الصــــــــــباح

[خالد بن منشار]

السلام عليكم

ارشيفية اتمنى ان تحوز على رضاكم

لكن مشكلة التنسيق لازالت غير متاحة اتمنى من الادارة النظر لها




الصباح ابدونها ماهو صباح = ماعرفت الصبح دون اوصالها
يوم غابت صرت مكسور الجناح = ضايق ٍ صدري وشوقي جالها
ليتها ترجع وتشفي بي جراح = كنت متعوّد تشدّ احبالها
زايدٍ بالوصل لكن طاح طاح = وصلها واصبحت ادوّر شالها
راحت وقلبي تزايد بالنياح = وانكسر بي خاطرٍ يسعى لها
ليه تقفي يوم قلبي به رماح = مادرت وشلون صبري نالها
لي ثلاث سنين سارح بالوشاح = ودّي ااقطفها ونطعم فالها
مير صدّات الزمن دايم جماح = ماقدرت اصبر واهدّ افعالها
اكتم ابقلبي والمّح للرياح = يمكن البذره تطير اقبالها
يمكن اتحسّ الغلا وقت المراح = وين كان العقل واسكن بالها
ادري ان الوصل ماهو بالصياح = القلوب اللي تحدّد جالها
وجالتي ابعد من افكار الصحاح = يمكن الصاحي يصير اشوا لها
لنّي المجنون شاعر جا وراح = يكتب ابياته على شلاّلها
وان طلع له صبح يطلق له سراح = وينجرح في غيرها لو شالها
عاشقٍ والوقت يلقى له براح = كم بقلبي عاش قبل احلالها
وان جرحني بعدها هذا الصباح = باكر انسى كيف كان اوصالها


-

[رعد الشمال]

زايدٍ بالوصل لكن طاح طاح = وصلها واصبحت ادوّر شالها
راحت وقلبي تزايد بالنياح = وانكسر بي خاطرٍ يسعى لها

ادوّر شالها
ياسلام على الابداع
صح لسانك

[أبو سيرين]

صح لسانك اخوي خالد

قصيدة رائعة

تحيتي وتقديري

[رذاذ]

أستاذي

خالد بن منشار ...
أبياتك الرائعه تدل على شاعريتك الجميله
شاعر متمكن رآئع جعلنا نحلق معه بقصيدته وروعة ابياته...

صح لسانك شاعرنا حتى ترضى ...
حقاً سررتُ بتواجدك بيننا وبجميل شعرك

فلاتحرمنا من كل جديد لديك ...

رذاذ

[ابو سلطان العتيبي]

اشكرك شاعرنا خالد
على هالابيات الجزلة
والاكثر من رائعة
وننتظر جديدك

تحيتي
-

[عبدالمحسن الرحمه]

مافيك حيلة طال عمرك صح الله السانك

[غانم الضومري]

الله الله ما هذه الباذخة ..

صح الله فكرك ولسانك

رائعة من شاعر متمكن وراقي

إنها اعذوبة الصباح .

تحيتي