عــــــــــــــزاه من قلــــــــــــب

[رعد الشمال]

عـــزاه مـــن قلب تغــــــــيّر مساره
غير طريقه وافتخت عــــــن مباديه

ودي اهـــــدي ثورته وانفجـــــــاره
لاشك ماقــــدرت ظلــــــوعي تهديه

يافايز اعــــطن حــــل قبل انكساره
من قبل كسر الخاطـــــر اللي يقديه

إجبره كان انــــه تفــــــــيد الجباره
واردعـــه !! عل انه يعوّد الكرسيه

لاهــــو صــــــغير نعلمه للــجساره
ولابه جـهل نقول اكا الطيش مغديه

عــــــودً كــبير بنمـــــرة واستماره
كــل الـدروس اللــــــي تعدت تكفيه

عقيل الدغيم

ياراكــــب اللــــي فــيه رشة غباره
جـــــديد ماقام المــــــــحرّج يباريه

تـــوّه مــن المعرض طلع بأستماره
علــى جنوطه مــــــن بلاده مواريه

فكس آر لند كروز زيـــــــن الغماره
مركــــــــــوب شيخً باللوازم يمشيه

سواقه اللـــي ضــــــــاريً للشطاره
قـــــرمً علــى هقوات نفسه مساريه

منا تحّـــــــــرك ..وأستلم لـــلإشارة
منصاه عــــــون اللـــي ثقالً بلاويه

عقيل مجــــــلاسه علــــى جال ناره
شيخ بعاد .. بالمـــــــــراجل هقاويه

ســلّم عليه وبادله فـــي وقـــــــاره
خـــــذ العلـــــوم ولازم العلم تعطيه

قله يقـــــــــول اللــــــي تكدر نهاره
لحظة قـــرا شكوى خـــويً مخاويه

(ســــــلامته) وانا لكــسره جـــباره
انا فدا راسه وفـــــدوة مواطــــــيه

تآمــر وحنا رهـــــن منك الاشاره
اللي بغيته لك نجيبه ونشــــــــريه

فايز الغديرـ

[أبو سيرين]

الله الله

صح لسان قايلها

أبيات رائعه اخوي رعد الشمال

تحيتي وتقديري

[رعد الشمال]

الله الله


صح لسان قايلها

أبيات رائعه اخوي رعد الشمال


تحيتي وتقديري
الرائع مرورك شاكرا ومقدر
تحيتي

[رذاذ]

صح لسانك شاعرنا القدير
رعد الشمال
على هذه الأبيات الجميله .. وصحّ لسان الشاعر الآخر أيضاً ..

لك شكري بعدد كلماتك وأكثر ...

رذاذ

[رعد الشمال]

صح لسانك شاعرنا القدير
رعد الشمال
على هذه الأبيات الجميله .. وصحّ لسان الشاعر الآخر أيضاً ..

لك شكري بعدد كلماتك وأكثر ...

رذاذ

صح بدنك مشرفتنا رذاذ
شرفني مرورك