مشاهدة النسخة كاملة : سحاب شقراء -سواليف الاولين ايام بيوت الطين والحياه الطيبه
تميم بن محمد
2015-12-22, 04:37 PM
هههههههههههههههههههههههههه
الله يسعدك يا رذاذ قسم اني مت ضحك على تعليقك
طبعا مصطلحات نجد تختلف عن الحجاز و لو (نتكلم) نحتسي نجدي انا وسحاب متأكد محد يفهم وش نقول
تميم بن محمد
2015-12-22, 04:39 PM
على فكرة يا سحاب يومك سافهني وما ترد على الخاص؟ هاه
تبيني اجيك بمعدال و اسنعك ههههههههه
سحاب شقراء
2015-12-22, 04:50 PM
توي جاي من المطار كلمني شايب معه حرمته ورحت اجيبه وش اسوي اقوله منيب جايك شينه في حقه
يبن حلال ضيعت المطار وبتلت مع الشارع ذا الناس ما تخليك تقرا لوحات مغير طايرين ولهيت فيهم معاد ادري وين انا فيه وبتل الين جاني دوار وعنده بوابه مزرعه الملك فهد الله يرحمه ولقيت عندها عسكروعلمني انها مزرعه ونشتهم وين المطار قالو عود مع طريقك وتلقاه وعودت مع طريقي بس منيب يم جاده انقلب راسي
وقفت راعي لوميزين وقلت له ابيك تمشي قدامي الين ناصل مكان الي جايين في المطار وشوا صار يدل وصلني وعطيته 50 ريال هذي عرقته
وممداني اوقف ويجيني حق المرور يقولي اطلع انا وين اروح وهو يقول ترا نبي نسحب سيارتك اطلع
ونزلت له وقلت يبن حلال والله اني ماوصلت فيذا الا بعد الغثا مضيع ماردني من شوي الا مزرعه الملك ومعطي التكسي 50 ريال علشان يوصلني ونا ان مشيت تراي ابا اضيع ونا صادق بس اشوا طلع ولد اجواد ورحمني قالي خلاص ياعم خلك مكانك الين يجي رفيقك ونا واقف وراك علشان لا يجي الونش ويشيلك
يالله انك تسعده دنيا ودين وترزقه وتستر عليه وتخليه لعين ترجيه هذا حقه علي
تصدقون كل شوي جايه سياره مرور ويطلبون مني اطلع السياره ولا ذاك اشر لهم ويقولهم هذا تبعي من شيبانا ويروحون عني جعل الي خلفه للفردوس
ويجي عود ابليس هو وحرمته كل شوي اكلم عليه ابطا علي ويوم ركبو ونزل للعسكري حق المرور ودعيت له عساها للقبول قلت له انا طالبك ابا احب راسك على فعلك معي وينزل من سيارته وقال حبه الراس لك ياجماعه الخير شفت عيونه غرقانه دموع وهو يقول كافيني دعواتك
ترا الناس قلوبهم طاهره ولوهم عسكر ومعروف عنهم الشده بس داخلهم طهاره ودين ومخافه لله سبحانه
خل اعلمكم بشي عرفته مع طول السنين والتجربه
والله العظيم ان الشعب السعودي من اطهر شعوب الارض وصدقها ولا يرضيه الغلط ولا تناظرون للشواذ ولا هيب نسبه تذكر
ومن ارحم شعوب الدنيا وكرمهم والي يشك في كلامي يجرب لو مره يطلب الفزعه من السعوديين في تغريز سياره ولا في خرابها ولا في اي شي والله العظيم ان تشوف الي يسعد قلبك كنهم اخوانك
منول مايرعا الغنم الا بنات ولا شافو من الله شر بس بعد جيه فار الطحين عندنا حصلت مشاكل منهم وصارو الناس يخافون على بناتهم
خربو علينا الي جونا من كل مكان بالدنيا وهدفهم الماده يحصلون عليها بالغش والكذب او اي طريقه تكون
وهذا الي خلانا معاد نثق في احد مهما كان ولا نصدق احد ولا نرتاح لحد من كثر الي شفنا منهم ونبي نشوف
كل ذو نعمه محسود
وعلى الله توكلنا وهو حسبنا
تميم بن محمد
2015-12-22, 05:15 PM
هههههههههههههههههههههههههههههههههه
الله يسعدك يا شيخ ليتك ناشدني عن المطار قبل تطلع كان موصف لك وصف زين و سهل تجيه مع طريق الملك سلمان سيده اليك في الصالات بس خيره
وراك ما رديت على الخاص؟
أبو سيرين
2015-12-22, 06:25 PM
ياشيخ تميم جيت وطلعت ولا جت السالفه ...
شكل السالفه فيها مشاهد لازم تنحذف هههه
وشيخنا سحاب مايطري موضوع آذان الأرنب إلا وأنا أضحك ههههه
والله إنكم شيبان فلّه .. ماعرفنا لكم ..
هههه
بس الشيء اللي ودّي أسألكم عنه جميع ..
يعني هل زمان أول كلكم تفهمون على بعض .. مافيه إختلافات ثقافات ..؟!!
يعني أحد من شقراء وأحد من الرياض واهل جدّة متواجدين هنا ماشاءالله ويفهمون السوالف والمصطلحات .. ( المجبب .. العسيب .. القليب .. و ... و .. )
فهل كانت الالفاظ والمصطلحات وحده تقريباً بكل مكان ... ؟! أو مفهمومه لدى الكل .. ؟!
وأنا أشيد بك ياعمنا سحاب الله يطول بعمرك يومك تكتب قدام كل لفظ معناه .. لأني من جد ماأفهم أغلب الكلمات إلا من خلال شرحك لها ... يسعدك ربي ...
وشيخنا تميم ماشاءالله عليه .. بدت تتناثر علينا قصصه من الشرار اللي تطاير مع الهوا هههه
المهم متابعتكم بصمت ...
وودي إن سمّو المشاعــر يعطينا سالفه من حق أول :) ...
أما أبو سيرين ماهو فاضي يقص ولا يحذف شي
ههههه تلقونه فمعرض الكتاب :038:
بالنسبة للألفاظ من أول وهالحين مفهومة لكل مناطق المملكة ، ولكن الاختلاف في بعض مسميات الأشياء يعني مثلاً البقرة ( عندنا نقولها بقرة في القصيم يقولون لها دبشه وفي الجنوب يقولون لها حسيل ... وهكذا ) الاختلاف في المسميات والا لو أجي لأي مكان أقولهم ( بروح لكذا وإلا بجلس في المكان كذا ) الكل راح يفهمني ولا اختلاف في ذلك وليس ذلك بمشكلة .
المشكلة هو وجود الأجانب في بلادنا ، لأنه تسبب فيما يسمى بصراع الثقافات وهذا عواقبه وخيمة على المدى البعيد ، وقد تظهر مشاكل وعقبات يصعب حلها حتى بالترليونات وليس المليارات .
:ordh:
سحاب شقراء
2015-12-22, 08:23 PM
هههههههههههههههههههههههههههههههههه
الله يسعدك يا شيخ ليتك ناشدني عن المطار قبل تطلع كان موصف لك وصف زين و سهل تجيه مع طريق الملك سلمان سيده اليك في الصالات بس خيره
وراك ما رديت على الخاص؟
ماطاع يالغالي يفتح معي وجبت بنتي ابيها تحاول ولا طاع انا مدري وش فيه له تقريبن شهر ونص وهو مايفتح
مدري البلا مني ولا من شي ثاني
ابا اجرب جهاز ثاني وشوف بس مهوب هلحين الين يتشاوا ظهري شوي غاثني مع البراد مافيه مرهم ولا فيه لزقه الا تلقاها وماسر البرد يقولون الاولين وجه ذيب لا تامنه
تتق اوله وتلق تاليه
مانبيه كله الفكه منه المربعانيه وعيالها بعد ومن شين الطبايع الا جت تطلع المربعانيه توصي عيالها علينا ذا العقارب الي مايصدقون بخبر هههههههههههه
تميم بن محمد
2015-12-22, 08:50 PM
اجل الشبط اردى شوي
يذكرون تحاميل الزنجبيل هههههههههههههههه يقولون زينة وحدة بوحدة لا فروة ولا دفاية
تميم بن محمد
2015-12-22, 08:53 PM
ناظر في اعلى الصفحة يسار بتوف الله بنسخة لك ز اضغط على الرسائل الخاصة و تطلع لك
السلام عليكم يا : سحاب شقراء
آخر زيارة لك كانت: يوم أمس الساعة 08:18 مساءٍ
الرسائل الخاصة: غير مقروء 0, من مجموع 39 رسالة.
تميم بن محمد
2015-12-22, 08:55 PM
عسى كلامي واضح ؟
هههههههههه مدري عنك اخاف انها تصريفه
تميم بن محمد
2015-12-23, 07:18 AM
يا اهل الحوي (الدار)
سمو المشاعر
2015-12-23, 07:21 AM
اقلط وهات علومك لاهنت
تميم بن محمد
2015-12-23, 08:14 AM
سحب شقراء يا حبك للصفرة(نومة الضحى):)))
تميم بن محمد
2015-12-23, 12:15 PM
سحاب شقراء شمسك عليها غيوم
وش انت مصبطن عليه؟
تميم بن محمد
2015-12-23, 06:18 PM
ننفخ في قربة مشقوقة
في امان الله
تميم بن محمد
2015-12-23, 07:20 PM
اخي سمو المشاعر
شرايك في شايبنا سحاب شقراء نقوم عليه حق او لا
له كم يوم دخلاته ماهي طيبة و مقصر معنا
نلزمه بحاشي كوده ينشط شوي ولا وش رآيك
انا معطيه جوالي على الخاص و يتعذر انه ما عرف يفتح الخاص و علمته الطريقه و مافيه فايدة
سمو المشاعر
2015-12-23, 09:25 PM
الغائب حجته معه اصبر على الرجل
يمكن يولم نفسه يبى يعرس و بيخليها
مفاجأة والرسائل بلكن ما فعل خاصية
الأعضاء ربما فقط من الإدارة فقط .
وبدل ما تلزمه بحاشي تنعكس الآية حاشي
واملحين ورفد للزواج على جميع واحة شعراء البراري وكله بسبب الإستعجال اركد خلنا نشوف النهاية مع سحاب شقراء....
تميم بن محمد
2015-12-23, 10:24 PM
معاد نبي حاشي نبيه يطمنا عليه بس ولا هو راعي مواجيب و كفو
تميم بن محمد
2015-12-24, 04:25 AM
السلام عليكم ورحمة الله وبركاته
صبحكم الله بالخير
مبروك الامطار :w12:
تميم بن محمد
2015-12-24, 06:02 AM
ذبحك النوم يا سحاب شقراء
الدنيا مطر و خيرات
تعال عطنا علوم المطر عندكم الله يجزاك الجنة
سمو المشاعر
2015-12-24, 06:53 AM
مبروكين الخيرات وعقبال لنا في جدة
تميم بن محمد
2015-12-24, 10:41 AM
في الشعيب احد؟
مبروك الخيرات يالربع
سمو المشاعر
2015-12-24, 11:50 AM
ماشاء الله وتهاناكم الرحمة
شايبنا لاحظته اليوم لكن ما طول
احدى ثنتين ام النت عطلان او انه مسخن قلب عليه الجو وكثر الشوق للبراري خلاه يتحامل على نفسه ليكحل عينه ولو بدقائق معدوده
والله اعلم الله يرده لنا سالم غانم ويتحفنا
بمذكراته وقصصه المحببة الينا..
تميم بن محمد
2015-12-24, 01:09 PM
اخاف انه معرس ولا يبينا ندري
وكل يوم ظهري معورني ركبي معورتني و حنا ياغافل لك الله ههههه
تميم بن محمد
2015-12-24, 09:18 PM
السلام عليكم ورحمة الله وبركاته
الله يسعدك ياشيخ تميم ..
ومبروك عليكم الأمطار .. الله يجعلها متبوعه يارب ..
والعاقبه لأهل جدة والحجاز عامه ..
اللهم آمين يارب ..
لم أجد ماأقدمه لكم بخالص المحبّه والإخاء
سوى دعوات متواضعه في الحرم المكّي الشريف ..
إنسردت أسمائكم على لساني دون توقف .. وكأنها محفوره داخل القلب ..
سحاب وتميم وسموالمشاعر والركام وابو سيرين و عابر و رعد و .. و ..
أسأل الله أن يتقبل منّا ومنكم ...
،؛،؛،؛،
سأفتقد هذه الزاويه كثيراً ...
ولكن هي أقدار الله ،،
مغادره إلى المجهول ..!!
و بإذن الرحمن سأعود لكم ...
ولكن إن مرّ شهر كامل ولم أعود لاقدّر الله ..
فلاتنسوني من دعاءكم
فـ بالتأكيد سأكون في أمس الحاجه لها ..
أستودعكم الله جميعاً ...
رذاذ
سحاب شقراء
2015-12-25, 02:29 AM
اخاف انه معرس ولا يبينا ندري
وكل يوم ظهري معورني ركبي معورتني و حنا ياغافل لك الله ههههه
ههههههههههههه جعلها بحملها تثور ولاهيب ثايره ولا متحركه ولا عليها حمل بعد
خل اعلمك علشان تقتنع
انا عندي اصابه في العامود الفقري 6 فقرات كل وحده رايحه اتجاه غلط
وفيه الثالثه هي اخطرهن لانها ظاغطه على النخاع الشوكي من متوسط الا شديد يعني مستحيل علاجها او العبث فيها لان نسبه النجاح 7 في الميه وهذي مهيب نسبه
ونا قبلي جاك الذيب جاك وليده
لان الاطباء معلميني في اي لحظه تجي بعض الاعراض لازم اسوي العمليه بس شلل نصفي 93 في الميه
ونا متكل على الحي القيوم سبحانه ومن اتكل على الله كفاه
هماي اقول في قصيده لي
الله من قلبن همومه تمسه
مس الرشا في محدبات السواني
والله من قلبن غثا البين دسه
دايم يدسه خايف انه يباني
يالايمي ماحسك الي احسه
ولا ذقتا حر المطرق الي كواني
اخاف يومن مقدرالسوق اعسه
تعوقني رجلي من الي بلاني
مابي انا الكرسي ولابي امسه
موتي ولا يشفق عليه زماني
سحاب شقراء
عرفتا هلحين وشو الي ملهيني وكلن يشوف الناس بعين طبعه ههههههههههههههههه
قصدي انك انت الي تهوجس بالعرس
كم مره هوجستا بالمسيار علمني يالخواف هههههههههههههههههههه
أبو سيرين
2015-12-25, 08:48 AM
الله يسعدك ياشيخ تميم ..
ومبروك عليكم الأمطار .. الله يجعلها متبوعه يارب ..
والعاقبه لأهل جدة والحجاز عامه ..
اللهم آمين يارب ..
لم أجد ماأقدمه لكم بخالص المحبّه والإخاء
سوى دعوات متواضعه في الحرم المكّي الشريف ..
إنسردت أسمائكم على لساني دون توقف .. وكأنها محفوره داخل القلب ..
سحاب وتميم وسموالمشاعر والركام وابو سيرين و عابر و رعد و .. و ..
أسأل الله أن يتقبل منّا ومنكم ...
،؛،؛،؛،
سأفتقد هذه الزاويه كثيراً ...
ولكن هي أقدار الله ،،
مغادره إلى المجهول ..!!
و بإذن الرحمن سأعود لكم ...
ولكن إن مرّ شهر كامل ولم أعود لاقدّر الله ..
فلاتنسوني من دعاءكم
فـ بالتأكيد سأكون في أمس الحاجه لها ..
أستودعكم الله جميعاً ...
رذاذ
أختي رذاذ والله لا أعلم ماذا أقول ولكن أرى الكثير من الذين تشرفت بمعرفتهم وقد انسحبوا من المنتدى ولا أدري مالسبب
والله إن القلب حزن كثيراً على فراقهم
يا أختي والله لا نتمنى لك إلا كل خير وجزاك الله خيراً على دعواتك لنا في الحرم ولكن إن كان في ابتعادك مصلحة لك وخير فنحن جميعاً سنكون سعداء ولكن إن كان لظرف ما فأسأل الله أن يسهل أمرك ويردك لنا سالمة غانمة
هذه الحياة التي نحن فيها ندخل من باب ونخرج من باب آخر ولكن لا يغنم الخير الذي فيها إلا من ترك لنا سيرة طيبة نتذكره بها
وأنتي كنتي في المنتدى الشاعرة والمعلمة والموجهة
فجزاك الله عنا كل خير وأسأله أن يوفقك في حياتك ويرزقك السعادة في الدارين
ولا تنسينا من صالح دعائك دائماً
تميم بن محمد
2015-12-25, 04:23 PM
الله يسعدك ياشيخ تميم ..
ومبروك عليكم الأمطار .. الله يجعلها متبوعه يارب ..
والعاقبه لأهل جدة والحجاز عامه ..
اللهم آمين يارب ..
لم أجد ماأقدمه لكم بخالص المحبّه والإخاء
سوى دعوات متواضعه في الحرم المكّي الشريف ..
إنسردت أسمائكم على لساني دون توقف .. وكأنها محفوره داخل القلب ..
سحاب وتميم وسموالمشاعر والركام وابو سيرين و عابر و رعد و .. و ..
أسأل الله أن يتقبل منّا ومنكم ...
،؛،؛،؛،
سأفتقد هذه الزاويه كثيراً ...
ولكن هي أقدار الله ،،
مغادره إلى المجهول ..!!
و بإذن الرحمن سأعود لكم ...
ولكن إن مرّ شهر كامل ولم أعود لاقدّر الله ..
فلاتنسوني من دعاءكم
فـ بالتأكيد سأكون في أمس الحاجه لها ..
أستودعكم الله جميعاً ...
رذاذ
قسم بالله عجزت اعبر عن مشاعري تجاهك اختي الكريمة لكن ما اقول الا الله يوفقك و يسهل امرك و يردك لنا سالمة و غانمة و جزاك الله خير على دعواتك الطيبة و لن ننساك من دعواتنا ما حيينا و في امان الله و حفظه
تميم بن محمد
2015-12-25, 04:25 PM
ههههههههههههه جعلها بحملها تثور ولاهيب ثايره ولا متحركه ولا عليها حمل بعد
خل اعلمك علشان تقتنع
انا عندي اصابه في العامود الفقري 6 فقرات كل وحده رايحه اتجاه غلط
وفيه الثالثه هي اخطرهن لانها ظاغطه على النخاع الشوكي من متوسط الا شديد يعني مستحيل علاجها او العبث فيها لان نسبه النجاح 7 في الميه وهذي مهيب نسبه
ونا قبلي جاك الذيب جاك وليده
لان الاطباء معلميني في اي لحظه تجي بعض الاعراض لازم اسوي العمليه بس شلل نصفي 93 في الميه
ونا متكل على الحي القيوم سبحانه ومن اتكل على الله كفاه
هماي اقول في قصيده لي
الله من قلبن همومه تمسه
مس الرشا في محدبات السواني
والله من قلبن غثا البين دسه
دايم يدسه خايف انه يباني
يالايمي ماحسك الي احسه
ولا ذقتا حر المطرق الي كواني
اخاف يومن مقدرالسوق اعسه
تعوقني رجلي من الي بلاني
مابي انا الكرسي ولابي امسه
موتي ولا يشفق عليه زماني
سحاب شقراء
عرفتا هلحين وشو الي ملهيني وكلن يشوف الناس بعين طبعه ههههههههههههههههه
قصدي انك انت الي تهوجس بالعرس
كم مره هوجستا بالمسيار علمني يالخواف هههههههههههههههههههه
ما تشوف شر يا عم و الف لا بأس عليك و معذور وكله من محبه تجاهك و احب امزح معك
تميم بن محمد
2015-12-26, 04:13 PM
السلام عليكم ورحمة الله وبركاته
:w10::w10:
الركام
2015-12-26, 06:35 PM
لياحام فـكـرك في السنين القـديـمــه
واليا شـكى قلـبـك وبين حنــيــنــــه
وصارت حياتك دون طـعـم وقــيـمــه
ومـلـيــت حاضــرك وتولاك شيـــنـــه
وبـين علـيـك الكـبر وقــل الـعزيــمــه
وقـل الـنـظـر قـريــب وتـقـول ويــنــه
ورجلك بدت تقصر ولا هي سليـمـــه
وشكيت سمعك كن في الاذن طيـنــه
وبديت تشكي امراض جسم اليـمــه
تراك بـاد فـي ســـنــيـــن حـزيـــنــــه
عشها على ماجات لو هي ظلـيـمــه
ولو شفت فيها ميل ولوهي غبيـنــه
الوقت لو يصفي يجي فـيه غيـمـــه
والمـوت لو طـولـت ياتي بحـيــنــــه
رجـواك في ماض تراهـا عـديــمــــه
وسـجات فـكرك ماترجع سـنــيــنـــه
مـابـه حـياة دايـــم مـسـتـقــيـــمــــه
ومابه كـمال الا ونـقـصـه قـريـــنـــه
شيمتك عن دنياك خصـله كريــمـــه
ودنياك سـخـرهـا للاخرى عـويــنــه
لا تـنـخـدع غـرقـان وتـقـول ديــمــــه
هذي الحياة وسرعـهــا عارفـيــنــــه
وصلاة ربي عد ماقــفــت مـقـيـمـــه
واعداد مايقسى الزمن عقـب ليــنــه
الركام
تميم بن محمد
2015-12-26, 10:05 PM
لينه
صح لسانك شاعرنا الجميل الركام
الحقيقة ابيات جزلة بالحيل
كل بيت عن قصيدة
تميم بن محمد
2015-12-27, 09:11 AM
السلام عليكم ورحمة الله وبركاته
عبدالهادي المفرج التميمي
2015-12-27, 12:58 PM
السلام عليكم
وش العلوم الطيبة ما شاء الله
اعتذر عن عدم مشاركتي معكم فيما سبق
ولي عووودة بشيء مفيد للجميع ان شاء الله
مشكوووووووورين
سلام
أبو سيرين
2015-12-27, 04:34 PM
السلام عليكم
وش العلوم الطيبة ما شاء الله
اعتذر عن عدم مشاركتي معكم فيما سبق
ولي عووودة بشيء مفيد للجميع ان شاء الله
مشكوووووووورين
سلام
وعليكم السلام ورحمة الله وبركاته
يا هلا أبو ناصر حياك الله
والله متشوقين نسمع قصص من الماضي والحقيقة إن عم سحاب ما قصر في هذا الموضوع ولكن نطمع في المزيد من القصص وإن شاء الله نسمع منك ما يفيدنا .
