المساعد الشخصي الرقمي

مشاهدة النسخة كاملة : شعيب رائع


nahham
2006-03-04, 11:26 صباحاً
مساء الخير

يوم الاربعاء الماضي اتصل علي احد الاخوه من خارج الرياض

لكن الوقت كان مزحوما باعمال وارتباطات مما جعلنا نقرر اللقاء في شعيب قريب من بلدة دقله

طبعا انا رايح من الرياض والاخ من سدير لذا كان اختيار المكان

http://www.arriyadh.com/cgi-bin/maps/14.gif
خارطة المخرج 8أ

كما هو اضح في المخطط يتضح ان الشعيب يقع على طريق الرياض القصيم السريع

المهم التقينا صباح الخميس في المكان والزمان المتفق عليه وكان صاحبي يرافقه احد الاخوه اما رفيقي فقد اعتذر واضطررت للذهاب منفردا

كان الجو رائعا وان كان يميل للدفء قليلا

شاي وقهوه وبدأ اخونا باعداد الغداء مقسما بالله ان لا اعمل شيئا وكذلك مرافقه وكان له مايريد

شرطي الوحيد عدم التصوير

جلسنا حتى المساء - قريب المغرب - وقد احسسنا ببرودة الجو تشتد وكان صاحبنا مرتبطا بحضور زواج في سدير

افترقنا في المغرب وكل سار الى اتجاه

http://alkumkh.jeeran.com/images/alsuman/degalah.jpg
صوره قديمه للشعيب

الطريق الى الشعيب بري وغير وعر رغم ان سيارتي سيارة صغيره فقد وصلت الى هناك بسلام ام سيارة صاحبنا فهي من نوع الدفع الرباعي

انصح الشباب بزيارته فهو جميل جدا ونظيف وذو اشجار كثيفه وارضيته بطحاء

الى اللقاء

الحنون
2006-03-04, 11:48 صباحاً
مشكور اخوي على المعلومة واتمنى لك الافضل والافضل مستقبلاً

تحياتي لك ،،،،



الحنون - مشرف ساحة الترحيب بالضيوف

nahham
2006-03-04, 12:56 مساءٍ
هلا والله بمشرفنا الحنون

ياهلا بك وبمرورك يالغالي

الغربي
2006-03-04, 01:06 مساءٍ
تسلم يالذيب


لاهنت بيض الله وجهك





راع الغرابه

A7MAD
2006-03-04, 03:12 مساءٍ
واااااااااااااااااااو روعه
ياحظكم تروحون رحلات مع بعض
ليتني في الرياض

عاشق الطير
2006-03-04, 03:52 مساءٍ
قصة جميلة ليوم احسست انه رائع كم تمنيت ان اكون بصحبتكم

لك اخي العزيز كل شكر وتقدير وجعل عملك هذا في موازين حسناتك يوم القيامة

اخوك عاشق الطير

nahham
2006-03-04, 05:58 مساءٍ
هلا اخوي راع الغرابه

وبيض الله وجهك

حياك الله

nahham
2006-03-04, 05:59 مساءٍ
هلا اخوي احمد

اللهم لك الحمد اسرة وحده ولله الحمد

ان شاءء الله تجي للرياض ونروح سوا

حياك

nahham
2006-03-04, 06:00 مساءٍ
مرحبا بك عاشق الطير

فعلا كان يوما رائعا بكل المقاييس

شكرا للمرور والدعاء

أبو خالد
2006-03-04, 06:03 مساءٍ
الله يجــــــــــــــزاك بالخيـــــــر
مشكوووووووور وما قصرت

nahham
2006-03-05, 09:54 صباحاً
هلا ابو خالد

ويجزاك الله بالخير يالغالي

تسلم والله

عبدالهادي المفرج التميمي
2006-03-05, 07:29 مساءٍ
رحلة موفقه باذن الله

والله منتب سهل يا نهاام


تصدق اشتقت لشوفتك

مشكووووووووور



سلام

nahham
2006-03-05, 09:59 مساءٍ
هلا والله باخوي هادي

تسلم والله ولنا لقاء ان شاء الله بس قول ان شاء الله

هيثم المحيلان
2006-03-05, 10:21 مساءٍ
تشكرات يالذيب
وماقصرت وألف شكر

ذيبااان وشرواك

منصور المناع
2006-03-06, 06:28 صباحاً
مايصلح ياهادي تروح بالحالك

لابد لك في السفر من خوي

تراني خويك إذا بغيت روح لرجال

لاتنسى تمرني

ترانا مشتاقين لشوفت الرجاجيل

وترى معرفة الرجاجيل (شرواكم) مكسب

nahham
2006-03-06, 09:28 صباحاً
هلا اخوي القصيم - الرس

تسلم والله ويااليت نجتمع قريبا

حياك

nahham
2006-03-06, 09:30 صباحاً
هلا اخوي اتيكا

علمك غانم وكلامك صحيح والله

لكن بقي انا

الله لا يهينك علموني ان بغيتو تروحون

خذوني معكم

محمد القحطاني
2006-03-06, 09:17 مساءٍ
طيب وحنا مالنا نصيب معكم في هذه الرحلات البريه

