( .... صدفه لقيته .... )

[بقآيآ .. حرف]

متى يعود الربيع لديرة الغالي
تستبشر الارض بالخضره وتكسيها
جعله يصب شهرين بقدرة الوالي
من طلعة الشمس لين الليل يمسيها
بهلال شعبان لين هلال شوالي
والغيث همال فوق الارض يسقيها
ويسقيك يالجادل اللي طاوينٍ حالي
طوي المحيلين لبيوتٍ تطويها
صدفه لقيته ولو ما شفته أشوالي
ما يمدي النفس ماتت في رجاويها
نشدته الدرب قالت روح طوالي
هذي عروق السراه وذيك قاصيها
أبتل وخلك مع الخبة يورالي
وأترك ردي الدروب وشوف صاحيها
روحت والقلب ينزف جرحه الثاني
هالحين جرحين قلبي كيف أداويها
أنا صويبٍ من أول من سهم جالي
واليوم جيتي وكملتي بواقيها
ورجعت للعاصمة من عقب ترحالي
روحت أبنسى الجروح وجيت موفيها
وأخذت حول الشهر ثم أنعمس بالي
ورجعت يم الديار اللي سكن فيها
ولقيت ناره رماد ومنزله خالي
في حيد مرحانهم بيتٍ محاديها
روحت يمه وقلطني وسوالي
دله من البن الاشقر قام يحمييها
ونشدت عنهم وقالو ناس حُوالي
لا يبستالريف أهل خضرا تخليها
ومشيت من عندهم ماذقت فنجالي
من ضيقةٍ بالصدر بانت خوافيها
وعديت في راس عرق حيدهم عالي
أعيد ذكراي حاضرها وماضيها
أتعبت روحي بالأقفايه والاقبالي
واسهرت عيني ورجليني معنيها
ليته يعود الربيع لديرة الغالي
وتستبشر الارض بالخضره وألاقيها

الشاعر / مهنا مشعان

[الوااا(بالله)اااثق]

أخي الحبيب
المشرف
بقآيآ..حرف

صح لسانك ولسان قايلها وسلمت يمينك على النقل

لا هنت

[متعب الحربي]

http://up.albrari.com/uploads/14421442041.jpg (http://up.albrari.com/)

[سمو المشاعر]

ليته يعود الربيع لديرة الغالي
وتستبشر الارض بالخضره وألاقيها

صح لسان القائل وسلم بنان الناقل
جميل ما نقلت كلمات معبرة راقية

تحيتي

[عبدالمحسن الرحمه]

صح السان الشاعر وصح ذوقك الراقي

[عابر سبيل]

يسلم ذووووقك ابوخالد لاااهنت يالغالي ،،،،

[تابع سحاب]

رااااااائع ولك الشكر على الابداع