♡♢ هواجيس ~~ شطر ♢♡

[شطر]

بسم الله الرحمن الرحيم..

اسعد الله اوقاتكم جميعا..
زاويه خاصه لأبياتي المتواضعه ارجو ان تنال الاستحسان..

[شطر]

بين ترتيب الحروف وحسها المتناغم
المشاعر كنها في ليلة(ن) شتويه
هاجسي ياهاجسي لرضاه جيتك راغم
جفت عروق الغلا وعدودها المطويه

[شطر]

لو تفارقنا جسد ..أشواقنا تجمعنا
كل بيت(ن ) فيه شطر وفيه شطر(ن) ثاني
لو يضيق الكون كله.. بيتنا يآسعنا
ان تباطيت الغياب بمجلسه تلقاني

[شطر]

غدير الغرام اللي جلسنا على جاله
أمره وأصد وكن ماعاد له ذكرى
تجيه السحايب بين فترات هماله
تصب الشغايا فيه والجرح مايبرى

[شطر]

《على جال ضو الشوق لي دله وبراد
وهاجوس شعرن بين الاضلاع وقادي
لأجل كامل الاوصاف اجيب البيوت جداد
وادون بها التاريخ هجري وميلادي》

[شطر]

شموع الغلا اللي تشتعل من لهيب الشوق
هبوب الفراق البارده جات واطفتها
مع ان الفتايل في ذرى القلب والمعلوق
ولكن ماجتها من رياح كفتها

[شطر]

تلوح البروق بغيمة الشوق طول الليل
ويطحن حنين رعودها صدري البالي
الا جر قلبي جر غصن يجره سيل
لحته الصخور وطشه السيل من عالي

[شطر]

تبل العروق ابيات شعرك ليا من جات
وهي قبل شفقانه على الحرف والحبكه
عسى الله يجيرك من عنا الوقت والصكات
تجرعت حبك لين سببت لي ربكه

[شطر]

تموت الحروف من العطش والضلوع حطام
وصحراء غرامك خاليه مابها مرعى
لو ان الضمير المستتر عاش بالاحلام
كان اكثر قلوب الناس في سكته صرعى

[شطر]

♡حبيبي فمان الله مشكور ماقصرت
تخيرت دربي وانت دربك تخيرته
وقلبن فتحته لك انا اليوم له سكرت
وعن جملة الحلوين شلته وكسرته♡

[شطر]

يلوم المفارق واحدن ماشكى الفرقى
وﻻ جرب اللي يشتكي المشتحن منه
اﻻ ياوجودي يااريش العين يالطرقى
وجود الصويب اللي جدا حالته ونه

[شطر]

اسعد الله صبح قلبك مع صباح احبابك
يامصبحني بصوتك جعل ما اعدم صوتك
والله اني يوم افارق بسمتك واهدابك
مايصبرني سوى ترديد نظم بيوتك

[شطر]

أشرقت شمس الصباح وشعشعت بالديره
والسماء لحن الحياه يلج به طايرها
إنسياب الماء وكنه ماشي(ن) في حيره
مع مخاضير الشغايا أعجبت زايرها

[شطر]

اسلى وانا قلبي بلاماك مشغول
ماكن مخلوقن من الناس حولي
ﻻحول ياسيد الغنادير ﻻحول
من عام الاول وانت سبة ذهولي

[شطر]

ما انته من العالم وﻻ انته بمعقول
وﻻظنتي مثلك محلي ودولي
حتى بحكيك يطلع الحرف معسول
افقد شعوري منه وآقول ..قولي

[شطر]

يادر ياياقوت ياالماس يالول
احترت في وصف الجمال الطفولي
بالمختصر انا متيم ومقتول
وﻻهمني هرجن يقوله عذولي

[شطر]

ياغصن الاشواق ماشفته؟؟
بالله ماداعب أوراقك!!
طير ليا رف بأجنحته
يرفرف العشق بأعماقك

[شطر]

الجفن سهران ويفره
هاجوس له وقت ماقد نام
به مقلتيني شكن حره
ذابن من الشوق ماتنلام

[شطر]

دله على الجمر مركوزه
وقنادها فاح بأشواقي
تضبط لي الراس وفيوزه
واكتب من الشعر بأوراقي

[شطر]

يكفكف الدمع بالمنديل
سهران مانام في ليله
يكتب وهو مشعل القنديل
ويله من الله ياويله

[شطر]

اقاسي الجرح والصده
والنار بالصدر وقاده
وليا طرالي طرف خده
تزايد الهم بزياده

[بقآيآ .. حرف]

الله يسعد أوقاتك مشرفنا بكل خير
أحسنت صُنعاٍ مدونه رائعه تستحق الإطلاع عليها
أسأل لك التوفيق
كل التحايا

[شطر]

الله يسعد ايامك اخوي
الله يحفظك ويوفقنا واياك
مشكور على التثبيت وسامحونا على التقصير

[شطر]

اكتب من الشعر واوزانه
وارسل له الشوق بألحاني
واللي نظمته على شانه
يردده هو على شاني

[شطر]

بسمتك في يوم(ن) تجلى صباحه
تسعد قلوب(ن) ودها في مشاهدك
ياصاحبي والكون تعصف رياحه
انا على ماضي هوانا معاهدك

[شطر]

طيفك اللي كل مالديت وانه جنبي
اشهد انه ولع اشواقي وهي قد طفت
صاحبي .. لامن ذكرتك قلت وش هو ذنبي
اكتب بيوت القصايد.. والمشاعر جفت،،!!

[شطر]

الحياه دروس والدنيا تجارب واجد
واللبيب يشوف مايحصل وياخذ عبره
في دروب الخير خلك دايم(ن) متواجد
الحساني تنفع الانسان داخل قبره

[شطر]

طويت الغرام وكنه اليوم ماقد كان
وغيرت رمز حروف شعري وقيفانه
توكلت باللي خالق الجن والانسان
عظيم الرجاء رب المخاليق سبحانه

[شطر]

♤على هامش الذكرى القديمه وحبن فات
ودربن مشيته بين حسنه وسياته
جذبني شعور قد نسيته واظنه مات
أثاريه باقي ماانتهت قو لوعاته♤

[شطر]

فرقى وغيبه حنين وحرق
وضلوع بالصدر منطرقه
متى على الله يلوح البرق
من ساحل الغرب الى شرقه

[شطر]

شبوب الحطب في خايع يبهج الانظار
وخوتك مع ناس بخوتهم تماري
تزيل العنا وتهيض الجاش بالاشعار
يوم ان الردي لمقابل اهل الردى ضاري

[شطر]

أسج القدم وابعد عن المشي فوق القار
أدل الديار وكم انا جيتها ساري
أدربل واشوف الصيد من عالي المسبار
واثور من البلجيك بعد ما اوكد عياري

[شطر]

