سحاب-ياباغين الشور والصدق ينقال

[سحاب شقراء]

السلام عليكم ورحمه الله وبركاته

هذي جت في بالي وكتبتها ونا احس انها مهيب معجبتكم مدري اقول يمكن
وبيكم تعطوني رايكم جعلي معدمكم زينه قلنا زينه شينه قلنا شينه
شوفوني حاط لكم وريدات

:ordh::ordh::ordh:

ياباغـيـن الشـور والصـدق ينـقال

اسمع حروف القاف وميـز معانيه

تـدري وش اثقل هـم لوكنت شيال

الا تخـلا عنـك مـن كنـت شاريــه

اصبـرولو دمعـك على الخـدهـمال

بس الحـذرلا يلمح الـدمـع راعـيـه

اصبـروخـل النفس تصبـر وتحـتال

وعسف رضا نفسك وخل المشاريه

والـزم رضا ربـك على كل الاحوال

الي على جـروح الزمن دوم يبريه

سبحان منهـو يجلي هموم وهـوال

الواحـد المعبـود محــدن يـماريــه

لو قال كوني كانت الارض بالحال

والكون كله خاشعن بس يرضيـه

جنب دروب الاش ياطيـب الخـال

وحذر تطيع ابليس جنب حراويه

وبشر بمنهـو بالعـطا مالـه امثال

الواحـد المعبـود ماشـي يخفـيـه

والملك بمره دوم معطـي وشيال

بمره يكون الكون وبمره يواسيه

سبحان والي الكـون ماهـل همال

وعداد خلقه جل من كان محصيه

وعـداد ماهـبـت ذواريـه بالجــال

وعـداد حبات الرمـل عند ذاريـه

سحاب شقراء

[الركام]

صح لسانك ياسحاب شقراء
نصيحة رئعة و وافيه

[سحاب شقراء]

صح لسانك ياسحاب شقراء
نصيحة رئعة و وافيه

والله انت الرائع ولا القصيده ماضنيته شكلها ما اعجبت احد

يالله لا تفاشل توبه من القصيد

[بقآيآ .. حرف]

صح لسانك شاعرنا وشايبنا
سحاب شقراء
جدآ الأبيات جميله وسلسه
شكرا لك بحجم الكون
لدي ملاحظه ع الشطر الأول و الأخير
يا باغي ن للشور والصدق ينقال
وعداد حبات الرمل في مذاريه
ربما هكذا أفضل
كل التحايا

[رعد الشمال]

اصبـرولو دمعـك على الخـدهــمال

بس الحـذرلا يلمح الـدمـع راعـيـه
$
$
$
$
$
اصبـروخـل النفس تصبـر وتحـتال

وعسف رضا نفسك وخل المشاريه

صح لسانك قمة الابداع
جزل ياسحاب
:ordh:

:ordh:
:ordh:

[عبدالمحسن الرحمه]

صح الله السانك شاعرنا جزلة من جزل

[عابر سبيل]

صح لسانك واعتلاء شانك يالغالي ،،،