مديرنا عذراً

[عبدالمحسن الرحمه]

مديرنا عذرا أنا اسبوع باغاب /*بقضي ليالي غيبتي بالبراري
ارفع وسجل غيبتي بأية اسباب /*مدامني راضي وهذا قراري
بختار صحبة من عربين الأنساب /*من فوق جيبي من وكالة سفاري
في فيضةٍ لا جيتها خاطري طاب /*معاد يطري لي من الهم طاري
روايح الأزهار تشبه للأطياب /*والبل ترعى من يمين ويساري
العشق ماهو عشق تلعات الأرقاب /*عشق البراري منوتي واعتباري
على النقا دايم ولا تحصل أنشاب /*كل ن على خاطر خويه يداري
خوة رجال الطيب يحسب لها احساب / *مثل السهم رابح ببنك العقاري
طقو لخيمتكم وشدوا للاطناب /*وشدوا عمدها يالنشامى الضواري
هذي مناة القلب ياأصحاب الألباب /*أسأل مجرب كان تفهم وداري
والكبش ماقاده على السوق جلاب /*سمين لبّاني له الشهم شاري
والنار جهزها من الربع شباب /*قرم ن يسمونه بعيد المساري
شوف الدلال اتفوح يطرب وجذاب /*امهيله من كيف هاوي البراري
فنجالها يجلي عن الراس الأتعاب /*يقعّد صواب اللي مع الليل ساري
وليل في بر الخلا صدق سلاب / جلسة يسامرها الغلا بختصاري
كل ن على ما نفعله سجل اعجاب /*رغبه لنا ما فيه شي ن جباري

[غانم الضومري]

يامحسن الرحمة هلا والف ترحاب .. يامرحبا شرفت أهل البراري


روعه .. تسلم استاذ/ عبدالمحسن

دام العطاء ..

تحيتي

[عايد]

شاعرنا القدير عبد المحسن
لله درك قصيده في منتهى الروووعه
تقبل مروري وتحيتي لك

[صبح المطر]

الله الله
صح لسانك شاعرنا المبدع عبدالمحسن الرحمه
أبيات ربيعية تفوح بالنقاء والجمال
مبدع بحضورك وتواجدك الرائع

تحيتي

[عبدالمحسن الرحمه]

عايد صح ابدنك وياهلا والله فيك

[عبدالمحسن الرحمه]

استاذي صبح المطر صح ابدنك كل
الشكر على الرد والمرور

[تابع سحاب]

صح لساااااااااااااااااااانك