سقى الله زمان الورد والشوق والاشعار
ونبض الخفوق وكل مايعترض طاري
على واحدن اشعل بصدري لهيب النار
مريض المحبه منه ولاني بعد باري

[شطر]

طوتنا الليالي وانتهى دورنا اللي كان
لو ان الصحاري لشوف الامطار شفقانه
بأقاسيك لين آموت يالغالي الفتان
وابكتب واغني لك من الشعر والحانه

[شطر]

مزون الغرام اللي بها عشقنا براق
تهل العتب واللوم وتسيل اشناقه
لها اعوام ما انزاحت وهمالها دفاق
وحتى شعاع الشمس مابان مشراقه

[شطر]

الا يالهجوس المركمه إتركي المشحون
ترى فيه مايكفيه قد زادت غبونه
عن ضلوعه انزاحي وطيري بكل الكون
دليل المفارق بان بالراس وعيونه

[شطر]

صباح الغلا اللي منه ريح العبير يفوح
صباح الحروف اللي من شفاك مبحوحه
صباح القصيد وبسمة الخاطر المشروح
صباح الجمال ونكهة العشق وصروحه

[شطر]

البارحه جيت شفقان لمداهيلي
في راس ضلع طويل نايف عالي
وشبيت نار القصايد تالية ليلي
واجر الالحان وارفع صوت موالي
قدوعي الشوق والفرقى فناجيلي
وهجوس فكري تجيني بالخلا الخالي

[شطر]

أخذت لين الفجر مركب معاميلي
ماغير انا مع هجوسي جالس لحالي
أسج عن ماجمعته من محاصيلي
واقول للنفس فال الله ولا فالي
ياويل حالي من الهجران ياويلي
اظن موتي بعد فرقاه اشوالي

[شطر]

لبيه ياللي غلاها ذوب عروقي
يمشي مع الدم ساكن داخل اعماقي
لو بيت شعري يترجم شي عن شوقي
قصايد الكون ماتستوفي اشواقي

[شطر]

ياكامل الزين ليه تزود فتوقي
عذبتني في بهاك وذوقك الراقي
ماتدري ان الدموع تهل من موقي
ماغير ربي وقاني والله الواقي

[شطر]

امس العصر وايقت مع راس مشراف
هيض علي الذكريات الخوافي
واخذت اجر الصوت وابني على آف
يالين صارت شمسنا ماتشافي

[شطر]

الله من قلب(ن) لجا فيه رجاف
لج الضلوع الحانيات الصخافي
عليك ياهداف يارام الاهداف
يابو جديل فوق الارداف ضافي

[شطر]

الروح لك ميلاف والقلب ميلاف
وغيرك من الخفرات ينزح خلافي
صوبتني وانا على حيد مهياف
والحمد لله جات طيب وعوافي

[شطر]

كما مزنة غراء مطله تلوح بروق
تجرجر هماليل المطر بين اياديها
الا واوجودي واعنا قلبي المفتوق
انا كيف ابدله عن هواها وطاريها

[شطر]

تغيب الوناسه عن محياي ﻻمن غبت
وروحي يباريها العنا دوم منكبته
وانا ياعشيري عن تغزلك ماقد تبت
ليا شفت عينك كل شعر الغزل جبته

[شطر]

اعوم المحيط الواسع المنتحي ماهبت
وانا من عرفتك يالغضي ماتهيبته
تمر الطواري في عروقي وتنبت نبت
على سفوح ضلعاني وقلبي معذبته

[شطر]

سقى الله ليالي قد مضت في ربيع العام
يوم اني اخط اسمك على دفتر ايامه
قبل ﻻيموت العشب والورد والاحلام
ودمع المفارق يكشف الشوق وآلآمه

[شطر]

يامسا الخيرات يانبض القصيد الفاخر
ياهلا بالشعر كله يوم جاء في حله
يابحر باللول والمرجان قاعه زاخر
المعاني مثل زل الكيف يوم تزله

[شطر]

يسريني الهاجس وبرق الجفا لماع
واسج القدم وانا على السمع والطاعه
لو ان الطريق يطول والمشي ماله داع
وروحي تقاسي من عنا الوقت واسناعه
ابصبر وصبري بلسم لقلبي الملتاع
وازيد الصبر لو بانت بروحي اوجاعه

[شطر]

لليل في صدر التعآليل تمثال
منحوت من برد الغياب وجليده
يذوبه شوق اشتعل وسط موال
من خالص الوجدان ينبض وريده

[شطر]

للصبح بسمه تبني كبار الآمآل
وتحس معها إن حيآتك مديده
تغانم الحسنات ياطيب الفال
ترفعك عن حر اللهب والوقيده

[شطر]

اسعد الله صباحك ياورود الربيع
ياجمال الطبيعه فوق روس الجبال
الهواء ساق عطرك بين سفح(ن) وريع
كل ما انشق عبيره ضيم الايام زال

[شطر]

للقصايد ذوق يتبع رغبة الذويقه
تنهمر من فكر شاعرها وباله رايق
والكلام اللي حروفه كنها المزويقه
نكبة(ن) للشعر لاينفع ولاهو لايق

[شطر]

راكب اللي بالصحاري ماش شي يعيقه
جيب لاند كروز شاص مسلمينه سايق
سايق(ن) ماعوده للنصب والتلبيقه
عوده في روس ضلعان الحجاز يوايق

[شطر]

لا شعم ناره وحول دلته وابريقه
في حراوي صيد للمقناص قلبه تايق
يطلب الله من رضاه ويطلبه توفيقه
هي شفوفه دام ماهو بين ربعه بايق

[شطر]

الصباح اللي يعانق بسمتك واهدابك
اشهد انه وصفة(ن) للضيق والنفسيه
جيت ياسمح المحيا والله اللي جابك
مع هبوب(ن) ذعذعت من يمة الشرقيه

[شطر]

بين توتك مع ورودك تستظل أعنابك
كن قطرات الندى واشكالها سحريه
ما يذيب عروق قلبي غير كثر غيابك
والبلا مع كل غيبه ..إنتظار الجيه

[شطر]

حبيبي أنآ موجود الى صرت بتعود
وتلقى حبيبك وآفي(ن) في وعوده
تذعذع نسآنيس الهوى شوق وورود
ونبض الغلا يبرق وترزم رعوده

[شطر]

يدور الزمآن وسلك الايآم ممدود
وعمر الفتى مابين بيضه وسوده
ليآ ما ارتفع عن كل هفوه ومنقود
يجيه الفلس مايشفعن له نقوده

[شطر]

طريق الردى لو طآل ممشآه مسدود
ورآعيه غآدي موسمآة(ن) خدوده
ركب رآسه الشيطآن ماجاب له فود
يدندن عليه ونقزه عن حدوده

[شطر]

