المساعد الشخصي الرقمي

مشاهدة النسخة كاملة : كفرات سيارتك ؟


nahham
2006-10-03, 02:42 مساءٍ
00

0

مرحبا شباب

ماابي اطول عليكم الحين احنا في رمضان وفرحانين حيل بتمديد الاجازة ومقبلين على طلعات البر والليل ولا احلى في نجد الله يتمم فرحتنا بنزول الامطار .............. قولو امين

موضوعنا هذا الله يسلمكم عن كفرات سيارتك يعني نبي نعرف النوع والمقاس وتجربتك فيه في البر والاسفلت والرمل والحجر

الله الله بالمعلومات المفيده وخلونا نستفيد ويستفيد كل زائر لمنتدانا الحبيب

رجاء ذكر المعلومات التاليه :

نوع السياره

مقاس الجنط

مقاس الكفر

ماركة الكفر

مكان الصناعه

نوع الكفر

المقاس الاصلي للكفر حسب الكاتلوج

هل تأثرت السياره بتكبير او تعريض او تصغير الكفر

وياليت صور لو توفرت

شاكرا لكم المشاركة مسبقا

تنبيه : ياليت المشرفين هنا يثبتون الموضوع للاهميه

شكرا لكم

.

..

المصمك
2006-10-03, 04:35 مساءٍ
نوع السياره هايلكس

مقاس الجنط 15

مقاس الكفر 255

ماركة الكفر تويو

مكان الصناعه الظاهر اليابان

نوع الكفر ما فهمت قصدك

لكن واجهتني مشكلة يحك في عمود الوتزن اذا لفيت ويجي له صرصره لكن ارتفع الموتر

شكرا ابو هشام

الجارح 2000
2006-10-03, 05:01 مساءٍ
وعليكم السلام ورحمة الله وبركاته

الف شكر على هذي الفكرة

نوع السياره هايلكس غمارتين

مقاس الجنط 15

مقاس الكفر 225

ماركة الكفر يوكوهاما

مكان الصناعه اليابان

نوع الكفر تيوبلس


اخوك الجارح 2000

دبدوب
2006-10-03, 09:47 مساءٍ
اعتقد نوع الكفر المقصود

نايلون او حجري او راديال

اظن كذا

مدرس
2006-10-03, 10:06 مساءٍ
سيارتي باثفيندر 94
الجنط 15
والكفرات 245/70/15
نوعها راديال
الكفرات ماركة ماكسز
صناعة كوريه من اصل الماني

مره ركبت عراض مره واتعبتني وثقلت قومة المتر وصار الدركسون ثقيل

ومره ركبيت هنكوك وانا جاي من الدمام انفجر كفر والحمد لله سلمنا

يقولون هنكوك ما ينفع ابد اذا نقص هواه

شكرا

المربع
2006-10-04, 12:04 مساءٍ
موضوع جميل ومفيد اتمنى مشاركة الجميع

أبو ثابت
2006-10-04, 03:35 مساءٍ
نوع السيارة باثفيندر ..!!


الكفرات برجستون ..

المقاس .. 245

الارتفاع.. 65

الجنط 16

http://www.4zz.net/show.php?pic=57808


وهذي هي وكفرين منبشرة !!

عبدالهادي المفرج التميمي
2006-10-04, 10:38 مساءٍ
ههههههههههههههههههههههههههههههههه

اما كفرين مبنشره تبي لها جلسه

موتري جيب شااااص >>>>>> كذاب درجه اولى

قصدي شروكي

كفارتي نايلون جنط 16 كروم شد بلد مقاس 255 غاط 8 نوعهن توتو بس عذروبهن ثقيلات على الموتر شوي

ولكن في الرمل ما اعرف الدبل ابد

مشكووووووووووووووووووور



سلام

الصاعق
2006-10-05, 10:44 صباحاً
انا موتري كامري وكلكم تعرفون كفراتها لكن استفدنا من ردود الاخوان

اخوك الصاعق

راعي الفيضه
2006-10-05, 12:52 مساءٍ
روعه يانهام الله يعافيك
ليت الشباب يواصلون ويقولون احسن كفرات ركبوها

الوسمي
2006-10-05, 02:06 مساءٍ
نوع السيارة لاندكروزر



الكفرات دنلوب بالون


المقاس 900


الصناعة اندنوسي


جنط 16


وهذي هي احسن كفرات ركبتها بالجيب اريح ومافيها بطناج ولا قرقعه وترفع الموتر

النمر
2006-10-05, 02:21 مساءٍ
موضوع مهم اخوي نهام .

