جتني لجل تواعدني بليا تسابيب

[عايد]

جتني لجل تواعدني بليا تسابيب




والقلب كن اهل السكاكين قصوه

حزني مثل حزن اليمامه على كليب

والا دموع الزير سالم على اخوه
وجدي عليها وجد ذيب المراقيب

يبي عشاء امه والضواري تنحوه

والا وجود اللي غطى راسه الشيب

ربا عياله لين كبروا وخلوه


ماله رفيقٍ والاجانيب هانوه


يومنهم من داخل السجن نادوه

انا الجريح اللي جروحه معاطيب

وانا اللذي قلبه على الشوك جروه

تكفون ياللي تعرفون المواجيب

ردوا علي اللي عن العين صدوه

هاتوا حبيبي واخذوا اغلى المطاليب

اخذوا حياتي كلها بس هاتوه



بوح الليل

[بقآيآ .. حرف]

سلم لنا أختيارك وذوقك الرائع
أخي عايد
كل التحايا

[عذب الاحساس]

عايد
يعطيك العااافيه على الاختيار

[عايد]

أخي وصديقي الكريم أبو خالد (بقايا حرف)
كل الشكر لك ولا توفيك حقك استاذي على مرورك ومتابعتك الكريمه .. لاعدمناك
تقبل مني كل الووود والاحترام لشخصك الكريم

[عايد]

أخي الكريم عذب الاحساس
الله يعافيك دوم يارب واشكرك على مرورك ومتابعتك الكريمه .. لاعدمنا تواجدك
تقبل مني كل الووود والتقدير لك

[نايف العبداني]

صح لسسان الشاعر وسلمت ع الانتقاء الرائع