الا ليت الزمن يرجع ورا والا الليالي تدور

[ابو سلطان العتيبي]

السلام عليكم ورحمة الله وبركاته

هذه القصيدة والشيلة اعجبتني
وحبيت انكم تشاركوني اياها

الا ليت الزمن يرجع ورا والا الليالي تدور
ويرجع وقتنا الاول وننعم في بساطتنا

زمان اول احس انه زمان فيه صدق شعور
نحب ونخلص النيه وتجمعنا محبتنا

زمن مافيه لاغيبه ولاحتى نفاق وزور
ياليته بس لو يرجع ونسترجع طفولتنا

صغار قلوبنا بيضا نعيش بعالم محصور
ولانعرف ابد اغراب ماغير عيال حارتنا

صحيح صغار بالتفكير لكن ماعلينا قصور
نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
نحاول نزعج العالم في روحتنا وجيتنا

وعشان نأخر الحصه نخبي علبه الطبشور
نشاغب بس في الاخر تميزنا برائتنا

نحب الضحك والهيصه نحب ننط فوق السور
نفرفش ليه مانفرفش مادام الضحكه عادتنا

ولكن دارت الايام وبان الخافي المستور
وصار الهم متعلي على قمة سعادتنا

كبرنا وصارت الدنيا تصف احزاننا بالدور
وتهدينا الالم والهم غصب عن عين رغبتنا

تعبنا من بلاوينا احد ضيق واحد مقهور
وكلن غارق بهمه وفي الاخرتشتتنا

وانا ماقول غير الا ياليت ان الزمان يدور
ونرجع للورا فتره نعدل وضع عيشتنا

الشيلة وفيها صور عن السيارات قديماً
http://www.youtube.com/watch?v=iDyzUPk8nXI




-

[تناهيد]

نروح المدرسه بدري ونضحك داخل الطابور
نحاول نزعج العالم في روحتنا وجيتنا

وعشان نأخر الحصه نخبي علبه الطبشور
نشاغب بس في الاخر تميزنا برائتنا

( يالــــــيت الزمـــــن يرجـــــع )
الله يعطيك العافيه عالاختيآر
تحيآتي

[ابو سلطان العتيبي]

حياكِ الله مشرفتنا تناهيد
يسعدني حضورك الدائم
ومرورك الكريم

تحيتي لكِ

-

[بقآيآ .. حرف]

كلمات وشيلة رائعه وقريبه من النفس
كل التحايا
لك مراقبنا الفاصل
أبو سلطان

[ابو سلطان العتيبي]

كلمات وشيلة رائعه وقريبه من النفس
كل التحايا
لك مراقبنا الفاصل
أبو سلطان


الله يحييك مشرفنا العزيز
"بقايا .. حرف"
اسعدني مرورك العطر

تحيتي
-