تحيتي وتقديري
تميم بن محمد
2015-12-27, 05:56 PM
وعليكم السلام ورحمة الله وبركاته
حي الله الشيخ عبدالهادي
في انتظار مشاركاتك بارك الله فيك
سحاب شقراء
2015-12-28, 04:58 PM
لياحام فـكـرك في السنين القـديـمــه
واليا شـكى قلـبـك وبين حنــيــنــــه
وصارت حياتك دون طـعـم وقــيـمــه
ومـلـيــت حاضــرك وتولاك شيـــنـــه
وبـين علـيـك الكـبر وقــل الـعزيــمــه
وقـل الـنـظـر قـريــب وتـقـول ويــنــه
ورجلك بدت تقصر ولا هي سليـمـــه
وشكيت سمعك كن في الاذن طيـنــه
وبديت تشكي امراض جسم اليـمــه
تراك بـاد فـي ســـنــيـــن حـزيـــنــــه
عشها على ماجات لو هي ظلـيـمــه
ولو شفت فيها ميل ولوهي غبيـنــه
الوقت لو يصفي يجي فـيه غيـمـــه
والمـوت لو طـولـت ياتي بحـيــنــــه
رجـواك في ماض تراهـا عـديــمــــه
وسـجات فـكرك ماترجع سـنــيــنـــه
مـابـه حـياة دايـــم مـسـتـقــيـــمــــه
ومابه كـمال الا ونـقـصـه قـريـــنـــه
شيمتك عن دنياك خصـله كريــمـــه
ودنياك سـخـرهـا للاخرى عـويــنــه
لا تـنـخـدع غـرقـان وتـقـول ديــمــــه
هذي الحياة وسرعـهــا عارفـيــنــــه
وصلاة ربي عد ماقــفــت مـقـيـمـــه
واعداد مايقسى الزمن عقـب ليــنــه
الركام
صح لسانك يالغالي وعزالله انك قريتا الي داخلي
لاعادتخلينا ترانا نفرح بشوفتك
سحاب شقراء
2015-12-28, 05:05 PM
السلام عليكم
وش العلوم الطيبة ما شاء الله
اعتذر عن عدم مشاركتي معكم فيما سبق
ولي عووودة بشيء مفيد للجميع ان شاء الله
مشكوووووووورين
سلام
ياهلا ومرحبا ومسهلا يبو ناصر
هذي والله الساعه المباركه الي خلتك تجينا
ترانا نحتريك عطنا من السواليف الطيبه الي مرت عليك ولا على احد ثاني
شرفتنا بحظورك شرف الله مقامك
سحاب شقراء
2015-12-28, 10:25 PM
السلام عليكم ورحمه الله وبركاته
اللهم صلي وسلم على نبينا وحبيبنا محمد
الابذكرالله تطمئن القلوب -لااله الا الله وحده لا شريك له
يالله تحييهم كلهم صغيرهم وكبيرهم ذكرهم و نثاهم وليا حيا كثر وليا كثر تنثر وليا تنثر تزبر :038::clap:
في يوم من الايام قبل تقريبن 20 سنه وكان ليلة خميس وديت عيالي عند جدتهم ورحت انا عندي شغل ورجعت
الساعه 2 الصباح وخذتهم ورجعنا للبيت يعني مصبحين على الخميس يوم للخميس كار ماعطل
طبعا كل واحد يحاول قدر المستطاع انه عند حرمته وعياله يكون هو الاسد والعيال يقتدون ببوهم بالشجاعة
والاقدام والمرجله وركوب الخيل :z-attack: والعلوم الي ترفع الراس
وصلنا البيت ووقفت السياره برا علشان ابا اروح اجيب غرض من بنده للبيت
المهم .. فتحت الباب والحاشيه يمشون وراي طبعا ابوهم في المقدمه وصكوا الباب ودخلنا
يوم انتصفت في الحوش ولا ذاك القطو اللي كبر ابليس ولو ماشفت بليس
والله العظيم اني صادق
انا شفته ولا ماشفته والله العظيم انه يشمخ على الجدار حق البيت باغي ياصل السطح لانه وحش
واجيك راجع وبسرع مايمكن والعائله الكريمه وراي يصارخون بابا وقف بابا وقف اللي يصيح
واللي طاح تقول لغم وانفجر فينا وانا عاض شماغي ورافع ثوبي ولا وقفت الا وانا قاطع الشارع
هالحين مايدري وش السالفه شافوا الابو يركض ويصارخ وصابهم الرعب
الله لايلومهم بصراحه وهم وراي ستر الله ماجاء سيارات وصدمتنا واول واحد ياصل سور
البيت حق جيرانا اللي قطع الشارع انا كن المسئله سباق هههههههه ويجون ونصف عند جدار الجيران اللي مقابل بيتنا كنا صافين للصلاه اللي يصيح واللي يشاهق واللي يتعبر
ما علمتكم امهم جتها ام الركب من يوم طلعت مع الباب ولاعاد تقوا تمشي ولاتكلم وتشر لي انا يابعلها تبيني اجي دوري غيرها اجي والله مارحت لها ياجماعه
هالحين مايدرون وش السالفه وانا مغير يالله ابلع ريقي وافح يالله اقدر اتنفس وما اقدر اتكلم من الروعه والتعب
من متى ماركضت من سنين
ويتكلمون عيالي وشو ياابوي وشو وانا اشر لهم اقول اصبرو شوي خلوني ارد النفس وشفيك يابوي شايف حرامي وومي براسي بالنفي اقول لا
وشو اجل قلت وانا اشر على الحوش قطو شايف قطو كبر الثور في الحوش وصارو يناضرون بعظهم عيالي مستنكرين كل هذا علشان قطو
وقمت وفتحت باب مدخل
السياره وانا قطع الشارع بالريموت ونجلس ساعه او اكثر ماطاع يطلع وفي الاخير يجي
يمشي اقصى سرعه ويطلع ويروح جهة الحرمه وقامت تصارخ وهي جالسه ما قوت تقوم
هذي ام الركب يسمونها بس صراحه معادلي هيبه ولا عاد لي وجه
والا جيت اسولف عن منول وايام الشباب والشجاعه وانا سوينا وانا فعلنا تصدقون حول مايجون كل عيالي بصوت واحد دور غيرها يابوي هذاك اول ياالاسد لاني منول اذا خافوا من شي او من ظلماء اسوي نفسي واقول هالحين تخافون ومعكم اسد وصرت معاد اجيب طاري امور فيها شقاوه او فيها
شي من الشجاعه ابد وكل مابغيت اقول شي قالوا هذاك اول يالاسد صدق معادلي هيبه والسبه قطو
فضحني ولا فيه ابو يسوي كذا بعياله تصدقون حتى الحرمه هالحين اذا وديتها لمشوار
وضايقني احد بالسياره اذا قلت له اخرعني الله لا يعافي العدو وانا معصب تقوم الحرمه
وتشرلي بيدها تقول على هونك على هونك لا يطق فيك عرق يالقوي
ثم ودي تنشق الارض وتبلعني بصر احه معادلي بعد هذي الحادثه اي وجه مار حقي وما جاني
وبس خلصت السالفه
وفي النهايه مانقول الا
سبحان الله والحمد لله ولااله الا الله والله اكبر
عدد خلقه وزنه عرشه ورضا نفسه ومداد كلماته
سحاب شقراء
2015-12-30, 06:37 AM
السلام عليكم ورحمه الله وبركاته
يالله تحيي الغالين كلكم صغيركم وكبيركم
منول ايام بيوت الطين يفرحون الا جاهم المطر ويخافون بعد يجيهم خوف ربي اعلم فيه ليش يخافون لان البيوت عليها خطر الطياح ويخافون وتلقا اهل البيت مجتمعين في صفه يعني غرفه ومعهم سراج يبلص وشابين ضويتهم بالتصغير ولا هي ضو نار لهب بس عاد اهل شقراء يقولون ضويتهم الا جو يسولفون عن احد
او مايسولفون بعد السياره يسمونها سييره تصغير ههههههه وبييلات وفنيجيلات وغضيرات
وبليمات يسمون الصحون الي تجي مستطيله الي ماياكلون فيها الا المكرونه يسمونها بليمات جمع بلم وبويديات وتبي شويهي ولا شارب لبينه
ومريصيعات وبريدقينات وتفيفيحات ومويزات وخويخات وجريوات وجحيحات
شوفوني انا هلحين معي حليييبه مدري وشلون اكتبها بس معي حلييبه وغط عليها خبيزات وش تبون اكثر منذا بعد
المهم ويجيهم صواعق في ذيك البيوت الي ترج من الصواعق وتهتز بعض الاحيان
ولا طاول عليهم المطر وهم في الليل يجيهم خوف منه خص الا جت الشعبان والسماء يمطر يخافون تنقطع عليهم احد ذا الحيايل او الحيطان ثمن يدخل السيل على بيوتهم منعند الزرعي ولا منعند جفره طاحوس ولا منعند الجرعه وطول الليل وهم يرقلون يدافع البلا المثاعب تصب والسما تمطر والسكيك تمشي من السيل ثمن عاد تعال كانك ولد ابوك اطلع من بيتك كانك ساكن المجباب ولا الدويخل ولا اي سكه تراك تبي تمحط يعني تزلق ويبي ينزلط ساقك ويبي يوجعك جنبك وكتفك ويدك ويبي يرعف خشمك وتبي تصير تعرج بعد اسئل مجرب من قالك اظهر من داركم والسما تصب ولا فقدو في المسجد احد منذا العويد قالو زالق ومتعور الله يسامت علينا
ولا وش يظهر ذا العود والدنيا زلق مغير يتهمع هو وعصاقيله الين يهبد في جفره ولا يزلق ثمن تعال متا يطيب عاد الله من شين النفس وتعال اسمعه قبله هواش مع عجوزه كنها هي الي دازته
الا ابا انشدكم يالغالين ورا الشايب والعجوز ما يواطنون بعض او كلن مل من الثاني
وهذا الوكاد شي اشوفه انا بعيني مغير تلفط تقول ضب توه مصيود
سبحانك ربي وبس وترا بعض العجيزات حقنه ودندره وقبلها تشتكي وبليس يغفل وهي ماتغفل والعياذوبالله
بس اكثر العجيزات حبيبات ورحيبات ووسيعات صدر مثل ذيك الي رايح رجلها للرياض وماخذتني ونا بزر تبيني اجسرها ورقد عندها ونا توي صغييير حتا الصروال مهوب علي من صغر سني تذكرون سالفتها يالغالين يوم انها تحط السحله الي فيها الماء على الحجا حق الباحه والحجا جدار صغيير والباحه فتحه من الصطح على المجبب نسميها الباحه
المهم يوم انها تحط السحله غضاره بس كبير نسميها السحله تحطها على الجدار فوق روسنا وحنا راقدين تبي الا بغت هي تشرب ولا انا الاها قريبه يوم رقدنا ويجن قطاوه يتطاردن تقوله هي ولا انا راقد ماشفت شي المهم يجن القطاوه يتطاردن ويظربن السحله الي فيها الماء وينكب علي وعليها بس انا اكثر وقوم من نومي على طول منسدح ووقفت من هول الروعه وفاق اثمي اربعه بوص اصيح وتمسكني بسم الله عليك بسم الله عليك تخاف يزوغ عقلي ولا حس ام الجيران تنادي انتم خابرين الناس كلهم ايام الصيف يرقدون في الطايه ولا حس ام الجيران تنادي يافلانه يافلانه قالت العجوز سمي قالت ام الجيران عسا مافيك شي قالت العجوز ابد والله جن القطاوه وكبن الماء على الوليد قالت ام الجيران هو ماشاء الله جاك عيال عاد العجوز مايجيها عيال جعل ربي يعوضها في الفردوس بعد ام الجيران وشذا النشده ذا الحزه وش عليك منها جايها عيال ولا ماجاها الناس مرتاعين وذي تنشد المهم قالت العجوز لا هذيا وليد فلانه مخليته يرقد عندي ابونا رايح للرياض جعله للريح ولا بعد جا ههههههههههه عاد قد علمتكم بذا السالفه او تبوني اكملها طيب المهم وتقوم العجوز وتمسك يدي وتقول قوه انا وياك ادور لك شي تلبسه ونحول تحت وتجيب لي ثوب من ثياب شايبها ويوم رقينا للطايه وتقوم وتفصخ مقطعي ترانا منول مانسميه ثوب لا نسميه مقطع المهم وتفصخ مقطعي وتنشره على جدار الباحه تقول علشان اذا اصبحنا الاه يابس وتلبسني ثوب شايبها ولا عرفت امشي فيه على طول لبستني ورقدتني لوها مار جايبه فنيله كان تصلح لي ثوب بس ثوب عدل لو يشوفني احد يحسب مافي الثوب احد وهو يتحرك وبسم الله علينا وبس
وفي الختام
ادعولي جعل والديكم الجنه انه يسمح امري ومركم و كل مسلم
وسبحان الله والحمد لله ولااله الا الله والله اكبر عدد خلقه وزنه عرشه ورضا نفسه ومداد كلماته
أبو سيرين
2015-12-30, 07:48 AM
هههههههه
الله يا عم سحاب ... مسميات اندثرت لكن حنا إلى الآن نسمي الصحون المستطيلة أبلام أو بلم للمفرد
لكن ما قلت لنا وش سبب تصغيرهم للأشياء والا أخذوها من أبائهم وما يدرون وش السبب
وجزاك الله خيراً على هالسوالف اللي ذكرتنا بالماضي وصراحه أنا يوم أقرى هالقصص والله أحس وكأني في ذاك الوقت ربما لأنك تذكر الأشياء من حولكم ومسمياتها وحالة الأشخاص وكيف يتصرفون وما كانوا يلبسون
والحقيقة كلمة شكر والله يا عم سحاب ما تكفيك ولكن ما نقول إلا جمعنا وإياكم في جنات النعيم
وتقبل تحيتي وتقديري حفظكم الله ورعاكم
الركام
2015-12-30, 01:15 PM
الذين يشاهدون محتوى الموضوع الآن : 12 ( الأعضاء 2 والزوار 10)
الركام, سحاب شقراء
أبو سيرين
2015-12-30, 04:53 PM
الذين يشاهدون محتوى الموضوع الآن : 12 ( الأعضاء 2 والزوار 10)
الركام, سحاب شقراء
هذا يدل على أن موضوع العم سحاب يحظى بمتابعة من قبل الأعضاء
شكراً لك يا الركام
ونتمنى أن يعمل العم سحاب على إثراء هذا الموضوع أكثر وأن لا يترك شاردة وواردة إلا وذكرها لنا
وبالتوفيق للجميع
سحاب شقراء
2015-12-30, 10:40 PM
هههههههه
الله يا عم سحاب ... مسميات اندثرت لكن حنا إلى الآن نسمي الصحون المستطيلة أبلام أو بلم للمفرد
لكن ما قلت لنا وش سبب تصغيرهم للأشياء والا أخذوها من أبائهم وما يدرون وش السبب
وجزاك الله خيراً على هالسوالف اللي ذكرتنا بالماضي وصراحه أنا يوم أقرى هالقصص والله أحس وكأني في ذاك الوقت ربما لأنك تذكر الأشياء من حولكم ومسمياتها وحالة الأشخاص وكيف يتصرفون وما كانوا يلبسون
والحقيقة كلمة شكر والله يا عم سحاب ما تكفيك ولكن ما نقول إلا جمعنا وإياكم في جنات النعيم
وتقبل تحيتي وتقديري حفظكم الله ورعاكم
ياهلا ومرحبا يبو سيرين
سبب تصغيرهم للاشياء تمليحها
بس السياره صارت سييره هذي احترت فيها
الاولين يبو سيرين يقولون كل صغير مملوح يعني زين الا فرخ الداب مافيه ملح هههههههههه
سحاب شقراء
2015-12-30, 10:43 PM
الذين يشاهدون محتوى الموضوع الآن : 12 ( الأعضاء 2 والزوار 10)
الركام, سحاب شقراء
ياهلا ومرحبا بالغالي الركام
والله الشرف لي بطلتك جعل ربي يسعد قلبك
بس يالركام عطنا من علومك وذكرياتك لا تخلينا
عابر سبيل
2015-12-31, 12:28 AM
صباح الخير ع الجميع..
الله يعطيكم العافية ..
جميع ماتقدمونه جميل وراائع موضوع مميز بطرحكم وتواجدكم ..
تقبلوا محبتي واحترامي ،،،،،
تميم بن محمد
2016-01-04, 01:02 AM
السلام عليكم ورحمة الله وبركاته
تميم بن محمد
2016-01-04, 01:03 AM
تراني زعلان عليكم
لي سبوع احرج و انشد عنكم و طناش
تميم بن محمد
2016-01-04, 01:04 AM
بس طاح الحطب و رضيت
يا مرحبا بالشيخ سحاب شقراء اللي متغلي علينا
تميم بن محمد
2016-01-04, 03:28 AM
السلام عليكم ورحمة الله وبركاته
تميم بن محمد
2016-01-04, 10:53 PM
مافي الحمض أحد؟ يا سحاب شقراء شمسك عليها غيوم
عسى ما شر يا عمنا
تميم بن محمد
2016-01-05, 03:03 PM
السلام عليكم ورحمة الله وبركاته
تميم بن محمد
2016-01-06, 05:05 PM
يا شين الوحدة
تستاحش لحالك هههه
تميم بن محمد
2016-01-06, 05:16 PM
بقول سالفة مافي الحمض احد
هذا واحد كفيف يروح لشعيب حول بيته كله نبات الحمض و يوم من الايام وجد فتاة و تبادل الحديث معها و اعجب بسوالفها و صار كل يوم يجي للشعيب يدورها و كان خايف من اهله او احد يعرفه او يعرفها ان يدري بسالفته فصار كل ما جاء للمكان يصوت مافي الحمض احد لعلها ترد عليه و لكن لا حياة لمن ينادي و سلامتكم
أبو سيرين
2016-01-07, 02:50 AM
حياك اخوي تميم
شكراً على السالفه ولو انها قصيرة ولكن مقبولة
وبالنسبة للعم سحاب اشوف طول هالمرة عسى ما شر
يا عم سحاب الله يردك لنا بخير // وتروح ضيقتك وتسـولف معانا
لـو الأمـر في يدي آخـذك واطير // وننسى هموم الدنيا واللي بلانا
:ordh:
تميم بن محمد
2016-01-07, 09:04 AM
حياك اخوي تميم
شكراً على السالفه ولو انها قصيرة ولكن مقبولة
وبالنسبة للعم سحاب اشوف طول هالمرة عسى ما شر
يا عم سحاب الله يردك لنا بخير // وتروح ضيقتك وتسـولف معانا
لـو الأمـر في يدي آخـذك واطير // وننسى هموم الدنيا واللي بلانا
:ordh:
بلانا
صح لسانك مشرفنا الفاضل
العم سحاب طرينا العرس و شكله جزم و اعرس وهو كان متردد
الله يوفقه و يرزقة الذرية الصالحة (تأكيد انه معرس) اهم شي انتبه لهم من الشارع و السيارات ههه
حياك ربي ابو سيرين و توه ينور المحل بقدومك:ordh:
تميم بن محمد
2016-01-08, 08:13 AM
السلام عليكم ورحمة الله وبركاته
الركام
2016-01-10, 12:48 PM
قال الراوي
كان هناك صاحب مزرعة فلاح عنده صبي في المزرعة
والصبي يشبه اليوم العامل في وقتنا الحاضر
وكان هذا الصبي يصدر على السواني ليسقي النخل
وكان الوقت برد جدا وغيم
والهواء صبا باردة
وكانت اطرافه متيبسة من البرد وعيونه تذرف من شدة الهواء البارد
ونزل عليه صاحب المزرعة ( زيد ) من الروشن حيث كان حديث عهد بالزواج
ولما نزل واحس ببرودة الجو فسأل الصبي وهو راجع ثانية الى روشنه
قال وش مهبها ياصبي
فقال هذه البيتين
هني زيد مادرى وش مهبها
................. في حضن غطراف حشاه رهيف
شرقية يازيد تقعد لها الصبا
...................... ودموعنا من لفحها ذريف
ويقال ان الروشن بعد ترديده هذين البيتين طاح وتهدم
على من كان فيه
--------
شرقية تقعد لها الصبا
جنوبية شرقية
نقلتها من الراوي
http://www.4saud.pub.sa/brari/1435/t-52480.html
تميم بن محمد
2016-01-10, 03:21 PM
صح لسانك يالركام قصة جميلة و معبرة
أبو سيرين
2016-01-10, 04:37 PM
عطاهم عين الصبي هههههه
قصة جميلة ومعبرة
تعجبني القصص التي يتم دعمها بالأبيات والقصائد التي قيلت بسببها
شكراً لك أخوي الركام
سحاب شقراء
2016-01-10, 06:49 PM
تراي مصخن يعني تعيبان العذر والسموحه على الغيبه مهوب في يدي
يالله تحييهم كلهم هلا بالحبايب الي احبهم وربي يشهد
يالمسلمين منول نشب بعسبان النخل وبكرب النخل وصنوخ النخل وليف النخل وريحته عندنا كنها عود او دخون
وذكر منول يصير فوق الوجار النبر او الفتاش الي يصير في الغما او السقف ويصير له حبل ممدود من فوق الين حول الارض الا جريته ينفتح الفتاش او النبر وهل الزلفي يسمونه السماوه
يصير فيه وتد يعني عود مغزوز في الجدار ويربطونه فيه الا بغو يشبون ضوهم
وقبل ذا الحبل يحرق وينقطع مع حراره الضو او النار الله ينجينا من النار وبيي وميمتي وخيي وجدي وخوالي ونا ونتم وكل مسلم
ولا انقطع الحبل مالك الا ترقا للطايه او الصطح ثمن تربطه بس كلها سهالات
يازينا منول ويازين ضونا ودي اصيح بس مهوب هلحين مدري وشبلاي الا ذكرت منول يحن قلبي ثمن اصير ودي اصيح مدري وشبلاي او الحنين الا الماضي صار عنوان كتاب ههههههه
وذكر منول عندنا الساعه اول ماجت ويصير لها صندوق صغيير نحطها فيه
انا عندي ساعه جدتي جعلها للفردوس وعندي سيف قديم ومحفور عليه وما النصر الا من عند الله - وان تنصرو ربكم فلا غالب لكم
وعندي باب الجصه وعندي الموكرات الي يحطون فيها الجريش منول وهن بوادي حجمهن وسط ولهن غطيان بس هلحين اشوفهن عند ابو ريالين الي صار ابو الف ريال
بس الاصليات القديمه يصير مكتوب تحت تشكسلو فاكيا هذا بلد التصنيع مهو الصين
المهم كل ذا الي عديت عليكم اهديتهن لواحد رفيق لي قالي تعال زرني في بيتي اني باني مجلس من الطين وحاط فيه وجار ورحت يمه ومعي الفزعه هههههه رادو قديم بلبس
والساعه ومنفاخ الهوا ذيك المكينه الاصليه الي تركب جنب الوجار ويمد لها ماصوره صغيره وتنفخ الضو وشوي وتصير جمر يتبارق
المهم قشيت ذا التراثيات وهديتهن اياه وهو رجالن يستاهل اجل لي انا وياه خمسه وعشرين سنه ماتهاوشنا ولا مره الا ابا اعطيه كلش
الله يستر ماتبدا المناوشات ثمن اتحسف هههههههههه امزح انا الا اعطيت ما اتحسف ابد وربي يعلم
وبس هذا الي جا في خاطري وعلمتكم فيه
وعلا سالفه الغالي الركام اي بالله عطاهم عين
فيه سالفه على طاري العين الله يكفينا شرها وكل مسلم
فيه راعي نخل يعني مزرعه وعنده عيال وعنده ولد اخوه متوفي ابوه وعمه خلاه عنده يربيه المهم الولد هذا عينه الله يدفع البلا وحده بوحده ماتخطي ابد يعني نضول وعمه يدري عنه
المهم في يوم من الايام قاله عمه رح ونا عمك شف ذا القعود الي تونا شارينه شف هو ياكل ولا على صيامه ماطاع ياكل مدري وشبلاه المهم الولد قال ابشر ياعمي وطمر يم القعود ثمن جا يم عمه وقاله والله ياعمي لقيته بارك ويقرا الحمد ههههههههه وهو شايفه يجتر هههههههههه
ثمن طمر عمه وخذ السكين وهو يقول مهيب هي ياولد اخوي ونحن شارينه نبيه للصدر
ويوم وصل القعود ولاه على جنبه تبي تطلع روحه ويلحق عليه وذبحه
اهبي ياعيونه ياملا الخفاس بلا ياملا الخفاس
ابا اعلمكم بشي ونتم اعلم مني يالغالين
ترا النضول اذا خفتا منه خس خسله يعني قله الخلا يالي فيك مايخطيك يعني تعاديه او تهاوش عليه بزعل تراه معاد يقدر يضرك لوه عابر القارات هههههههه
تراالنضول مايقدر الا على الحبيب الي مابينه وبينه عداوه
ولا عدوه مايقدر عليه ابد
سحاب شقراء
2016-01-10, 08:41 PM
بلانا
صح لسانك مشرفنا الفاضل
العم سحاب طرينا العرس و شكله جزم و اعرس وهو كان متردد
الله يوفقه و يرزقة الذرية الصالحة (تأكيد انه معرس) اهم شي انتبه لهم من الشارع و السيارات ههه
حياك ربي ابو سيرين و توه ينور المحل بقدومك:ordh:
وين انا والعرس وين
جعلها بحملها تثور
والذريه الصالحه ونتبه لهم عن السيارات هههههههه يافرقا عين هههههههههههههههه
تميم بن محمد
2016-01-10, 11:13 PM
وين انا والعرس وين
جعلها بحملها تثور
والذريه الصالحه ونتبه لهم عن السيارات هههههههه يافرقا عين هههههههههههههههه
يا هلا بسحاب شقراء مبطيين عنك ربي يحقظك وين الغيبة
سحاب شقراء
2016-01-10, 11:31 PM
يا هلا بسحاب شقراء مبطيين عنك ربي يحقظك وين الغيبة
ياهلا ومرحبا ومسهلا
ابد كا العاده مصخن وذا البرد صايرللعويد كنه الصيف للسيارات مايخربن الا في الصيف والحر
والله اني الا هلحين ونا ماطبت وعلى فراشي جعل الشر مايجيك يالغالي
بس قصرت منذا التعوب الله يشافيني وكل مسلم
لاعاد تستنكر علي شي ون ابطيت واجد انا معلم بنتي تعلمكم لا قدرالله لو تنشت هههه يعني مت
موصيها ابيكم عاد ماتذخرون بالدعاء خلوني اسفهل ههههه
أبو سيرين
2016-01-11, 01:35 AM
الحمد لله على السلامة يا عم سحاب وما تشوف شر
تميم بن محمد
2016-01-11, 08:03 AM
السلام عليكم ورحمة الله وبركاته
تميم بن محمد
2016-01-11, 11:24 AM
بالغلط وضع هنا
من زود الحماس للمطر هههههه
تميم بن محمد
2016-01-11, 11:29 AM
https://cdn.sabq.org/uploads/media-cache/resize_800_relative/uploads/material-file/5692d0d2262d6ba5ee638134/5692d0c0ac5b5.png
تميم بن محمد
2016-01-11, 04:39 PM
السلام عليكم ورحمة الله وبركاته
سحاب شقراء
2016-01-11, 09:13 PM
عليكم السلام يالغالي
وياهلا ومرحبا ومسهلا
سحاب شقراء
2016-01-11, 09:14 PM
https://cdn.sabq.org/uploads/media-cache/resize_800_relative/uploads/material-file/5692d0d2262d6ba5ee638134/5692d0c0ac5b5.png
ذا الطخما متا يبو محمد يالغالي
سحاب شقراء
2016-01-11, 10:16 PM
الا بذكر الله تطمئن القلوب لا اله الا الله وحده لا شريك له
هلا بالغالين ومرحبا ومسهلا بكبيركم وصغيركم وذكركم ونثاكم
لا اله الا الله صلى الله على محمد
اليوم ابغى اعلمكم بموقف حاصل لي منها اعلمكم ومنها تنتبهون لا يجيكم اللي جاني
سلمكم الله عادة احط معي في السياره كيس واجمع فيه الله يكرمكم الزباله ثمن ارميها في
اقرب حاويه يعنني نظيف ومؤدب ما ارمي شي في الشارع
المهم ركبت السياره ونا اهيجن
بشويش وما عندي للشيطان طريق تخيلوا الموقف واطلع الكيسه بيدي اكيد بيدي اجل برجلي
بعض الكلام ما ودك يطلع المهم فتحت الدريشه ومديت يدي يوم وصلت الحاويه تكرمون
حقت الزباله واقف وانا في السياره واذب الكيس في الحاويه اثر فيها قطو شوارع وحش
ونتق من الحاويه ويخبط بوجهي ويجلس يطامر في السياره من داخل السياره وهي تشتغل وكنت
مهدي وتبين سبحان الله الشجاعه فيني تحسبوني هوين الا واطب من السياره وانا اصرخ
ومشت السياره والقطو فيها وانا طايح على حيلي وممدد رجلي عند الزباله الله لايفاشل
المهم السياره مشت بالقطو ما علي منها انا قمت اتنافض احسبه الموت جاني وقامت
براطمي تنافض مدري عاد هي روعه والا واصلة البكيه الاعتراف بالحق فضيله
والسياره تمشي الين جاء حرف تي وستر الله ماجا سيارات اصلا وش علي يصير المخطي القطو وانا
ماكنت اسوقها ههههههههههههه هو اللي في السياره ترا كلامي صدق وتضرب السياره في
الرصيف الاوسط وتاقف وانا قمت اسحب رجلي كني طايح من السماء
والسياره واقفه غلط بالطول شبه مسكره الشارع وانا ماجسرت اقرب من القطو لازال فيها ويطامر تصدقون يتمسك بالسقف الخبيث الله لا يفاشل ويمر ولد جاري توه صغير يمكن عمره الله يصلحه 13 سنه
المهم جا يمي وقال وش فيك يالله تمشي وماسك ظهرك عسى مهوب يوجعك قلت جابك الله قبل
الفضايح تعال يا ولدي انت تخاف من القطاوه ولا ما تخاف انشده قبل لا يجي الولد شي
وغشي علي من الضحك قلت في نفسي ايه ماتدري خل عنك بس قال لا ما اخاف قلت متأكد
قال اكيد قلت اجل شف في السياره قطو نتق علي من الزباله وانا اجدع كيسه فيها وخبطني
مع وجهي وطبيت وخليت السياره له قال وينه قلت مايبي وينه شفه ولاي بديت اشوش يوم
فزع الولد الله يخلف علي بالجنه وكل مسلم ورح له يالولد ويدخل عليه بالسياره وينهبل
القطو زود اكثر من اول والولد يردد ماسكك ماسكك والقطو الوحش ما يحجر يطمر في وجه
الواحد والا يدخل في ثيابه ويقطعك تقطيع المهم ودي اعد كم قلت المهم من مره شطحه
خفيفه
واقوم واجر الولد واطلعه من السياره قال وراك علي تبي تطلعني والا تطلعه قلت خايف عليك
ينقز في وجهك ياولدي وفتحنا البيبان كلها ويطلع طلعت روحه مع اذانه امين
انتبهو يالغالين
عند براميل الزبايل ينتق القطو من الروعه ولا يدري وينه فيه ويصير ما صار لي
وفي النهايه مانقول الا
الحمد لله والشكرلله ولااله الا الله والله اكبر
عدد خلقه وزنه عرشه ومداد كلماته ورضا نفسه
تميم بن محمد
2016-01-12, 10:39 AM
السلام عليكم ورحمة الله وبركاته
يا زينك و زين سوالفك يا سحاب شقراء
هههههههههه اجل نتق القطو بوجهك
انا صار لي موقف مع قطو شوارع اقشر
القطو مدخل راسة في قوطي حليب اطفال يلحس الباقي و نشب راسه في القوطي و قلت بفزع له بطلع راسه من القوطي
اثاريه ما ينقرب
انا خايف منه وهو خايف مني و كل ما قربت وحس فيني يهج مني و يصدم بالجدار و يرجع علي و كل ما حس فيني غير اتجاهه و في اقرب شي يصدم و يرجع و عليه لين جاء موتر مسرع و شاته هو و القوطي و راح عيش
تميم بن محمد
2016-01-12, 10:47 AM
مرة مخيمين في روضة خريم و لقيت راعي غنم وشريت منه طلي كنه ظبي قام واحد من الاخوان و ربطه في طنب في الارض و طول الحبل له عشان يرعى بزعمه وهو بري ما ينقرب