نصوغ البيوت وكنهآ ملح بآرود
سريع اشتعآله يوم تضرب زنوده
لهآ قوة تطلق على الصيد عبرود
يفج النحر والكآيده مآتكوده

[شطر]

ياليل ياليل ياليل الهجوس الطويل
فيك المشاعر غريبه صعب تحليلها
من دون قمراك ونجومك ترى مستحيل
الناس في ليلتك تلقى تعاليلها

[شطر]

الا ياصباح (ن) بان نوره ويا محلاه
عقب مانفض ليل المعاناه واخفاها
عسى شمسك اللي وايقت من جهة ملفاه
تدفي ضلوع (ن) أبيض الثلج يكساها

[بقآيآ .. حرف]

السلام عليكم ورحمة الله وبركاته
أهنيك مشرفنا شطر على رقة الشعر وعذوبته وجزالته
دمت دائماً مبدع
تستاهل التميز وقليلة في حقك
كل التحايا

[شطر]

وعليكم السلام ورحمة الله وبركاته
ياهلا ومرحبا ولاعليك زود يالنشمي
شرفني مرورك لاخلا ولاعدم

[شطر]

يسعد صباحك صباح الخير
إيه أنت ياعاطر السيره
بيني وبينك مسافه مير
مع حبنا تقرب الديره

[شطر]

الارض خضراء واكتست زين الالبآس
والجيب جاهز للسفر والعسآسه
نبا نسج بخآيع(ن) يقعد الرآس
مع خوة(ن) تضفي علينآ الونآسه

[شطر]

يهل القلم حبره على خالي الأوراق
ويطوي ديار(ن) ممحله راكز(ن) ساقه
حسب مايناسب كل ذوق من الاذواق
يسوقه وليه في ذرى القاف واشنآقه

[شطر]

سلم الفتى يرفاه عن كل منقود
لاصار يمشي مامشت به جدوده
والتايه اللي خوته مابها فود
يلقى من اشباهه مقرد تقوده

[شطر]

بين القصايد والحبر طرس واقلام
واحساس مايقفاه شك وملامه
عطر حروفك يا ابيض الوجه قدام
يجيك يوم(ن) ماش بعده سلامه

[شطر]

على المشتحن ليل الشتاء حمسة(ن) واحراق
يجاذب لحون القاف وتزود احراقه
يحده على المنكوس من داخل الاعماق
فراق الوليف اللي له الروح تواقه

[شطر]

وياهاجسي من قبل ﻻتطفي الاشواق
تجمل معي طالبك مع ناس ذواقه
وخلك رديفي وازهل الدرب والسواق
مع اول حلول الليل الى وقت مشراقه

[شطر]

دروب المحبه عسرتن حيل ماتنطاق
وكم ناس فيها ردها الحظ منعاقه
اباخذك معيه دامني للغضي مشتاق
ودام ان قلبي داخل الصدر معلاقه

[شطر]

اﻻ ياوجودي وجد عودن كسير الساق
يجر الونين وطيب الزاد ماذاقه
واﻻ ياوجودي كل مالاح لي براق
وهلت هماليل السحايب على فاقه

[شطر]

واﻻ ياوجودي من ظروف الزمان الشاق
ليا حدت الرجال وانحلت أخلاقه
على واحدن سبحانه الواحد الخلاق
عطاه الولي مصنع هل الزين واسواقه

[شطر]

يلج الضلوع اليا على الصدر طل وواق
ويشلع ستار القلب والطنب ورواقه
وصوفه على غيره خطيره وﻻ تنلاق
ليا شافها راع الهوى يبست ارياقه

[شطر]

لاهنت ياقاف(ن) من الجاش جبناك
ولاهان من هو بالوصايف محليك
مايستوي وزنك ولا يرفع بناك
الا هنوف(ن) حبها دون تشكيك

[شطر]

حب(ن) على وضح النقا ماهو بذاك
اللي دروبه تودعك للمهاليك
يافاتنه لو كان مافيه شرواك
ماينفعك زينك وكثرة تغليك

[شطر]

يارب عفوك يابديع السموات
اخطي وتكرمني بجزل العطايا
عبدك فقير ويطلبك كل مافات
اغفر لي الزلات وادمح خطايا

[شطر]

البعد عن شوف المواليف حراق
لو صاحبه يخفي الدموع ويموه
ياما تجرعنا غرابيل وفراق
وياما اعترض بالدرب خيره وسوه

[شطر]

صروف الزمان الجايره والهوى والمال
تخلي نفوس الناس تظهر خوافيها
وانا أدعيك ياربي بتقوى ودين وفال
عن الخلق يغنيني وروحي تعافيها

[شطر]

مايرفع الناس غير الطيب
والحاضر يعلم الغايب
الاخذ بالنصح ماهو عيب
ياكم شباب(ن) نصح شايب

[شطر]

ارفع مقامك وخلك ذيب
لا تخيب ويقال لك خايب
لو كان درب الرجال تعيب
الذنب لابد له تايب

[شطر]

يشلهب ورود الحب حر الجفا وتحت
وتبقى بذور الورد تحت الثرى تحته
عسى الغيث يسقيها بعد ما ارتحلت ورحت
وعسى القلب يشفى من هواجيس جارحته

[شطر]

ياالله بغيث(ن) يسر البال
يشمل سهلها مع جباله
مزنه يطول وهو همال
ياخذ نهارين هماله

[شطر]

اشتقت لمشاهد الودان
ومشاهد الغيم بألوانه
بأرض خلا في طرف ضلعان
واشجارها الخضر رويانه

[شطر]

غيث انهمر من مدلهم المخاييل
سبحان من سواه وابدع هميله
الحمد لله سالت ديارنا سيل
مامر مثله من سنين طويله

[شطر]

احترام الناس يرقى بك سنود
مازرعته في حياتك تحصده
ان زرعت الطيب تبشر بالسعود
وان زرعت الخبث تشبع منقده

[شطر]

راحت طراة القاف وعلوم الاسلاف
كلن على المشراف يومي له بسيف
راحوا هل الاشعار وافين الاشبار
واشعارهم تذكار بين المواليف

[شطر]

ماللصباح بدون شوفك تعابير
وما للمشاعر دون همسك ذخيره
ياصاحبي وهجوس صدري مقابير
عسى فراقك تالي الوقت خيره

[شطر]

يطيب لي فنجال من دلة الكيف
والجو هادي لا مشاكل ولا ازعاج
ارتاح وآخذ لي تمشاي بالريف
انا اشهد انه للعنا طب وعلاج

[شطر]

من هاجسن يبدع التمثيل
مافيه هسه وﻻ ميله
جتنا رياحين ورد وهيل
تبعد عنا الراس وتشيله

[شطر]

عسى البارق اللي في دجى ليلنا الموعود
تهشم سحابه والشجر يرتوي عوده
وتخضر سفوح القلب ويفوح عطر ورود
ربيع ينسينا عنا الوقت ولهوده

