هيهات ينسى القلب شخـص ٍ لعبّـه

[البارق الغربي]

السلام عليكم ورحمة الله وبركاته

اعجبتني

ليه المسا عـوق الشقـاوي وطبّـه؟
وليه الهبوب تصحي القلب لا بـات؟


وليه القمر يدعـي جريـح المحبّـه؟
ويقول له يا هيه..ما فات ..ما مـات


جرحك ظهر لو قلـت للوجـه خبّـه
وللحزن في ضحكك رسوم وعلامات


وليه المطر بالذات ريحـه.. وصبّـه
كنّه رسول بيـن الاحبـاب بالـذات؟


اشتـاق فـيـه لشوفـتـك واتنـبّـه
للي نسيتـه مـن مواقـف ونظـرات


لا استانس الخافق ذكـر مـن يحبّـه
ورجع يراجع فالوناسـات مـا فـات


يا مرتـع القلـب الحزيـن ومربّـه
يزيين بك مثل الذهب صدر الابيـات


هيهات ينسى القلب شخـص ٍ لعبّـه
وهيات يدله خاطـري منـك هيهـات


سبك مديـح .. ومـدح غيـرك مسبّـه
تقول واذني صوتها تقول لـك هـات


ونبع الغـلا عنـدك وعنـدي مصبّـه
ومن الولا .. في خافقي لك ..ولاياات


وطيفك حطب عيني..وعينـي مشبّـه
والشوق برد ٍ ما انقطع لو للحظـات


ومكانك الصدر ولـك القلـب شبّـه
بين الضلوع اللـي فردهـا التنهـات


ولـك بيـرق ٍ فالقلـب حبـك يهبّـه
شامخ ولا هزه مـن العـذل غـارات


محبتـك فالوقـت ذا مــا تشـبّـه
الا بخيمـة بـدو بيـن العـمـارات


ان شفتني ضايق واهوجـس واسبّـه
اخاف غدر الوقت.. والوقـت دورات


لا تحسب ان دمعي نـزل دون سبّـه
ابكي من الفرقا وهـي مابعـد جـات


الـيـوم كــل امورنا..مستـتـبّـه
وبكره ماندري وش معه من مسـرّات


اربّ قلبـك مـثـل قلـبـي اربّــه
ما يخلفه كثـر العـذل.. والمسافـات




تحيات
البارق الغربي
للجميع

[تناهيد]

نبع الغـلا عنـدك وعنـدي مصبّـه
ومن الولا .. في خافقي لك ..ولاياات

جميل اختيارك أخي البارق الغربي
سلم الاحساس وطابت الذائقه
تقديري لك..~

[البارق الغربي]

حي الله مشرفتنا - تناااهيد
سلم الله قلبك
وطيب الله ايامك والذوق
في ردك وكلماتك اسعدني مرورك

تحياتي

[بقآيآ .. حرف]

جرحك ظهر لو قلـت للوجـه خبّـه
وللحزن في ضحكك رسوم وعلامات

ربي يسعدك أخي العزيز
على هذه الابيات الرائعه والجميله
دمت بهذا الأبداع
كل التحايا