بالنسبه لي جربت مع الباثفندر كذا نوع من الكفرات و خذ النتائج .

اولاَ كفرات الوكالة :

الكفرات برجستون ..

العرض 245

الارتفاع.. 65
الجنط 17 .

الكفر قاسي على السيارة و يعتبر جيد جداَ ينفع لكل شي الا الرمل
عيبه الوحيد الرمل ما يصلح ابد .


النوع الثاني دنلوب .

العرض 265
الاَرتفاع 65
الجنط 17 .

يعتبر افضل من البريجستون لأنه يمشي في الرمل افضل . هذا الكفر رغم انه مساوي لكفرات الوكاله من حيث رقم الإرتفاع إلا انه على الواقع ارفع بكثير مما ساعد على رفع السياره .


النوع الثالث فايرستون ياباني .

العرض 275
الإرتفاع 65
الجنط 17

ممتاز للتغاريز و الرمل ماشاء الله . ويرفع السياره .

عيبه الكبير ما ينفع للحصى ابد و على طول يتشقق الكفر لأنه لين و عريض و بهذلني هذا الموسم في الصيد مما اضطرني لتغيير الجنط و النوع لكفرات بريجستون قاسيه .



كفرات الرمل افضلها في الشتاء لأنه تكثر الرحلات الى المناطق الرمليه مثل الدهناء .

اما وقت الصيف و الصيد فأغلب الرحلات في الشعبان .


هذا و الله أعلم ..

و الشكر موصول لك اخوي نهام على هذا الموضوع المهم و المتميز ..

حـاتـم
2006-10-08, 06:50 صباحاً
السلام عليكم

نوع السياره : نيسان باترول

نوع الكفر : بيرجستون

مقاس الكفر : 17 - العرض 275 -الطول 65

وهاذي النوعيهخ جدا تعبانه بصراحه

يابسه فالرمل ومطبها قاسي كنت اتمنى الدنلوب الـ17 لكن سعرها انهبل وصل الى 580 للكفر الواحد !!!

ويازين البالون بس
___________________________________________


أخوي الوسمي

اخوي انت معجب فالدنلوب الاندونيسي

اجل لو تركب السيموتومو الياباني وش بتقول

والله ياهي كفرات روووووووووووووووووعه

اولا خفيفه اخف من الاندونيسي

واكثر تحمل وفالرجه افضل من الاندونيسي


وشكرا

أخوك / حاتم

متعب
2006-10-10, 12:14 مساءٍ
موضوعكم ذو شجون الله يخليكم
اخوي حاتم انا جربت سومو تومو اللي تقول عنها بصراحة تخلي الشاص لكسز خخخخخخخخخخخ بدون مبالغه يعني ما تحص باي بطناج او مطب
لكن لو تحط الضغط 50 وتشوف الكفر تقول منسم
وهذا اللي خوفني فيها وما كملت في سيارتي اكثر من يومين ورجعتها وركبت ماكزز بدالها
ياخوك خفت عليها من الحجر قلت بتنفجر في اقرب شعيب
شكرا لكم

راعي ال 8100
2006-10-10, 04:33 مساءٍ
نوع السياره

جمس 8100 م 2005
مقاس الجنط

16
مقاس الكفر

بالون 900

ماركة الكفر

ماكسيس

مكان الصناعه

والله مدري
نوع الكفر

بالون

المقاس الاصلي للكفر حسب الكاتلوج

265/60

هل تأثرت السياره بتكبير او تعريض او تصغير الكفر

طلع شكل الموتر تمام ورفعت السيارة والحمدلله مافيه اي تاثير

ومشكور اخوي الغالي ابو هشام عالموضوع الرائع ولاهنت

كلي امل
2006-10-12, 12:37 مساءٍ
ياجعلكم تسلمون والله ياموضوعكم هذا مرجع لكل عضو او زاير