[شطر]

يا الله بغيث(ن) يسر العين ياربي
هملول مزنه على الضلعان غاشيها
وتسيل منه الديار اللي على دربي
اللي بها الصيد موجود بعلاويها

[شطر]

حآكم عليك الزمان تغيب
والليل ماعاد تسري به
ماغير تقنب قنيب الذيب
مسجون والقلب تومي به

[شطر]

تزايد هطول الغيث والسيل بإثر السيل
من اقصى الجنوب ليا الحدود الشماليه
سحابه تجي عصر وسحابه بنص الليل
وناسه وفله في مناظر ربيعيه

[شطر]

تذوب الحروف بهاجسي قبل لأكتب شي
ونار المحبه داخل الصدر وهاجه
عليك الله امسح كل شطر(ن ) يخص اسمي
لأنك بعد ذا اليوم ما انته بمحتاجه

[شطر]

عقب المطر ياذعاذيع الشعر ذعذعي
مع شبة النار والدله وفنجالها
من هاجسي قربي لأشواقنا واقدعي
باصوغ الابيات وأرفع صوت موالها

يالبيه يالجووو

[شطر]

عيش الوناسه وافتح لبسمتك درب
لو كانت همومك تذوقك الامرار
والله لو تمشي من الشرق للغرب
ماتحوش غير اللي لك الرب يختار

[شطر]

‏ياحبيبي والله انك في عيوني غالي
وداخل القلب المعنا شي ما انت شويه
شوفتك تبري الجروح وغيبتك غربالي
لا تخليني بصدرك صفحة(ن) مطويه💔

[شطر]

القلب لو هو من حديد
وتضمه قفول وحدايد
اليا تباعدنا بعيد
لابد للطاري وقايد

[شطر]

روحت يالعيد السعيد
بلا حضور ولا معايد
وين انت ياساعي البريد
ابيك ترسل له قصايد

[شطر]

الشمس تشرق من جديد
والليل والهاجوس بايد
معذور يالخد الهميد
لأسقاك همال الرعايد

[شطر]

حتيش يالحظ العنيد
ماعاد باقي من شرايد
تحتار يالعقل الرشيد
لو شفت مركوز النهايد

[شطر]

طرقا غلاها بالوريد
لها بساتين(ن) فرايد
بعيونها جيش شديد
يقودهم تسعين قايد

[شطر]

ياليل ياليل الجفا
يامبيح علوم(ن) خوافي
بالله ياليلي كفا
ماجاء من الاشواق كافي

[شطر]

توايق على صدري وشوف الغلا وشلون
وكيف العروق بدم الاشواق مشحونه
تصدر من القلب المعنا ألم وشجون
بها احساس شعري يبدع القاف ولحونه

[شطر]

لي في ضمير الشعر منزل ومقدار
احشمه عن سقط حرف(ن) يهينه

[شطر]

‏ياليل ماترحم المشحون!!؟
يسهرك وتغرق عيونه
أقبلت كلك أسى وشجون
ماتدري الحال وش لونه

شطر

[شطر]

‏ياقلب ويش اسباب جرحك قل لي
وليه النزيف اليوم زايد نزفه
هو خلك اللي راح والا خلي
والا صوابك جاء من الله صدفه

شطر

[شطر]

‏

آنا معلق فيك كلك كلي
واحساسنا في دمع والا رجفه
جرحك وجرحي مشترك بالملي
إثنيننا يآصآحبي في كفه

قلب شطر

[شطر]

المركب اللي مبحر(ن) بالمجاديف
صابه من اللوعات ميله وخله
الله يكفينا شرور الصواديف
ويعين من كبده على جمر مله

شطر

[شطر]

‏ياتايهه بين الهواجيس والناس
الدرب آخرته هموم وتعآسه
لاصار قلبك بالملذات غطاس
مآعاد في دنياك حب ووناسه

شطر

[شطر]

‏من مزايا البوح في عقد القصيده
إختصار الحرف ببيوت(ن) فرايد
ياجميله من تغلى مانريده
المقفي ماورا طرده فوايد

شطر

[شطر]

‏إنتهينا من هوانا يالحبيبه
دام ودك ماتدوم بنا العلاقه
كل واحد بالهوى يلقى نصيبه
لو يعاني من غرابيل اشتياقه

شطر

[شطر]

‏‎
الله يعين اللي من الوجد مابآت
اللي بصدره ضيم جور الليآلي
لو كآن يبعد عن حبيبه مسآفآت
ماهوب عن طاريه داله وسآلي

شطر

[شطر]

‏أحاول انساك وأدله مير ماقد سليت
وأدور لضيق صدري باب والا سكك
أضمآك والشوق يلعب بي واترجمك بيت
حروفه الطاهره من دون ظن وشكك

شطر

[شطر]

،،*ليت مآلك في قصيدي ذكريآت وصوره
يآمعآنق كل حرف بهآجسي وأعمآقي_''

شطر

[شطر]

‏❤عآنيت هاجوس الجفآ لين مليت
والنوم من كثر الطواري جفيته
ماغير اسلي خآطري كان سجيت
وانا عنه ماقط لحظه سليته❤

شطر

[شطر]

على وسق الجبل جينا وحنا في رجا الوهاب
شعمنا النار واركبنا القدر وعلومنا حيه
مع دلة الرسلان والبراد ومزوح الشباب
يروح الوقت سرعه لأنتهى ..نشتاق للجيه

شطر

[شطر]

بين لحظات المواصل والفراق
هآجس(ن) ماله عن الضيقه طريق
لو بداياته أحآسيس إشتيآق
بالنهآيه لايموت ولايفيق

شطر

[شطر]

الرعود تحن في روس الجبال
والبشاير واضحه بخيالها
الجواب اللي قنع منه السؤال
مايدلي لليدين حبالها

شطر

[شطر]

‏،،/اشتآق لك يامنوتي وأشوآقي
من ذكريات(ن) ساكنه بأعمآقي
أضمآك وآجوعك واحن لشوفك
وش لون ابنسى صورتك يآرآقي..؟؟

شطر

[شطر]

،،/خفف من الضيقه وفل حجاجك
دنياك ماتسوى هموم وضيقه
به قلب عن كل البشر يحتاجك
خلك معه لاتتركه وتعيقه..!!

