يالله دخيلـك عـن ردى حـظ مـاجـاد

[البارق الغربي]

صبااااح و مسااااء الخيرات


مما راق لي

بديـت بأسـم اللـي لـه الخلـق تنقـاد
رب(ن) وسع في رحمتـه كـل هالكـون

رب المـلا يغفـر ذنـوبـي لـيـا راد
واليا قضى بأمـره علـى كايـن يكـون

يامـن وفـد لجلـه جماعـات وافــراد
من كـل فـج وكـل عـام (ن) يحجـون

يالله دخيلـك عـن ردى حـظ مـاجـاد
وقلب(ن) قفص صدره للأحزان مرهـون

صار ابسط احلامـي علـى يـد حسـاد
وصرت ارقب اللذات بعيون مسجون

والصدفه اللي (خيـر مـن الـف ميعـاد
رحت اتغانمهـا ،وعـودت مديـون ؟

حظـي رمانـي بيـن عـدوان واحقـاد
وناس(ن) على نغمات حزنـي يغنـون

حتـى الـذي لاجلـه تحملـت الانـكـاد
اللي من اجل رضاه ، حاضر وممنون

اللي معـه كنـت امشـي الـدرب منقـاد
وابحث عن اللي يسعـده ويـن مايكـون!

ضحيت لاجل رضـاه بوجيـه الاجـواد
اللي من اجل رضاي ..دايـم يضحـون!

راح وتركنـي فـي ظروفـي ولاعــاد
ترك العرب للقـدس بيديـن شـارون

اقسى مـن العالـم علـى شعـب بغـداد
واحقد من الكافر علـى اللـي يصلـون

يامـا عطيتـه مـن حنانـي ولا فــاد
اهديـت لـه قلبـي وجـازاه بطعـون

جـازى وفـاي بكـل نكـران وعـنـاد
وباع الوفـاء واقفـت خطاويـه بالهـون

اخترت عـن قربـه سهـر ليـل وابعـاد
تبـرى الجـروح او جعلهـم مايطيبـون

رح علمه صـدق المواعيـد ... يابجـاد
وقلـه بعـد وشلـون الاحـرار يوفـون

وقلـه تبـدل ليـل الاحــزان بـرقـاد
وتبدلـت ذيـك التناهيـد بلـحـون

حتى يعـرف ان الغـلا زال مـازاد
ويعرف خطاه ان كان له قلب وعيون


تحيااااااتي

[الوااا(بالله)اااثق]

أخي الحبيب
البارق الغربي

ما راق لك راق لي بالتأكيد

قصيدة تحوي من المعاني الشيء الكثير

بحق لامست وجداني

لا هنت

[عابر سبيل]

يسلم ذوووقك يالبارق الغربي الله يسعدك دوووم ،،،،

[بقآيآ .. حرف]

صح ذوقك وأختيارك
أخي البارق
سعدت بتواجدك ومشاركتك لا عدمتك
كل التحايا

[تابع سحاب]

رااااااائع ولك الشكر على الابداع