حـاتـم
2006-10-15, 06:27 صباحاً
اخوي متعب السوموتيمو الياباني غلطان كانك غيرته

انا كان نص عمر ومع ذلك معبيه 50 وكنت اقص الصمان بدرب وبدون درب والحجر

تضررت وتجرحت بس ماتشققت ابد الا الان وكل شوي متسلفها واحد مني والى الان عايشه

ومن بدايه رمضان خذها مني واحد طب شعيب وانشق واحد بس

مع انها مسحقه وتاريخا 2003


وشكرا

nahham
2006-10-15, 02:55 مساءٍ
مشكورين شباب على الردود الاكثر من رائعه

ونامل من الباقين المشاركه وياليت تركزون شوي على التاثير اللي لاحظتو بعد تغيير الكفران في الرمل او الحجر او الطريق السريع

اخوي حاتم ولا عليك امر ياليت توضح لنا كيف نعرف تاريخ الصنع

الله يعافيكم جميعا

حـاتـم
2006-10-16, 07:57 صباحاً
تاريخ الصنع

يعرف عن طريق ختم على جمب الكفر

يبين فيه تاريخ سنه الصنع واسبوع الصنع

مثل الصوره

http://www.q8boy.com/uploads/10f5b59ac5.gif




واتمنى اني أفدتكم

وشكرا

أخوكم / حاتم

شفاوي
2006-10-17, 01:10 مساءٍ
موضوع بالغ الاهمية والله يفيد الكل
بارك الله فيكم

ولد قطر
2006-10-18, 01:41 مساءٍ
موضوع مفيد انا قاعد اتابعه لكن نبي زود مشاركات لا هنتو

الوسمي
2006-10-20, 02:03 صباحاً
والله يا حاتم

دورت سوموتومو لعام وماحصلت

ولقيت يوكوهاما بس سعرها غالي

وقالو الدنلوب ما يجي الا اندنوسي

بس ممتازه وما فيها رجه ولا شي

وشكل الجيب فيه روووووعة

الجنوبي 2000
2006-10-20, 06:44 صباحاً
نوع السياره هايلكس

مقاس الجنط 15

مقاس الكفر 225

ماركة الكفر سمو تومو

مكان الصناعه اليابان يقولونه ههه

نوع الكفر تماتيك هههه بدري والله بس اظنه بالون اسمع بها


ولكن في الرمل ما اعرف الدبل ابد

اذكر ربك يا هادي شايفك مغرز في سكه خخخخخخخخخخخخخخ

حـاتـم
2006-10-20, 11:20 صباحاً
السوميتومو

قليل تلقاها

وخاصه الياباني منها


والدنلوب الاندونيسي

لا بأس فيه

لكن ودي اصحح معلومه

ما فيه بالون مايرج ابدا

لكن لبوالين اذا كانت جديده

ماترج واذا كان الترصيص ممتاز ماترج

لكن مسأله وقت وتجيك الرجه


هاذا والله اعلم


وشكرا

أخوكم / حاتم

الساجي1
2006-10-21, 11:35 صباحاً
ودي اصحح معلومه

البوالين بعضها مايرج الااذا كان الكفر بارد مثل الصباح شوي يحمى الكفر ويزين

حسب تجربتي في البالون 900/15 و900/16

الدنلوب الياباني والانونيسي مايرج الابارد
السومتومو مايرج ولايجي الانوع واحد الي هوالياباني
اليوكوهاما ماترج بس الثقال خصه 8 غاط
فايرستون حليله وماترج
البرجستون اندونيسي مثله مثل اليوكوهاما


الكوري كله يرج كومهو هنكوك مارشال

الصيني دمار من يوم ينقص هواء الكفر حبل ارمه

السيام فيها رجه خفيفه بس انه ثقال نوعن ما بسنه تأخذ اطول مده في البوالين تايلندي

المكسيس تايواني كله فيه رجه خفيفه 6غاط 8غاط بس انه حليل على حد السيام والياباني
الهيرو يقولون نفس السيام وانا ماجربته اما الباقيات من واقع تجربه على جيوب و جموس
هذا ماعندي عن البوالين