قربوا منه الصغار و انطلق و الطنب مدقوق في رمل و انقلع و انحاش انا كنت متطرف شوي و اسمع الصجة الخروف انحاش الخروف انحاش و اجيك منطلق
انا خوفي لا يدخل الروضة بين المواصير ثم وش يلحقه انا شغلت سيارتي و الثاني شغل سيارته و مطارد و كل ما قربت منه و نزلت امسكه انحاش
اخر شي يوم طالت السالفة و يجيك الوالد الله يطول بعمرة و بالصالون صدمة ودخل من قدام السيارة ولا طلع الا من ورى و بعدها قام بينحاش ثانية وهو كله دم وانا امسكه و السكين معي و اذكيه و سلامتك
تميم بن محمد
2016-01-12, 12:39 PM
ذا الطخما متا يبو محمد يالغالي
حروتها اليوم طال عمرك الى الخميس بحول الله
تميم بن محمد
2016-01-12, 12:42 PM
هلا بالعم سحاب شقراء
تميم بن محمد
2016-01-12, 12:46 PM
عليكم مطر يا سحاب شقراء؟
سحاب شقراء
2016-01-12, 02:44 PM
عليكم مطر يا سحاب شقراء؟
ياهلا يبو محمد ومرحبا
انا منيب في شقراء انا بالرياض طال عمرك ولا جانا شي
يجيب الله الخير
تميم بن محمد
2016-01-12, 04:48 PM
يقولون الرشوش شمال الرياض ولا ادري انا في حوينا ولا ظهرت منه
تميم بن محمد
2016-01-14, 01:08 PM
السلام عليكم ورحمة الله وبركاته
سحاب شقراء
2016-01-14, 02:05 PM
السلام عليكم ورحمة الله وبركاته
هلا يبو محمد ومرحبا
وعليكم السلام ورحمه الله وبركاته
تميم بن محمد
2016-01-14, 02:44 PM
مرحبا يا سحاب شقراءاسفرت و انورت
تميم بن محمد
2016-01-14, 09:25 PM
وين غديت يا سحاب شقراء
تميم بن محمد
2016-01-14, 09:26 PM
مالك حس ولا حساس كل ذا برد؟
تميم بن محمد
2016-01-14, 09:41 PM
ضروري تواجدك ربي يحفظك
تراك غالي علينا
سحاب شقراء
2016-01-15, 06:12 AM
مالك حس ولا حساس كل ذا برد؟
هههههههههههههه هلا يبو محمد ومرحبا ان شاء الله اكون متواجد
سحاب شقراء
2016-01-15, 06:40 AM
الا بذكر الله تطمئن القلوب
لا اله الا الله وحده لا شريك له
هلا حبايبي ومرحبا ومسهلا بالجميع
اليوم يوم صليت الفجر ماجاني نوم قلت اسولف عليكم اوسع صدوركم جعلها ماتضيق من شر
شوفو يالغالين ترا الي مايصلي يعذب نفسه وهو مايدري تلقاه قبل يحس بظيقه
ترا راحه النفس ونشدوني ماتلقونها الا في صلاتكم تراي منيب ارائي لا والله ونا شايب بكرا منعفط في قبري
بس هذي الحقيقه تجربه سبعين سنه فا الله الله في الصلات لا يثقلها عليكم ابليس
والله الله في بر الوالدين تكفون ترا فيها البركه وراحه الباب رضا الله من رضاهم لا تنسون
ابي اقول لكم سالفه حاصله لي
كنت مره في الاستراحه من زمان ذا الكلام قبل ابيعها وفيه واحد من الاصدقاء قال لي يا
سحا ب اذا ممكن اجيب كلب واحطه في الاستراحه لا ن عندي سفر والكلب غالي ذاك اللي
كنه ذيب اللي اذانه مشنتره
قلت لصا حبي ما فيه مانع وجاب الكلب وكان رابطه بسلسله وقال لي تراي شاريه ب8000 ريال ماهو حق شوارع ويبي له عنايه خاصه كنه ناقصني غثى
سافر صاحبي وجيت الاستراحه من بكرا بس بيني وبين الكلب وقفة نفس ما يواطن ام عيشتي
على العموم كنت لحالي وماخذ راحتي وكان الجو حا ر وقلت وراك يا سحاب ما تسبح في المسبح حلوه اسبح في المسبح ههههه المهم نزعت الملابس وش ذا الكلام وبعدين تفصخت ومن تفصخت والكلب ابن الكلب ينبح يمكن انه ارتاع اوقال وش قلة الحياء وانا علي صروال السنه الله لا يخزينا على العموم طبيت في المسبح كني طايح من السماء
طش طش وماخذ راحتي على الاخر وكانت الساعه 10 مساء والكلب كنه مسبح امه ماسكت الله لا يلومه شاف غوريلا مهوب انسا ن المهم ازعجني بنباحه وقمت ارشه با الماء وانا
في المسبح وليتني ما سويت شي ذا ما هوب يلعب حتى اكله من قواطي وعنده عزة نفس قويه تصدقون مربوط بسلسله حديد وقطع السلسله ترا كلامي صدق وصار يدور على
المسبح ونا ادور معه الموت جاك ياسحا ب اين المفر وكا ن في المسبح قارب صغير بلاستك اللي ينفخ وقصرت من الدوران من الكلب الله لا يعافيه وجلست على القارب البلاستك
وهو بس يبي مسكتي المهم وصلت مع الكلب وقال ما بدهاش وسواها وطب علي وتعال
شفني اختبصت واطلع من المسبح وازلق وارتجت الارض وقلت واصل ياسحاب ياروح ما بعدك روح
ولا لي الا سطح الملحق اسم الله علي مثل البرق وبغيت اطيح بعد
المهم طلع ابن الكلب تصدقون حاول يرقا السلم ما قدر وانا متفصخ ماعلي الا صريويلي:a_laugh2: ترانا في شقراء نصغر كلش يوم اقول صريويلي هههههههه المهم فوق الملحق وانادي ولا
حياة لمن تنادي ماعندي احد ولو جاء احد وشلون يدخل الا ستراحه مصكوك البا ب ومنداخل كلب بوليسي واقعد اساحره كوده يعقل ويترك هالحركات اللي مال امها داعي
ومن شين الطبايع اسمه جون وطول الليل يا جون قيس قيس يا جون قيس قيس هذي لغه الكلا ب عندنا ومعطيني اشكل
ويا ليل ماطولك ومامعي جوال كان اتصل على احد ومتفصخ وعلى سطح ملحق
واخزياه يعني اللي يبي يجي يبي يقول لي استح على وجهك امحق من ليله خميس وامحق من سهرة
مت عطش ومت جوع وحالتي حاله والمشكله الاسترا حه اللي وراي عوايل واخاف يحسبوني اطل عليهم وماكل تبن وملبد وبن الكلب ينبح الين جاء الفرج اللي بغا يروح فيها
تدرون كم السا عه هالحين 8 صباحا يا ملا الصحن اللي يشلخ راس جون ابن الكلب
وجاء احد الا صدقا ء الذروقين الله لا يلومه وطق باب الا ستراحه وانا على استحياء اقول جابك
الله قال عسى ما شر قلت الا الشر بعينه واعلمه الكلب منطلق وانا فوق الملحق لاتقول
افتح لي قال وش اسوي قلت سوات الله ابرك مدري
المهم رقى على سيارته ورقى على السور
وشاف الكلب قال وشذا قلت ارنب وشو كلب فلان الله لا يعا فيه سا فر وجابه عندي
وش السوات قلت مدري قلت له تدري من متى وانا فوق قال من متى قلت من الساعه يمكن عشر ونص البا رح
معك مويه تراي اترنح من العطش قال لا قلت الله لا يعافيك قال ترا ابروح واخليك
قلت امزح المهم الشقردي جاب مسدس معه في السياره ما دريت انه مهبول الا ذاك اليوم ودليت اخاف منه بعد هذي
قا ل وشرا يك يا سحاب قلت الراي رايك انت
احترت الشمس حمستني قا م وفعلها واطلق خمس طلقا ت على جون وخفت من الطلق اكثر من جون اللي راح طشاش وقلت لصديقي بيض الله وجهك حليتها والله يعيني على راعيه اذا جاء
ومات جون ونزلت من سطح الملحق وقلت لصديقي غمض عيونك الين البس ثيابي انتهى
وصلات ربي على نور الهدا محمد ابن عبدالله صلى الله عليه وسلم
ترا لولا الله ثم الرسول كان تلقونا مثل البهايم نعيش
وسبحان الله وبحمده سبحان الله العظيم
عدد خلقه وزنه عرشه ورضا نفسه ومداد كلماته
الي يحبكم سحاب شقراء
تميم بن محمد
2016-01-15, 08:20 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههه
الله يستر عليك
ليت فيه احد مصور المقطع كان علوم هههههههههههههههههههههههه
الله يوسع صدرك بالعافية
انا عفشي على ظهر سيارتي ناوي اكشت لروضة خريم
تميم بن محمد
2016-01-15, 08:21 AM
كان لقيت شبكة هناك بتواصل معك من الروضة
تميم بن محمد
2016-01-15, 08:30 AM
فمان الله
ههههههههههههههههههه اتخيلك فوق الملحق
سحاب شقراء
2016-01-15, 10:19 AM
ههههههههههههههه انا اليوم في روضه ابومتعب جعله للجنه في روضه خريم ليتني اشوفك :z-attack:
سحاب شقراء
2016-01-15, 10:24 AM
معي لاند كروزر اسود مظلل والفين وثلاثه
ليتني القاك منيب اقول البراري كلها سدره وضلالها فيه كل محشوم
سحاب شقراء
2016-01-15, 11:09 PM
بسم الله صلى الله على محمد
الا بذكر الله تطمئن القلوب لااله الا الله وحده لا شريك له
اللهم عافنا فيمن عافيت ورحمنا برحمتك يا ارحم الراحمين
يعلم الله اني احبكم كلكم ولا احمل في قلبي مثقال ذره كره لاي احد
اللهم اشفي مرضانا وداوي جرحانا ورحم موتانا برحمتك يا ارحم الراحمين
اللهم اقضي الدين عن المدينين
اللهم فرج هم المهمومين
لا ملجا ولا منجا منك الا اليك ياحي ياقيوم
--
فيه هكا الواحد والواحد الله في سماه العالي وكل ابليس مخزيه الله
--
تصدقون منول الحريم الا لبسن عباياتهن يلفنها على يديهن الين فوق الخصر
ولا فقدنا المطر يجي ليله دخول الوسم
تصدقون الشياب منول يبخصون ويعرفون كلش بحكم العمر والتجربه قولو وشلون اعلمك جعلي معدم محبتكم
في سنه من السنين كانو مجتمعين الشياب وكل واحد يقول دخل الوسم وهو وسم بدايه الامطار
وقال شايب وهم كانو الضحى يعني الصبح قال شايب ابد مايدخل الوسم الا بعد صلات العصر قالو وشلون نصدقك قال قوه معي يعني تعالو معي اوريكم
وراحو لتينه الطبيب تشديد الياء ههههههه جعل الطبيب في الفردوس امين المهم الي على حد سور شقراء في الحميديه ماورا السور الا مستشفى شقراء القديم ووادي الغدير تراها جنب الباب الصغير الي يطلع على الغدير وجنب المقصوره ام الا ثل
وراحو الشياب مع بعض لتينه الطلبيييب ههههه
ويقوم الشايب ويكسر غصن من التينه وقال تشوفون بعيونكم ماطلع شي من الغصن هلحين مابعد دخل الوسم ولا صلينا العصر نبي نجي ووريكم
ويوم صلو العصر ويجون للتينه ويقوم الشايب ويكسر غصن من التينه ويبدا السايل الا بيض يصب قال الشايب منيب اقول لكم اني ابخص جعلهم للفردوس كلهم امين يارب العالمين الي نعرف والي مانعرف
منول يالغالين نحط في الصطح علم علشان نشوف اتجاه الهوا
خل اعلمكم بسامي اتجاه الهواء عند الاولين
الا جت من غرب يقولون الهوا مغيب نجوم
ولا جت بين الغربيه والجنوبيه يقولون هيفي ويصير هواها على الكيف
ولا جت بين الشرق والشمال يسمونها نسريه وهي اشد رياح البرد الله يدفع البلا بس في العظم وكثير من الناس مايطيبون منها الا بالكوي هههههههههههه مطرق حامي مع العلبا ههههههههههه جعلكم ماتشوفون شر
ولا جا الهوا من شرق يقولون هواها مطلع شمس
هاه عرفتو ولوكم تعلموني بس ابا اتوكد
منول اصلح علم من التنكه هههههههههههه
اقوم طال عمركم وقص من التنكه على شكل مثلث وحط لها مقضاب ولحمه في رمان بلي
حق السيكل الي يجي في كفر ورا
ولا لحمته احطه على اعلا جدار في البيت
وهو لو تنفس عنده يدور مع كل الاتجاهات
وميزته الا امطرت مهوب مثل القماش يخمل يعني يثقل ولا يعطيك اتجاه الهوا
تمطر ولا ماتمطر يعطيك الاتجاه للهوا الصحيح
انا وشوله هلحين اعلمكم ههههههههههههههه امزح عليكم جعل ربي يسعد قلوبكم
والله العظيم والله العظيم مرتين ان انحن اطهر شعوب الارض بس الاجناب غيرونا بكثره غشهم وكذبهم علينا وطمعهم فينا
اعوذ بالله يوم جتنا النعمه وهم كابين علينا
ومنول ترا كانو في العراق والشام يعيشون في نعيم ولا شفنا منهم شي
ونحن يعلم الله بحالنا جوع ومرض وحيات الله يعلمها
واليوم باهزونا ذا السواريه شعب كامل عندنا
ويركبون احدث السيارات ويسكنون في الفلل والقصور وكله يجيهم مجاني من جمعيه الملك عبدالله لرعايه الجاليه السوريه
ادري كله علشان حريم الملك عبدالله السوريات بس مهوب شعب كامل
الله يرحم الحال بس ويعدل المايل
وفي الختام اخاف ينحذف كلش مثل الاوله ههههههههههههه
اقول لكم تراكم ملااكه وكلكم طاهرين خذو العلم مني
ونتم سكان الفردوس ان شاء الله بعزته وقدرته
الله يغفر لي ولكم ووالدينا ويسكنا الفردوس وبشر بالسواليف
وكملت ودملت وفي الا صبع الصغييير دملت
او كملت وحملت وركبت حميرها وشنقلت
وهذي قصيده لي للي يحب القصيد
---
الـمــعـجزه بــعـيـونـنـا شــانــهــا شــــآن
و حـنــا نــدرعـــم مــا نــعــرف الــركـاده
سبـحان مـن يـنـشي مـن الـغــيــم بركـان
و يــنزل عـلـيـنا مـن اللـواهـــب بــــراده
إلى أبـرقـت شفــنـا اللــواهــب و نيـــران
وإلى أرعـــــدت تــرتـــــج دار الـعــبـاده*
ثـنـتــيـن وجـتـمعـوا نـقـيـضـن و نقـضـان
مــاعــونهــن واحــد وحـــلــون شــرابــه
سـبـحــان ربــي عــد كــل كـايـنـــن كــان
سـبحـان مـنـشـي الـكـون معـطـي عـبـاده
أكـتــب و دمـعــي فـوق الأوجــان هــتــان
يــاالله طـلـبتــــك رحـمـتــــك و السعــــاده
*دار العــبــاده هـي الأرض
سحاب شقراء
------------------------------------------------------------------
وهذي اخرا بعد لي
السلام عليكم ورحمه الله وبركاته
هذي قصيده لي كاتبها من سنين وجاني رد عليها قلت تشوفونها كودها تجوز لكم يالغالي
الحـــــريــرقا ونا فـعـاتـــه سبـــوقـــه
والبــوم يـنعــق فـي مــداهـيل الخـراب
والحـــر يجـلب في مـــزايـيـن سـوقــه
ويـنبـاع ويشـــرابالملايـين وش جـاب
والحـــر يـــرقا مــع نسانـيس شـوقــه
والبـــوم يجحــر في السراديب مـرتاب
وبلقيــس تحكــم فـــي زمـان العقـوبـه
وظاعـت مراسيم الثرا وظاعت انساب
والشيــن شيـنــن لـــو زها فيه ثوبــه
والعـقـــد يسحــر ناظره وسط الارقاب
والحــــر يطمـل من الحباري وتعــوقه
لا ما يـصـيــد الحـــر والحــر منصاب
سحاب شقراء
-----------------------------------------------------------------------------------
وهذا الرد من الشاعر البدوي
يـــا الله يامـنـشـي مـخـايـل حـقـوقــه بيدك تصاريف البشروالايام بحسـاب
عنـي عـلـى نفـسـي طـهـوم سـروقـه تطمـع غـوى وتوثـق الذنـب بعـقـاب
سحـاب نجـد الضيـف يلـقـى غبـوقـه ويصبرعـلـى ماضـيـفـوه الاصـحــاب
يشـرب بــراد الـمـاء وتـبـرد حلـوقـه والصدر يستوعـب مواليـن واغـراب
مـنـهــم ومــنــا نسـتـفـيـد الـلـحـوقـه وشمس المعارف عند عباد الارهاب
ان جــاء سمـيـن نسـمـنـه مانـبـوقـه وان جاء هزيل نسمنه لاهـل الالبـاب
صــدري وسـيـع مــا تبـيـح عمـوقـه وحـرام مافـي خافقـي غيـر الاحبـاب
الـمـسـك فـيـيـدي للنـشـامـا نـسـوقـه والعود الازرق والشحم طب الاطباب
هـذي عوايـدنـا مـشـت فــي عـروقـه بــدو خلـقـنـا الله نـصــادم ونـنـصـاب
مـــر تـجــي فـيـنـا سـهــوم سـبـوقـه ومـر نصوبـهـا عـلـى كــل مـضـراب
الـبـدو وقــت الـوسـم تـتـبـع بـروقــه لعيـون وضـح ترجـي البـرق ليـغـاب
والـحـر حــر ولـــو شـلــع ماتـعـوقـه جنحان خفاقه والفضـاء تـوه ابـواب
الشاعر البدوي
تميم بن محمد
2016-01-16, 08:43 AM
السلام عليكم ورحمة الله وبركاته
صبحك الله بالخير اخي سحاب
امس في روضة خريم بلشت بعمري و عيالي مالقيت شجرة نجلس تحتها زحمة الله لا يوريك
ذكر لي احد الاعضاء هنا ابو مبارك ان جنوب شرق الروضة زين وهو صادق بس كثرة الناس مشكلة
بس جاب الله عمال النظافة عشرين ريال ولو تبيه يشيلك مع القش شالك و يدلك محل زين و شجر و ضلال
عفشي واجد و بحلت فيه صبور سمر و دبات موية و فرش و قدور كنا حجاج ههههه
بس الحقيقة كان الجو و الربيع خيال جدا جدا
انبسطو العيال و الصغار و صلحنا قهوتنا و غدانا يوم صلينا العصر الى العمال مواعدهم و مغريهم بعطيهم زود عشان ما يهملوني
واشوى جو وشالوا العفش و رحنا شرقيها يم النفود الى بعد المغرب و صلينا و هضلنا و كانت رحلة رائعة بس ياليتني لقيتك
و ابشرك ضيعت سيارتي هههه ولا انقذني الا الريموت تضغطه من بعيد و تولع الانوار
لكن عمال النظافة يدلونها شبر شبر يوم شالوا العفش قلت براقبهم من بعيد بشوف هم يعرفون مكان السيارة او لا اثاريهم نصوها نصو
بس الحقيقة كانت كشتة ملكية و ما نفصني الا شوفتك
ليتك معطيني رقم جوالك كان قدرت اتواصل معك
سحاب شقراء
2016-01-16, 02:05 PM
هلا ومرحبا يبو محمد
انا كنت عازم على الروحه لخريم
بس اوجعني ذا الظهر وقالو لي عيالي يازينك قاعد بالبيت وخل خريم لهلها ولا رحت
سحاب شقراء
2016-01-16, 02:55 PM
السلام عليكم ورحمه الله وبركاته
بسم الله صلى الله على محمد
الا بذكرالله تطمئن القلوب لا اله الا الله وحده لا شريك له
عسا ما تقولون ابلشنا ذا العود بسواليفه ههههههههههههههه
اذكر فيه عجوز الله يغمد روحها عليين وهي بالحالها ماعندها عيال وشايبها ميت وهي تحبني طبعن للحاجه وهي حرمه مزوحه وعياره وحبيبه جعلها للفردوس ووالدي ووالديكم وكل مسلم رحت لها وانا
توي جذع واصوت لها ياام فلان ياام فلان قالت من عند الباب قلت انا قالت يالله تحييه واليا حيا كثر
وادخل والقاها ياملا الجنه تسوي كليجا واجلس عندها وكل ماطلعت من الكليجا يصير حار ولين وانا
ما اقدر اقاوم وكل ما طلعت كلته وانا جالس عندها اسولف عليها وهي تسوي كليجا واشرب ماء من الزير جنبي (جنة حمار ثغب وثيل ههههههههههه) وحامت كبدها مني والا فيه دجاجه مشغلتنا وقالت وراء ماتقوم تدخل ذا الدجاجه في سحارة الدجاج تراها وانا امك غثتني تجي وتنقر الكليجا
واقوم على الدجاجه علشانه دجاجه اتجيود عليها وكل ما جيت امسكها انحاشت
وكم مره انقز ابي امسكها وتنحاش واجيك ساح على الارض وحمقتني وصارت مرافقي
تصب دم من الطيحات واقوم واحجرها ابيها تطيح في التنور
واكشها واكشها والعجوز قاعدة تهوش علي ياوليدي غبرتا علي وامتلا الكليجا والعجين تراب خلاص خل الدجاجه الله لايعقلها ثورتا غبرة الحوش علينا وصدق تكدر الجو مع المطارد واحجر الدجاجه الين طيحتها في التنور
وتقوم العجوز الله يرحمها وتلقطها من التنور وترجمها في الحوش والا رجلين
الدجاجه ذايبات من الجمر هههههههههه
واجي واجلس ثانية عند العجوز وهي تقول لي وش
حدك تحجرها على التنور قلت ما حجرتها هي اللي طبت فيه قالت انت تدري هذي ازين
دجاجي واكثرهن بيض واقعد اكل كليجا وهي تهوش علي ولا معها مثل مضرب تنس الطاوله
حق البنق مخصص للكليجا هو اللي يخلي الكليجا تجي منقشه وحامت كبدها مني عقب
الدجاجه وقضييت الكليجا قاعد اكله
قالت انت مابعد شبعتا الى هالحين كل كليجاي في بطنك
قلت ماكلت الا ثنين قالت لك ساعه وانت تاكل كليجا وتقحن من الزير اسمع عاد تبي تقوم والا
الخك بذا اللي معي تقصد اللوح حق الكليجا وصرنا هالحين اعداء واقوم والقط كم واحد وانحاش
وتلحقني
واذكرها تويق مع بابها علي وتقول هين والله لاعلم امك عليك يالهيس الاربدي
وين راح ذاك الترحيب اول ماجيت وانقلب طردي
ويجي يوم وانا جالس في السابوط حق المجباب
جنب دكان السليمي الله يغمد روحه الجنه ترا السليمي ياملا الجنه مهوب رجال طويل والله
اني كني اشوفه هالحين رجال قصير وله لحية بيضاء جعله في عليين ووالدينا وكل مسلم
وجنبه دكان ابن سعيد ياملا الجنه البارده وبن سعيد بعد ماهنا طول وكلهم يفتحون جنوب
والسليمي دكانه اذا وقفت في الباب اله بالطول وبن سعيد اذا وقفت في الباب اللي ندخل معه تصير فسحه الدكان من يسار
وانا جالس في السابوط حق المجباب والاها جايه راعية الكليجا تمشي مخليه حجرة السكور وراها ماانتبهت لها ويوم وصلتني وتطمر علي وارتاع وهي سمينه جعلها في عليين
ومع طمرتها علي تخاف انحاش عنها وانا اصلا ماانتبهت لها المهم وتطيح علي وانا على
درجه دكان السليمي ويخبط راسي على الحصاه وصراحه دخت وصعرر راسي غدا الصعرور كبر البنق او كبر البيضه حقت الدجاج وتقعد هي ياملا الجنه تفرك الصعرور
وتقول لي يوجعك قلت ايه وتقعد تصيح وهي تفرك الصعرور وتقول كله مني كسار يكسرني وتقعد تطق رجلها وتقول كله مني كله مني
وقلت لها تراه طاب وهو طالع كنه راس ثاني ويوم قلت تراه طاب معاد يوجعني قالت معاد
توجسه قلت لا وقامت ومسكت اذني وفركتها وقالت في حرتن عليك وبظهرها ياملا الجنه
المهم ومسك يدها وهي تون توجعها ركبتها هماها طبت علي ظربت ركبتها ياملا الجنه في الحصاه هي بعد خبله ولا تطب علي والله العظيم اني احسب السابوط طايح يوم تطب علي وهي دبيه بعد بس راعيه مزح وقالت لي تكفا ياوليدي امسك يدي معاد اقوا امشي من ركبتي ومسك يدها وكل شوي جالسين الين وصلتها بيتها وهي تقوم وتدخل وتصك الباب في وجهي وتقولي هلحين خذت حقي منك ورح لبيت اهلك الله يصلحك ما عنديش يوكل وهي غشيه من الظحك علي الله يجعلها للجنه
البارده الله يحللها ويبيح منها كنها هي المخطيه على هههههههههههه
واذكر جيتها مره والاها ماسوت كليجا
منول ريحة الكليجا نشمها على بعد نمشي على الريحة
واقول لها اثرك ماسويتي كليجا قالت منيب وكيلة الله على خلقه يومك ماتجي الا لبطنك:a_laugh2:
وفي النهايه مانقول الا
سبحن الله وبحمده سبحان الله العظيم
عدد خلقه وزنه عرشه ومداد كلماته ورضى نفسه
سحاب شقراء
2016-01-16, 04:01 PM
يالغالين انتبهو الا رحتو لروضه خريم
انا حصلي موقف لا احسد عليه
في سنه 203 وتوي شاري سيارتي لاند كروزر ياحضي ههههههه
المهم كان وقت ربيع وروضه خريم مربعه مثل ذا الوقت
المهم وقفت سيارتي عند الصبات ونزلت للروضه وبعد ساعه او ساعتين شفت بزور حول سيارتي ويويقون فيها
ورحت يمهم يعنني راعيها ونا اخاف يمشخونها انتم خابرين اللون الاسود يبان فيه
المهم وصلت السياره وفتحت الباب وراحو البزور الا واحد مبعد الا شوي
وصك الباب ونا اناضر بتجاه الروضه ويوم خطيت خطوه وجي ابا اخطي الثانيه وحس جسمي كله كهرب سبحانك ربي ويوم طالعت تحت رجلي ولاي وش اشوف داب يعني ثعبان يجي طوله متر ونص
وراسه كبر كف اليد
وله قرنين طول الاصبع
والظاهر انها ام قرون
ولا بين رجلي وراس الداب الا يجي شبرين وبعد رجلي عنها
ونسبع يعني مدري وش جاني تيبلدت
وقول للبزر شف ذا الداب وهو الي يركض لسياره ابوه ويجيب عجرا
ويجلد في الداب الين ذبحه بعد مطارد بين الشجر
تصدقون البزر مايجي عمره 9 سنوات بس طلع شقردي وحسن مني
الي ابا اقوله انتبهو جعلكم ماتشوفون شر لا انتم ولا عيالكم تراها مليانه دواب
وهم شي انكم تدعون دعاء المكان وتتحصنون والباقي على الله سبحانه
تميم بن محمد
2016-01-16, 04:13 PM
سوالف جميلة يا سحاب ههههههههههههه
اجل اثاريك معشت على هالعجوز كل يوم كليجا بلاش
المفروض كل سبوع تعطيها حق اللي اكلته
ببلاش ما يتهياش وهي تشري دقيق و دبس و شغل و تعب وانت تجي تاكل و تروح
الله يبيح منها و يغمد روحها الجنة
تميم بن محمد
2016-01-16, 07:03 PM
يا مرحبا يا سحاب شقراء
سحاب شقراء
2016-01-16, 07:21 PM
يا مرحبا يا سحاب شقراء
هلا يبو محمد ومرحبا
اذا فيه سواليف عطناها يبو محمد
سحاب شقراء
2016-01-16, 07:57 PM
يالمسلمين فاقد ابو سيرين عسا مافيه شي علموني وطمنوني
تميم بن محمد
2016-01-16, 08:35 PM
ابشر بعزك بس خلني ارجع للبيت
تميم بن محمد
2016-01-16, 09:06 PM
يالمسلمين فاقد ابو سيرين عسا مافيه شي علموني وطمنوني
ارسل له رسالة على الخاص و بيرد عليك
تميم بن محمد
2016-01-17, 08:52 AM
السلام عليكم ورحمة الله وبركاته
سحاب شقراء
2016-01-17, 07:13 PM
الله العالم سواليف الاولين محد يبيها
ولا فيه غيرك يبو محمد يسوي مداخلات جعل ربي يسعد قلبك ويسمح امرك
تميم بن محمد
2016-01-17, 09:37 PM
هلا يا سحاب مالي في هالمنتدى غيرك احد
والله اني ادخل عشان اسولف معك بس ظروفك ما تسمح لك دايم بالتواجد
عطني رقم جوالك خلني اشغلك بالواتس اب يا سنايدي
سحاب شقراء
2016-01-17, 11:39 PM
هلا يا سحاب مالي في هالمنتدى غيرك احد
والله اني ادخل عشان اسولف معك بس ظروفك ما تسمح لك دايم بالتواجد
عطني رقم جوالك خلني اشغلك بالواتس اب يا سنايدي
مدامك يبو محمد تقول كذا خلني اعلمك بشي
شف يالغالي انا ابا اسوي عمليه في ظهري وخطيره بعد
ان الله عافاني ولا جاني شي ابشر اعطيك رقمي ومن عيوني يبو محمد
ون لا قدر الله صابني شي وهذي نسبتها كبيره وش ذنبك يبن اخي تظيق صدرك علي
هذي الحقيقه يوم شفتك مصر وسلامه قلبك
بس وشبلاك يبو محمد ماتكتب لنا سواليف
سحاب شقراء
2016-01-18, 12:42 AM
هذي قصيده لي وشايلها الغالي وميض الصاعقه جعل ربي يسعد قلبه
اهديها لك يبو محمد
همن في قلبي لو قسمته على الناس
تسمع جميع الناس منه يصيحون
قصيده- سحاب شقراء
شيله وميض الصاعقه
http://cdn.top4top.net/d_fa390538e41.mp3 … …
تميم بن محمد
2016-01-18, 06:23 AM
مدامك يبو محمد تقول كذا خلني اعلمك بشي
شف يالغالي انا ابا اسوي عمليه في ظهري وخطيره بعد
ان الله عافاني ولا جاني شي ابشر اعطيك رقمي ومن عيوني يبو محمد
ون لا قدر الله صابني شي وهذي نسبتها كبيره وش ذنبك يبن اخي تظيق صدرك علي
هذي الحقيقه يوم شفتك مصر وسلامه قلبك
بس وشبلاك يبو محمد ماتكتب لنا سواليف
ألف سلامة و ما ترى بأس ان شاء الله اخي سحاب
ياليت اسم المستشفى لكي ازورك و اتطمن عليك اذا ممكن
تميم بن محمد
2016-01-18, 05:01 PM
اخوي سحاب ودي اكتب لك شي بس عجزت
بالي مشغول مع العملية اللي بتسويها وان شاء الله انها طهور
والله اني احس اني اعرفك من سنين طويلة مع ان معرفتنا ما صار لها كم شهر لكن بعض الناس ترتاح له من اول سالفة معه
ربي يسعدك و يشفيك ويردك لنا و لعيالك سالم و غانم و بأتم الصحة و العافية
على فكرة جوالي عندك في الخاص كانه موجود بلغني او ارسله لك ثانية
تحياتي الحارة لك
تميم بن محمد
2016-01-18, 07:26 PM
مرحبا يالامير سحاب
لك وحشة ياخي
أبو سيرين
2016-01-19, 07:55 AM
السلام عليكم ورحمة الله وبركاته
يا هلا ويا مرحبا يا عم سحاب
يا هلا ويا مرحبا يا تميم
والله أنا جتني رسالة عشان تطوير المنتدى واعتقدت ان المنتدى بيتقفل لذلك انشغلت ولا دخلت إلا الآن .