شطر

[شطر]

أفخر وانا من قبيلة حرب
وأطرب ليا حل طاريها
لابه لها بالمعالي درب
وباقي القبايل نعم فيها

شطر

[شطر]

'''_كم فيك يآليل العشآشيق قلبين💕
يستآهلون التضحيه والمحبه
وكم فيك مثلي عالق(ن) بين نآرين
جرحه عطيب وعلته ماتكبه

شطر

[شطر]

،،،أخآف احبك من جديد
وتصير سآعآتي ثوآني...
/
والشوق يرمي بي بعيد
واقعد اعاني منك ثآني''

شطر

[شطر]

‏☆صبآح الخير يآروح(ن) عليهآ الروح توآقه
لهآ بين الحنآيآ شوق طآغي مآيفآرقهآ.. ]

~شطر~

[شطر]

‏¤《 مكآنك تعرفه ..مآلأحد معك حظ(ن) فيه..
تربعت وسطه وانت ملكه ومملكته ../

شطر

[شطر]

‏عليك الخفوق يجر صوته نهآر وليل
وحيد(ن) وذكرى غيبتك حيل كآسرته

شطر

[شطر]

‏يآدلتي وانتي معي تآلي الليل
أرشف فنآجيلك واصوغ القصآيد
يشوقني فوحك من البن والهيل
والجو هآدي في ديآر(ن) بعآيد

شطر

[شطر]

‏يآاله الكون عفوك في نهار الجمعه
اغفر ذنوبي وسدد للصواب أعمآلي
حط لي بعيون خلقك طيب جاه وسمعه
وعن خنا الانذال دار(ن) في مكان عآلي

شطر

[شطر]

لي في ضمير الشعر منزل ومقدآر
احشمه عن سقط حرف(ن) يهينه

شطر☺

[شطر]

‏هلآ بالحروف اللي لهآ بالقصيد عطور
تلبي لها كل الأحآسيس مجبوره

شطر

[شطر]

حضورك يخلي خاطر المشتحن مسرور
بقربك تطيب النفس وتبآت مسروره

شطر❤

[شطر]

‏مسآ الخير مدري كيف حآلك صبآح النور
بقول الصرآحه ...💓شوفتك تربك حضوري

شطر

[شطر]

‏حدآني على المنكوس وملآعب القيفآن
وليف(ن) عليه الروح بالحيل شفقآنه

شطر

[شطر]

وجودي على من حده الشوق للمسهآج
رقى له جبل ..وده بالإرسآل وأبرآجه
يحس ان قلبه فوق حآمي لهيب الصآج
يبي جرعة(ن) تطفي لهيبه ووهآجه

شطر

[شطر]

‏مآيختفي نبضك عن الروح والعين
واللي كتبتي يالغلا خآبرينه
شطري وشطرك بالقصايد من سنين
يآمآ بديت فبيت وتكملينه

شطر

[شطر]

‏طوينآ شرآع الحب عن مركب اللوعآت
وصرنآ نجدف في هوآنآ بأيآدينآ

شطر

[شطر]

عن كتآبآت المهبل أكرموا موتآكم
صفحة(ن) بالخير تذكر ..لاتوطوط فيهآ

شطر😆

[شطر]

‏ليت عمر الثوآني يآحبيبي ليآل
والله إني عشآنك لأفعل المستحيل
مد لي يآغنآتي من حروفك وصآل
مآيحرك هجوسي غير حرف(ن) أصيل

شطر

[شطر]

نبيهآ على المنكوس يآ رآعي القيفآن
من اللي تخزنه من هوآجيس شعريه
اذا جبتهآ لك غنهآ ليل دانه دآن
واذآ جبتهآ لي خلهآ 2000 بالميه

شطر

[شطر]

يآحبيبي طمن قليبك وهدي روعه
دامني حي(ن) معآفآ كلمتي تسمعهآ
فيك شلال القصآيد يآحيآتي روعه
حطهآ دآخل خفوقك لمهآ واجمعهآ

شطر

[شطر]

بسهر على جمر الغيآب
لو ضاقت صدور الرحآبه
واكمل تفاصيل الكتآب
وازينه بأحلآ كتآبه

شطر

[شطر]

لبيه يالبيض العذآب
اللي يشيلن الكئآبه
من نبعها حلو الشرآب
صآفي كمآ نقع السحآبه

شطر

[شطر]

خذ راحتك لاترتبك
خلك جبل كلن يهآبك
واذهن بحورك تشتبك
وتحوس فيها ياعذابك

شطر
😂اذهن يعني احذر

[شطر]

اخيرا تحرك مركب الهاجس المكسور
تلاعب به الامواج بالشعر وبحوره
تريح (وسيبك) من غثا اللعب ..طف النور
عليك السهر ياصاح لاتآمن شروره

شطر

[شطر]

ليا صرت ماتملك خزينه مع الشعآر
ولالك بطآقه صيرفيه وشعريه
تحديك مآلك فيه غير العنا والنآر
يخليك تبكي كل صبح(ن) وعصريه

شطر

[شطر]

ياصبآح الخير يالمجمول كيف اخبآرك
لد يمي والسوآلف دلة(ن) مركيه
والله انه مايخليني معآك آشآرك
غير موضوع(ن) كتبت حروفه الملكيه

شطر

[شطر]

ماتفيدك رجعتي وانته خفوقك طآيش
لو بجوفي لك غلا مع عآطفه جيآشه
عآيش بدوني وانا من فضل ربي عآيش
صآبر(ن) وظروف بقعآء والهوى نهآشه

شطر

[شطر]

♡يآمسآء التوآجد يآهطول المطر♡
يآشذا عطرهآ الغآلي ويآذوقهآ~~

شطر

[شطر]

والله اني من غيآبك لو تضآيق صدري
خآبر انك يآحبيبي بالغيآب إجبآري❤
مآنقص من قدر قدرك لو تدآعى قدري
الغلا بعروق جسمي طول عمري جآري

شطر

[شطر]

لا تحد المشآعر دآخلي للنكوف
عقب مآهي تدرهم لك بضيق وسعه
لو فرآقك فعوله مثل فعل السيوف
بأبتسم في حيآتي والشتآت أجمعه


شطر

[شطر]

القلوب النقيه بالنقآ لآتزآل
والرديه رديه والردى فآلهآ
علم اللي مقره فوق جرف(ن) هيآل
الحمول الثقيله صعب يشتآلهآ

شطر

[شطر]

كني لمحتك بين جمع(ن) من النآس
متميز (ن)عنهم بحسنك وهيبتك
زود(ن) على ذوقك وشلآل الاحسآس
اللآبه اللي جملت يوم ربتك

شطر

[شطر]

‏والله ان اليوم ماهو عادي
لا ورب الكون ماهي مزحه
طآئر(ن) غرد بفرع الوآدي
يبعث بروح الحزين.. الفرحه

شطر

[شطر]

المزنه اللي برقهآ لمآع
يشوقني حس الرعد فيهآ
لا هلت ثعول المطر بالقآع
أقول يآسبحآن منشيهآ

شطر

[شطر]

يآنسيم الليل هيضت الشجون
وابتدا سج القوآفي واللحن
خل خآلين الموآجع يمرحون
الهجوس بدآخلي مآيمرحن

شطر

[شطر]

‏الليل والخط والمسرى
والشعر والجيب والمعشوق
سته ليآ جات بالذكرى
قلبي يصيبه ألم وفتوق