مخيم
2006-10-21, 01:25 مساءٍ
ياسلام عليك يالساجي معلومات مفصله ودقيقه
الله يعطيك العافيه

قاصد خير
2006-10-22, 12:46 مساءٍ
وراكم شلتو عنه التثبيت
كان احسن موضوع هنا وانا سجلت على شانه
جاكم ماجا مكشات

عاشق جيب
2006-10-23, 10:33 مساءٍ
خابر هالموضوع مثبت وراه طاح
مسكين اللي ماله واسطه

ذيب ليل
2006-10-24, 12:40 مساءٍ
افاااااااااااااااااااااااااااااااااااااااااااااااا ااااااااااااا
عاداكم مكشات

مهندس
2006-10-24, 01:04 مساءٍ
قترح على الاداره نقل الموضوع الى ادوات الرحلات اذا المشرف هنا ما يبيه

مرعوب
2006-10-25, 11:02 صباحاً
موضوع قمه من جد
مشكورين

مندوب
2006-10-25, 12:20 مساءٍ
اتمنى من المشرف اادة تثبيته لاهمية الموضوع ولوقف كلام البعض
من الاصل لم يكن انها التثبيت موفقا

طير السعادة
2006-10-25, 05:50 مساءٍ
شكرا على ما قدمتوا لنا من فوائد ومن معلومات

ربي يعافيكم

غريب الدار
2006-10-26, 11:16 مساءٍ
يو لسيارتي شيروكي
ناوي اشتري
شرايكم في توبو راديال ؟؟؟؟

صفراوي
2006-10-27, 08:53 صباحاً
موضوع صح

حـاتـم
2006-10-27, 09:47 صباحاً
السلام عليكم


أخوي الساجي

البوالين سالفته سالفه

انا عندي سوميتمومو وياباني ومع الوقت بدأت ترج

وللعلم

الدنلوب والسيموتومو اخوان

وكلها تجي ياباني واندونيسي


لكن الياباني منها

الان نادر تحصله

ووكيل سوميتومو فالمملكه

الموجود اصلا فالشرقيه

واسمه خاتم الخاتم



وشكرا

أخوكم / حاتم

حـاتـم
2006-10-27, 09:50 صباحاً
وتم تثبيت الموضوع

لأهميته وعلى طلب الاخوان الاعضاء الكرام

وشكرا

أخوكم / حاتم

ولد الخبر
2006-10-27, 12:31 مساءٍ
اخوي غريب الدار
سمعت ناس يمدحون التويو في الرمل لكن يقلون ان جنب الكفر ضعيف وما يتحمل الحجر واو الشوك
يمكن احد يقدر يجيبك احسن مني

ولد قطر
2006-10-27, 12:50 مساءٍ
مرحبا
هنا في قطر كل التواير بالون او تويو او سوميتومو
نهتم بالتواير الرمليه ماكو حجر كله رمل

مشكورين

الهامور
2006-10-28, 10:24 صباحاً
هلا
اشوف واحد من الشباب مركب على سيارته سوزوكي كفرات سوموتومو ويمدحها
انا معجب بكفرات ماكزز
وش رايكم ؟؟؟؟؟؟؟؟؟؟

صوار
2006-10-28, 12:50 مساءٍ
اهم شي ابعد عن هانكوك الله لا يبارك فيه من صنعه

صياد
2006-10-29, 12:35 مساءٍ
مشكلة الهانكوك ما ينفع اذا نقص هواه على طول ينسلخ
شكرا

جمال
2006-10-31, 09:05 صباحاً
انا اشهد ان كلامك ياصياد صحيح
هانكوك ما تنقرب

ضلع السروات
2006-10-31, 12:36 مساءٍ
نصيحتي ابعدوا عن الصينيات يا اهل البر ما تصلح

تصلخ وتقطع وتحوس مريرك

نمر
2006-10-31, 07:22 مساءٍ
حيرتونا
الصيني ما ينفع
التويو جنبه ضعيف ما يتحمل
الدنلوب يصيح
البالون يرج
والله ماادري وين الصح الحين