إن شاء الله في المساء لنا لقاء عندما أعود من العمل
في حفظ الله ورعايته
تحيتي وتقديري
تميم بن محمد
2016-01-19, 11:04 AM
وعليكم السلام ورحمة الله وبركاته
يا مرحبا مشرفنا الخلوق ابو سيرين
الحقيقة لك فقدة و الشيخ سحاب ينشد عنك من امس
في انتظارك ربي يحفظك و يحفظ الشيخ الراقي سحاب
تميم بن محمد
2016-01-19, 05:37 PM
السلام عليكم ورحمة الله وبركاته
اخوتي واخواني في سوالف الاولين
هي سالفه .. جت مع ( التالين )
واحد تزوج زواج مسيار وهو متزوج وله عيال المهم زوجة المسيار كل يوم تدق عليه تعال ابروح للمكان الفلاني ..وكل مارجع من عندها يفتش السياره زين لايكون حطت شي من اغراضها متعمده وكنها ناسيته .. المهم في يوم اتصلت عليه تبي السوق وطار لها طيران وتقضت لها ,, واتصلت عليه حرمته الرسميه فجأه وقالت له وينك نسيت إنا معزومين على زواج فلان .. اخذ زوجة المسيار بسرعه ونزلها عند بيتها وراح للاساس وطلعت له وراحوا للزواج .. ولمح جزمه نسائيه كعب عالي وشكل جذااب وقال في نفسه هذي من الثانيه (المسيار) وأخذ يشغل حرمته عنها الين وقفوا عند اشاره .. وسحب الجزمه ورماها . ويوم وصولوا قصر الافراح صرخت حرمته وين جزمتي الثانيه .. قال حبيبتي طلعتي لابستها ,, قالت لا كنت شايلاتها لوحدها لانها كانت ضيقه وقلت البسها اذا جيت ادخل القصر . وكنت لابسه العاديات .. وين جزمتي ؟؟؟
وبداء العرق يتصبب منه إلا أن سقط بين ايديها ..
وذي سالفه اخرى من نوع الاوله .. إذا تسمحون
واحد معزوم على زواج هو وزوجته .. ويوم جات الساعه ! لموعد الزواج جلس ينتظرها تحت . وفجئه نزلت مع الدرج وأخذ يشاهدها كأنه لم يشاهد من قبل هذا الجمال الاجمل من الجمال نفسه وهذا الفستان الذي لم يشاهده طوال عمره .. لقد شاهد ملاك .. وعندما نزلت ووصلت إليه قال لها طلبتك , قالت سم , قال سوف نلغي الذهاب لحفلة الزواج . إريدكِ انتِ هذه الليله لأقضي معكِ اجمل اليالي . فقالت لك هذا (تم) واخذ الاطفال الى قريبة لهم .. وأخذ يمشيها في كل الاماكن داخل المدينه .. وبعد ذالك اوصلها الى البيت .. وقال لها ابقي كما انتي سوف احظر العشاء من افخم مطاعم الفنادق الموجوده لعيونك .. وعند ذاهبه . قالت في نفسها ما دام ما فيه حضور لحفلة زواج اروح اشيل ها لملابس والبس لبس البيت (وأزيت شعر رأسي والفه ) أحسن لي ...
ويوم رجع الزوج وجايب أكل بأكثر من ثلاثة الف ريال (أكل فنادق 5 نجوم)ولقاها بريحة البصل والثوم والزيت يتقاطر من على شعرها يعني رجعت 180%درجه للورى ....... أخذ الاكل للجيران ورجع لها وحلف يمين بالطلاق انه يوديها لقصر الافراح بشكلها هذا .. ورضخت , وراحت وجلست متلفلفه بعباتها بغرفة الشغالات الين انتهى الحفل مع الصبح ...
تميم بن محمد
2016-01-20, 07:55 AM
هههههههههههههههههههههههههههههههههههههههههههههه يا مرحبا يا عايد قصص في منتهى الروعة بالذات اللي رمى جزمتها خايف انها للمسيارية
دافع قيمتها يعني دافع
هلا وغلا بأخي الغالي تميم بن محمد
لك كل الشكر والتقدير على مرورك على متصفحي المتواضع .. لاعدمناك
تقبل مني كل الووود والاحترام لشخصك الكريم
تميم بن محمد
2016-01-20, 12:01 PM
::هلا وغلا بأخي الغالي تميم بن محمد
لك كل الشكر والتقدير على مرورك على متصفحي المتواضع .. لاعدمناك
تقبل مني كل الووود والاحترام لشخصك الكريم
:ordh:
تميم بن محمد
2016-01-20, 11:15 PM
السلام عليكم ورحمة الله وبركاته
الاخوة الكرام ارجو الدعاء للاخ الكريم سحاب شقراء بالشفاء العاجل بعد اجراء العملية الجراحية فهو بحاجة للدعاء جعلها الله في موازين اعمالكم
أبو سيرين
2016-01-20, 11:37 PM
الله يشفيه ويقومه بالسلامه
أخوي تميم بما أن العم سحاب أعطاك رقمه يا ليت لو تطمنا أول بأول عن حالته الصحية
أسأل الله رب العرش العظيم أن يشفيه
أسأل الله رب العرش العظيم أن يشفيه
أسأل الله رب العرش العظيم أن يشفيه
الله يقومه بالسلامه ويرده لنا سالم
الدعاء له يا إخوان فإنه بحاجة للدعاء
تميم بن محمد
2016-01-21, 12:06 AM
الله يشفيه ويقومه بالسلامه
أخوي تميم بما أن العم سحاب أعطاك رقمه يا ليت لو تطمنا أول بأول عن حالته الصحية
أسأل الله رب العرش العظيم أن يشفيه
أسأل الله رب العرش العظيم أن يشفيه
أسأل الله رب العرش العظيم أن يشفيه
الله يقومه بالسلامه ويرده لنا سالم
الدعاء له يا إخوان فإنه بحاجة للدعاء
هلا بالمشرف الفاضل ابو سيرين
الحقيقة الاخ سحاب ما عطاني رقمة لكن وعدني بعد خروجة بالسلامة ان يتصل علي و سوف اخبرك عن صحته بحول الله
سبق و ارسلت له رقمي و انتظر اتصاله ربي يشفيه و يرده لبيته بصحة و عافية
أسأل الله رب العرش العرش العظيم أن يشفيه
وأن يرجعه لإهله ولنا سالمن معافا .. آللهم آمين .. آللهم آمين .. آللهم آمين
جزاك الله خيراً تميم بن محمد ... وارجو منك أخي أن تطمننا عليه
أبو سيرين
2016-01-21, 12:14 AM
هلا بالمشرف الفاضل ابو سيرين
الحقيقة الاخ سحاب ما عطاني رقمة لكن وعدني بعد خروجة بالسلامة ان يتصل علي و سوف اخبرك عن صحته بحول الله
سبق و ارسلت له رقمي و انتظر اتصاله ربي يشفيه و يرده لبيته بصحة و عافية
طيب أول ما يتصل رجاءً تطمنا عن صحته وجزاك الله خيراً
أسأل الله العظيم رب العرش العظيم أن يشفيه <<<< رددوها يا إخوان فهي تقال للمريض
والله لا يريه مكروه وإن شاء الله نراه قريباً يخبرنا بسالفه أخرى وهو في صحة وعافية
شكراً لك أخي تميم وبارك الله فيك
تحيتي وتقديري
تميم بن محمد
2016-01-21, 05:14 AM
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
أسأل الله العظيم رب العرش العظيم أن يشفيه
جزاكم الله خير اخواني ابو سيرين و الاخ الفاضل عايد
و جعلها الله في موازين اعمالكم
السلام عليكم ورحمة الله وبركاته ..
أسأل الله العظيم رب العرش العظيم .. أن يشفي والدنا سحاب شقراء
ويمن عليه بالصحه
وأن يلبسهُ ثوب العافيه .. عاجلا غير آجل ...
اللهم آمين يارب العالمين ..
طمنونا عليه أول بأول ..
الركام
2016-01-21, 10:50 AM
السلام عليكم ورحمة الله وبركاته
اسأل الله العظيم رب العرش العظيم ان يشفيه
وان يرده سالم ويجمع له بين الاجر والعافية
طمنونا على سحاب شقراء
وجزاكم الله خير
أبو سيرين
2016-01-21, 07:42 PM
يـا سـحــاب اصبر على ما يبتليك
الـصـبـر مــا بـعــده الا الانفــراج
واحتسب ما صابك واي شي فيك
عـند ربي دون شـك ن وانزعـاج
ولا تـصـيح وتبـكي مما يـعـتريك
ابـتـسـم للـدنيا واظـهـر الابتهـاج
تـمـضـي الأيــــــام والله يـعـتـنيك
وتـرجـع لبيتك بـلا سـقـم وعلاج
الــبراري ومـن يـحـبـك يحـتريك
ننتظر عــودتك ويـعــود المـزاج
أسأل الله العظيم رب العرش العظيم أن يشفيك
أبو سيرين
2016-01-21, 07:45 PM
يا هلا ويا مرحبا بالغائبين
مرحبا تراحيب المطر
بقآيآ .. حرف
2016-01-21, 08:38 PM
ألف لاباس على حبيب الكل
وما تشوف شر أن شاء الله أجر وعافيه
بأنتظار طلتك سالم معافا
تميم بن محمد
2016-01-21, 11:34 PM
اللهم اشفي حبيبنا سحاب شقراء و رده الى اهله وهو بأتم الصحة و العافية
بارك الله في الجميع
تميم بن محمد
2016-01-21, 11:41 PM
مدامك يبو محمد تقول كذا خلني اعلمك بشي
شف يالغالي انا ابا اسوي عمليه في ظهري وخطيره بعد
ان الله عافاني ولا جاني شي ابشر اعطيك رقمي ومن عيوني يبو محمد
ون لا قدر الله صابني شي وهذي نسبتها كبيره وش ذنبك يبن اخي تظيق صدرك علي
هذي الحقيقه يوم شفتك مصر وسلامه قلبك
بس وشبلاك يبو محمد ماتكتب لنا سواليف
الحقيقة الرد هذا ارعبني و جعلني اعيش في قلق كبير لا يعلم مداه غير الله
ربي يشفيك يا سحاب و يردك لنا سالم و غانم
سحاب شقرا الاخ والصديق الكريم الذي لم أتشرف برؤيته واتمنى بكل صدق رؤيتك والتشرف بمعرفتك عن قرب .. من منا لايريد صديقاً صادقاً مثلك
الف لابأس عليك وكل الله سبحانه وتعالى .. وإن شاءالله بترجع اولاً لبيتك ثم لنا في هذه الاسره المباركه سالماً معافا إن شاء الله ,,,
أسأل الله رب العرش العظيم أن يشفيك وتعود لبيتك واسرتك ...آمين
الاخ والصديق الكريم تميم بن محمد
للمره الثانيه ارسل للأطمأنان على اخونا وحبيبنا سحاب ... ارجومنك أستاذي الكريم محمد أن تعطينا وترسل لنا عن أخينا سحاب .. هل دخل المستشفى .. هل عمل العمليه .. ..
اذا بمقدوري المساعده بشي راسلني على الخاص ..
تميم بن محمد
2016-01-22, 12:28 AM
الاخ والصديق الكريم تميم بن محمد
للمره الثانيه ارسل للأطمأنان على اخونا وحبيبنا سحاب ... ارجومنك أستاذي الكريم محمد أن تعطينا وترسل لنا عن أخينا سحاب .. هل دخل المستشفى .. هل عمل العمليه .. ..
اذا بمقدوري المساعده بشي راسلني على الخاص ..
هلا بالاخ الفاضل عايد
ليس لدي أي خبر عن الحبيب سحاب ولكنه ذكر لي انه سوف يعطي احد ابناءه رقمي للاطمنان عليه
وسوف ابلغك بأي خبر يصلني
شكرا لاهتمامك بصديق الجميع
تميم بن محمد
2016-01-23, 06:49 AM
السلام عليكم ورحمة الله وبركاته
سمو المشاعر
2016-01-23, 07:23 AM
الف الف سلامة لأخونا العزيز سحاب وما يشوف شر واجر وعافية الله يقومه بالسلامه
ويعود سالم غانم لأهله واحبابه اللهم أمين.
طمنونا عليه اخي تميم بارك الله فيك
تميم بن محمد
2016-01-23, 10:04 AM
الف الف سلامة لأخونا العزيز سحاب وما يشوف شر واجر وعافية الله يقومه بالسلامه
ويعود سالم غانم لأهله واحبابه اللهم أمين.
طمنونا عليه اخي تميم بارك الله فيك
أبشر يا سمو الامير و الشاعر المميز اول ما يوصلني خبر عن اخونا سحاب ابلغكم
وعسى ربي يشفيه و يعافيه. هو محتاج دعواتنا له
الله يشفيه و يرده لنا سالم و غانم بحول الله
سمو المشاعر
2016-01-23, 11:58 AM
جزيت خيراً دنيا وآخرة
سمو المشاعر
2016-01-23, 12:25 PM
بشارة مــن يجــيب لنا بشارة
عن الغالي هذاك سحاب شقرا
عن احـواله ولوإيحا واشــارة
هُنـــا في صفحة الراوين تقرا
تميم بن محمد
2016-01-24, 06:47 AM
السلام عليكم ورحمة الله وبركاته
السلام عليكم ورحمة الله وبركاته
وعليكم السلام ورحمة الله وبركاته
أهلا أستاذ تميم ..
طمنا هل من جديد بخصوص العم سحاب شقراء ؟!
تميم بن محمد
2016-01-24, 07:37 AM
وعليكم السلام ورحمة الله وبركاته
أهلا أستاذ تميم ..
طمنا هل من جديد بخصوص العم سحاب شقراء ؟!
هلا و صباح الخير شاعرتنا المميزة
الى الان لم يصلني شي من الاخ الغالي سحاب
ولكن بحول الله سوف اوافيكم بأخباره عندما يصلني خبر
تميم بن محمد
2016-01-24, 11:31 PM
الله يذكرك بالخير يا حبيبنا سحاب
والله المنتدى بعدك ظلام الله يردك بالسلامة
تميم بن محمد
2016-01-25, 08:10 AM
السلام عليكم ورحمة الله وبركاته
أبو سيرين
2016-01-26, 07:47 AM
اخوي تميم حفظك الله
حنا لو ننتظر كذا بنقلق أكثر على العم سحاب
يا ليت إذا ما فيها تعب عليك تلف مستشفيات الرياض وتشوف وين هو فيه
ترى اسمه الحقيقي هو ( سحاب ) يعني مهوب مستعار
والله يجزاك خير
تميم بن محمد
2016-01-26, 05:41 PM
السلام عليكم ورحمة الله وبركاته
هلا مشرفنا الفاضل
تتوقع يكون في الجامعي بحكم انه اقرب مستشفى لشقراء و المناطق القريبة منها؟
المعذرة في التأخر في الرد بحكم اني كاشت للبر
أبو سيرين
2016-01-26, 07:02 PM
هلا اخوي تميم
والله مو شرط لأنه هو بيروح للمستشفى إللي فيه علاجه حتى لو كان بالمريخ
لكن دعنا نضع الاحتمالات وشوف المستشفيات المتوقعة أولاً ثم يكون البحث عشوائي
ترى إذا شافك زرته بيكون له تأثير نفسي على صحته وبيفرح فيك
أتمنى تروح تسأل عنه ولك الأجر إن شاء الله
وأتمنى أي أحد من الإخوان إذا يقدر يساعد في البحث عن العم سحاب
وياليت اللي يعرف عن العم سحاب أي شي يقولنا لأنه ممكن يفيدنا في البحث عنه
وفقكم الله
تميم بن محمد
2016-01-26, 09:48 PM
الرياض فيها اكثر من خمسين مستشفى بين حكومي و اهلي و انا بجتهد و التوفيق من الله
اتمنى له الصحة و العافية
و ان استطيع ان ابشركم بما يسركم
تحياتي لكل من سأل عن الاخ الغالي سحاب
صبّحكم الله باالرضا والعافيه ..
عساكم كلكم بخير يارب ...
ياشيخ تميم الرياض ديره وش كبرها .. وين تبي تروح !!!
لاتتعب نفسك ... أنا أقول إن العم سحاب طيب وبخير ولله الحمد ...
عاد لاتسألوني شلون عرفت ..
تراني داهيه ولي مصادري ...
وأسالو أبونا غانم كيف وصلّته لصديقه بعد ماكان هو متأكد إنه متوفي من سنين طويله :) ....
المهم ...
أنا اللي بحث عن سحاب وطلع عمنّا سحاب طيب ومابه الإ العافيه بإذن الله ... وعاد مدري إذا هو مسوي عمليه ولالا ..
شكله رايح يكشت بالمستشفى هههه.. وبيجي العلم قريب ..
وإذا جا وسجّل دخول هاليومين لنا حساب معه على التأخير الزايد .. ويدفع بعد ضريبة قلقنا وإنشغالنا عليه والبشاره عليه بعد إنه طيب :icon31:
تحياتي وتقديري لكم ياأوفياء ...
رذاذ...
بقآيآ .. حرف
2016-01-27, 09:49 AM
الله يبشرك بالجنه أختي رذاذ
وأن شاء الله نشوف حبيبنا العم سحاب بيننا بخير
وأسأل الله أن لا يري الجميع أي مكروه
تحياتي
الله يبشرك بالجنه أختي رذاذ
وأن شاء الله نشوف حبيبنا العم سحاب بيننا بخير
وأسأل الله أن لا يري الجميع أي مكروه
تحياتي
اللهم آمين يارب ..
الله يسعدك أستاذنا بقآيآ حرف
على هذه الدعوه الجميله التي أسعدتني كثيراً ...
ومن منّا لايطير شوقاً لمجرّد فقط أن يتخيل أن يبشّر بالجنّه .. !
أسأل الله تعالى أن يجعل نصيبك ومكانتك ودرجتك بها أعلى وأكمل مني ..
اللهم آمين يارب ..
رذاذ
تميم بن محمد
2016-01-27, 12:52 PM
السلام عليكم ورحمة الله وبركاته
الحمد لله
الحمد لله
الحمد لله
الله يبشرك بما يسرك اختنا الفاضلة رذاذ على البشارة الطيبة
و الغالي سحاب لنا معه حساب أخر بعد عودته بالسلامة ان شاء الله
أبو سيرين
2016-01-27, 04:43 PM
صبّحكم الله باالرضا والعافيه ..
عساكم كلكم بخير يارب ...
ياشيخ تميم الرياض ديره وش كبرها .. وين تبي تروح !!!
لاتتعب نفسك ... أنا أقول إن العم سحاب طيب وبخير ولله الحمد ...
عاد لاتسألوني شلون عرفت ..
تراني داهيه ولي مصادري ...
وأسالو أبونا غانم كيف وصلّته لصديقه بعد ماكان هو متأكد إنه متوفي من سنين طويله :) ....
المهم ...
أنا اللي بحث عن سحاب وطلع عمنّا سحاب طيب ومابه الإ العافيه بإذن الله ... وعاد مدري إذا هو مسوي عمليه ولالا ..
شكله رايح يكشت بالمستشفى هههه.. وبيجي العلم قريب ..
وإذا جا وسجّل دخول هاليومين لنا حساب معه على التأخير الزايد .. ويدفع بعد ضريبة قلقنا وإنشغالنا عليه والبشاره عليه بعد إنه طيب :icon31:
تحياتي وتقديري لكم ياأوفياء ...
رذاذ...
بشرك الله بما تحبين أختي الفاضلة رذاذ
والله شلنا هم غيابه الأيام اللي راحت الحمد لله إنه بخير
غياب العم سحاب الفترة اللي راحت ذكرني بمقولة شايب جارن لي سألته عن أحواله قال والله هالحين انبطحنا فا خفت ان عم سحاب يصير من المنبطحين ولكن الحمد لله على كل حال
جزاك الله خيراً أختي رذاذ
والله الله يا سمو المشاعر لا تنسى اختنا رذاذ ... هي راعية البشارة
:ordh:
الله يسعدكم أساتذتي تميم وأبوسيرين .. على كلماتكم الجميله ..