شطر

[شطر]

‏يآصبآح الخير يآنبض القصيد
يآهمآليل المشآعر والرعد
يآربيع القلب يالعيد السعيد
يآصبآح الشوق يآوجه السعد

شطر

[شطر]

امسى علينآ الليل ..يآليل يآعين
واحسني لحآلي بوسط المدينه
شمآلي المسهآج واشواقي يمين
وحروف شعري شرق طآرت حزينه

شطر

[شطر]

‏هني البعيد اللي ملبق بهآك البيد
معه خوة(ن)وآفين لو طالت المده
يسجون يم ديار فيها محازة صيد
ديار على حد البحر شرق ممتده

شطر

[شطر]

‏أسهر وصوت الألم ~~يندهك
أرقد وحلم الأمل طآريك
لآتحسب اني كذا سآفهك !!
ولاتحسب ان الجفآ يعفيك
شطر

[شطر]

‏أصبحت بك يآصبآح الخير
يآصبح صبحي ورآحآتي
بك نظم الاشعآر صآير غير
يآحآضري مع نهآيآتي

شطر

[شطر]

🍂

اتحدني دنيآي واحكيلك
لو اتغربل في متآهآتك
اشعلت في جوفي قنآديلك
واخذتني لأبعد مسآفآتك

شطر

[شطر]

‏رقيت لأجلك راس ضلع(ن) تعيب وعسر
أبستقبل حروف(ن) لهآ افعآل سحريه
تبث السعآده في ضميري وتجبر كسر
وتنعش خفوق(ن) منجرح فيه مآريه

شطر

[شطر]

‏الغآلي اللي يبعثرني ويجمعني
اللي سهومه تبآري سكبة حروفه
يآليته يروف بي وان كآن يسمعني
بآقول يآلوف قلبي منك يآلوفه

شطر

[شطر]

‏
كل صبح(ن) فيه تغريده بحرفك
ينعش الهآجوس في بدع القصيده
مآيثمن كلمتي من لآ يعرفك
سعد من هو حط قلبك في رصيده

شطر

[شطر]

تهيضت للمقنآص مع خوة الوآفين
لهآك الديآر اللي تسلي شوآهقهآ
متآقي ..حرآوي ..مرتع الصيد.. راحة عين
نعيم القلوب اللي عنا الوقت رآهقها

شطر
..

[شطر]

‏يآليل حانت لي وزآنت مسآريك
لو انك اسود في ظلامك وحآلك
قدآم لا صبح(ن) جديد(ن) يجليك
عطني نجومك واعفني من سؤالك

شطر

[شطر]

‏والله اني كل ماجيت ارتجل واكتب لك
حآر فكري بالطروق اللي تجمل ذوقك
شطر

[شطر]

‏يجيني على طاريك يالبآهي الفتآن
تزآحم مشآعر مآلهآ أول ولآ تآلي
اسيس حروفي لين تضبط على القيفان
واسج الديار بصوت قافي وموآلي

شطر

[شطر]

‏تحب المطر والغيم والخيل والاشعآر
نقيه تقيه تسمع لقول شآيبهآ
لهآ في ضميري مزنة هلهآ مدرآر
تلج الضلوع بصوت رعآد بآرقهآ
شطر

[شطر]

عليك آتنهت وأسهر الليل يالمزيون
أدآري خفوقي مير الاشوآق يكونه

شطر

[شطر]

مهره غلآهآ دآخلي وقآدي
في كل يوم(ن) بالضمآير تعلو
بنت الحصآن اللي يضد العآدي
في مجلسه فعل الكرم مايخلو

شطر

[شطر]

مسآ الخير يآملح القصآيد وعشق الليل
مسآ الذوق والإحسآس والطيب والفله💕

شطر

[شطر]

‏
يآملهم الشعر والاوزآن
يآمهندس الفكر والحبكه
صدر المشآعر فرح واحزآن
يآكم به قلوب مشتبكه
شطر

[شطر]

‏بين الجبآل الشآمخآت
والليل طآغي في سكونه
أقول يآعذب الصفآت
انت الغلا وأجمل فنونه
🌷
شطر

[شطر]

‏
سرى الليل واحسآس البشر بين بآرد حآر
هني القلوب اللي من الشوق معفيه
شطر

[شطر]

‏
يآهآجسي ليل الشتآء قد حآن
الحين صرنآ في بدآيآته
الله يعين المغرم الولهآن
على شقآه وطول سآعآته

شطر

[شطر]

مآني على هرج الغلط شفقآن
شعري حشيم مجود لسآنه
اسطر شفوفي من القيفآن
والله هو المعبود سبحآنه

شطر

[شطر]

‏‎
يسقي خفوقي يا اريش العين سآقي
نهر(ن) سكبت عذوبته فن وقيآس
رآقي وذوقك فيه ترتيب رآقي
منجم تخآلط فيه يآقوت وألمآس

شطر

[شطر]

‏يآملهم الهآجس على بدع الأشعآر
عقب اندثر واسست بيدك عمآره
لك في صميم القلب حشمه ومقدآر
وبعيوني الثنتين مركز وامآره
شطر

[شطر]

صبحك صبآحه
غير غير
يآسعد من ينشق
عبيره
يبصر به إنسآن(ن)
ضرير
وتكبر به آمآل(ن)
صغيره

شطر✒

[شطر]

‏
هلآ بك عد مآ يبرق سحآبك
هلآ باللي يسليني مجيه
هلآ واهلين أرحب مرحبآبك
هلآ والشوق له نبضه قويه

شطر

[شطر]

‏
_(* مآمن جديد .. الا انت والشعر والليل
وقلب(ن) يغرد لك بصبحه وليله""/*

شطر✒

[شطر]

‏‎
تبقى الوحيد اللي له القلب شفقآن
اللي لصدري كل طاري يهبك
ماظنتي مثلك على الارض إنسآن
سبحآن من سوآك.. ربي وربك

شطر

[شطر]

آتقهوآك وضلوعي على جمر حبك
لو غيآبك مسيطر صآدق الود جآبك
من بدايات شرقك جيت لحدود غربك
في معآليق قلبي لذتك وانسكابك

شطر

[شطر]

‏يآسحآب المطر..أبطيت وينك تعآل
للقلوب العطآشآ .ممكن انك تجي؟
شوفني جنب داره يم هاك الجبآل
هل وبلك علينآ خلني ألتجي .
شطر

[شطر]

‏

معك يآحبيبي شوفني معك مآقد نمت
لو العين تغفو عنك الأشوآق مآنآمت💕

شطر

[شطر]

‏
لك الشوق غرد وانتشى مع نسيم الصبح
يدآعب خيوط الشمس وتزيد بأفرآحه🌹

شطر✒

[شطر]

‏
* / عليك القصآيد مردفه وبلهآ همآل
من اقصى حدود الجآش وبروقهآ حيه
شطر

[شطر]

‏

، / *♡ يآ نكهة الصبح يآمقعد خوا رآسي
يآنبض شعري ويآ ملحه ويآجوه ~ ؟!