كواسر
2006-11-01, 10:14 صباحاً
اي والله ليت احد الاخوان المختصين يعطينا افضل الانواع

net
2006-11-01, 12:54 مساءٍ
ماشاء الله تبارك الله على كاتب الموضوع الله يجزاه خير افادنا الكثير
لكن وين الباقين ؟؟؟؟؟؟؟؟؟؟؟؟؟؟؟؟؟؟؟

صاحب المدرسه
2006-11-02, 10:01 صباحاً
انا تجربتي كلها على كفرات ماكسز
ممتازة بالحيل وما شفت احسن منها
عيبها الوحيد قاسية شوي في الرمل لكن ما مثلها

شريف
2006-11-04, 10:06 صباحاً
عجلو علينا انا بغير كفرات سيارتي

بلبل
2006-11-06, 09:34 صباحاً
موضوع قيم ومفيد جزاكم الله خير

رعود
2006-11-07, 12:07 مساءٍ
انا عندي الكفرات اللي على الباثفيندر هنكوك لكن ماانصح بها

سحر الرمال
2006-11-08, 11:12 صباحاً
صدقت يالطيب هانكوك ما تنقرب

al7rbi
2006-11-08, 12:41 مساءٍ
الموتر ماله الا كفرات بلاده

ولكن التوتيو تراه حليو بس عماره الهواء

هواوي تمير
2006-11-09, 10:10 صباحاً
يالغالي ماعاد فيه كفرات بلاده الكفرات كلها صين ويقولون ياباني

قمر تمير
2006-11-11, 09:25 صباحاً
يكدحون البالون لكن واحد من الاعضاء عنا يقول انها ترج بالموتر

عيون الحزن
2006-11-12, 10:53 صباحاً
عز الله ضيعتونا وما عرفنا راسنا من كرياسنا

الخطيب
2006-11-13, 12:46 مساءٍ
كنت اتابع الموضوع لكن مااحد فادني
اليوم الصبح رحت الغرابي وركبي كفرات مدحوها لي اهل المحلات واسمها ماكسز
شرايكم فيها

عبدالرزاق
2006-11-14, 01:04 مساءٍ
كفرات ماكسز بالنسبة لي ممتازه بالحيل
مبروووووووووك

نايف العز
2006-11-14, 08:00 مساءٍ
والله الأفضل ..

برجيستن ـ الأسم الصحيح "بريجوستن "

لك الناس يختصرون ويقولون برجستن ..

وعندك ميشلان ..

وإذا الموتر هايلوكس ..
أنصحك بيوكهاما ..

شملول
2006-11-15, 09:16 صباحاً
اخوي M5awi Tumair

لكن ترا كل اللي في السوق صيني ماعاد فيه اصلي

love
2006-11-16, 09:10 صباحاً
ياكثر انواع الكفرات في الغرابي وكل محل يمدح اللي فيه مكسب اكثر ولكن صعب الاختيار

nahham
2006-11-18, 09:51 صباحاً
ماشاء الله تبار الله

مشاركات ممتازه الله يعطيكم العافيه

سنافي
2006-11-19, 01:46 مساءٍ
بارك الله فيك
موضوع يستحق الاشاده

جبل طويق
2006-11-19, 08:00 مساءٍ
مشكوووووور على الموضوووع الاكثر من رائع

مكرم ضيوفه
2006-11-20, 09:22 صباحاً
الكفرات زينه الا هانكوك ابععدو عنها

راعي العشه
2006-11-22, 10:42 صباحاً
موضوع مميز

عاشق الصمان
2006-11-23, 12:34 مساءٍ
خذت شوركم وركبت اليوم كفرات ماكزز
255/70/16 من الغرابي اربعة كفرات 1100 ريال مع التركيب والترصيص
الله يطرح البركه ان شاء الله

سائح
2006-11-23, 08:41 مساءٍ
بالمبارك ان شاء الله والله يعطيك خيرها ويكفي شرها
انا مجربها زينه لكن ما تنفع للرمل