بالنسبه للعم سحاب ... ماعلاه خلاف ..
والله إنه بخير وعافيه ... وخلّوه بس يتذكرنا ويجي هنيّا .. يبيصير كلام ثاني ...
يتسّدح بالمكاشيت وتاركنا على جمر ندّوره ... ههههه
هيّن ياسحـّـوب
تميم بن محمد
2016-01-28, 06:02 AM
السلام عليكم ورحمة الله وبركاته
انا اقول نلزمة بحق اما عشاء فاخر في احد الفنادق الخمس نجوم اوغداء في الريتز كارلتون
أبو سيرين
2016-01-28, 08:25 AM
يا عم سحاب ارجع لنا الله يشفيك
والله يـبـعد عـنـك كــل المـصـايـب
لا تـخـتـبر الـحــب في قلب مغليك
والله يـجـمـع بين كــل الـحـبـايـب
يا هلا اخوي تميم
والله حقها عشاء في برج المملكة :038:
:ordh:
وعليكم السلام ورحمة الله وبركاته ..
ياشيخ تميم جبتها ..
عاد الريتزكارلتون شيء جميييل :in_love: أمنيه إني أدخله .. ويمكن تتحقق الأمنيه بعزيمة سحاب هههههه
أهم شي تذاكر سفرنا أنا وأبوسيرين عليه ..
تعرفون بعد .. التذاكر غاليه
:)
تميم بن محمد
2016-01-28, 11:25 AM
يا عم سحاب ارجع لنا الله يشفيك
والله يـبـعد عـنـك كــل المـصـايـب
لا تـخـتـبر الـحــب في قلب مغليك
والله يـجـمـع بين كــل الـحـبـايـب
يا هلا اخوي تميم
والله حقها عشاء في برج المملكة :038:
:ordh:
ههههه شكلك ناوي يلحقه الدين
تميم بن محمد
2016-01-28, 11:27 AM
وعليكم السلام ورحمة الله وبركاته ..
ياشيخ تميم جبتها ..
عاد الريتزكارلتون شيء جميييل :in_love: أمنيه إني أدخله .. ويمكن تتحقق الأمنيه بعزيمة سحاب هههههه
أهم شي تذاكر سفرنا أنا وأبوسيرين عليه ..
تعرفون بعد .. التذاكر غاليه
:)
ابشري يا رذاذ بالحق و ما يلحق محفولين و مكفولين وان ما كفاكم الريتز قلوبنا توسعكم
سمو المشاعر
2016-01-28, 02:21 PM
الله يبشرك بالخير يا شاعرتنا القديرة رذاذ على هالبشاير الطيبة .
واسمحي لي اسميك كنن لايخشى المحن
يجيب الاخبار حتى لو الواحد بقبره مندفن
هههه ماشاء الله عليك امزح الله يبارك فيك وعاد لا تبالغوا في الوزعة خففوا على الرجل ولو تخلوها بعد فترة النقاهة يكون ازين وإلا وش رايك يا بومحمد
وتروا لو جورتوا الحمل على الرجل فأنا والم مع سحاب لا يرده إلا أفمه أعين وأعاون بكل
ما يأمر سداد ..
تميم بن محمد
2016-01-28, 02:42 PM
الله يبشرك بالخير يا شاعرتنا القديرة رذاذ على هالبشاير الطيبة .
واسمحي لي اسميك كنن لايخشى المحن
يجيب الاخبار حتى لو الواحد بقبره مندفن
هههه ماشاء الله عليك امزح الله يبارك فيك وعاد لا تبالغوا في الوزعة خففوا على الرجل ولو تخلوها بعد فترة النقاهة يكون ازين وإلا وش رايك يا بومحمد
وتروا لو جورتوا الحمل على الرجل فأنا والم مع سحاب لا يرده إلا أفمه أعين وأعاون بكل
ما يأمر سداد ..
تسلم يا سمو الامير
حنا من باب المداعبة و غلاه عندنا بس شرهانين عليه ليش ما بلغنا وين المستشفى عشان نزوره و نتطمن عليه لا اكثر
الله يسعدك ياصاحب السمو على هالدعوات الطيبه ..
أجل أنا المحقق كونان هههه طيب ..
أهم شي لاحد يحاول منكم إنه يغيب .. باجيبه بإذن الله ... :)
المهم عطونا سواليفكم الحلوه أيام زمان إنت والشيخ تميم لين يجي عمنا سحاب بالسلامه ..
تميم بن محمد
2016-01-28, 06:27 PM
هلا بالجميع
ابشروا بس خلوني اروق و عندي لكم سوالف حلوة
للحين مرتاع على الشيخ سحاب الله لا يروعكم في عزيز
تميم بن محمد
2016-01-29, 08:21 AM
السلام عليكم ورحمة الله وبركاته
تميم بن محمد
2016-01-29, 04:59 PM
شفيكم جامدين مع البرد
شبوا النار و تدفوا هههه
<< شاب ناره من الصبح
الشاعره الاخت والاستاذه رذااذ
الله يبشركِ بالخير والمسراااات .. على بشراتكِ على أخينا واستاذنا سحاب ,, فالطيّب لايأتي الا بالطيِب
فهنا سيدتي بشارتان الاولى بسلامة استاذي سحاب والثانيه بعودتكِ الميمونه والحميده إن شاءالله
تقبلي مني كل الاحترام والتقدير لشخصك الكريم .. لاعدمناكِ
استاذي القدير تميم بن محمد
الشكر والتقدير لك على مجهودك وتواصلك مع كل محبي استاذنا سحاب ,, فهذا مجهود جبار من رجل يحمل كل الوفاء للجميع .. اسأل الله أن يجعل ما قدمته بتواصل مع الجميع في ميزان حسناتك
تقبل استاذي تميم كل الوود والاحترام والتقدير لشخصك الكريم
تميم بن محمد
2016-01-30, 07:13 AM
استاذي القدير تميم بن محمد
الشكر والتقدير لك على مجهودك وتواصلك مع كل محبي استاذنا سحاب ,, فهذا مجهود جبار من رجل يحمل كل الوفاء للجميع .. اسأل الله أن يجعل ما قدمته بتواصل مع الجميع في ميزان حسناتك
تقبل استاذي تميم كل الوود والاحترام والتقدير لشخصك الكريم
مرحبا اخي عايد
هذا اقل ما يجب ان يقدم لأخينا سحاب. شاكر لك مشاعرك الطيبة تجاه الجميع
بقآيآ .. حرف
2016-01-30, 02:04 PM
السلام عليكم ورحمة الله وبركاته
أسعد الله أوقاتكم أحبتي بكل خير
كم يشرفنا ويسعدنا تواجدكم الدائم وبأنتظار مشاركاتكم
أسأل الله أن يجمعنا على المحبه
كل التحايا
تميم بن محمد
2016-01-30, 10:22 PM
وعليكم السلام ورحمة الله وبركاته
حياك الله اخي الكريم بقايا حرف
تمنيت أن أتواجد وأجد سحاب قد عاد ...
ولكن يبدو لي هذه المره لن يعود .. وقد قدّمت له إعتذار بالنيابه عن الجميع إن كُنا أخطأنا بحقه ..
وأعتقد أن رسالتي له وصلت .. !!
وهُنا دوري يتوقّف عن الإستمرار في هذا الموضوع ...
أبو سيرين
2016-01-31, 05:12 PM
تمنيت أن أتواجد وأجد سحاب قد عاد ...
ولكن يبدو لي هذه المره لن يعود .. وقد قدّمت له إعتذار بالنيابه عن الجميع إن كُنا أخطأنا بحقه ..
وأعتقد أن رسالتي له وصلت .. !!
وهُنا دوري يتوقّف عن الإستمرار في هذا الموضوع ...
بيض الله وجهك اختي رذاذ
انتي سويتي اللي عليك وما قصرتي ... ونتمنى من العم سحاب يقول إذا فيه شي مزعله ويبشر بالحق وما له إلا اللي يرضيه
تحيتي وتقديري
ووجهك أبيض مشرفنا أبوسيرين
ماسويت إلا الواجب ...
وأهم مافي الموضوع أن العم سحاب بخير ولله الحمد ولاأعتقد أنه خضع لأي عمليه جراحيه .. فهو يمارس نشاطاته على الإنترنت يومياً ولم ينقطع عنها .. حتى وإن كانت خارج البراري ..
وإذا أراد العوده هنا فالجميع بإنتظاره ..
أتمنى ان يعود القسم لنشاطه في كافة المواضيع ولانقتصر فقط على هذا الموضوع ..
فنحنُ في شغف لقرآءة القصائد والأبيات الجميله ..
فمن سيروينا بذلك ؟!
نحنُ في إلإنتظار ..
رذاذ
..
أبو سيرين
2016-02-01, 07:57 AM
ووجهك أبيض مشرفنا أبوسيرين
ماسويت إلا الواجب ...
وأهم مافي الموضوع أن العم سحاب بخير ولله الحمد ولاأعتقد أنه خضع لأي عمليه جراحيه .. فهو يمارس نشاطاته على الإنترنت يومياً ولم ينقطع عنها .. حتى وإن كانت خارج البراري ..
وإذا أراد العوده هنا فالجميع بإنتظاره ..
أتمنى ان يعود القسم لنشاطه في كافة المواضيع ولانقتصر فقط على هذا الموضوع ..
فنحنُ في شغف لقرآءة القصائد والأبيات الجميله ..
فمن سيروينا بذلك ؟!
نحنُ في إلإنتظار ..
رذاذ
..
دامه بخير وصحة وعافية ... الحمد لله
أهم شي إنا تطمنا عليه
وما ألومه على غيابه .... يمكن تعب من المشاركة أو حس بشي ما نعلمه به
عموماً الغايب حجته معه ولا نقول إلا ما يرضي ربنا
شكراً لك أختي رذاذ وإن شاء الله يعود المنتدى للمشاركات ونرى قصائد الأعضاء وسواليفهم
تحيتي وتقديري
بقآيآ .. حرف
2016-02-01, 11:28 AM
شكراً للجميع وهذا يبين معدنكم الطيب والأصيل
والبراري بمن حظر وتواجد وشارك
والغائب لا نملك له إلا الدعاء بالتوفيق
يقفل حتى عودة صاحب الموضوع
كل التحايا
سليمان المحمد
2016-02-09, 04:11 AM
السلام عليكم
بعد اذن مشرفي القسم اعادة فتح الموضوع
حياك الله اخي سحاب شقرا
عودا حميدا
الحمد لله على السلامة طهور إن شاء الله
الركام
2016-02-09, 06:54 AM
السلام عليكم ورحمة الله وبركاته
الحمدلله على السلامة ياسحاب شقراء
بشر عن صحتك عساك بخير
وعودا حميدا
سحاب شقراء
2016-02-09, 08:44 AM
السلام عليكم
بعد اذن مشرفي القسم اعادة فتح الموضوع
حياك الله اخي سحاب شقرا
عودا حميدا
الحمد لله على السلامة طهور إن شاء الله
الله يسلم قلبك وعمرك يالغالي
جعل والديك للفردوس امين
وبيض الله وجهك
سحاب شقراء
2016-02-09, 09:27 AM
السلام عليكم ورحمة الله وبركاته
الحمدلله على السلامة ياسحاب شقراء
بشر عن صحتك عساك بخير
وعودا حميدا
عزالله قدرك ومقدارك يالركام الغالي
وبشرك انا بخير ولله الحمد والشكر
سحاب شقراء
2016-02-09, 10:15 AM
السلام عليكم ورحمه الله وبركاته
وشلونكم يالغالين عساكم طيبين
وكل الشكر ل تميم بن محمد ابو محمد جعله مايشوف شر
وبو سيرين والغاليه رذاذ وبقيه الغالين كلهم الي سئلو عني جعلكم جميع ماتشوفون شر
رحت ابا اكشف كشف دقيق بالرنين المغناطيسي على العامود الفقري ونا عندي 6 فقرات وخطرهن الفقره الثالثه مالها حل ضاغطه على النخاع بدرجه شديده
وبنسبه نجاح 7 في الميه ونا معيي اسويها
ولقو فيني شي ماينقال ههههههههههه بس ابا اقوله
بواسيروناسور فحل :a_laugh2: وكره عباره فحل للناسور
ونا مسويهن من فتره طويله بس رجعن شكلهن راغبات
وكود شي علي الخابور الي بعد العمليه
ابد مثل الطلق في الولاده بس مالي اربعين يوم نفاس :clap:
شوفوني مقوا ارقا الدرج هههههههههههه
هلا وغلا بالاستاذ والصديق سحاب شقرا
لك وحشة في غيابك ..... والحمدالله على سلامتك ... وعوداً حميداً إن شاءالله ..
تقبل استاذي مني كل الووود والاحترام لشخصك الكريم
سحاب شقراء
2016-02-11, 03:14 PM
تمنيت أن أتواجد وأجد سحاب قد عاد ...
ولكن يبدو لي هذه المره لن يعود .. وقد قدّمت له إعتذار بالنيابه عن الجميع إن كُنا أخطأنا بحقه ..
وأعتقد أن رسالتي له وصلت .. !!
وهُنا دوري يتوقّف عن الإستمرار في هذا الموضوع ...
ههههههههههههههههه لا حول ولا قوه الا بالله العلي العظيم
وش ذا المره لن يعود من قالك ذا الكلام يالغاليه رذاذ:038: هههههههههههه انتم وراكم نار في هشيم
اركدو اركدو شوي وعطوالغا يب عذره الين يرجع ويعلمكم سبب غيابه
ونا ماشفت منكم الا التقدير والحشيمه والمحبه وزود الغلا
من الاداره والاعظاء والمشرفين والمراقبين
ونا ابادلكم المحبه الخالصه لوجه الله
ادري من زود حبكم لي ضاقت صدوركم من غيابي :clap:
ياجعل ربي يحبكم وجميع ملائكته امين
سحاب شقراء
2016-02-11, 03:34 PM
ماش شكل الزعله قويه
وش تبون مني وترضون علي
انا اقدم اسفي للجميع عن غيابي الفتره الي راحت
وحقكم على راسي واارجو مسامحتي
وكله من البواسير والناسور
وقبلهم من العامود الفقري 6 فقرات وضاغطات على النخاع الشوكي ضغط شديد ونا رفظت اجري اي عمليه في ظهري بسبب نسبه نجاح 7 في الميه وبي نسبه 93 في الميه شلل نصفي
الشكوا لله
حتا صمام الامان معاد هوب امان الله يسترعساه مايبتل
احس انا بشي انتم ماتحسونه
وبطوح الصوت كني من العقل خالي
ذا الباب صكوه وطلبه لا تهجونه
خلوني ابكي وهل الدمع بالحالي
سحاب شقراء
سحاب شقراء
2016-02-11, 08:28 PM
ووجهك أبيض مشرفنا أبوسيرين
ماسويت إلا الواجب ...
وأهم مافي الموضوع أن العم سحاب بخير ولله الحمد ولاأعتقد أنه خضع لأي عمليه جراحيه .. فهو يمارس نشاطاته على الإنترنت يومياً ولم ينقطع عنها .. حتى وإن كانت خارج البراري ..
وإذا أراد العوده هنا فالجميع بإنتظاره ..
أتمنى ان يعود القسم لنشاطه في كافة المواضيع ولانقتصر فقط على هذا الموضوع ..
فنحنُ في شغف لقرآءة القصائد والأبيات الجميله ..
فمن سيروينا بذلك ؟!
نحنُ في إلإنتظار ..
رذاذ
..
هلا بالغاليه رذاذ ومرحبا ولوها جت من غيرك كان تسمعين الرد المناسب
ولاكن رذاذ مهيب مثل غيرها
ومعنا كلامك اني شايب وخايب افا يارذاذ تحطيني كذاب
وتقولين ----ولاأعتقد أنه خضع لأي عمليه جراحيه .. فهو يمارس نشاطاته على الإنترنت يومياً ولم ينقطع عنها .. حتى وإن كانت خارج البراري ..
الي يمارس نشاطاته على الانترنت يومين هو جهاز الكمبيوتر وبنتي مشاعل
لان علي التزامات في مجالس شقراء وصيت بنتي ماتخليهن
ونفرض فر ض وهوماحصل لو كنت ماخذ جهازي معي للمستشفى وشلون تحكمين طبعن نفس الحكم السابق
يالغاليه ر ذاذ انا شايب وعندي بنات كبرك وكبر منك وصغرمنك يعني بعمرصعب يقال عني كاذب او اتقبل هذي الكلمه
وللاسف تبين تشوفين نتائج كلامك هذا شالو تثبيت الموضوع يعني طارو في العجه للاسف الشديد
ونا اكره ان اتعامل مع اي انسان يفكر ويضن بالضنون بهذي السرعه لان مثل هذا توقع منه اي شي لا يخطرعلى بالك مثل شيل التثبيت بسبب الضنون
سمو المشاعر
2016-02-11, 09:16 PM
والله يا اخي اولاً الحمد لله على السلامه
والحقيقة نحن كنا نتسأل عنك وعن صحتك
والاخ الفاضل تميم افاد انك سوف تعمل عملية خطيرة وهو قلقان جراء الوضع وطلب جوالك ولكن حسب ما ذكر انك او صيت أحدى بناتك بالتواصل في حال لاسمح الله جرى لك أي شيء وهنا اصبح الجميع يسأل ويتحرى هنا وهناك حتى عثروا على معرفك متواجد بمنتدى شقراء فيما يبدو وباستمرار هنا طبعاً دارت الأسئلة وهذا الوضع ترك مساحة للأخذ والرد ولكن ما يعلم الغيب إلا علام الغيوب وبناء على ذلك
نامل بعد ما ابديت وشرحت الواقع
وملابسات ما غم على الاخوة الكرام
نقول العفو من شيم الكرام والمسامح كريم
للجميع ونحن اخوة جمعتنا ساحة البراري وعبر لوحة الكيبورد يفرحنا ما يفرح أي عضو ويكدر صفونا ما يلم أي طاري ايضاً بأحد نسأل الله للجميع السلامة والصحة والعافية
والسلام ختام
تحيتي للجميع.
السلام عليكم
أستاذنا سحاب شقراء ..
أول شي الحمدلله على سلامتك ...
وثاني شي ماكنت أنوي الدخول في الموضوع إطلاقاًً والكلام فيه .. ولكن أنا دخلت لأبرىء ذمتي أمام الله عز وجل وأمام الأعضاء ...
ويعلم الله ياأستاذ سحاب بصدق نيتي .. ولاتخاف.. إذا كنت أقول وأكتب عكس مانويت بردودي السابقه .. فلي رب سيحاسبني يوم الحساب ...
أستاذي في ردودي السابقه لم أتطرق نهائياً لأين موقعك او أي منتدى أو مكان أو ماهو نشاطك على الإنترنت .. سواء هو منتدى ولا تويتر ولا فيس بوك ولا غيره .. وإكتفيت بقول إنك تمارس نشاطاتك اليوميه ... وهذا كان من حرصي عليك وعلى خصوصيتك ...
الشي الثاني استاذ سحاب أنا أعرف بنتك مشاعل زين ... وأنا احسب الكلمه الف مره قبل أكتبها ... ولكن ياأستاذي الفاضل لو أنا وجدت مجرد مواضيع اوأخبار منقوله أو رفع لموضوع أو رد بسيط .. كان شكيت إنه هذا مو إنت ...
لكن ياأستاذي الكريم لما أجد ردود بنفس إسلوبك ونفس ضحكاتك وتعليقاتك المعروفه و بنفس طريقة سردك للمواقف ... وفوق هذا كله أبيات وشعر تكتب جديده وليست قديمه !!!! طبيعي جداً أن أشيل من راسي فكرة إن هذي بنتك .. !!
!!!
وكذلك منتدى مثل كذا عزيز عليك جداً ويعتبر هو بيتك وتكتبون فيه أخبار فلان وعلّان فالأولى أن يكون بينهم خبر أنك بتخضع لعمليه جراحيه وتطلب منهم الدعاء ..!! هذه وجهة نظري
بالنسبه لإتهامك لي الآن بأنني قلت عنك كذاب .. لا وربي .. حاشاك وأنا مالفظت هذي الكلمه إطلاقاً ...
وجملتي ( يبدو لي بأن سحاب شقراء لم يخضع لعمليه جراحيه ) ليش فسرتها بإتهام بالكذب ... ؟!! كنت تقدر تفسرها بأنه العمليه تأجلت أو صار هناك تقدم في حالتك الصحيّه وماتحتاج عمليه .. او فيه أمور تعقدت وتحتاج تحاليل زيادة وإجراءات أكثر .. وحسب ردودك الآن قرأتها وأنا مستعجله وماركزت أعتقد إنك ماخضعت لها بسبب ظهور مشاكل أخرى لديك .. فإذاً ..جملتي في محلّها ... والإعتقاد لايعني تكذيبك ... ولكن الإعتقاد يتكلم عن أغلب ظني أنا بك ...
والأهم في الموضوع كله .. مسألة فك التثبيت ... والله العظيم إني ماتواصلت مع أي مشرف إطلاقاً ولاأعرف من الذي فك التثبيت ... وليش
ولكن حسب مااعرف بخصوص إني قد أشرفت قبل .. الموضوع الذي يطول الأخذ والرد فيه من غير فايده يغلق ... وإذا ماكان صاحب الموضوع متابع موضوعه يفك تثبيته .. لحين عودة العضو
وقد قبلك ياأيها الفاضل فكّو لي المشرفين والإداريين مواضيع كانت مثبّته .. ووالله ماحز بخاطري أبداً ...!!
وتقدر ترسل للمشرفين وتعرف منهم أسباب فك التثبيت وقد يكون عندهم سبب آخر ...
أنا ماأدافع عنهم .. لكن ماأعتقد إنه بيجي إنسان ذو أخلاق بيتخذ إجراء تجاه عضو أو مواضيعه .. بسبب ظن من عضو آخر .. فلن يبني قرارات إدارايه بسبب خزعبلات عضو تافه مثلي .. !!!
وختاماً عند مابحث وكتبت ورددت وقلت سحاب يتمتع بصحه .. ومااعتقد سوى عمليه ... لاأقصد الإساءه بسحاب أو النيل منه ... ولكن شفت هنا الأعضاء وهم في قلق وحيّره كبيره وخوف كبير عليك وترقّب أي خبر منك ومنهم رذاذ
فحبيت فقط إني أطمنهم إن سحاب مافيه الا العافيه .. فقمت أركض وراك وأدورك ..
وبمختصر الكلام هذا كله ...حكمه بسيطه نقصتك بالرغم من كبر سنك المفترض لك خبره بهالأمور .. لو إنت كلّفت بنتك الله يخليها لك مثل ماهي متواجده في أماكن ثانيه .. تدخل بس مره وحده هنا وتحط لنا رد واحد يطمنا عنك كان ماصار هذا كلّه ... !!! أو رساله نصيّه واحده للشيخ تميم ماراح يصعب عليك أو عليها كتابتها ...!!!!
وتأكد إني مابحثت عنك إلا محبّة ووفاء ... ورغبه إني أطمن الغاليين هنا .. لكن أحيان الإنسان يكون متسرّع والعاطفه تجرفه ...
وإلا أنا وش لي بهالدوّامه ووجع الراس والبحث والإنتظار ... !!!!
( المشرفين أسالهم بالله الذي لاإله إلا هو أن لايحذف الرد لتبيان الأمور ووضعها في مجرى الحق والصدق والعدل )..
خروج من الموضوع كاملاً
سبحانك اللهم وبحمدك .. أشهد أن لاإله إلا أنت .. أستغفرك وأتوب إليك ...
