سلام

[عبدالمحسن الرحمه]

‏‏‏‏‏‏‏سلام ياللي تعلا فوق مطلاعه
شيخٍ كريم الفعايل صيتهم شاعي
ياشيخ جيتك ونفسي حيل طماعه
ومعذور يا شيخنا لو كنت طماعي
مادام بذلك يروي اكبود ملاعه
ارحم ضعيف ٍحداه الوقت ملاعي
ياليت حظي يعانقني ولو ساعه
يزيل هم ن تربى بين الاظلاعي
ياشيخ نفسك مربيها على الطاعه
بين الأرامل وشاك اليتم فزاعي
كم واحدٍ جاك وقته لاوي اذراعه
تفز فزت كريم ن لا جلهم ساعي
همال خيرك يسقي أرواح ملتاعه
كلن شكر سعيكم كلن لكم داعي
زيد السديري وفا في شبره وباعه:
لو الفقر شخص أنا خليت له ناعي
خابرك من روس قوم ن دوم فزاعه
قوم الدواسر كرام وجودهم ذاعي
خوال لآل السعود أسود وسباعه
صغيركم لأشجع الفرسان سباعي:
‏أنتم لمن يطلب الفزعات شفاعه:
عسى محمد لكم بالبعث شفاعي:
اعيال زايد لها العدوان مطواعه:
حريبهم من سطرهم لأمرهم طاعي:
خطلان الأيدي لقاص الناس نفاعه:
وأنته تمثل لهم للناس نفاعي:
أنته طبيبي ولو حطيت سماعه:
على قليب ن تضمه عوج الأضلاعي:
إن كان تعرف بمصيافه ومرباعه:
مرباعه الدعم لاجل يزين مرباعي:
أرحم ضعيف ن بغى حضه ولا طاعه
ضاقت به الأرض لو افجوجها وساعي:
ربعك هل الجود للعربان فزاعه:
تفز عجله ليامنه دعا الداعي:
يانسل شيخ ن ليامن أشر اصباعه:
على الفقر فر منه الفقر مرتاعي:

[أبو سيرين]

صح لسانك أخوي عبد المحسن

أسعدتني بهذه القصائد الجميلة

الحقيقة أني تشرفت بمعرفة شاعر جميل مثلك


بارك الله فيك

تحيتي وتقديري لشخصكم الكريم


:ordh: :ordh: :ordh:

[عابر سبيل]

صح لساااانك اخوي عبدالمحسن
مبدع وجزل يالغالي .. الله يسعدك ،،

[سحاب شقراء]

كفويالغالي عبد المحسن

جزله من جزل ماشاء الله تبارك الله

[عبدالمحسن الرحمه]

صح لسانك أخوي عبد المحسن

أسعدتني بهذه القصائد الجميلة

الحقيقة أني تشرفت بمعرفة شاعر جميل مثلك


بارك الله فيك

تحيتي وتقديري لشخصكم الكريم


:ordh: :ordh: :ordh:



الله يحرم وجهك عن النار على المديح
ولا حنا على قدنا الله يطول بعمرك
كل الشكر على الحضور
وصح الله ابدنك

[عبدالمحسن الرحمه]

عابر سبيل
صح ابدنك
كل الشكر على هذا الحضور

[عبدالمحسن الرحمه]

سحاب شقراء
صح ابدنك ياعمنا الله يطول بعمرك على طاعته

[تابع سحاب]

صح لساااااااااااااااااااانك