شطر..✒

[شطر]

‏
الحروف اللي تشكل لوحة(ن) شعريه
تستثير هجوس شعري لين يمطر نوه
وانت ياللي منك عيدان الصدر مبريه
اختيآرك للقصايد هاجسه ياقوه

شطر

[شطر]

اللي سرى في ليآل الظن
محسوبه الرب في ظنه
مدري لجمع الذنوب يحن
يبغى خطاياه يكونه

[شطر]

ماتهزك ريح عذل ولا يشوبك شآئب
عرش حبك ماتجيه العآلم التحتيه

شطر

[شطر]

يآحبيبي لك بقلبي حروف(ن) منتقآه
مع صبآحي انت هاجوسها واحسآسهآ
♡ مآحلا بك نظم الابيآت والله مآحلآه
ومآحلآ تغريدها وماحلآ رتويتهآ 》🌹

شطر..✒

[شطر]

يابلشة الشعر والشعآر بالعيه
اللي يطمن علومه مآيعليهآ
القآرحه فآضيه وابيآتهآ نيه
ازرى من الجهل بالطبخه يسويهآ😂

[شطر]

ياهاجس الشعر عطه ابيات موزونه
وانقى له اللي تجمل يوم يكتبهآ
ترى علوم الجزاله قاصره دونه
يآذنب الاشعآر يوم انه يهندبها

[شطر]

مآعآد لموآصلك حآجه ولآ شفقه
روح بحآلك وآنا بروح في حآلي
لابه مشآعر ولآ ابيآت مندفقه
بالمختصر صرت مآتطري على بآلي

[شطر]

اللي غلآهآ حآز اعلى الشهآدآت
بنت الرجآل أهل الوفآ والثقآتي
مآهي مثل بعض البني الخفيفآت
حشيمة(ن) ترقى على النآيفآتي

شطر

[شطر]

المعآني يآجميله في حضورك تندر
مير لأجلك لازم اني بالقصيد آبآدر
يآعسل يآتوت بري يآحلآوة كندر
دآم وآردك المحبه جاك شعري صآدر

شطر

[شطر]

‏♡

الصبآح أحلى بطلتك البهيه
والله اني كل صبح(ن) احتريهآ
مآ انت مثل اللي يصآب بعنجهيه
نآس غيرك يآحبيبي مآنبيهآ

شطر

[شطر]

نبضة خفوقي بين الاضلاع تنبيك
عن مآيكنه ضآمري يآحيآتي
اتوه في عالمك لاحل طاريك
وانتي فبحر الشوق مركب نجآتي

شطر

[شطر]

❤

يجيبك الطاري ..وتجلس واقهويك
من دلة اشوآقي قصيد وحكآوي
سبحآن رب(ن) جل خلقه مسويك
خلآك لجروحي طبيب(ن) مدآوي

شطر

[شطر]

يآمسآء الفخآمه والفرح والسرور
لذتك يآغنآتي بالمعآليق غير
عطر ( ليدي ) وفآرق عن جميع العطور
لآبس(ن) له جوآهر وخآم(ن) أسود حرير

شطر

[تناهيد]

الله الله
صح الله لسانك ياشطر
قليله في حقْك كلمة مُبدع ياشاعرنا ما شاء الله تبارك الله
مدونة ممتعة بكل مافيها من احاسيس ومشاعر جسدتها حروفك المرهفة
ودي وتقديري لك ..~

[شطر]

صح قلبك مشرفتنا المميزه تنآهيد
سرني جدا حضورك وكلماتك وسآم على صدري
لاعدمتك

[شطر]

♡

انتي اللي بحبك شي ماله مثيل
حآجة(ن) بالضمآير صعب توصيفهآ
القصآيد بدونك نظمهآ مستحيل
قهوة الشوق ماتترك معآميلهآ

شطر

[شطر]

♡
مآبيك تكتب لي دواوين وأبيآت
يكفي وجودك يالغلا في حيآتي
آنآ معك لآخر دروب النهآيآت
وانت الحيآه البآقيه وامنيآتي

شطر

[شطر]

♡

والله ان المشآعر بين الاضلآع سيل
اتعبتني وسلتني تنآهيدهآ
أستلذ السوآلف منك في كل ليل
وارجع الصبح واشاهد تفاصيلها

شطر

[شطر]

♡

جفن النعآس اللي به الرمش ذبآح
غطى على خد الصبآح بوشآحه
والوردتين اللي بهآ العطر فوآح
سرور صدر المشتحن وانشرآحه
شطر

[شطر]

🌹

مآعآد لي في شوفة الغيد حآجه
دامك معي .. مآني بحآجه ولآ أحتآج♡

شطر...✒

[شطر]

‏
🌹
الصبح صبحك وانت مآانت بعآدي
دآيم حضورك بالفرح معتآده
شف كيف قلبي وسط صدري شآدي
يرقص وحبك يآحبيبي زآده

شطر...✒

[شطر]

يآسآرق النوم عن عيني ولذآته
الحب لك في صميم القلب كونته
أسهر بليل الشتآء البآرد ولآ آبآته
وديوآن الاشعآر في عينيك دونته
شطر

[شطر]

♡
بين نبضة خفوق وبين نآر إشتيآق
روح شآعر تمكن( عشق) بأعمآقهآ
وانت ياللي غرآمك بالمعآليق سآق
شوف كيف المحبه تتعب اشوآقهآ
شطر

[شطر]

‏♡

/ ~ شتآء مع شبوب النار وبليلة(ن) قمرآ ○
وشوق(ن) يجاذب هآجس الشعر والحآنه》
شطر...✒

[شطر]

‏

كل ماذعذع نسيمه صوبي
قلت يالبى هوا محبوبي
صآحب(ن) ماله وصيف بزينه
أشهد انه ياعرب مطلوبي
من عرفته وانكتب لي حبه
والسعير بداخلي مشبوبي
لو يغيب وينقطع لو سآعه
مآ اهتنيت بزآدي ومشروبي
‏المهآه اللي غلآهآ دآيم
لآبسه وأدرآه كنه ثوبي
مآحلآ كلمة أحبك منهآ
من بدآية شرقهآ لغروبي
تستثير أفكآري الشعريه
هي موآويلي وهي مكتوبي

شطر

[شطر]

وش لون أطآلع بالقمر وأنت موجود !!؟
○ يآوآحد(ن) كل السعآده ..وجوده♡

شطر

[شطر]

‏

العين سولف بهآ وارتك
مادام ماوسطها غير انت
بالليل تحلا مسآمرتك
ويزين جوي ليآمن بنت

شطر

[شطر]