رذاذ
بقآيآ .. حرف
2016-02-12, 09:07 AM
السلام عليكم ورحمة الله وبركاته
أسعد الله أوقات الجميع بما يحب ويرضى
والحمد لله على عودة أخينا الأكبر سحاب وهذا بحد ذاته مطمع لجميع محبينه وهو الأهم
آمل أن كان هناك نقاشات أن تكون على الخاص لأن ذلك لا يخدم موضوع سوالف الأولين
تحياتي للجميع
أبو سيرين
2016-02-12, 09:11 AM
سـحـاب جـيت ونحمد الله على جيتك
ولا نبي جيتـك تجـيب مـعـهـا الـكلام
نبيك شيخ ن على الهقوات ووخيتك
تعـذرها ولا يجي منكم سـؤال وملام
حنا انتظرنا ونشدنا وش سبب علتك
مـن حـبنا لك ولا طـلبنا غـير السلام
دعينا لك بالشفـا وان الله عـن سيتك
يتجــاوز ويسكنك بـدار خـير ومـقام
أعــرفــك طــيب ولا نـشـكـك بـنـيتك
والله يعـلم دبيب النمـل وسـط الظلام
تميم بن محمد
2016-02-13, 09:29 AM
السلام عليكم ورحمة الله وبركاته
مرحبا يا شيخ سحاب
انا ليس لدي تعليق وانت عارف السبب و لكن حبيت اوضح ان غيابك سبب لنا قلق كبير والاخت رذاذ هي من طمنا عليك و الجميع يجب ان يشكرها على ما قامت به وهذا كله من محبة تجاهك
و المعذرة يا بقايا حرف بس حبيت اوضح النقطة هذي كما اعتذر عن قلة المشاركات لانشغالي في بناء منزلي الجديد و طابت اوقاتكم
سحاب شقراء
2016-02-13, 09:15 PM
يامرحبا ومسهلا يبو محمد
والله يالغالي البلا مني مهوب منكم وهذي حقيقه
ونتم ماقصرتو جعل الشر يقصر عنكم
ورذاذ ماقصرت الله يوفقها بس انا تراني عليله بعض الحيان وقول شي مهوب الي في قلبي وليتها تسامحني وتوبه ما اعود لها
ونا اقول لكم الله يدحر الشيطان والله مااخليه يغلبني بحول الله وقوته
سحاب شقراء
2016-02-14, 02:41 AM
السلام عليكم ورحمه الله وبركاته
ياهلا والله ومرحبا بالغالين كلكم صغيركم وكبيركم
ولا تواخذوني الا ابطيت شوي ترا فيني الي كافيني وماورا مني كلش يوجع ويالله رضاك والجنه ويالله حسن الخاتمه برحمتك ياارحم الراحمين
نجي للسواليف وسعه الصدر جعل صدوركم ماتضيق من شر
انا مدري وش الي فينا منول كلش نحب نصغره مدري للتمليح او مدري وشو اجل
مويعينات تصغير مواعين لان عندنا في شقراء خص كلش الحمد لله صغيير ومملوح مثل بييلات فنيجيلات بويديات غضيرات بليمات صحينات برييقات دليلات سحيلات تميرات بريدقينات تفيفيحات مويزات خويخات جحيحه جريو ومريقه ورزيزه وجرييشه وسلييقه ومريقيقه ولحيمه ودجيجه حتا السياره صارت سييره ههههههههه ومثل كذا واالاولين يقولون كل صغير مملوح الا فرخ الداب حتا والله فريخ الداب وش ملحه وهو صغير جعله يموت ولا وديت شي للعجيزات تقول العجوز خذ ذيولي مويعيناتكم وحط الي معك في ذيا وذكر عند كل وحده حبل ممسوك في الغمى يعني في السقف ومربوطن فيه مثل شغيه النباطه نسميه المحجان وشوله المحجان نعلق فيه زبيل خوص ونحط فيه الي نخاف عليه من القطو او شين يلحسه مثل الابرص ولا الفويرات تصغير فاره ههههه ولا ذاك قالت حط الي معك علقه في المحجان ثمن اقعد اضحك وتقول وش فيك تضحك ياوليدي قلت ما اطوله انا صغيير وتقعد تظحك هي بعد وتقول ايه نسيت انك ما تطوله والله انك تقوا بدع ياوليدي وهي تظحك الناس منول ما ينسون بعظهم ويتعاونون ويتزاورون الا ابطو عن بعض ويدعون لبعض الاذكروهم اوالازاروهم يعني سيرو عليهم وجو يروحون الزوار تلقا اهل البيت مغير يدعون لهم والله الناس الا هلحين والخير فيهم بس اشغال الدنيا الهتهم وبعدتهم عن بعض ولا الخير ان شاء الله في الجميع الا يوم القيامه ان شاء الله تعالى
بس ولو الدنيا اختلفت يالمسلمين معاد فيه احد يفقد احد ولو تبطي عنهم مايسئلون عنك انا سنه من السنين بغيت اموت ونا في البيت بالحالي ماعندي احد والجوال منتهي الشحن حقه ولا يتصل وبعيد عني بعد مقدر اصله
اوجعني ظهري ويجي الوجع بدون مقدمات او علامات تدرون وشلون يجيني اصير مثل القوقعه ملتوي وعلى جنبي ويالله اقدر اتنفس ولا اقدر احرك نفسي لوشبر ويجي معه ضيقه صدرمايعلم بها الا الله سبحانه وعلى ذالحال لمده خمسه الا سته ايام مااتحرك ولا اقدر انقلب على جنبي الثاني وربي يشهد
انا وشوله اعلمكم عني والله مدري ههههههههههههه
بس عمر الشقي بقي ههههههههههههه والحمد لله رب العالمين ون شاء الله في ميزان الحسنات الي عند الله مايضيع
نرجع لسواليفنا
يومني في ريعان شبابي هههههههههه يعني يومني جذيع مهوب جذع ههههههه اذكر قالت لي بدويه ونا كنت مار من عند بيتهم او خيمتهم كنت رايح للقهاوي اجيب لستك سياره علشان اقصصه سيور للنباطه وذكر البنشر مكان محافظه شقراء هلحين وخيمه البدو كانت مكان الحديقه العامه هلحين وكان مكان الحديقه كله مليان صنادق لحوج المهم وكان عند البدويه كلب وش كبر راسه وهو وش كبره كله ومن يوم شافني ونا امشي من بعييييد وهو ينابح علي وكان مربوط هذا الي مخليني مااخاف منه ونا امشي في طريقي متجه للحميديه وهذي مزرعه قديمه نسميها الحميديه والمستشفى القديم على يميني ونا من بعيد وقرب مالي سور المستشفى وكل شوي اناظره اخاف ينطلق علي ومادريت الا يوم طلعت من الخيمه بنت حسناء ههههههه عليها برقع بس ولو حسناء هههههههههههه ثمن قالت لي يوم شافتني اناظر الكلب تبي الكلب ياولد وعلى طول قلت ايه ابيه قالت تعال خذه وبزع برايي وروح يمها مصدق اني ابااخذ الكلب ويوم جيت حولهم وهي الي تفك الكلب من رباطه وتقوله رثعان اشوه ورثعان هذا اسم الكلب جعله يرثع فيها وااشوه هذي كلمه تنقال للكلب اذا بغو يهدونه على شي يقولون له اشوه ثمن يعطيك عمره ثمن يجيني رثعان يمشي طبلونه من السرعه يتجيود عند راعيته الله لا يوفقها وتعال عاد شف سحسح ونحمد الله مهنا صراويل ولا شي كان ماسكني او عاضني الكلب ههههههههههه وتعال شفني ونا منحاش تصدقون اني اشوف اصابع رجلي الله يكرمكم قدام عيوني من قو المغطه هههههههه ومنطقه الصليب الي بين رجلي تحك في الارض من قو المغطه وكل هذا بفظل ربي سبحانه ثمن مهنا صراويل هههههههههههه ولا كان رحت من صيد امس وكل ماالتفت ولا الكلب واصلني وتزيد طبعن السرعه عندي هههههههههههه الين وصلت جدار الحميديه وطبيت معه ويرجع الله لا يوفقه ولا يوفق راعيته الي اشته علي او هدته علي -
وعلى طاري ساد وبرك اذكر عجييز كانت تحول مع درجه بيتها جايه من الطايه او السطح تبي تحول للمجبب وزلقت وتدربت ظعيفه مع الدرجه ولا ردها الا المجبب ثمن قالت اقول مستدي ربي فيه وساد وبرك وحقي وماجاني وضعفتن تضعف حيل العدو وبس صاقت ظعيفه على روحها وراها تطيح هههههههههه
انتم تدرون وشلون يحرجون منول على بظايعهم وذا الكلام قبل لا تجي حليوه سوق شقراء القديم نسميه حليوه - يوم السوق سوق المدينه او المجلس قبل حليوه بعض الناس يسمونه سوق المجلس لانه يمتلي من العويد الي جالسين تحت جدار المسجد الي فيه يا الله جعلهم جميع ووالدي ووالديكم ونحن معهم في الفردوس الاعلى من الجنه اللهم امين يارب العالمين انا داري اني شطحت او سهيت عن سالفتي واجد بس وش اسوي وش اسوي تجوزلي السواليف عن منول وهل منول المهم طريقه الحراج في المجلس يجي المحرج طال عمركم ويرقا على خرزتين او فرشين من الحصا ثمن يبدا يحرج ونتم خابرين شقراء منول من اغنا البلدان في الجزيره العربيه هي وبريده مشهورين بالتجاره المهم والله يعينا على المهم الا رقا المحرج يبدا يقول لا اله الا الله وحده لا شريك له صلى الله على محمد ثمن يقول من يبي الفرانسي مثل مابعنا من يبي جنيه الذهب مثل مابعنا ومن يبي العربي مثل مابعنا ومن يبي القهوه مثل ما بعنا ومن يبي الهيل مثل مابعنا ومن يبي الشماغ مثل مابعنا ومن يبي الدهن مثل مابعنا وكل الي ذكرناه هلحين يصير مصوب شحن تحت الي يحرج ودك انه هلحين كان غاره وينهبونه كله وقعد حرج على الهوا ههههههههه اجل الجنيه الذهب مكبوب شحنه وش كبرها على حصير خوص وين الي يشري بس المهم خلونا نرجع لسالفتنا منحنب وجيه جنيهات وفرانسي حدنا بيزه الحسا والا الدنقيه العن ودق رقبه بعد نرجع لسالفتنا انا وش كنت اقول ههههههههههه ايه ذكرت يقولون الاولين الخبل ماينسا سالفته هههههههه المهم الا جا مسيان ورقينا للسطح او الطايه وفرشنا فرشنا استعدادن للنوم تلقانا يالصغيرين مثل الي مرشوشين بفليت انترنح نبي المرقد الله لا يلومنا الا صرنا نقووم العصافير من صبح رب العالمين وهذا بعد الي يخلينا نرقد قبل الدجاج ههههههههه المهم تجي امي وتقعد عند الفرجه وهي فتحه في الجداربين الجيران في الطايه طبعن يسمونها الفرجه وتجي ام الجيران وتقعد وهات ياسواليف الين يسمعون ابوي ولا ابوهم يرقا مع الدرجه وهو يتنحنح ثمن تقول امي جعلها في عليين وميماتكم وكل مسلم يالله هذا حس ابونا جا حافظك الله يا خيتي ثمن تقول ام الجيران الله يحفظك وهذا بعد حس ابونا داخل مع الباب لان للبيبان الخشب منول صوت موسيقي يطلع الا هجيتا الباب ولا صكيته يجي صوت من صاير الباب وصاير الباب يالغالين هو الي رافع الباب عن الارض من تحت هذا صاير الباب وسبحان الله كل باب له صوت يختلف عن صوت الباب الثاني علشان كبر الحجم والثقل يصير الصوت مختلف ياليت بعد صوتي يظهر لكم هلحين اعرف اقلد صوت البيبان منول بس ماينكتب صوتي وش اسوي بكم ابا اعلمكم اقول ووه وبس قصرت من التعريفات والمعاني طلعن اكثر من السالفه ههههههههه الله من الموقه فيكم ياالتوالي كلش وشذا وشذا او انتم ما قلتوشي مدري بس حسيت كذا هههههههههه
وفي النهايه اقول - سبحان الله والحمد لله ولااله الا الله والله اكبر عددخلقه وزنه عرشه ورضا نفسه ومداد كلماته
سحاب شقراء
2016-02-15, 01:50 AM
السلام عليكم ورحمه الله وبركاته
بسم الله صلى الله على محمد
ياالله تحييهم كلهم صغيركم وكبيركم وذكركم ونثاكم وليا حيا كثر
وراكم ماتردون على سواليفي ان غبت قلتو وينك ون جيت وسولفت عليكم ماتردون علي :anger2:
اقول يالغاليه رذاذ طلبه سامحيني
والله العظيم انه ضايق صدري عليك ومتحسف
ونا شايب وعلوم ظهري ماتسر وضايق صدري منه وتخيلو يقولون الدكاتر ترا في اي لحضه ممكن ماتقدر تمشي وتصاب بشلل نصفي وش يبي يصيرخاطر الواحد اكيد ضايق هماي اقول في قصيده لي
الله من قلبن همومه تمسه
مس الرشا في محدبات السواني
والله من قلبن غثاالبين دسه
دايم يدسه خايف انه يباني
يالايمي ماحسك الي احسه
ولا ذقتا حر المطرق الي كواني
اخاف يومن مقدر السوق اعسه
تعوقني رجلي من الي بلاني
مابي انا الكرسي ولابي امسه
موتي ولا يشفق عليه زماني
سحاب شقراء
الله يعين على ذا الدنيا
نجي للسواليف
منول اذكر الا سير احد على احد ثاني ولا لقاه يقوم المسير ويربط قطعه قماش في الباب ولا يحط كسره عود علشان الا شافه بعدين يقوله تراي مريت عليك ولا لقيتك والماريه رابط قماش في عروه الباب ولا ذاك يقول راعي البيت اثره انت ونا اقول منذا الي مار علي ورابط قماش على عروه الباب تراهذي طرق التواصل الاجتماعي منول :038:
اقول ياالطلعه التاليه او يالتوالي ياعيال النعمه
ترا ماعندنا منول شناط نحط فيها ملابسنا وغراضنا الا جينا نسافر
مافيه الا قطعه قماش نفرشها في الارض نسميها لفافه او بقشه هههههه ونحط عليها مقاطعنا ترانا منول مانسميهن الثياب نسميهن مقاطع ومفردهن مقطع ودك عاد تشوف ذاالملابس شهب ولهب ولالبستا الثوب يالله ياصل نص الساق كنك من قوم عاد ههههههههههه والكموم بعد ماننقض الرفاعه تاصل نص ذراعك تخيل تصيرالكبكات عند مرافق يديك :p (18): ونمشي عادي ولا تسمع الا صرقعه النعال الزنوبه او ام صاروخ وخص الا قصينا قطعه لستك حق كفر السياره ونحطه تحت الزنوبه علشان ماتنحل وتقطع بسرعه ولا مشيتا تعال اسمع الصرقعه ونت تمشي امحق من صاروخ تصدقون الشوك العاقول يخترق ام صاروخ وتدخل الشوكه في رجلك بس عادي مافيه احد يمشي الا تلقا معه منقاش للشوك وشبريه يعني سكين صغيره وفيه ناس يسمونها مبرات ولها عده استعمالات بس يالله الدنيا عبر
وفيه شي ثاني بعد اذكر العجيزات والعويد منول الا خافو ينسون شي يقومون العجوز تعقد طرف شيلتها والعويد يعقدون طرف الشماغ علشان الا جا بعدين وشافو ذا العقد يقولون وش انحن عاقدينهن له اكيد فيه شي خايفين ننساه ثمن يقعدون يديرون الفكاير الين يذكرون
العود الا ذكر وشو علشانه عاقد شماغه يقول اعقب مابغيت اذكره هههههههههههههه
والعجوز الا ذكرت تطق على رجلها وهي تقول شاعوف يطيرالعدو بغيت انساه
وكثر العجيزات منول تربط مفتاح بيتها في طرف الشيله علشان ماتظيعه ذهينات بعد
اذكر مره رحت اسير على عجوز ومعها عودها ولا عندهم عيال بالحالهم في البيت ويوم جيت عند البيت ولا هذا الشايب جالس عند الباب يتشمس وسلم عليه وشلونك يبو فلان بشرني عنك قالي انا بخير ونعمه لو ذا العجوز مهيب عندي :a_laugh2: قلت افا يبو فلان هذي الغاليه قال كان غاليه عندك ولا انا لا والله
وقلت وينها اجل ابا اسلم عليها قال شفها رابظه كنها بقره في بطن البيت تدور الشر والعيش المر
ودخل يم فلان يم فلان قالت يالبيه تعال انا فيذا وروح يمها وسلم عليها وشلونك بشريني عن صحتك قالت طيبه لو حصان بليس مهوب عندي :a_laugh2:
ويدخل الشايب ويجي عندنا وقلت وراكم هلحين مغير كلن يلفط على الثاني تقل ضب توه مصيود قال الشايب انشدها هي عندها العلم
قلت يم فلان وشو الي حاصل قالت ان لسانه يلوط اذانه يوم اوحاني اكلم على اخيتي الي ماعندي الا الله ثم هي بالدنيا قال الشايب اي والله عجبه انا الي شاري التلفون بدراهمي ابيه لي ماشريته لك انتي وختك
ثمن قال خل اعلمك بالعلم الي ماينسكت عليه ابد
قلت وشو العلم
قال تراها تكلم بالتلفون في تالي الليول انا موحيها كم مره وهي توصوص وهي في حجرتها وتصك الباب بعد تخاف اني اوحي شي من يصبرعلى هذا قلي :new12:
وقبلي اسمعها تقصد قصيد وتقول حسبي الله على الي حال دوني ودونه هههههههههههه
قلت ايه اثره كذا ورص يد العجوز وقولها منهو صحيبك علميني منتيب تلعبين يم فلان وتقعد تحقرص وتغنج وهي تقول خله يدري لا يحسب مهنا الا هو ههههههههههه تعرف تحره العجوزمهيب لعب ثمن قلت لها
بعذره الا زعل وهذي علامه ان ابو فلان يغار عليك ويحبك قالت حبته القراده لا يحبني ابد
قال الشايب انت توحي وشي تقول ثمن قال انا هلحين منيب متعدي الين تجيب تلفوني
وقول للعجوز عطيه تلفونه ونا ابا اجيب لك واحدجديد غيره هلحين بس لا يدري عنه
قالت العجوز شفه في حجرتي خله ياخذه ويصك عليه ويشبع فيه
وجيب الجهاز وعطيه الشايب ويلف عليه سلكه ويروح ويصك عليه في حجرته قال هلحين ارضا وهويحسب الي يكلم الجهاز بالحاله على نياته
ثمن جبت للعجوز جهاز ثاني وهو مايدري شكلي خربت العجوز
وسع الله صدوركم يالغالين وفرج همومكم وغفرلذنوبكم ونا معكم جعلكم ماتشوفون شر
وسبحان الله العظيم وسبحان الله وبحمده
عددخلقه وزنه عرشه ورضا نفسه ومداد كلماته
تميم بن محمد
2016-02-15, 02:40 PM
السلام عليكم ورحمة الله وبركاته
مرحبا بالشيخ سحاب
قصص في منهى الروعة و سرد عفوي جميل و ممتع بس لو ماعليك أمر تغير لون الخط الى اللون الغامق
عندي لك قصة جميلة بس الوقت لا يسمح الان لكن ابشر يا سحاب من تحصل الفرصة بكتبها لك
عنوانها انه مرة انا و رجال شرواك نوينا نشري حاشي من الجنادرية
اذا رجعت كملتها لك
تحياتي
تميم.....
سحاب شقراء
2016-02-15, 03:04 PM
السلام عليكم ورحمة الله وبركاته
مرحبا بالشيخ سحاب
قصص في منهى الروعة و سرد عفوي جميل و ممتع بس لو ماعليك أمر تغير لون الخط الى اللون الغامق
عندي لك قصة جميلة بس الوقت لا يسمح الان لكن ابشر يا سحاب من تحصل الفرصة بكتبها لك
عنوانها انه مرة انا و رجال شرواك نوينا نشري حاشي من الجنادرية
اذا رجعت كملتها لك
تحياتي
تميم.....
ياهلا ويامرحبا يبو محمد
ابشر اغير اللون بس السالفه هذي مقدراغير شي فيها ماعندي امكانيه التغييربس الجايات ابشر
انتظرسالفتك جعلك تسلم
تميم بن محمد
2016-02-16, 08:05 AM
السلام عليكم ورحمة الله وبركاته
حيالله الجميع
هذا طال عمرك قبل عشرين سنة تقريبا كان اذا اقبل رمضان يكون فيه ازمة لحوم و بالذات المفروم للسمبوسة و الشوربة و غيرها
المهم اشتركت انا و صديق في حاشي و رحنا للجنادرية و شريناه و الزول ما ربطه زين يوم حركنا جايين للرياض و تونا مبعدين شوي من المجلبة الا يوم فز الحاشي و شوي الا يوم وقف على حيله و نوقف قلت لرفيقي خلنا نغطي راسه بكيس شعير اكرمك الله و السامعين عشان كوده يهجد حاولنا ما قدرنا كان يحرك رقبته يمين و يسار و صعب تدخل الكيس على راسه .المهم ربطنا الحاشي زين و مشينا يوم دخلنا الرياض و شاف الزحمة و هو يطب من الونيت. نبي نوقفه عجزنا عنه كنه في مضمار سباق الجنادرية شافنا عسكري من الحرس رايح لدوامه قال بيفزع لنا وهو يمسك الحاشي مع ذنبه عشان يوقف و يحط رجله الحاشي زود و العسكري ماسك ذنبه ويركض وراه و العالم تضحك و نلحقه بالسيارة و نحده على جدار النفق و نوقفه و نحاول فيه لين جدعناه في حوض الونيت سنامه تحت و رجوله فوق وهات يا ضحك من العالم اللي رايحه لدواماتها في السايد الثاني و نربط كل رجل في جهة و راسه و رقبته طالعه من فوق التنده و يالله قويناه المهم ونروح لبيت رفيقي بندخله الى العصر الين نشوف قصاب يذبحه . يوم دخلناه في بيت رفيقي اثاريهم مربين دجاج يوم شافه الدجاج يوم بدت المسرحية الثانية صياح و كل دجاجة على جدار. رمضان و الناس نايمة و فضيحة. وحنا دايخين من التعب و الصيام و بيت رفيقي كبير و حوشهم مضمار صار الحاشي يركض و الدجاج زاد هباله يحسبونه يلحقهن و خذ يا ضحك
تميم بن محمد
2016-02-16, 08:07 AM
للحديث بقية في وقت ثاني
سحاب شقراء
2016-02-16, 08:36 AM
ههههههههههههههههههههه كني اشوفه سنامه تحت ورجليه فوق
سالفتك ماودي تقضي يبو محمد
انتضر الباقي جعلك تسلم
تميم بن محمد
2016-02-16, 07:10 PM
نكمل على بركة الله :
صليت العصر و رحت لصاحبي عشان ناخذ الحاشي للمسلخ و طريقنا مع الدائري الجنوبي و كله تريلات و قلابيات و خلاطات الاسمنت يوم دخلنا وسط الزحمة انفجع الحاشي و طمر من الونيت و خذ يا مطارد بين السيارات و اللي يحد واللي يحاول يمسك و محد قدر عليه نشيط بالحيل . اذكر شخص اردني يقول ما تعرفون للابل قلت افزع تكفى و اول ما حاول يمسكه وهو واقف بين السيارات جته رفسه في صدره بغى يطيح قال شو هاظ يا زلمة وركب سيارته وهج و يفزع لنا ثلاثة يمنيين نشاط ما شاءالله عليهم و يربطونه و نركبه في الونيت ونروح للمقصب و اول ماشاف الدم جاه حالة هيجان و كل من قرب منه رفسه و اخر شي قصاب يمني محترف ختل له ختل و نحره بسكين تلقط الحب على قولة الشيبان يعني سنينة بالحيل
و انتهت المغامرة على خير و سلامتكم.....
تميم بن محمد
2016-02-16, 07:12 PM
اسلم يا سحاب هات ما عندك من علوم
تميم بن محمد
2016-02-16, 07:13 PM
نلتقي بعد الصلاة بحول الله
سلام
تميم بن محمد
2016-02-16, 09:26 PM
وين راح الشايب سحاب الله يرده بالسلامة
سحاب شقراء
2016-02-17, 08:52 AM
هلا ومرحبا يبو محمد
عزالله انه حسر بكم ذا الحاشي وخذ حقه منكم هههههههههههه
سالفتكم هذي كنها سالفتنا ونا توني جذع على وقت بيوت الطين انت خابر كل بيت فيه بقره هي السوبر ماركت او البقاله للبيت
وذا جت العطله حقه المدارس نسميها العطله الطويله نجي انا وهلي على ددسن غماره وحده للرياض وطبعن البقره هي الاوله نحطها بالصندوق ونركب معها انا وخواني ونروح للرياض المهم يوم وصلنا وجينا نبي ننزلها وذكر في شارع العطايف وهي الي تنطلق وتنحاش ونت خابر الرياض منول والزحمات الي فيه شي مايصدق
وهي تركض بين السيارات ونحن وراها تقل مهبل ونطلقو هههههههههه ولا يردها الا شارع الخزان ونحن وراها حدها حدها ولا نمسكها الا عند حديقه الفوطه ونجيك نمشي ونحن ماسكينها نزهو بالفرح والفخر معنا بقره وش تبي بعد اكثر هههههههه
والناس تمشي ورانا تقول موكب ونستاجر حوش عند خبابيز ونحطها فيه
تميم بن محمد
2016-02-17, 10:49 AM
انا كتبت رد و مدري وين راح
على طاري البقرة. اذا انحاشت مالها حل تقوم تعنفص و ترفس و ياويل اللي يقربها
زمان كانت البقر و الغنم تسررح في الشوارع مع الناس و الامر عادي
اذكر بقرة مدري وش جاها و انطلقت الى فيه بيجو لجيراننا وهي تصدمه و تدخل جنبه البابين و قامت تركض كن ما صار شي
طبعا يخلونها تسرح عشان تكرم تعلف من الزبايل . و اذكر عمال النظافة كانوا عمانيين و معهم العربية حقت عمال البناء الخضراء ام كفر واحد و كانوا يكبرون حوضها بصناديق البرتقال ام اسيام صناديق قديمة انقطعت الان من السوق عشان العربية تشيل اكثر كمية عزكم الله من الزبايل و اذكر بعضهم معه حمار و نفس طريقة العربية يحط كراتين على الخرج عشان يحمله اكثر
اما راعي القاز اليماني عربة يجرها حمار تكرم و السامعين و اذا مر مع الحارة نفتح الحنفية حقت برميل القاز و ننحاش و خذ يا مطارد و راعي الهريسة في صينية فوق راسة ولازم جمرك او نحوس شغله
تميم بن محمد
2016-02-18, 06:33 AM
صباح الخير يا سحاب
ليش ملبد ؟
تميم بن محمد
2016-02-18, 06:35 AM
لاهي مع الربع اجل هههه
أبو سيرين
2016-02-18, 08:18 AM
العم سحاب والأخ تميم
صراحة سواليفكم ما تمل بيض الله وجيهكم
في الأيام الماضية انشغلت فالمعذرة
واصلوا الكل متابع هذه الموضوع الذي يعتبر بالنسبة للكثير هام جداً لأنه يذكرنا بالماضي .
تحيتي وتقديري
ولكم مني أحلى تثبيت وباقة ورد :038:
:ordh::ordh:
تحيتي وتقديري
سحاب شقراء
2016-02-18, 08:32 AM
هلا ومرحبا يبوسيرين وين الغيبات يالغالي
الحمد لله على السلامه
تميم بن محمد
2016-02-18, 11:18 AM
العم سحاب والأخ تميم
صراحة سواليفكم ما تمل بيض الله وجيهكم
في الأيام الماضية انشغلت فالمعذرة
واصلوا الكل متابع هذه الموضوع الذي يعتبر بالنسبة للكثير هام جداً لأنه يذكرنا بالماضي .