ولد الخبر
2006-11-25, 12:35 مساءٍ
ماكسز انا مجربها على باثفيندر قديم وممتازه حيل لنها مثل ماقال بعض الاخوان مو ذاك الزود في الرمل

عتوي
2006-11-26, 06:10 مساءٍ
كفرات تويو اليابانيه لا تتعداها
تستاهل قيمتها

عين السيح
2006-11-27, 06:06 صباحاً
ياكثر انواع الكفرات في الغرابي وكل محل يمدح اللي فيه مكسب اكثر ولكن صعب الاختيار

كلامك اعجبني جدا

والله شي يحير

مبارك
2006-11-28, 12:26 مساءٍ
ماشاء الله عليكم
معلومات قيمة الله يرحم والديكم

ملك الجمــــــــس
2006-11-28, 03:10 مساءٍ
موتري جمس م 2006
نوع الكفرات : جود يير

شد بلد قاسيات جدا مايصلح للنفود بس خطوط الصناعه امريكيه جنط 16 H

ومشكور على الموضوع ابو هشام

ابن حسين
2006-11-29, 08:58 صباحاً
كنت اركب ياباني الين قال لي اللي انا اركب عنده في الغرابي بعد ماعرفني وركبت عنده لسيارة الوالد ولاخوي الكبير قال لي ترا كل الصناعه في الصين او تايلند او ماليزيا حتى لو تبو عليها المانيا لا تصدقهم

حبيت اعلمكم بس

ساهر
2006-11-29, 12:21 مساءٍ
موضوع قيم بارك الله فيكم يستفيد منه الجميع

مطرب
2006-11-30, 11:34 صباحاً
معلومات مفيده الله يجزاكم خير

صغيرون
2006-12-02, 12:02 مساءٍ
الله يعطيكم الف عافيه

شموع
2006-12-03, 09:33 صباحاً
الحين كل التواير تصنيع جبل علي ويكتبون عليها دولة المنشأ

الجزل
2006-12-04, 09:05 صباحاً
تبقى الكفرات شيء مهم جدا
والاختيار صعب وحقين المحلات يمدحون اللي يكسبهم

شكرا لكم

المربع
2006-12-06, 12:35 مساءٍ
موضوع مهم جدا
تسلمووووووووووووووووووووووووووووووووووووون

الله يجيب الخير
2006-12-07, 01:36 صباحاً
الله يعطيك الف عافية

ومشكور على النصايح

في حفظ الله

عليان
2006-12-10, 12:34 مساءٍ
موضوع لا يعلى عليه

محافظ
2006-12-11, 12:48 مساءٍ
افدتونا الله يرحم والديكم ويجزاكم عنا خير

راعي محلات
2006-12-12, 08:16 صباحاً
عز الله موضوع يستحق القراءه بتمعن

مغرز بالمسفلت
2006-12-13, 06:28 مساءٍ
الاصلي دايم افضل لكن ون الاصلي اليوم
مشكورين

البلاع
2006-12-14, 07:49 صباحاً
احسنتم بها الموضوع المفيد

عناز
2006-12-15, 01:06 مساءٍ
موضوع دسم ومفيد جدا

القلب الحجري
2006-12-18, 05:21 مساءٍ
مشكوووووووووووووووووووووووووووووور

خضران
2006-12-18, 07:10 مساءٍ
مشكلة الكفرات من اكبر المشاكل خاصة انه مافيه فرق بين الاصلي والتقليد

قريب بدو
2006-12-19, 12:33 مساءٍ
والله يالغاليين ركبت فرات ماكسز اللي تقولون لكن طلعت ما تنفع بناشر ثيره

عقيرب
2006-12-20, 12:31 مساءٍ
الله يرحم المسلمين
ما بقي اصلي في البلد

حسينوه
2006-12-23, 02:22 مساءٍ
موضوعكم في غاية الاهميه

مهنا
2006-12-26, 01:30 مساءٍ
احترنا وحيرتونا
اجل ويش الزين من الكفرات

راعي الدلم
2006-12-29, 01:25 مساءٍ
والله البلشه هالكفرات ما صرنا نعرف الزين من الشين
غش في غش

