إنت إتصالاتك على العين والراس .... قصيدة للشاعر / بدر الشيب المطيري

[الوااا(بالله)اااثق]

مما راق لي

أنت اتصالاتـك علـى العَيـن والـراس
قصْـدك تواصلنـي وتاخـذ علـومـي

رفيقـي الغالـي وطيّـب وابْـن نـاس
وسوالفـك عذبـه وتجلـى همـومـي

لكـن رمـاك الله بشاعـر وحَـسّـاس
واحساسـي احيانـاً يـكـدّر حْلـومـي

يرسم على وجهي من الضِيقـه اقـواس
ويشتّـت افكـاري وينهِـك عـزومـي

غيري لا ضاق يقول : ( خِيره وَلا باس )
وأنا لا ضقْـت تضيـق فينـي هْدومـي

مهوب ضعْف ايمـان وشْعـور باليـاس
أمْسِـي ورا ظهـري .. وقانـع بيَومـي

آمنـت باللـي صـوّر العالـم اجنـاس
عالـم خفـا نفسـي وقاضـي لزومـي

راضي بمقسومي رضا مـا لـه قيـاس
رهين فكْـر .. ولـي سَمَـاي ونُجومـي

وبالي من احداث الزمـن دَوم منحـاس
وغزيـر دمعـي مـا تمشّـه كمـومـي

الكبْـد مندبْلـه والاغـصـان يـبَّـاس
يـا كثْـر صدّاتـي ويـا قـلَّ نـومـي

ما افرح لو انّ المنتخـب ياخـذ الكـاس
راسي ما عَوَّدتـه مـعَ الـرُوس يُومـي

لي اهتماماتي وحرْصـي علـى سـاس
وأخـاف مـن حرْصـي تزايـد ثلومـي

واللي يخاطبني بَـلا وعْـي واحسـاس
كنّـه مقلّطنـي علـى دِيـك رومــي!


الشاعر بدر الشيب المطيري

[تناهيد]

رفيقـي الغالـي وطيّـب وابْـن نـاس
وسوالفـك عذبـه وتجلـى همـومـي

لكـن رمـاك الله بشاعـر وحَـسّـاس
واحساسـي احيانـاً يـكـدّر حْلـومـي

قصيده رائعه..
صح لسان شاعرها..
و سلمت يمناك ع النقل والاختيار الذوق ...
الله يعطيك العافيه..

[رذاذ]

صح لسانك وسلم بنانك استاذنا الواثق بالله
على هذا الإختيار الجميل ..
دُمت بحفظ الله

رذاذ