا وصرنـا بعيديـن
20ورحنا مع الايام فـي كـل ديـره=مانجتمع كل السنـه بـس عيديـن
21ايامنـا واحداثهـا المستثـيـره=والله يثبتنـا علـى الماقـف الزيـن
22حنـا نهديهـا وهـي مستطيـره=ودارت ولازلنا علـى السلـم باقيـن
23ومن خلقت الدنيا وهي مستديـره=بس الرجال رجال مبطـي وبعديـن
24مايشرح الخاطر ويبهـج نظيـره=الاوقوفـي عنـد ربعـا مسمـيـن
25 الفي على اللي ماتكـدر قصيـره=محبوب للاجنـاب والربـع الادنيـن
26 النعم حاشـه باليـال العسيـره=يوم المراجل ماتجي مثـل هالحيـن
27 عساء حياته بالهنـا والستيـره=يحميه مـن نـزل تبـارك وياسيـن
28والله من سـو الليالـي يجيـره=ياناصر الاسلام فـي غـزوة حنيـن
29 ومدحت ابوي وفيه غيره وغيره=ربعـا ينومـس ذكرهـم بالدواويـن
30 ولاهمني راع العلـوم الصغيـره=يزعم بنفسه عنـد نـاس ضعيفيـن
31والراس يطبخ من امورن كثيـره=لاهـي بلاوحـده ولاهـي بثنتـيـن
32 وهجوس غازي كل يومن مغيره=وانا اتحدها علـى العسـر والليـن
33بس العقل يحدى الرجال الكبيـره=وانا حدانـي يالرجـال الحشيميـن
34 ولاالهدف قدمي وعيني بصيـره=لاشـك للشرهـات ناسـن كثيريـن
35 وياما سفهنا من وجيـه حقيـره=وياما تركنا طردهـا لبـو وجهيـن
36 ابمـدح الطيـب ولابـه معيـره=والشعر مايكتب على شـان قرشيـن
37 يكتب لمن مدحه وصل كل ديـره=اللي يحصـل باذكـر قـول نعميـن
38 الشاعر دايـم مايريـح ضميـره=حتى يتعـدى بيـت سبـع وثلاثيـن
39 قلبي غدى كنـه قنـاة الجزيـره=بين العراق وبيـن مافـي فلسطيـن
40 والعاقـل اللـي راكـد بتعبيـره=يقـدم ولاينظـر بهـرج المساكيـن
41والنظره اللـي ماتعـود قصيـره=اتخلـي الرجـال مثـل السلاطيـن
42 لاصار به من واقع الوقت غيـره=والشعر ترجح به جميـع الموازيـن
43 يومـن بالافكـار نـاس فقيـره=انـا احمـد الله بالمعانـي غنييـن
44والشاعر مثل العود حرقه يثيـره=ويبين نوع العود من حـرق ناريـن
45 وهواي لاغصت البحور الغزيـره=واخـذت منهـا مايسـر الشريفيـن
46 يومن كلـن عدتـه عنـد بيـره=حنـا نوردهـا لـعـذب الفراتـيـن
47ابـوي سلمنـي حـزام وذخيـره=وانا علي اللـي تصيـب النياشيـن
48وانا الفخر عندي سيوف شطيـره=اقلها اللي يقسـم الـراس قسميـن
49ان جيت لمطارد بيوتـه شهيـره=يدغم لك المعنـى ويعطيـك دربيـن
50ايتعب الشاعر ويتعـب شويـره=لاصـار مايفكـك رمـوز العناويـن
51ومرضي يصخر شـرد مستذيـره=ينصت له السامع وتنظر لـه العيـن
52وان كان بالميدان نـاس غفيـره=بالملعبه ماهو علـى صـف صفيـن
53وفيها منازل والمعانـي خطيـره=اثنيـن لاراحـو ولاعـادوا اثنـيـن
54عبدالله كان السيف خـلا جفيـره=وعطالله اللي يدبل الصـاع صاعيـن
55والشعر ماهو من خفير لخفيـره=الله مايرضـى والخلايـق معيـيـن
56العلم واضح مثل شمس الظهيـره=وعلم الخطاء يرجع على صاحبه دين
57ماهي علوم اللي سفر في بعيـره=وخلا البعير وعـود بخـف لحنيـن
58وربعي مروضت الجموع الضريره=شعارهـم ماهـو بواحـد ولاثنيـن
59تقلى جزايلهم علـى كـل سيـره=وتلقى مواقفهـم بوسـط المياديـن
60والطيب ماوقف على ابن المغيره=ولاضاعت الخوه عقب خوة حسيـن
الشـاعـر غــازي الـرويـعـي الوهبي