تحيتي وتقديري
ولكم مني أحلى تثبيت وباقة ورد :038:
:ordh::ordh:
تحيتي وتقديري
المشرف الفاض ابو سيرين
المثل يقول البخيل من بخل بجاهه
هذي سوالف زمان و الكل يحن للماضي الجميل و يجب تداولها لكي يعرف البعض ما ضينا الجميل و بساطته
لكن عندي كيبورد ماكل سمسم و غاص و الحرف كود بشاكوش عشان يكتب و حالتي حالة كود اقلبه عشان يطيحن حبات السمسم ولي شهر على هالحال صاير زول ههه
لكن ابشر بعزك.صحيح مشغول مع الفيلا الجديدة لكن بحاول اسرق بعض الوقت لكم
تميم بن محمد
2016-02-18, 11:29 AM
يا سحاب ترى الواتس اب مجاني و رقمي عندك له شهرين خلنا نتواصل واتس اب عشان فيه سوالف ما تصلح بالعام يعني خذ و خل وان بغيت شطة و كتشب
سحاب شقراء
2016-02-18, 12:37 PM
هلا بالغالين ومرحبا
انتم خابرين منول كل بيت فيه بقره لانها هي السوبرماركت
كلش منها الحليب واللبن والزبد والروب او الزبادي
المهم عندنا بقره جرسيه ههههههههههه ذيك الي تجي وش كبرها بس رجلينها صغيرات
والمهم بعد انها غثتنا تثاغي طول الليل ماخلتنا نرقد
ونتم خابرين وشي تبي جزر بلا جزر مار ماعندها في احد الا بغت الثور
وهي تثاغي مثل الي تقول ودوني لبونا ودوني لبونا تقصد الثور
قالي ابوي ياملا الفردوس يالله ياسحاب نبي نربط البقره ونوديها للثور عاد بقر شقراء كلهن رجلهن ثور في مزرعه اسمها الحميضيه جنب البيوت مهيب بعيده
ويربطها ابوي بحبل يجي له خمسه امتار او اكثر وبوي يقولي جودها ونا ابوك لياها تنطلق وقوم من زود الحرص وربط الحبل في يدي كله اخاف انها تنحاش
انتم تسمعون بشوط البقره ههههههههههههههههه
وهي تصير مربوطه طول السنه ولا انطلقت من رباطها اللهم عافنا تنطلق وهي رافعه ذنبها بسرع شي
ويوم فتح ابوي الباب حق الحوش ونحن نبي نزف البقره مثل العروس
وهي شافت الباب مفتوح ولا ماشافته وهي تنطلق ونا وراها اصلن الحبل مربوط في يدي وين ابا اروح ونا عاد عصقول يعني نحيف وهي الي تجرجرني ونا على بطني وغبرتي واصله السماء
وبوي يركض وراي وكل من شافني يركض وراي ونا صاير كني ثوب مافيه احد يعني قماش بس
وتزلطت سيقان سلوا هههههههه اعاني روحي
وتقطع ثوبي كله مني ولا وشوله اسوي عنتر عند ابوي وربط الحبل في يدي
وفي الاخير ونا بين الحيات والموت مسكوها رجال ويوم خذت نص ساعه وياصلني ابوي وهو يقولي عساك سالم قلت لا انا سحاب
وش سالم سالم تبن بوجه العدو حتا في راسي فلقه ويصب الدم
تميم بن محمد
2016-02-18, 01:20 PM
اذكر اذا بغوا الثور يلقحها يحطون راسها في شغنة اثلة مثل حرف في v و يسقطون خشبه بين الاثلة و قرونها عشان ما تتحرك و يصير الثور يرجع ريوس عشرين متر و يجيك منطلق للعشيقة و كان فيه مصري حان البقرة يوم شاف الثور يرجع و يجي مسرع و قام الخبل و طلع في وجه الثور يبيه يهدي سرعته قام الثور و شاله سماء مترين فوق عقبها المصري ما صار يحضر التلقيح يقول شفت الموت
تميم بن محمد
2016-02-18, 01:23 PM
سحاب عساك عرفت تفتح الخاص؟
السلام عليكم
الحمد الله على السلامه شاعرنا الكبير .. سحاب الخير . وعودا حميدا انشاء الله
تقبل مني كل الوود والتقدير لشخصك الكريم
تميم بن محمد
2016-02-18, 05:13 PM
وعليكم السلام ورحمة الله وبركاته
حياك الله شاعرنا عايد بالنيابة عن شايبنا سحاب شكله لقط العجوز وسرى وياها حدى الشعبان يلقطون فقع ههههه
مع انه موجود تحت بس ما رد قت ارد عنه و المعذرة
أبو سيرين
2016-02-18, 08:53 PM
هههههههه
والله إني مت ضحك
أجل الصعيدي ما قدر للبقره ههههههههه
يتورالي يا عم سحاب إن ظهرك بأسباب شوط البقره هههههههههههه
يـا سـحــاب الـيـوم مـا ضـاق المكان
فـــيـك والـمـجـلـــس بـدونـك يـنـدثـر
الـبـس الـبـشـت وتـحـصـن باللســان
واقرى بعض الذكر وانفث في الصدر
أنـت شــــيـخ ونــادر بـهــذا الـزمـان
والـحـسـد في الناس يـفـقـدك الـعـمـر
يـطـــرح الـنـاقــه وتـغـلـيـهـا الجفـان
مــا تـفــوق الا وعـظـامـك في الـقـبر
:ordh:
أبو سيرين
2016-02-20, 09:12 AM
عـندك اسـلـوب الـسـوالف نـادر وحلـو وفكاهي
لا سـمعت السـالفـه منك ارمي كل اللي في يديّه
انجذب لك كني مسحور أو طفل شــاف الملاهي
أو رضيع وعينه في عين امه في صبح وعشيّه
كيف يـا شـيخ الـقـضـية تـرفـع بـغــدر الشفاهي
مـا دروا في حـيـلـة الـمـحــتال لا حـــسّ بـأذيّـه
الـعــذر مــا هــو بـعــذر والحكم متسرع وواهي
والـتـهـم تـرمى مـثـل رمـيـك رصــاص البندقيّه
وانـبـرى منهـم بـنـاخي فـيـه مـن زود الـتـباهي
الـعـجـب والـسـلـطـويه تـرمي ابـن آدم ضـحـيّه
الـحـيـاه اخــذ وعـطـا دام الأمــر دون الـنـواهي
لا تـشـب الـنـار وتـثـور وتجي مـنـك الـخـطـيّـه
ارفــع ايـديـك وبـأعلى الـصـوت اشـكي للألاهي
هـو نصــيرك لا ضـعـفـت وجـاك منهـم مظلميّه
واسـئـلـه يـا شـيـخ يكفـيك المشـاكل والـدواهي
مـا خـفي منهـا ومـا يظـهـر قـبل وقـت الـمـنـيّه
:ordh:
سحاب شقراء
2016-02-21, 08:11 AM
السلام عليكم
الحمد الله على السلامه شاعرنا الكبير .. سحاب الخير . وعودا حميدا انشاء الله
تقبل مني كل الوود والتقدير لشخصك الكريم
هلا ومرحبا ومسهلا بالغالي
هلا عايد بشرني عن صحتك يابعدي عسا امورك طيبه ارجو من الله ذالك
اسفرت ونورت شرفتني لا عدمتك
سحاب شقراء
2016-02-21, 08:13 AM
سحاب عساك عرفت تفتح الخاص؟
هلا يبو محمد ومرحبا
اعلمك بعدين ان شاء الرحمن الرحيم :a_laugh2:
سحاب شقراء
2016-02-21, 08:35 AM
هههههههه
والله إني مت ضحك
أجل الصعيدي ما قدر للبقره ههههههههه
يتورالي يا عم سحاب إن ظهرك بأسباب شوط البقره هههههههههههه
يـا سـحــاب الـيـوم مـا ضـاق المكان
فـــيـك والـمـجـلـــس بـدونـك يـنـدثـر
الـبـس الـبـشـت وتـحـصـن باللســان
واقرى بعض الذكر وانفث في الصدر
أنـت شــــيـخ ونــادر بـهــذا الـزمـان
والـحـسـد في الناس يـفـقـدك الـعـمـر
يـطـــرح الـنـاقــه وتـغـلـيـهـا الجفـان
مــا تـفــوق الا وعـظـامـك في الـقـبر
:ordh:
ياهلا ومرحبا جعل ربي مايحرمني من محبتك امين
جعل ربي يرفعك بعلا مكان
بعالي الفردوس وحظك مندثر
يانظيف الروح والقلب والبنان
جعل يومي قبل يومك بالقبر
ودي اكتب اكثر بس عندي ناس اشغلوني هههههههههه
سحاب شقراء
2016-02-21, 09:02 AM
انا معلمكم يومني مواجر شايب يبني عندي جدار طايح في نخلي في شقراء
المهم اني واجرته يجي ويخلط الطين مع التبن في وجه العدو
وجاني الشايب وبدا يخلط الطين ونا عندي غنم نجد يجيلهن 70 راس ومعهن خروف بس ذاك مهوب خروف ذاك اسد غضنفر تصدقون اني ماامشي الا ومعي جيلون ورابط فيه حبل ورابط فيه عود علشان الا جاني يركض اهوشه بالجيلون وقعد اضرب في الجيلون الين يخاف وبعض المرات والله ماعنده فيني ولا في جيلوني ولا يردني الا وحده من النخل ارقا وخليه وبعض المرات يقعد في حوض النخله يبيني بس احول يوسع صدره علي هههههههههه
المهم جاني الشايب وبدا يخلط الطين ونا الله يغفر لي ماعلمته عن الخروف
ونا جالس منيب بعيد عن الشايب وشوف الخروف يناظر الشايب وهو جايه من وراه والشايب مطمن يخلط الطين علشان يبي يلبن ثمن الا يبس اللبن يبني
ويجيه الخروف يمشي الف من وراه ولا درا الشايب الا الي يهبده مع مقعدته ويدخل راس الشايب الا حد الكتوف في خلطه الطين ههههههههههههه ويوم طلع راسه ولا وش اشوف مافيه ملامح ابد ونسدح من الظحك السالفه اطول وبعدين اكملها
سحاب شقراء
2016-02-22, 12:56 AM
يالله تحييهم
اذكر ونا في نخلي في شقراء كل من جاني مسير وجا يبي يروح مالقا نعاله ههههههههههههههه
ونا شكيت في العامل ولا وشو ذالي يجي وياخذ النعال ولا ندري عنه
قلت للعامل تعال وين وديتا نعالي ونعال الرجال قال انا مافيه معلوم
وكل من سير علي يروح لبيته حافي ههههههههههههههههه
ونا مثلهم اجل شاري تكرمون نعال باتا وتنسرق وبس ماجاني النوم ذيك الليله متحسر على الباتا
تذكرونها الباتا :a_laugh2:
وقعد اتصيد للسروق وشتري باتا ثانيات وحطهن عند الباب وتوزا ابا اشوف السروقي منهو:z-attack: ومادريت عقب ساعه الا بالسلوقي يعني كلب يجي من برا المزرعه ويعض النعله ولحقه وهو مايدري من بعيد وشوفه يحفر في الرمل ويدفنهن هههههههههههههههه لا يالجعري هذا ونا قبلي احطله اكل وماء تاليها يسرق نعالي ونعال ضيوفي
وروح ولقا كل النعال مدفونه وطلعهن كلهن صرت كني باسط بنعال من كثرهن ههههههههههههه
وعلم ربعي كل واحد يجي يشوف نعاله وياخذهن
وكلهن لقيتهن الا نعالي الباتا مالقيت الا وحده عجزت القا الثانيه لا يالحرمي يالسلوقي
ترا منول اول ماجت نعال البلاستك طلعت اشاعات يقولون تراها تسبب الصرطان هههههههههه
ومنول اذكر في شقراء وذكر يوم توه ميت الملك فيصل الله يرحمه يعني مهوب شي بعيد مره مسكو واحد من اهل شقراء كان معه رادو صغييير وقبله حاطه عند اذنه اكيد صوت الرادو ضعيف او ان سمع الرجال ضعيف ويمسكونه يقولون يخابر مع اسرائيل ههههههههههههههه
وكبر اعدائنا منول ابليس وسرائيل هذولي هم الي غاثينا :wallbash:
تصدقون اول ماطلعت الروادو كانت من اكبر المحرمات في شقراء
لانهم يقولون ان الي صانعه ابليس يبي يلهي المسلمين عن الذكر والصلاه ترا كلامي واقعي صحيح انه مايصدق بس هذا واقعنا منول وكثر بعد بس خلوني ساكت ولا فيه اشياء اكود من الرادو :038:
وكانت الروادو يهربونها تهريب هي والتتن :icon30:
هلحين شوفو في القصيم سيارتين الا هلحين موجودات في حوش الحبس مصادره بسبب تهريب التتن
أبو سيرين
2016-02-22, 08:19 AM
ههههههههههههه
ذكرتنا في أحسن شبشب في الثمانينات ههههههه
وصراحة تصرف غريب من الكلب وش لاقي في الشباشب هههههه
الـعـبـر تنجي ابـن آدم
مــا تـقــدمـهم ضـحيّه
لا تـخـوض وتنثر الدم
واحـترم نفسـك شـويّه
مـا نبي الـبـيـت يتهدم
وتـنـدم وتبكي الخطيّه
مـا نـفـع شـيخ ومقدم
سـلـطـتـه والـعـنـتريّه
:ordh:
الركام
2016-02-22, 09:35 AM
شكرا لك سحاب شقراء متابعين ومستمتعين
وجزاك الله خيرا
كـل ماسـولـفــت في ذيـك السـنين
ماضي الاباء والـوقـــت الــقـديــم
جا لها في الـقـلـب تذكار وحـنـين
ياعسى من مات بجنات ونـعيـم
سحاب شقراء
2016-02-22, 03:04 PM
ههههههههههههه
ذكرتنا في أحسن شبشب في الثمانينات ههههههه
وصراحة تصرف غريب من الكلب وش لاقي في الشباشب هههههه
الـعـبـر تنجي ابـن آدم
مــا تـقــدمـهم ضـحيّه
لا تـخـوض وتنثر الدم
واحـترم نفسـك شـويّه
مـا نبي الـبـيـت يتهدم
وتـنـدم وتبكي الخطيّه
مـا نـفـع شـيخ ومقدم
سـلـطـتـه والـعـنـتريّه
:ordh:
انا من عيال ادم
وبي شعور وبي حميه
وطيبتي شفهاترادم
وماتطيع الشور بيه
ومن دنق يلقاالعوادم
ومن رفع نارن لظيه
لوتصير للناس خادم
جك اذيه من اذيه
سحاب شقراء
سحاب شقراء
2016-02-22, 03:07 PM
شكرا لك سحاب شقراء متابعين ومستمتعين
وجزاك الله خيرا
كـل ماسـولـفــت في ذيـك السـنين
ماضي الاباء والـوقـــت الــقـديــم
جا لها في الـقـلـب تذكار وحـنـين
ياعسى من مات بجنات ونـعيـم
امين يالغالي الركام الله يغفر لهم ويرحمهم ويرحمنا الا صرنا الاماصارو اليه
ياجعل ربي يسعد قلبك ويمتعك متاع الصالحين
سحاب شقراء
2016-02-22, 03:15 PM
ابو محمد له فقده
او مع السحاب ويطارد المطر
ارجو له الصحه والسعاده الي تغمر قلبه
سحاب شقراء
2016-02-22, 05:04 PM
هلا ومرحبا بالغالين
فيه سالفه حصلت لناس رايحين يقنصون ارانب وذا الكلام موووووبطي قبل يمكن 70 سنه وحولها
المهم راحو للمكان الي فيه ارانب وحطو عفش الرحله في غار مهوب بعيد وخلو واحد منهم يجلس يسوي العشا لهم والباقين راحو يصيدون ارانب
الرجال الي جالس يسوي العشا جالس في باب الغار والغار كبير وداخل في وسط الجبل من طوله
المهم الرجال قاعد يطبخ وينفخ ولا درا الا بذيك الجنيه طالعه عليه من وسط الغار وجالسه تدلع لسانها عليه وهي في مكان قريب منه ولها شوشه منتفشه وتروع الرجال شافها ولا ماشافها وهو يجيك منطلق على رجليه ركض يصيح على ربعه الجنيه الجنيه باغي يزوغ عقله وينهبل ههههههههههههه الله لا يلومه
المهم جو يمه ربعه وقعدو يقرون عليه ويسمون عليه
وقالو وش الي حاصل قال الي حاصل طلعت علي جنيه ولها شوشه منتفشه وتروع وتدلع علي بالسانها ههههههههههههه
ولا فيهم رجال كبير شوي يعني في الستينات وحولها وقال تعال وريني الجنيه
ويوم وصلو الغار ولا هذيهي في مكانها ويقرب منها كبيرهم وهو يقول وش انتي يالماخوذه ويقرا من كتاب الله ايات ويقرب زود يوم نحاشت داخل الغار ولا عشاهم زاهب بس هي نكدت عليهم
وقال كبيرهم تعالو يالربع نبي ناكل عشانا ونغير المكان
ويوم نكبو العشا ومادرو الا يوم جتهم مره ثانيه وقربت منهم وهم ياكلون ويقوم الشايب وينكب لها رز ولحم ويحطه في صحن ويوديه حولها وهي الي تجي وتاخذ الصحن وتاكل الي فيه كله هههههههههههه جوعانه ضعيفه
وينزلون من الغار ويروحون للشعيب تحت الجبل ويجون عند ذيك الشجره وينزلون اغراضهم وشوي ولا فيه شايب جايهم ويسلم عليهم وقالهم ياجماعه الخير ماشفتو بنت مجنونه هنيا
قالو الا بلا شفنا جنيه في وسط الغار هذاك قال هذي مهيب جنيه هذي بنتي مجنونه وكنت رابطها عند بيت الشعر ورحت للحلال ويوم عودت مالقيتها
فكت رباطها ونحاشت ونا من الصبح ونا ادور عليها
ويروح الشايب يم الغار وشوي ولاه جاي يمشي ورابط الجنيه بحبل وهي تمشي معه
النبهاني
2016-02-23, 10:01 AM
السلام عليكم ورحمة الله وبركاته
اخواني واخواتي الأعزاء
الله يجعل اوقاتكم كلها هناء ومسرات
طبعا اخيكم متابع معكم من قديم لكن بدون مشاركات
واليوم حبيت أشارك معكم بهذه السالفه متمنياً ان تحوز على رضاكم
--ْ
قبل كم سنه كنا ثلاث أشخاص اصدقاء مع بعض دائما وبيننا ميانه كبيره
وساكنين في احد المدن من مدن مملكتنا الحبيبه طبعا اثنين متأهلين وثالثنا عزوبي
وفي يوم من الايام صاحبنا العزوبي عزمنا على الغدا ولزّم علينا وقلنا له تم والله يقويك
عقب صلاة الظهر جيناه بشقته طبعاً لحاله ساكن وقعدنا نتقهوى ونسولف والكاتم يدهر بالمطبخ
وشوي يقوم للمطبخ يبي ينكب الغدا .. تاخر علينا ونسمع القربعه .. رحنا للمطبخ
وش السالفه يابو فلان قال القدر انكسرت عروة طباقته
حاولنا به وجبنا زراديه ومفك ونقعد كلنا نغلغل هالقدر نبي طباقته تنفك وعجزنا عنه
قلنا له .. اتركه وابشر بالعوض ونروح لاي مطعم ونجيب منه غدا
قال ابد ما أتغدا الا من اللي بها القدر ان شاء الله
رفيقنا عنيد وراسه يابس . ويقوم العنيد ويلقط القدر ويلهلمه بهكالجريده وقال تخاوونن والا تحترونن قلنا الا نخاويك لكن وين
قال بس امشو
ركبنا السياره وقعد يفتر بنا بهالشموس وهالحر
كانت الساعه حول ثنتين ونص
قلنا انت وين تبي وش تدور قال ابي بنشر .. هاه هاه وش تقول .. بنشر
قعدنا نراعي بعضنا وقمنا نضحك المهم لقينا محل البنشر ودخلنا عليه بقدرنا
طارة عيونه البنشري وتفتحت مناخره ولسان حاله يقول هذولا وين الله حذفهم علي
وبعذره الناس تدخل عليه بكفر وحنا بقدر
قال البنشري وش تبون قلنا نبيك تفك لنا طباقة هالقدر
ماقصر البنشري ثبت القدر واستسلم القدر لكن وشو عقبه وتجيه كم صقعه بالليور والمطرقه لين تخلخلت الطباقه قلنا بس .. بس .. يكفي
ونعطيه 5 ريال حق بنشرالقدر
ونلهلمه بجريدته وننكس للشقه وندخل ونحط الغدي ونقعد ناكل وكركرتنا يوحيه كل الجيران
ونقول بالغدي ونخلي الصحن يلق مايبي غسل يبي رفع بدروج المطبخ
ونلتفت للقدر القضيه ونستدنيه وناكل الحكاكه وحنا نكركر
وما مر علي بحياتي ألذ من غدا هكالقدر اللي طعمه بالراس الى هالحين
وسلااااااامتكم
غفر الله لي ولكم وللمؤمنين والمؤمنات والمسلمين والمسلمات
محبكم النبهاني
أبو سيرين
2016-02-23, 11:35 AM
حياك الله أخوي النبهاني بين أخوانك
ههههههه لو أنا من البنشري اترك البنشر واهج
ههههههه
أقرب شي بيتبادر لذهني هو أن هذا القدر فيه متفجرات هههههههه مثل ما حصل في أمريكا حيث استخدم قدر الضغط في التفجير
لكن أبو يمن ما عنده لو تجيب له سكود
هههههههههه
أمتعتنا بهذه السالفة وأعتقد لازال في جعبتك الكثير فلا تبخل بما لديك
وشكراً لك
تحيتي وتقديري
وهاي ورده
:ordh:
سحاب شقراء
2016-02-23, 02:53 PM
متعك الله بالعافيه يالنبهاني
ههههههههههههههه ذكرت واحد نفس سالفتكم طابخ في قدرضغط والظاهر صناعته ايراني او صيني
المهم انه انفجر القدر ولا تشوف الا علوب الحبحر يتدودلن من السقف والرز صاير مثل رشه الجدران ههههههههههههههههههههه
فكه الله انه مهوب عنده يوم ينفجر
سحاب شقراء
2016-02-23, 10:45 PM
بسم الله صلى الله على محمد
الابذكر الله تطمئن القلوب لااله الا الله وحده لا شريك له
يالله تحيي الغالين كلكم صغيركم وكبيركم ذكركم ونثاكم وليا حيا كثر وليا كثر تنثر
هذي السالفه على شرف الغالي تميم بن محمد - ابو محمد جعل ربي مايحرمني من محبته امين
ترا الواحد يالغالين ايام الشباب يجي منه بعض الامور بس لا تبنون عليها الا هلحين ذاك وقت وطيش
خل اعلمكم انا يومني توي غض يعني صغير ياربيه ماودي اقوله بس ابا اقوله
سرقت سيكل الخبابيز ابو ثلاثه كفرات ههههههههههههههههههههه
بدت العلوم الرديه تظهر هههههههههههههههههههههه
انتم خابرينه يجي ثقيل كانكم تذكرونه الي يجي له صندوق قدامه وفيه كفرين وكفر ثالث يجي ورا
ترا في طاش ماطاش جابو مثله القصبي والسدحان يوم انهم يبي يقدمون على الظمان الاجتماعي الشايب وولده
المهم السيكل يجي ثقيل يبي واحد نشيط علشان يسوقه وهو مخصص لتوزيع الخبز منول يعني تجي للخباز وتعطيه العلاقيه حقه الخبز ثمن تقول ابي بريال تجيبه بعد صلات الفجر ويوصلونه لك يازينا ويازين شغلنا كله مهوب مثل ذا الوقت الماصل
المهم مريت ولقيت سيكلهم وهم يخبزون يعني موجودين بس مراهقه وشباب ونشاط
وجي وجر السيكل حق الخبابيز وركب عليه ومر من عند باب الخباز ويشوفوني اللهم عافنا وينطلقون وراي جيب السيكل ياجني جيب السيكل ياجني هههههههههههه ونا يالله اقوا ادرجه ودخل بهم من عند سكيك البيوت الطين ونتم خابرينها تجي ضيقه وذا الزيود وراي واحد منهم معه العصا حقه الخبز الي يخبزون فيها
ونا جايب جهدي ولا والله هم وصلوني ولف مع ذيك السكه نسميها في شقراء سكه سبع الملاف لان كل شوي تجيك لفه المهم لفه لفتين وعلشان السيكل ثقيل وصدم في الجدار وطيح انا والسيكل وينكسر سيكلهم نصفين
ياويلك ياسحاب ويلاه ونا الي انطلق منحاش والزيود وراي بس ولو علي عصاقيل يجي فيهن لهب الا اسرعت اقصا سرعه هههههههههههههه
بس يالله تسامت على ذا العصاقيل هلحين من شافهن يقعد يتفكر وشلون ذا العصاقيل شايله ذا الجسم
تقولي اختي مره يوم شافت عصاقيلي ياخيي مدري وشلون يشيلنك سبحان الي خالقهن ويتحملن الثقل عليهن
والصدق صدق حتا انا اتفكر فيهن سبحانك ربي تصدقون بصبع السبابه والاصبع الكبير يتلاقن الاصبعين في محيط سيقاني صاير كني وزاره الداخليه من فوق كبيره ومن تحت نحيفه
هذي وحده من الشقاوات والثانيه طال عمركم
انتم خابرين منول كل باب بيت يكون فيه خيط تسحبه وتدخل للبيت امن وامان مانخاف يجي غريب ويدخل ابد ابد
المهم تهاوشت انا وحرمه وهي سليطه اللسان وكل ماتشوفني تقعد تهوش علي ونا ماسويت لها شي بس فاحش عليها ابليس
المهم يوم مريت من عند باب بيتها ولاها واقفه في الباب وتقولي وش تبي انت هلحين جاي من عند بيتي قلت هذا السوق مهوب بيتك وتحلتني بعصا معها وضربتني مع ظهري قلت والله ماخليها
وكان عندنا في شقراء البقر يمشن في الشوارع تقول افلام الامريكيه من كثرهن
ويجي ذاك اليوم ويجي حول سبع بقر وقوم وفتح باب بيت الحرمه ودخلهن عليها ومعهن ثور بعد وصك الباب عليهن مراهقه مراهقه ههههههههههههههه
ومادريت الا بالحرمه تطلع من بيتها وهي تقول الحقوني يالمسلمين ههههههههههههه راثعن فيها البقر وسط بيتها
ونتم خابرين البقر الا استنكرن المكان يجيهن حاله نفسيه
المهم يوم طلعت الحرمه من بيتها هي ومعها بزرين وتشوفني ثمن قالت والله انه كله تحت راسك ياحصان بليس انا ياسحسح حصان بليس
وراحت وعلمت ابوي علي وقالت له ترا ولدك مدخل علي في بيتي بقر عبد كلهن وعبد هذا واحد من اهل شقراء عنده بقر واجد جعله للجنه البارده
المهم مسكني ابوي ورنني الين قلت التوبه ههههههههههههههه
شباب ومراهقه بس تراي هلحين دابه سليمه امشي مع الساس وقول يالله السلامه
وسع الله صدوركم يالغالين بالعافيه وجمعنا في واسع رحمته ووالدينا وكل مسلم
وسبحان الله العظيم
وسبحان الله وبيحمده
عدد خلقه وزنه عرشه ورضا نفسه ومداد كلماته
الركام
2016-02-24, 01:10 PM
من أبيات الشاعر عبدالله بن محمد الصبي، المتوفى عام 1371ه عن عمر يقارب 71 سنة، رحمه الله وهو شاعر معروف من أهالي شقراء
ياحيسفا ياداري اللي غدت قوع
تلاوحوها بالعتل والفواريع
أطول خشبها قايسه مايجي بوع
واقصارها كنه عظامة كراسيع
دار أولين كنها بيت جربوع
نصف مداخيل ونصف مطاليع
مانيب عن تصريف داري بممنوع
احطها حيشان والا مرابيع
والله لولا الحبل مثني ومربوع
على السواعد ليتين بتربيع
لاقول :يادلال بالسعي منفوع
لي منك مجهودك ولك مني البيع
سحاب شقراء
2016-02-24, 03:47 PM
عبدالله الصبي أنموذجاً
تنوع أغراض الشاعر دليل على تمكنه ..وإبداعه
http://s.alriyadh.com/2016/02/24/img/224065254269.jpg
دار الشاعر الصبي التي تغنى بحبها
ناصر الحميضي
الشاعر الموهوب تتحرك قريحته وتتأجج في مواقف عديدة تعرض له طوعا وأحيانا قسرا، تكون بالفعل مؤثرة تدفعه إلى أن يعبر عن شعوره بقصيدة أو أبيات تدل على تفاعله مع الحدث. ومن المعروف أن الحياة كلها مليئة بالمواقف وأبرزها مواقف السفر والفراق، والفقر والحاجة، وتفرق الأصحاب، وبعد الديار وتذكر الأهل وأيضا ما يستجد في حياة الشخص من وظيفة وعمل وشراء ملك جديد أو بناء دار أو تجديد، وأيضا رغبة الشاعر في الفكاهة وتقديم ما يبهج نفوس الحضور ويرسم الابتسامة على وجوههم وأيضا تلبية موهبته الشعرية.
