يامساعد الموسى بيوتك حزينة

[الركام]

السلام عليكم ورحمة الله وبركاته

هذه ابيات وجهتها لمساعد الموسى حينما كان في الخارج
حيث كان يرسل صور عن تلك الدولة وجمال طبيعتها باشجارها وامطارها


يامساعد الموسى بيوتك حزينة
وبك ضيقة بالصدر ونسمع ونينا

كانك شكيت من الوله والغبينه
وانك على دارك بديت الحنينا

ارجع ترا به ناس تقول وينه
غيبتك صارت عندهم كالسنينا

يامساعد اللي مثلكم خابرينه
يهوى الصحاري والصعب له يلينا

وش لك بدار مايناسبك زينه
ولو قلت امطار وديم علينا

ربيعكم ماينتقارن بلينه
ولا بديار غاليات علينا

ترا نبات اشجارهم عارفينه
اشجار ظل وخيرها مايجينا

واشجارنا تثمر وظل وزينه
فيها النخل من تمرها مكتفينا

ولا تغرك سرع ماتقول شينه
هذا انت قلت انا ترى ماسلينا

اللي يبي داره عسى الله يعينه
ويرجعه لاهله من السالمينا

الركام

[بقآيآ .. حرف]

اللي يبي داره عسى الله يعينه
ويرجعه لاهله من السالمينا

صح لسانك أبو سعود وعلا شانك أتحفتنا بهذه الأبيات الجميلة والرائعة
تقبل مروري وتحياتي

[عابر سبيل]

لله درك يابوسعود اشهد بالله انك داائماً جزل ومبدع .. صح لسأنك يالقررررم تقبل تقييمي ومروري ومحبتي ولاتحرمنا جديدك يالغالي ،،،،

[رعد الشمال]

ترا نبات اشجارهم عارفينه
اشجار ظل وخيرها مايجينا

واشجارنا تثمر وظل وزينه
فيها النخل من تمرها مكتفينا

صح لسانك ابو سعود ابدعت بارك الله فيك
لا تحرمنا جديدك

[عبدالمحسن الرحمه]

صح الله السانك شاعرنا القدير

[رذاذ]

صح لسانك ياأبو سعود ..
وصح الله هالحضور الأخّـاذ ..
لا جديد , فعنوانك الإبداع والأصاله ..
،؛،
لك الأهلاً وتتبعُها وسهلاً وفرحاً بـ هذه العودة التي نتمى أن تطول ..

لك إحترامي وتقديري ..

رذاذ

[تابع سحاب]

صح لساااااااااااااااااااانك