صاهود
2006-12-30, 05:50 صباحاً
الا صدق ان اكثر الكفرات عندنا رجيع كفرات خربانه ؟؟

سلطان البر
2007-01-07, 08:01 مساءٍ
عجزنا ندور كفرات اصليه وا لقينا
كله غش

مسكت
2007-01-08, 12:35 مساءٍ
تصدقون انضرب علي كفر ماتم شهر
حسبنا الله على من غشنا

خضران
2007-01-11, 08:16 صباحاً
تبون الجد حيرتونا

سوالف ليل
2007-01-12, 01:26 مساءٍ
من كثر الغش ضعنا في الطوشه
حسبنا الله على من غشنا

الولهان
2007-01-14, 10:51 صباحاً
حسبنا الله على كل غشاش

الدوار
2007-01-14, 01:06 مساءٍ
بصراحة كفرات السيارت تحتاج الى انتباه وتدقيق

شكرا اخي نهام على هذه الفكرة

راعي الحزوم
2007-01-15, 10:39 صباحاً
والله يالغرابي كل يمدح وهم عمال اخر من يعلم
لكن اللي مكسبه اكثر هو الزين

مناور
2007-01-16, 12:08 مساءٍ
عز الله انك صادق ومن راح للغرابي شاف البلاوي

ابو الولد
2007-01-17, 08:46 صباحاً
مسكين من يدور كفرات
الظاهر بنحول للصيني اضمن عن الغش

اسير الوله
2007-01-19, 09:18 صباحاً
اذا صرنا عارفين ان السوق كله غش

اجل وش الحل يالربع تكفون

عزيوه
2007-01-21, 10:10 صباحاً
تبون الراي ياشباب
الله الله بالرخيص وتفتكون من الغش

صقر تمير
2007-01-23, 09:07 صباحاً
ابي اغير كفرات جيب شيروكي واحترت

شريطي
2007-01-25, 12:59 مساءٍ
كفرات الددسن رايحها والاستماره منتهيه

ماجد الماجد
2007-01-27, 01:06 مساءٍ
حسبي الله عليهم من غشاشين الله لا يوفقهم

مطعس
2007-01-29, 08:56 صباحاً
كل شي صار غش الله يعين

النمر
2007-02-14, 11:48 صباحاً
موضوع الغش وارد في الكفرات و غيرها .

الكثير من الشباب يحتارون في اختيار نوعية الكفرات ، و خذ النصيحة من مجرب .

اذا أنت راعي خطوط و قليل روحات للبر ، خذ لك كفر ممتاز و غالي من الوكيل ( يوكوهاما أو بريجستون او ميشلان الأصلي ) و لا تتحسف على قيمته لأنه فوق الأزفلت و ما يعدم الكفر الا البران و المقانيص ، و لا تنسى تأخذ نفس مقاس شد البلد .


أما البر و ما ادراك ما البر :
اذا انت تحب تطلع للنفود خذ كفر لين و اعرض و ارفع من مقاس شد البلد بس لا يكون عريض ووواجد لأنه يؤثر على السياره ، و دعسة الكفر تكون عاديه ، و اوصيك بنوعية جيده مثل ( تويو ) او ( جووود يير ) أو ( فايرستون ياباني ).

كفرات البالون و الشاهين مخصصه للرمال لاكن لها بعض العذاريب على الأزفلت مثل قلة التماسك وقت الأمطار ، و هي تصلح لواحد عايش في قرية وسط النفود و لا يعرف الأزفلت الا قليل .


المناطق الوعرة و الحصى يبي لها دعسات حجرية من بريجستون او دنلوب او اي نوع جيد آخر . و أحرص يكون الكفر غير عريض ، لأن الكفر الغير عريض نسبة تعرضة للحصى الحاد أقل من الكفر العريض ( اسئلوني مجرب ) , بريجستون سلق ممتاز ..

راعين السيارت الصغار ما عندك مشكله طق لك طقم كفرات ممتاز و أرقد.

يا اخوان انا لي تحفظ على الكفرات الكورية ( مواصفاتها لا ترتقي لأجوائنا القاسية شديدة الحرارة فمعامل تحمل السرعه و الحرارة يعتبر ضعيف مقارنة بالنوعيات الأخرى ).