بعض الشعراء يغلب على شعرهم غرض واحد بينما يتنوع طرح البعض الآخر بحيث تجد كل الأغراض في ثنايا قصائده.
نتناول هنا شيئا من أبيات الشاعر عبدالله بن محمد الصبي، المتوفى عام 1371ه عن عمر يقارب 71 سنة، رحمه الله وهو شاعر معروف من أهالي شقراء
هذه الأبيات لا تتحد في غرض واحد ولكنها تعطي فكرة واضحة عن تنوع الظروف وتجاوب الشاعر مع جميع تلك الظروف بقريحة معطاء وموهبة تستجيب لأي طارئ في حياة الشاعر.
فعندما بدأ الترميم في داره، وصارت ركاما متهدمة وسقطت جدرانها القديمة وأبوابها وأخشابها البالية، نظر إليها وللعمال في أيدهم ما بين فاروع وعتلة يهدمون الدار فقال :
ياحيسفا ياداري اللي غدت قوع
تلاوحوها بالعتل والفواريع
أطول خشبها قايسه مايجي بوع
واقصارها كنه عظامة كراسيع
دار أولين كنها بيت جربوع
نصف مداخيل ونصف مطاليع
مانيب عن تصريف داري بممنوع
احطها حيشان والا مرابيع
والله لولا الحبل مثني ومربوع
على السواعد ليتين بتربيع
لاقول :يادلال بالسعي منفوع
لي منك مجهودك ولك مني البيع
قال القصيدة وهو يتحسر ويتحسف على داره التي أجبرته ظروف ترميمها على هدمها وتغيير الكثير فيها وخسارته أيضا في مثل هذا الترميم، فقد أشار في هذا البيت إلى تحمله الديون والمطالب.
هذه الدار التي انشغل الشاعر في حينه بما جرى لها وأخذت من اهتمامه الكثير حتى صارت هاجسه، وقال فيها قصيدته تلك، حظيت اليوم بعناية المهتمين بالترميم والسياحة وجمال القديم وإظهاره بالصورة الحسنة لكي يكون نموذجا يعكس حياة الأمس.
لقد تم ترميم دار الشاعر عبدالله الصبي بشقراء، بشكل لو رآها اليوم لم يكتف بقصيدة واحدة تعلن فرحته بالمشهد الذي بدت به، حتى أن بعض قصائده صارت على باب داره وكأنها تعيد ذكرى هاجسه الذي آلمه يوم هدمها وترميمها الأول .
وفي غرض آخر يقول الشاعر من قصيدة مدح وثناء في الملك عبد العزيز:
قبل أبو تركي وحنا مع الدرب المتاه
في سواريت الجفا بين ماسور وقتيل
شيخنا لازال يرفع لنا طيّب نباه
حطه الباري على نجد واطرافه وكيل
وغالبية الشعراء ومنهم الشاعر الصبي كتبوا عن الفقر، فمرة يتم تخيل الحوار بينهم وبينه، ومرات قالوا عنه مباشرة موضحين المعاناة التي تصيبهم من الفقر والحاجة وهي أشهر ما يعاني منه أهالي البلاد الصحراوية في زمن مضى، وقولهم ذلك ليس من باب التشكي فقط بل من باب الفكاهة أحياناً، وأحيانا من باب المشاركة الاجتماعية لمن حولهم وهم يعلمون أنهم فقراء فيكون لقصائدهم القبول والجماهيرية.
هذه أبيات للشاعر مشيرا إلى الفقر وأنه يسكن داره قد آلف البقاء بها يقول فيها:
الفقر فوق جدار داري بنى دار
مستانس ماجاه مني مناكير
دار أولين كلها عش وغبار
كن السحا فيها محامل عصافير
هذا القول في وصفها والفقر فيها قد بنى له دارا واستقر بها عنده.
وأما موقع داره فإنه يصفه بالخطر من السيل ويعترض على من بناها بجانب بئر المسماة (القرشا) فيقول:
يبني بها بيت على جال مهيار
دار على القرشا خشبها جذامير
و(القرشا) بئر واسعة تقع دار الشاعر قريبة منها، فالبئر إلى الشمال منها بأمتار، يتجه السيل إليها وتعد مصرفا له، وهي بالفعل بئر منهارة الجوانب السفلية منها وفيها خطورة على الدور التي بجانبها، مع أن خطر البئر ليس على داره وحده بل هناك دور في موقع أخطر منها لكنه في حاجة للبحث عن أي شيء يصف به داره يقلل من شأنها، وامتدادا لما قاله عنها:
دار أولين، يعني قديمة من زمن الأجداد الأولين، وخشبها جذامير وهي الأخشاب الضعيفة المشابهة لعسبان النخل اليابسة، كما ذكر السحا ويعني بالمسمى هذا (الخفافيش ) واحدتها سحاة، أو خفاش، وهي مبالغة من الشاعر حيث يقول أنها قد وضعت أعشاشها في داره بشكل يشبه أعشاش العصافير، وكلها أوصاف تقترب من التصوير الفكاهي والشاعر يحب هذا النوع من الشعر والغرض الذي يظهر في بعض قصائده سواء عن داره أو عن نفسه ووصف بعض ما يقوم به.
كما قال في أحد أبياته مخاطباً رفاقه وهو في الكويت عندما جاءهم يتبع صوتهم ويريد مشاركتهم في مكان يسمى الصيهد:
سمعت الرد في الصيهد
وجيت اعدي لكم وانقز
كما الكتفان وقت الصيف
تعجبني تناقيزه
والكتفان المذكور هو نوع من صغار الجراد يمشي بالقفز، وقد عبر عنه الشاعر بالنقاقيز مشبها المشي والقفز منه بذلك الكتفان في مشيه وقفزه.
والشاعر له تجارب كثيرة، كما أنه محب للعلم والمعرفة، وأكثر أسفاره كانت للكويت والبحرين لطلب الرزق فعمل في الغوص ووصف البلاد الذي سافر إليها فقال:
رماني ردى حظي على شرق الأسياف
على ساحل البحرين نوخ مراحيله
إذا جاك في تال زمانك سموم جاف
ونجد بتالي الوقت قلت محاصيله
ترحلت من دار لدار بها ميلاف
ولا كل من ساقه زمانه بيافي له
وله قصائد في الجانب الحماسي والفخر كثيره.
وله في الحنين وهو في الكويت قصيدة فيها اشتياق للرفاق الذين كانوا يجتمعون قبل السفر يقول منها:
أنا على الفرقا كثير التحاسيف
وحسايفي مثل الجراد التهامي
والقلب ترعاه الهموم المراديف
رعي الدبا الكتفان خضر النوامي
http://s.alriyadh.com/2016/02/24/img/746751949760.jpg
مدخل دار الصبي بعد الترميم
http://s.alriyadh.com/2016/02/24/img/192650429439.jpg
القرشا بئر تصريف السيول
[/QUOTE]
أبو سيرين
2016-02-25, 08:13 AM
الأبيات والصور أثرت الموضوع وجعلت الصورة تقرب في مخيلتنا عن ماضي الأجداد
يا ليت إذا لديكم المزيد فلا تبخلوا به علينا
شكراً لكما تحيتي وتقديري
:ordh:
سحاب شقراء
2016-02-25, 08:21 PM
ابشر يبو سيرين بس عسانا نلقا شي
سحاب شقراء
2016-02-26, 12:41 PM
السلام عليكم ورحمه الله وبركاته
اذكر يومني صغير كان عندنا شاة غنمه يعني
وكنت اقول هذي لي انا بس واعتني فيها وانا اللي احلبها ولا احد يلمسها غيري
المهم كان عندنا يوم من الايام ناس مصبحين عندنا وشلون مصبحين يعني يجون من الصبح بدري عندنا ولا يروحون الا في الليل وهذي عاده طيبه كانت بين الناس اول بس هالحين انقطعت كل دلا يخاف على بيته لا يتوصخ من البزور اجل وشوله تشتري اثاث غالي وتصك عليه ما علينا من ذا بس
المهم اصبحوا عندنا هكا اليوم ونصير مبسوطيييين على الاخر كلنا لا كبيرنا ولا صغيرنا مبسوط المهم كان عندهم بنات قدي واكبر مني بس ماشاء الله حلوات الله يوفقهن ويستر عليهن المهم ههههههههه وقفوا لحظه تبي تقولون سالب قلوب العذارى تراي استحي واجد ويجيني موقه بعد هههههه
يوم جو اصير انا مولم اغراضي اللي نلعب بها خرابيط يامصاقيل يادبق يانباطه مهنا شي يسوا بس كانت تعني لنا الشي الكثير في وقتها
المهم جلست العب معهم في الحوش عندنا نلعب الصقله بالمصاقيل واللي يحب بين انه يحب
المهم ونلعب وتخليني بنتهم انا اللي افوز لوهي فايزه تقول خلاص انت اللي فزت علي يالله نعيدها ماتبيني اهون عن اللعب المهم قمت اتميلح عندها لاني دريت انها تحبني من نظراتها لي كل ما التفت القاها مركزه علي تناظرني ياحظي منول وهالحين لا ان شاالله مهوب ياحظي ههههه
المهم قلت لها تصدقين اني اعرف احلب الشاة قالت وشلون قلت تعالي اوريك واوديها عند الشاة مهوب شاه ايران لا غنمه عندنا المهم واجيب ذيك الغظاره وادلي احلب الشاه وتعجبت بنت الحلال من البطولات وقلت بعد تدرين اني اعرف احصد بالمحش واروح واوريها وشلون احصد بس ماعندنا الا ثيل تحت العنبه وقعدت احصدشوي قالت ياحظك كلش تعرفه
المهم البنت نظراتها لي احرجتني وادلي ادور شي التهي فيه معاد اقدر وصلت حدي وهي معي من وين مااروح لزقه بس لوتخف علي من النظرات كان احسن قلت لها تصدقيني بعد اني اعرف ارقا النخل واجيب تمر قالت ترقا النخله بعد وتجيب منها تمر قلت ايه بس ماعندنا في حوشنا نخل ما عندنا الا عبريه قلت خل اوريك وشلون ارقا النخله بس ابا ارقا العبريه كنها نخله ناظريني وانا اللي اتشعلق يعني ارقا على جذع العبريه وكل شوي التفت عليها واقول شفتيني شفتيني ومستمر ارقا وكل شوي اقول لها شفتيني وش رفعي وهي تعجب وانا ابي الفكه من النظرات اللي خلتني ملح وارقا زود المفروض انه يكفي معاد بقى شي واصل اخر العبريه وانا كل شوي شفتيني وفجأه وبسم الله واخبط من اعلى العبريه واجيك ملوي بس رحمني ربي بالثيل اللي تحت خفف المصيبه ومن يوم طحت قعدت على حيلي وقلت شفتي وشلون طبيت وانا مدري وين انا فيه بس من الروعه والفشله وتحدث الكارثه وتخمني وهي تصيح وتحببني وش عليكم مني ياللي تغارون هههههههههه بس ترانا بزور وتقعد تقول وش جاك وانا اقول ماجاني شي بس ما اقوا امشي تقحطرت رجلي ههههههه
ومصر ما فيني شي واعربد الكلام عربده مدري وش انا اقول اذكر اني قلت لها تعالي اقعدي عندي على الثيل وانا مدري وين انا فيه كل الدنيا تدور عندي بس الفشيله كايده وانا جالس وممدد رجلي كن ما فيني شي واذكر اني قلت لها جيبي لي ماء ابا اشرب دايخ وتروح وتجيب لي ماء واشرب واشتر شوي بس الطيحه كايده كل الدنيا تون عندي
ثم حس امي جعلها في الجنه وكل مسلم تناديني تقول ياسحاااااااب قلت سمي قالت تعال ابيك وانا امك قلت طيب وانا فيني اثار الطيحه كلش يوجع بس ما ابي البنت تدري وش فيني والا ودي ان ما عندي احد في صيحه تبي تطلع بس مستحي واجي اقوم ماش ما قويت ابي مساعده قلت للبنت وهي ضعيفه مرتاعه قلت تعالي قوميني ما ابي امي تدري ثم يدرون عني كلهم وتفشل المهم قلت ساعديني كن رجلي راقده من القعده وانا اكذب من الطيحه وتجي وتخمني وتقومني وجه لوجه وش عليكم مني هههههههههه ترانا بزور المهم واروح لامي قلت يمه يوه قالت تعال قلت لا تعالي انتي وتجي ياملا الجنه واعلمها اني طايح وترتاع علي بس قلت لها لا يدرون قالت امي مايخالف والبنت معي ودمعتها في عينها ومن الحب ما بكا ههههههه
حـــــارب
2016-02-26, 06:45 PM
ههههههه اضحك الله سنك ياسحاب
سحاب شقراء
2016-02-26, 11:44 PM
ههههههه اضحك الله سنك ياسحاب
ياهلا ويامرحبا يالغالي حارب
هههههههههههههه شفتا وش سوتبي بنت الحلال :038:
شرفتني شرف الله مقامك
سحاب شقراء
2016-02-27, 12:06 AM
السلام عليكم ورحمه الله وبركاته
ابا اسولف عليكم اوسع صدوركم جعلها ما تظيق
ترانا منول الا جت الساعه 7 المغرب تلقانا في سابع نومه وخص في الصيف يازين ذيك الايام وبس
هههههه ايه نرقد من يوم يقول الله اكبر المغرب ويمكن قبل بشوي نرقد قبل الدجاج ونقوم قبل العصافير
اجل مثل ذا الوقت الي معاد ندري وشوالمغرب من الفجر هذا بلانا وهذا شقانا :a_laugh2:
وتلقانا مفرشين في الطايه او السطح فرشنا من مسيان او عقب العصر يمكن بعد يالتوالي تقولون وشو مسيان ههههههههه ويازين بعد الا صرتو في العطله الطويله هذا اسمها منول مدري عنكم هلحين وش تسمونها بس الظاهرذا السنه تبي تصير العطله طويه مثل منول لانها من 19 شعبان الين 17 ذلحجه اربعه اشهر بالتمام المهم الا صرنا في العطله وجو عندنا احد من القرايب من الرياض نجلس نسولف في الطايه وكل واحد يقول له قصه او سبحونه وذكر مره من المرات جلست اسبحن عليهم عن الجن وكان فيه بزور ومادريت الا بالي يصيحون قلت وش فيكم وش فيكم هلحين تصيحون قالو خايفين من الجن هههههههه الله لا يلومهم جايين من الرياض يبي يوسعون صدورهم ونا متقعد لهم بالجن هههههههههههههه وثر ابوي جعله للجنه يوحيني ونا اسبحن عليهم وكان السطح مقسم بجدران ومادريت الا ببوي يقولي سحاااااب ونا قلت سم ونا اتنافض:p (18): ثمن قالي ورا ماتاكل تبن وتسكت روعتهم لياني اجيك واطا في بطنك قلت طيب طيب ابا اسكت وخيط اثمي بس يامصل واحد راقد جنبي كل شوي يضحكني وكل شوي يضحكني ونا مغير كركركركر ونتم خابرين عاد الواحد الا صار ماوده يضحك يضحك غصب عليه ومادريت الا ببوي قايم وجاي يمي وهو يقولي انت ماخليتنا نرقد انت وكركرتك ويلخني لختين مع وجهي ويردحني بيده يوم شنقلت من قو الردحه حتا يومنه يردحني وهو يقولي حه حه ثانيه وخمد الين الصبح ياحيله الله اسبحن عليهم وونسهم والنهايه كفوف ولخلخه هههههههههههههههههههه
تصدقون عاد ان فيه عجوز قبلي اشوفها راكبه على حمار عندهم وطايره عجتها :z-attack: ولا قلت لها وين تبين تروحين يم فلان قالت ابا اروح للبلاد يسمون الديره و البيوت منول والي حولها يسمونها البلاد
وهلحين مصيفه في سويسرا امنت بالله وعليه التكلان من على ظهر حمار الا جبال سويسرا وهنا موقه بعد الا جيتا تكلمها وتقولك انا في سريسرا ولا قلت لها وشذا الشغل يم فلان ماخفتي يخفس بك ربي من على ظهر حمار وقبلي اشوفها عليه وعاصبه راسها بالشيله الا طائرات جامبو مدري وش فيني اليوم على العجيزات ونا عاد احبهن ههههههههههههههههههههه وبس قظت سواليفي الله يجعل قلوبكم جميع ما يجيها لا هم ولا حزن ويجعلكم من اسعد خلقه هذا حقكم علي اللهم امين بس عساها جازن لكم ولا يازيني ساكت هههههه
وفي النهايه اقول
سبحان الله والحمد لله ولا اله الا الله والله اكبر عدد خلق ربي
سحاب شقراء
2016-02-27, 12:22 AM
السلام عليكم ورحمه الله وبركاته
يالله تحييهم وليا حيا كثر هذي يالغالين سالفه حاصله يومني بزر صغير مره يعني توني على قولتهم حواقه
شوفو بس كيد الحريم لبعظهن :anger2:
المهم اروح لم ناس عندهم في بيتهم العب مع ولدهم المهم يوم رحت ذاك اليوم ولا ولدهم رايح مع ابوه ومافيه الا امهم مهيب عجوز لا توها صغيره شوي وكنت ما اطق الباب ابد اسحب الخيط حق الباب اللي يفتح الباب وادخل راعي محل ههههههه بس توي صغيير المهم شافتني امهم داخل وهي تحبني هههههه وش عليكم مني الا حبتني هههههههه بعد ابا اعلمكم الا شافتني مقبل عليها بأعلى صوتها تقول لي هلا ومرحبا لو عند رجلها وولدها بعد بعض الناس يبي يغار ههههههه بس تراي حواقه يعني بزر واذا هلت بي تجيني ذيك الموقه اللي ما عمري حسيت فيها يازين ذاك الشعور بس راح واستحي وادلي اناظر في الارض من الحياء
المهم يوم دخلت وشافتني قالت لي تعال ياسحاب ابا اقولك شي واروح واجلس جنبها وكانت فارشه بسط زي الفرشات هالحين اللي ينجلس عليهن بالمجبب وحاطه مراكي شكلها يبي يجيهم احد المهم رحت وجلست جنبها قالت لي اسمع وانا امك يبي يجيني حريم جايين من الرياض من اهل شقراء بس ماسكنوها المهم يبي يجيني حريم بعد اشوي ولا همب عارفينك من انت ولده واذا نشدوك من انت ولده قل ولد فلانه تعاني نفسها علشان نبي نلعب عليهم انا واياك والاياك تقول مانيب ولدها قلت طيب واذكر عطتني حلاو ساعات ذاك الزين اللي يتهتم وقالت لي اقعد فيذا لاتروح قلت طيب المهم يوم خذنا وقت والا الباب حسه يطق قالت لي سحاب قلت سمي ياحليلي مؤدب اقول سمي مهوب مثل بعض الناس اقول هاه هههههههههه المهم قالت لي رح افتح الباب وتعال اركض بسرعه وجلس جنبي قلت حاضر ياخالتو اكذب ههههه قلت طيب المهم واروح وافتح باب السوق ولاهن خمس حريم وارجع اركض واجلس جنبها جنب راعية البيت المهم تقوم وتستقبلهن تقول لهن يالله تحييهن والايا حيا كثر حيالله من جانا ولفانا المهم جلسوا وهي قد ولمت القهوه المهم جلسوا يتقهوون ويسولفون وكنها داريه عنهن انهن يبي ينشدنها عني ويقولن من ذا وليده المهم فيهن وحده شيطانيه بين عليها ملوسنه هي اللي متصدره المجلس بالحكي وكن بينها وبين راعية البيت وقفة نفس اشوف مناظرعيونها فيه حقران لراعيه البيت المهم قالت لي ذا الملوسنه تعال يا ولدي واقوم واروح لها وتحبني وتجلسني عندها قالت وش اسمك قلت سحاب قالت من انت ولده قلت ولد فلانه اللي هي راعية البيت قالت ذا الملوسنه ماسنه الله انك ولدها وكنها تبي تحر راعية البيت قالت راعية البيت وراه ماسنه الله يافلانه عسى ماشر ان شالله واقوم انا واجلس عند راعية البيت خفت بدت المناوشات وتمييل الخشش:in_love: قالت الملوسنه والله مهوب لك ولا هوب حولك قالت راعية البيت وراه مهوب لي ان شاالله قالت الملوسنه مانيب ناسي عبارتها ذي ابد قالت الملوسنه ما خبرنا الترنج يحمل عنب :p (18):هههههه ويضحكن الحريم على ذا الكلمه وتصوق راعية البيت شكلها بينها وبين الملوسنه شي مبطي ولا عرفته انا الا من تالي اللي هو الملوسنه كان خاطبها رجل راعية البيت ولا كتب الله نصيب بينهم المهم وتقوم راعية البيت وتحببني عندهم طبعا بزر وتقول هلا بوليدي اللي ابوه فلان وتنهبل الملوسنه شكلها تحب رجل راعية البيت بس فكه الله منها المهم وتحتر من قول يا ولد فلان وانا ساكت مغير خايف من الهواش وتقوم الملوسنه قالت اسمعيني عاد مالت عليك وعلى رجلك ذاالقزم ههههههه وذا الولد قصي يدي انكان انه لكم انتي شيفه وابوكم اشيف الله يحوم كبودكم و الشرهه مهوب عليك على اللي يجيك في دارك وتروح وتطلع ويلحقونها الباقين تفركشت العزيمه وقالت راعيه البيت لهن الله لا يردكن
بس ترا رجلي معاهدني مهوب باغي غيري لو في الجنه مايبي الا انا بس تبي تحرالحرمه الملوسنه
ههههههههههههه منيب اقول لكم بعض الحريم الله يكفينا شرها الا غارت ولا زعلت وبس خلصت السالفه ولا اقول الا
سبحان الله والحمد لله ولا اله الا الله والله اكبر عدد خلقه ورضا نفسه وزنه عرشه ومداد كلماته
أبو سيرين
2016-02-27, 08:19 AM
ههههههههه
صراحه سواليفك عن النساء خلتني أنصدم ... لأني ما كنت أتوقعهم بهذه الدرجة
ولا تنسى ترى اللي قالت لك قول انك ولدي تصرفها في حيلة ومكر وهي من بيتت النية السيئة لفض هذا المجلس يعني كانت ناوية تقلعهم من البداية وهم جايين زايرينها !!
عموماً الله يكفينا الفتن ما ظهر منها وما بطن
الحريم اللي مع الملسونه ذكروني بالبطانة الفاسده هههههههههههههههه
وفقك الله يا عم سحاب وانت ابونا ونحبك حب ما يعلم به إلا الله وإن شاء الله ما حصل في السابق ما هو إلا من حبك وسيرجع البقية كما كانوا وأنا على يقين من ذلك لأن معدنهم طيب
تحيتي وتقديري
تميم بن محمد
2016-02-27, 03:23 PM
السلام عليكم ورحمة الله وبركاته
كيف حالكم يالربع
اثاريك اطخم يا الشايب و الحريم طايحات عليك
ليت من لحق عليك يومك صغير يصور معك
سحاب شقراء
2016-02-27, 03:45 PM
ههههههههه
صراحه سواليفك عن النساء خلتني أنصدم ... لأني ما كنت أتوقعهم بهذه الدرجة
ولا تنسى ترى اللي قالت لك قول انك ولدي تصرفها في حيلة ومكر وهي من بيتت النية السيئة لفض هذا المجلس يعني كانت ناوية تقلعهم من البداية وهم جايين زايرينها !!
عموماً الله يكفينا الفتن ما ظهر منها وما بطن
الحريم اللي مع الملسونه ذكروني بالبطانة الفاسده هههههههههههههههه
وفقك الله يا عم سحاب وانت ابونا ونحبك حب ما يعلم به إلا الله وإن شاء الله ما حصل في السابق ما هو إلا من حبك وسيرجع البقية كما كانوا وأنا على يقين من ذلك لأن معدنهم طيب
تحيتي وتقديري
هلا ومرحبا يبو سيرين
جعل ربي يحبك وملائكته امين
سحاب شقراء
2016-02-27, 03:55 PM
السلام عليكم ورحمة الله وبركاته
كيف حالكم يالربع
اثاريك اطخم يا الشايب و الحريم طايحات عليك
ليت من لحق عليك يومك صغير يصور معك
هلا ومرحبا يبو محمد
هلا بالي زعل علي بس تراي احبك ولوك زعل :hlaqla:
ايه مملوح يومني صغييير بس ابوي يقولي لا تماشي الي اكبر منك ولا تصور مع احد :a_laugh2:
تراي مهديك السالفه الي قبل قبل هذي هههههههههههههه
عطني راسك يبو محمد وهذي حبه عليه :clap:
ومدامك رضيتا خلني اركب حصاني ورقص عليه :z-attack::z-attack::z-attack::z-attack::z-attack:
سحاب شقراء
2016-02-27, 03:57 PM
اقول يالغالي الركام
فيه شي يجذبني لك مدري وشو والله العظيم اني صادق
تميم بن محمد
2016-02-27, 04:18 PM
هلا يا شيخ سحاب
لا زعل ولا شي و الله. بس اشغال مع البيت الجديد تخبر يوم يبون سمنت و يوم حديد ويوم بلك و خلها عل ربك
سحاب شقراء
2016-02-27, 04:21 PM
هلا يا شيخ سحاب
لا زعل ولا شي و الله. بس اشغال مع البيت الجديد تخبر يوم يبون سمنت و يوم حديد ويوم بلك و خلها عل ربك
الله يجعله منزل مبارك يبو محمد
وجعل ربي يسمح امرك ويرزقك ويسعد قلبك
أبو سيرين
2016-02-27, 05:34 PM
أخوي تميم شف هذا عله يفيدك فيما أنت مقدم عليه
https://www.youtube.com/channel/UCISHFBiWsRr6SOWiFNF0W-A/videos
وأسأل الله لك التوفيق والسداد
تميم بن محمد
2016-02-27, 05:58 PM
أخوي تميم شف هذا عله يفيدك فيما أنت مقدم عليه
https://www.youtube.com/channel/UCISHFBiWsRr6SOWiFNF0W-A/videos
وأسأل الله لك التوفيق والسداد
بارك اله فيك مشرفنا الفاضل ابو سيرين
فعلا كنت محتاج لمثل الرابط هذا لعمل الاساسات و مكافحة النمل الابيض
الف شكر لك و عقبالك بالقصر الكبير
و لا ننسانا اخونا العود سحاب و عودته المبهجة
vBulletin® v3.8.12 by vBS, Copyright ©2000-2025, TranZ by Almuhajir