🌹

قالت ابهدي لك حروف(ن) ثمينآت
ان كان تحفظها فهي كيف طبك
قلت اسلمي يآبهجتي والمسرآت
وأرخت عن شفآهآ وقآلت ..أحبك♡

شطر...✒

[شطر]

تستآهلين القلب يآسآرقته
عندك ولا عند السروق الخآيب
دآم التعآسه راحت و فآرقته
خليه بين ضلوع صدرك ذآيب

شطر

[شطر]

/ .. مسآء الشعور اللي يعآنق ظلآم الليل
يجدد هوى المشتآق ويبعثر أورآقه [

شطر

[شطر]

🌹/ حبيبي مسآئي إنت ..إن رحت والا جيت
خفوقك معي وهجوس شعري مخآويته❤

شطر...✒

[شطر]

‏🌹
أنت ياللي من عرفتك يالغزال الجافل
والقصآيد والمعآني ماتلوق الا بك
صآر كل اليوم عندي يآحبيبي حآفل
بين شوف شفآك والا بين شوف أهدآبك

شطر

[شطر]

يآحدود السعآده والفرح والسرور
يآهطول المشآعر من مزون المطر
كوكبك يآحيآتي في مدآري يدور
دآخل الصدر يسبح دون خوف وخطر

شطر

[شطر]

‏🌹
بين كل الغيد قلبي يالفريد إختآرك
وانت قد الحب يآنبض الغرآم السآمي
دبلة أشعآري فديتك حطهآ بيسآرك
مآلهآ الا اصبع ايدك وانت سر إلهآمي
شطر

[شطر]

🌹
♡ 《 أرتشفك مع الصبآح بدون سكر
أدري انك تملك أنوآع السكآكر
مآفتحت لغيرك الباب المسكر
~ أنت حب اليوم وايضا حب بآكر ❤

شطر

[شطر]

♤ أشعل شموع حبك بالمسآء الجميل
ضمني يآحبيبي دآم وصلك حصل
خلني في غصونك كل ماملت أميل
زين لمحة عيونك بين ذيك الخصل ~

شطر

[شطر]

يجيبك الطآري ليآ غلطس الليل
وانا بجنب النار جالس متكي
تقول لي يآشطر جر الموآويل
وحذرآك من طرق(ن) لحونه تبكي

شطر

[شطر]

🌹
الصبح في قربك سعآده وفرحه
شوفك ولا شوف الوجيه المقآريد
واشوآقنآ يصعب على الشعر شرحه
مثل البلابل فوق غصن التغآريد
شطر....✒

[شطر]

🌹
《 كيف افوت صبحك الغآلي وأفوتك
وأنت معنى الصبح يآعين الندآوي
لالفآني حرفك السحري بصوتك
يمتلي صدري ملذآت وهقآوي 》

شطر..✒

[شطر]

يآصآحبي دوك حرف الشعر ولحوني
لولآك مآ احد(ن)على الطاروق يشعآني
أهديتك القلب وانت بمحجر عيوني
لك بالضمآير غلآ مآسقته لثآني
شطر

[شطر]

🌷
يآرقيق المشآعر ..يآكريم الخصآل
يالجمآل الطبيعي يآرحيق الزهر
دفني في ضلوعك عن هبوب الشمآل
ضمني يآحبيبي .. بس بآخذ شهر

شطر

[شطر]

ابتديتك مسآء وبأبتدي بك صبآح
مآ اكثر ابواب وقتي وانت مفتآحهآ
معك هآجوس شعري كل ماجيت فآح
شوف كيف المشآعر وانت تجتآحهآ

شطر

[شطر]

‏🌷جمعنا المطر والسيل في عآليآت جبآل
شربنآ أنآ واياه من مزنة(ن) وحده
أسولف واقول الحال؟؟ ويقول عآل العآل
عروق المحبه بيننا حيل متحده🌷

شطر..✒

[شطر]

‏🌹
يآحبيبي وانت صبحي وانت كل أوقآتي
يآصبآح الخير يآمعنى السعآده كله
كيف أوصف لك شعوري وانت دآخل ذآتي
يالشعور اللي يسليني وانا مامله
شطر❤

[شطر]

‏🌹
❤حبيبي تعآل اقرب وطآلع من الشبآك
على غصن شجرتكم وانا أندهك و آغرد
مع الصبح شوفك غآيتي جعلني أفدآك
أيآ جآدل(ن) بالحسن والذوق متفرد❤
شطر

[شطر]

🌷
/ ♡ يزين المسآ بموآصلك وانت وصلك غير
تكفي (أحبك) ...منك يآ حبي الغآلي 《♡

شطر..✒

[شطر]

🌷
صبآحك عسل ومقآبلك فيه أحلى شي
لأنه يحفزني ويسعد لي أوقآتي
مثل مايبي زرع المحاصيل ماي وري
معآليق قلبي منك تحتآج وتحآتي
شطر

[شطر]

♡》مكتفي بك.. ياوليفي لاتحآتي
توه اللي زآن جوي فيك توه
يآمجمعني عقب مآضي شتآتي
زدتني في ضمتك هيبه وقوه《♡

شطر..✒

[شطر]

❤
كل نبضه من خفوقي لك تنآدي
والمشآعر جآريه روحه ورده
انت حبك يالغلآ مآهو بعآدي .
فوق هآمآت السحب مآ احد(ن) بقده

شطر...✒

[شطر]

‏🌷
أسعد الله صبآح اللي له الشوق فآح
صآحب(ن) كل مآ جآله حضور آستريح
وآفي الحب في دنيآ يدين الشحآح
لو يطيح الوفآ بالنآس .. به مآيطيح
شطر..✒

[شطر]

❤
خذني ووزعني وشتت كيآني
في كل عضو وكل عرق(ن) وشريآن
وإجمعني بقلبك ثوآني ثوآني
يآحبي اللي للوفآ صآر عنوآن

شطر...✒

[شطر]

يالحظوظ اللي على درب اللقا متجهه
صوب معسول الشفآيآ إسرعي واتجهي
والله إني أسعد العالم بشوفة وجهه
وأدري انه أسعد العآلم بشوفة وجهي

شطر

[شطر]

❤
أكتبك واقرا ماتخطه بيمنآك
وانا لو اني ما ارغبك مآكتبتك
انته هنآ والنآس في كوكب هنآآآآك
واعز مآ املك يآحبيبي وهبتك
شطر..✒

[شطر]

يآلطيف الروح يالعذب يآسكر نبآت
القصآيد لأجل عينيك جآت أبيآتهآ
والمشآعر وانت تدري بهآيوم الشتآت
إلتجت يمك وعوضتهآ مآفآتهآ
شطر

[شطر]

❤
يآمذوبه برد الشتآء وثلوجه
بأول لقآ في حبنآ وموآجه
لبيه يآبستآنك ومنتوجه
لبيه يآبحرك وحلو أموآجه
🌷شطر