الشنفرى الازدي
2010-08-27, 10:27 صباحاً
صح لسانك ولسان الشاعر قصيده رائعه واختيار جميل بيض الله وجهك يالغاليوالطيب ماوقف على ابن المغيره=ولاضاعت الخوه عقب خوة حسيـن
بيت جميل جدا وحكمه بالغه

وتقبل مروري واجمل تحياتي

الذعذاع
2010-08-27, 02:22 مساءٍ
ونعم يالوهبي صح الله لسااااااانك مدد بلا عدد

قصيده جزله والله يحييك بيننا نيابة عن جميع اخواني بالمنتدى

لاهنت

غازي الوهبي
2010-08-28, 02:55 صباحاً
الشنفري
الذعذاع

صحة ابدانكم جميعا والف شكر على المرور الطيب والله يبقيكم

مخلب طير
2010-08-31, 05:11 صباحاً
و النعم بك يا غازي و الله قصيده جزله ما يقولها الَا شاعر فحل
وانت هيضتني بالزبيره و اهلها مليون نعم كانت شعبانها مداهيل"
لنا بالصيد مثل ( الحسكي و ثغب الجمل و مديسيس و شعله) .. أراضيها
جميله لا ربعت و شعابها بساتين محليها الله .. صح لسانك و يا هلا بك

الشيخ قوقل
2010-08-31, 05:21 صباحاً
ياسلااااااااااااااااااااااااااااااااااام
قصيدة جميلة اعجبتني أبياتها وصح لسان القائل
مع أحر التحايا لأهل الزبرة فلنا فيها أصحاب وأحباب
وهذا هو بيت القصيد لدي


43 يومـن بالافكـار نـاس فقيـره=انـا احمـد الله بالمعانـي غنييـن

ام الدانه
2010-08-31, 05:42 صباحاً
مشكوووووووووور كل الشكر وصح السانك قصيدة راااائعه

غازي الوهبي
2010-08-31, 02:12 مساءٍ
مخلب الطير
الشيخ قوقل
الدانه
صحة السنتكم جميعا

وانه لشرف عظيم عندما اطلع على ردود هذه الاقلام النادره الطيبه
واكرر شكري لكم

الركام
2010-08-31, 02:25 مساءٍ
صح لسانك ولسان الشاعر وتسلم على النقل

غازي الوهبي
2010-09-01, 12:12 مساءٍ
صح بدنك يالركام

Al-KHUSHAIBY
2010-09-01, 07:43 مساءٍ
صح لسانك
تقبل مروري

غازي الوهبي
2010-09-03, 07:00 مساءٍ
صح بدنك يالخشيبي

كمال البدور
2010-09-06, 03:29 مساءٍ
قصيده جميله جدا" ، بس طريقه كتابتها بهذا الشكل اضاعت حلاوتها ، ياريت تعيد كتابتها بطريقه جميله مقروءه . الي ما بزهي في العين بوجع في القلب .
اكرر شكري لك اخي

مدور الغيث
2010-09-06, 04:03 مساءٍ
صح لسانك . ما شاء الله قصيدة جزلة .

عز الخوي
2010-09-07, 04:53 صباحاً
صح لسانك أخوي غازي

المجره
2010-09-07, 07:03 صباحاً
ابيات جميله
صح لسانك ولسان الشاعر

نخيلان
2010-09-07, 05:24 مساءٍ
صح لسانك ياغازي ونعم بك وبخويك ماجد اللي أنت تسند عليه والله أيبارك لك بجيك وجعلك تشوف كل من تحب وشكلك كاني ماني واهم ياغازي أنك لك هواء ياالديار ولا رمعتي خطاء

غازي الوهبي
2010-09-18, 09:37 صباحاً
الاخوان جميعا
صحة ابدانكم والاخ نخيلان مافهمت القصد
ويعطيكم العافيه