وقبل يسألني سألتـه : كيـف حالـك يالحبيـب

[البارق الغربي]

السلام عليكم ورحمة الله وبركاته
صباح ومساء خير
--------

جا يشـوف الحـال كيفـه بعـد ماهـزه حنينـه
وقبل يسألني سألتـه : كيـف حالـك يالحبيـب ؟

قال : انا كنـي غريـب ضيـع دروب المدينـه
قلت : انا كنـي مدينـة تنتظـر رجعـة غريـب

قال : اجل وش فيك تكره سيرة الحـب وسنينـه
قلت : أجل وش لون ما اكره سيرته دامك تغيـب

انت لا من غبت حتى مرايتـك صـارت حزينـه
كيف ما تبغاني أحزن وانت لي حظ ونصيـب !؟

الهدايـا و الرسـايـل و المكاتـيـب الثميـنـه
والليالي و القمر و الريـح و الكـون الرحيـب

كل ما تبعد .. تجيـب الشعـر ليـه مـن يدينـه
و تقعد جروحـي تـودي فالطواريـق و تجيـب

يا بعـد كـل القصيـد و نـزوة حـداه و انينـه
لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحـوح لينـه..
..ياخذ لجرحي بثاره مـن خطايـاك و يطيـب


منقووووووول
------------
---------
-----

[بقآيآ .. حرف]

و ان نسيتك ما نساني صوتك المبحـوح لينـه..
..ياخذ لجرحي بثاره مـن خطايـاك و يطيـب

الله عليك يالبارق الغربي
صح لسان الشاعر وصحت طلتك وأختيارك يا ذووق
كل التحايا

[البارق الغربي]

حي الله الاخ - بقايا حرف
صح بدنك
نورت الموضوع بمرورك العطر
وشكرآ لك على كلماتك الطيبة طال عمرك


تحياتي

[عذب الاحساس]

ربي يعطيك العافيه
أخي البارق الغربي
على النقل والاختيار الموفق
كل التحايا

[البارق الغربي]

ربي يعطيك العافيه
أخي البارق الغربي
على النقل والاختيار الموفق
كل التحايا

الله يعافيك اخوي - عذب الاحساس
شكرآ لك على هذه الكلمات الطيبة
ونورت الموضوع بمرورك العطر