المساعد الشخصي الرقمي

مشاهدة النسخة كاملة : قلبي معك يا قرت العين دايم


عبدالمحسن الرحمه
2010-07-19, 12:40 صباحاً
(( قلبي معك يا قرت العين دايم ))





قلبي معك يا قرت العين دايم

ما غبتي عني يا حياتي ثواني

شوقي تبعكم كنّه الطير حايم

دايم يخاويكم بأية مكاني

أضم أنا حبك وأنا فيك هايم

نقشت أنا حبك بعوج المحاني

عفت الهنا من بعدكم والعزايم

سهران لين الفجر بيّن وحاني

لو كنت جالس أو مع الناس قايم

منسى أمل عمري وشمعة زماني

المشكله ياناس لاصرت نايم

جاني حبيب القلب سيد الغواني

جاني وأنا قلبي من الشوق صايم

وضميتها ياروح روحي وحناني

تدرين جوي عمّه الحزن دايم

وتدرين بعدك يا حياتي كواني

فجأه صحية أثري بلا حلام عايم

مع عمري ياللي راح عني ونساني

سألت أنا القمره ونجم النعايم

عن غاية المقصود حبه طواني

مسكين قلبي ذاق كود الهزايم

من بعد فرقا الزين صافي الثماني

يا وجد قلبي لاقبل الليل غايم

برقه أسى بيّن خوافي كياني

الهجر يذبحني وصدك ظلايم

حرام تلعب بي زماني رماني

جسمي نحيل ٍ ما بقا به عزايم

كله سبايب من بحبه بلاني

حبك أسرني صرت ضمن الغنايم

في بحر حبك يا حياتي أعاني

أعاني يا عمري هموم ٍ عظايم

وأعاني من ضيقه وكثر الأماني

بعدك وصدك من كبار الجرايم

ما تعذر اللي من فراقك يعاني

أن كان حبك سامه اليوم سايم

ما بيع حبك بالخفاء والبياني

حسي يقول انك مع أهل النمايم

أكذبه واقول عقلي كفاني

خليتني يازين عدّة قسايم

قسم ٍ يعاني فراق وقسم ٍ براني

ما تدري إني يا حسن الوسايم

دايم أفكر بك ولا فيه ثاني

من بعدكم والله ما سمع بلايم

أبقى على حب ٍ صعيب ٍ حداني



حرر في 4/ 8/ 1431

قناص حرب المدينه
2010-07-19, 03:43 صباحاً
الله يعطيك الف عافيه واختيار جميل

ام العنود
2010-07-19, 03:56 صباحاً
عفت الهنا من بعدكم والعزايم
سهران لين الفجر بيّن وحاني
لو كنت جالس أو مع الناس قايم
منسى أمل عمري وشمعة زماني
http://www.w6w.net/album/35/w6w_200505201631545997bd23b052.gif (http://www.w6w.net/album/35/w6w_200505201631545997bd23b052.gif)
صح لسانكـ وعلا شانكـ
بيض الله وجهكـ و سلمت يمناكـ كفوشاعرنا عبد المحسن العمر
على هالقصيده الراائعه
مع كل الود و الاحترام والتقدير لشخصكـ ودمتـ بخيرررررررررر


(http://www.w6w.net/album/35/w6w_200505201631545997bd23b052.gif)

فواز القاسم
2010-07-19, 08:00 مساءٍ
بارك الله فيك

الذعذاع
2010-07-21, 01:09 صباحاً
صح الله لسانك اخوي
شاعر ماشاء الله عليك
بالتوفيق يالغالي

Al-KHUSHAIBY
2010-07-21, 05:07 صباحاً
بارك الله فيك

الركام
2010-07-22, 11:23 صباحاً
صح لسانك على هذه الابيات الجميلة