هذا و الله سبحانه و تعالى اعلم ...


و أعذروني على الإطاله ، لاكن شفت الشباب متفاعلين قلت خلني اشاركهم لعلي افيد .

مشرف سابق
2007-02-17, 08:34 صباحاً
صدقت اخوي النمر لكن وين الاصلي
المسأله كلها غش في غش

حـاتـم
2007-02-22, 06:56 صباحاً
الاصلي يبان

يعني اي نوع تبي تعرف انها اصلي يبان من كتابته من اشياء واجد مقاسه مثلا الشركه الي متوكلته

والذكي ماينغش عليه

وشكرا

أخوكم / حاتم

nahham
2007-02-23, 07:18 صباحاً
مشكور ابو عبدالله على المشاركه فخبرت مهمه جدا لنا

حـاتـم
2007-02-24, 04:48 صباحاً
عندي لكم

مثال قريب وواضح

الدنلوب التجاري مقاس ال16 فقط

تجي كتابه الـ DUNLOP فارغخ من الداخل فقط إطار الحروف الخارجي والي يسمونها البناشر ((دنلوب خليجي))

اما الدنلوب الاصلي تجيك الكتابه مليانه بيضاء داخليها مثل الي على هالجيب الي بالصوره :

http://www.l22l.com/l22l-up-1/5d3cfc7903.jpg



ووكيله بن زقر


وشكرا

أخوكم / حاتم

مرافق النشاما
2007-02-25, 12:15 صباحاً
وعليكم السلام ورحمة الله وبركاته

الف شكر ويعطيك الف عااافيه

نوع السياره جمس سوبر صالون

مقاس الجنط 16

مقاس الكفر 245 / 75

ماركة الكفر مشلان

مكان الصناعه اظاهر امريكي

نوع الكفرر تيوبلس

تحيااااااااااااتي

مرافق النشاماااا

الـولهان
2007-02-27, 10:23 صباحاً
مع اعتذاري للاخ حاتم
بكل اسف تجد ماركه مشهورة وكتب عليه صنع في امريكا لكن غير صحيح
لو تعرف احد من التجار علمك الحقيقه

نجر بن محماس
2007-03-02, 09:11 صباحاً
وتبقى مشكلة الكفرات من اخطر واهم مشاكل الكشاته

2007
2007-03-04, 10:07 صباحاً
الكفرات مهمه
انا اشتري الرخيص لاني راعي صيد والشوك والحجر ما يفرق بين الاصلي وغير الاصلي

فارس غامد
2007-03-07, 09:34 صباحاً
حسبي الله عليهم من غشاشين الله لا يوفقهم

بركات
2007-03-10, 12:53 مساءٍ
حسبي الله عليهم من غشاشين الله لا يوفقهم

ابو منقاش
2007-03-11, 09:46 صباحاً
عاد الغش في كل شي
والكفرات مشكلتها مشكله

h s m
2007-03-12, 10:17 صباحاً
اكثر التعقيد في الاطارات
التاريخ رموز
السرعه رموز
الغاطات رموز

متوفق
2007-03-13, 11:13 صباحاً
ياشباب ما شفتو الغش الا في الكفرات
كل الدنيا غش في غش

aboanas
2007-03-15, 01:25 صباحاً
شكراااااااااااااااااااا لك 00000000000000000000

الضويلع
2007-03-17, 09:18 صباحاً
المصيبه حتى السعر الغالي ماصار دليل انه اصلي

المعلم
2007-03-19, 12:46 مساءٍ
ارخص ما تلقى اشتر كلها واحد

nahham
2007-05-15, 07:05 صباحاً
موضوع شيق تم رفعه بمناسبة قرب الاجازة والحاجة لتغيير الكفرات

altargay
2007-05-15, 07:44 صباحاً
السلام عليكم ورحمة الله وبركاته
نوع السياره نيسان بيك اب
مقاس الكفرات 275
جنط 15
النوع شاهين عريض
الصناعه الظاهر ياباني
ما فيه مقارنه مع شد البلد اسهل / ارسى / اخف
ودمتم سالميـــــــن