بارك الله فيكم

مرافق النشاما
2006-03-08, 02:50 صباحاً
سلااااااااااااااااااااماااات

كل شيء قمتوااا تسووونه

من ورااانااااااا

مثل مااا قاال الحبيب

اتيكاااااا

معرفة الرجاجيل مكسب (( شرواااكم ))

يصير خير

ريف النشاما

nahham
2006-03-08, 09:12 صباحاً
هلا بريف النشاما

انا مثلك ناسيني الشباب

الله لنا

عسى الله يجيبهم غصب عليهم

nahham
2006-03-09, 10:19 صباحاً
ياشباب ما اشوف تفاعل مع الموضوع

لا يكون ما اعجبكم

مطوع
2006-03-10, 11:03 صباحاً
منو قدكم
اجتماعات وزيارات
شرايكم تيوون عندنا في الحسا
حياكم

nahham
2006-03-10, 03:14 مساءٍ
اقول اخوي مطوع ترا انا الوحيد اللي قابلتك

وقريبا ان شاء الله لي رحله عمل للحسا

اتمنى اشوفك
حياك

أبو ثابت
2006-03-13, 12:37 صباحاً
أخوي نهام ..

شاكرلك التقرير الرائع والخريطة المبسطة الأكثر من رائعة ..

ولاكن لايمنع بأن نقرر زيارته يكفي انه أعجبك .. فأكيد راح يكون رائع !!


أعرف ذوقك راعي كيف !!

راعي ال 8100
2006-03-13, 01:12 صباحاً
مشكور اخوي نهام بس وشلون اروح له امسك طريق القصيم واطلع من اي مخرج ؟؟

nahham
2006-03-13, 06:36 مساءٍ
هلا وغلا ابو ثابت

تحت امرك انت اختر الزمان المناسب

لنا الشرف نروح مع ابو ثابت

انا في الانتظار

nahham
2006-03-13, 06:40 مساءٍ
هلا اخوي رعي ال 8100

المخرج رقم 8 ب

طريق القصيم بعد مخرج حريملا اللي بعده مباشرة محطة واستراحة سيسكو تتعداه

اول مخرج بعده تروح يسار روح معه مسافة كيلو بتلاقي

فيه طريق مسفلت يسار روح معه

استمر حتى ينتهي الاسفلت روح يمين واستمر بجانب المزرعه حتى تنتهي

الشعيب مقابلك

لا تنسى اعلاه افضل واجمل

مطوع
2006-03-17, 01:18 مساءٍ
ماعندنا شعبان فيها شجر مثل جذي
الله لو فيه جان علم ثاني
لكن عندنا البحر
انت لا
خخخخخخخخخخخخخخخخخخخخ

nahham
2006-03-17, 08:36 مساءٍ
ههههههههههههههه

صح كلامك ما عندنا بحر

على شان كذا نتمنى نزول الامطار

الله يغيثنا ياكريم

مزركش
2006-03-22, 08:37 مساءٍ
احم .... احم
طالع هناك بدون ما تقول لي
دواك عندي

hamad15
2006-03-22, 10:25 مساءٍ
الله يسلمكم علمونا اذا بغيتو تروحون تراني خوي يالله سلام

nahham
2006-03-25, 12:20 مساءٍ
هلا ابو علي

الجايات اكثر لكن وين الاجازات

عجل علينا

nahham
2006-03-25, 12:21 مساءٍ
هلا والله اخوي احمد

لنا الشرف والله

ياليت نروح سوا

سويتز
2006-04-09, 02:44 مساءٍ
الله يجــــــــــــــزاك بالخيـــــــر
مشكوووووووور وما قصرت

سراب الموت
2006-04-13, 01:12 مساءٍ
اشكرك اخوي على الموضوع واتمنى لكم الافضل مستقبلاً

تحياتي

عزيز
2006-07-22, 03:45 مساءٍ
ياحلاوه على الرحلات اللي على الطاااااااير

القاسم
2006-09-11, 08:38 صباحاً
مصيبة الصور ليه ما تجي ياشبااااااااااب

رحال الصحرا
2006-09-14, 09:22 صباحاً
الله يخليك صلح الصور

الجنوبي 2000
2006-09-14, 03:59 مساءٍ
شي جميل منك يا نهام وما قصرت مجهود تشكر عليه

الشقراوي
2006-09-21, 07:13 صباحاً
يا ملا العافية على جهودك

وانت كلك خير وبركه

ربي يثيبك على هذا العمل


الشقراوي

الغريب
2006-10-08, 01:57 مساءٍ
الله ياني مشتاق للشعبان وهي تمشي سيل

الله كرييم

الطير المهاجر
2006-10-09, 01:50 مساءٍ
يالله ياكريم انك تبكر بالوسمي ونشوف السيل تارس الشعبان