المساعد الشخصي الرقمي

مشاهدة النسخة كاملة : الله لايعيدها من كشته . . . . . الحلقه الاولي


الطيار
2006-03-07, 11:19 مساءٍ
السلام عليكم ورحمه الله وبركاته

في سنة 1426 هـ شهر 2 الجو زين والربيع حلو بالذات في شعيب المحارق وانا ماقد جيتها

دبرت اجازه اسبوع , دورت اخويا لقيت اثنين شقرديه ( وليد وسلطان )

يوم الثلاثاء بدت الرحله

طبعا الشعيب ما ادله سألت واحد من الشباب ( وياليتني ما سألته ) قال اذا وصلت روضة نوره خلها علي

يسراك وتعد الضلع ( خزه – اذا ماكنت غلطان-) لين تاصل الشعيب

الشباب ( مايدلون ولا يدرون وين حنا فيه واحد من الوشم والثاني من الدرعيه )

والشباب متكلين علي انا

يقولون تدل , وأضرب علي صدري وأقول اركبوا انتم ولا عليكم

وصلت انا والشباب روضة نوره مسيان ( فبل المغرب بقليل )

وأخليها علي يسراي وامشي

أضلمت الدنيا , أنا أنقلب راسي ما أعرف الشمال من الجنوب

أثري رقيت الضلع ولا دريت وأضرب شمال وأقص الضلعان

والله ان الحصي كبر كفر السياره

تكسرت ضهورنا , ما أقدر أمشي الا ببطئ

أربع ساعات يالربع وحنا نمشي , اللي معي طفشوا وأنا مليت , معد فينا حيل

قررت وقتها اني اوقف مكاني وارقد والصباح رباح

حولت من السياره ( اول تحويله لي في الكشته )

الا باغي اطير من الهواء , والله مايمدينا ناقف علي رجلتنا

مابدهاش لازم نكمل , فكرت ثم فكرت قلت ابي احط وجهي شمال وامشي

وبعد ساعه طبيت في شعيب حولت فيه وارقد انا وربعي

اصبحنا وقمت اول واحد وأزهب القهوه والفطور وأفطرنا ومشينا

في البدايه كنت اضن اني في الشوكي وعقب ممشي نص ساعه عرف اني ما أدري وين حنا فيه

الشباب يسألوني : تدري وين حنا فيه

وانا أقول الله الله , وش دعوه ما إنتم واثقين

مالهم حيله لازم يصدقون

بعد شوي لقيت راعي غنم ( سوداني )

سألته وين حنا فيه

قال : الشحمه ( وأشر لي بيده ) 80 كيلو , وطلعت ضاحك 30 كيلو

انا وقتها نويت أنزل مع ضاحك وأروح لشعيب الارطاوي

أول ما تعديت السوداني يمكن خمس دقايق لقيت راعي ددسن واسأله عن ضاحك قال أقل من كيلوا

أندهشت السوداني يقول 30 كيلوا وراعي الددسن يقول اقل من كيلوا

وامش شوي الا انا عند ضاحك

تغدينا في روضة الخشم و تقهوينا بعد المغرب في الارطاوي وبعدها عودنا الرياض

زملاي مافي كلمه ما قالوها علي

مسوي ادل وجبت العيد

أنا قلت لازم اشتري قارمن وشريته

وكشت كشته يازين الاوله عندها

أقولها ان شاء الله في الحلقه القاااااااااااادمه

وآسف علي الاطاله





الطيــــــــــــــار

------

راعي ال 8100
2006-03-07, 11:31 مساءٍ
مشكور اخوي عالموضوع الرائع وصراحة اي طلعه لازم يتوفر فيها 4 اشياء مهمة
1-قارمن
2-كينود
3-موتر دفرنسين (دبل)
4-مويه

وان كانك بتشتري قارمن انصحك بالعربي 276 تراه مشاء الله جهاز ومعي واحد انا

الطيار
2006-03-08, 12:20 صباحاً
راعي ال 8100

أشكرك علي المرور والرد

شريت 276 انجليزي وماعندي مشكله فيه

وسيارتي جي اكس ار 2004

وكشت مره ثانيه ياعساك ماتكشت مثلها

ان شاء الله ابي اقولها في وقت ثاني



الطيـــــــــــار

-

مرافق النشاما
2006-03-08, 02:04 صباحاً
اخوي الطيااار

الله يكون بعونك

والحمد لله اللي سلمك

بعض الطلعات توسع الصدر

حتى ولو فيهااا ضيااااع ,,,

مشكووور يالحبيب

ريف النشاااما

nahham
2006-03-08, 08:56 صباحاً
هلا اخوي الطيار

مو انت اول واحد يصير معه كذا

الله ياهي سوالف عند ريف النشاما

ههههههههههههههههه

عش رجبا ترا عجبا

ننتظر الجزء الثاني

الغربي
2006-03-08, 12:13 مساءٍ
الكشته اللي مافيها ضيعه

وتغريس
مالها طعم

تسلم يالغالي

الحنون
2006-03-08, 12:53 مساءٍ
مشكور اخوي على الموضوع

تحياتي لك ،،،،



الحنون

هاوي بر
2006-05-25, 06:24 مساءٍ
اهم شيئ انك رجعت با السلامه

والباقي على الله

عبدالهادي المفرج التميمي
2006-05-26, 07:32 صباحاً
اخوووووووووي الطيار

اول شي اذا ربعك حقين نت خلهم يجون ويقروووووووووووووووون كلامك

والثانية ترها مهيب خزة شكله ضلع غيره

مشكوووووووووووور وبس



سلام