ابو سلطان العتيبي
2014-02-13, 10:52 PM
اليوم بنغير الموجة وراح نطرح شعر عراقي بنكهة فكاهية
قبل أن أبدأ القصيدة أحب أن أوضح أن هذه القصيدة هي للشاعر العراقي عباس جيجان
وهذا الشاعر كان معارض للحكم العراقي على أيام الرئيس العراقي صدام حسين فطرده
من البلاد وعاش في هولندا وهو في هولندا حدثت معه قصة ظريفة أليكم وقائع هذه القصة
يقول.. شفت فتاة هولندية جميله وهن طوال الهولنديات ومخصرات, خدودهم تقول.. ما ينوصفن
بالجمال.. طبيعة الجغرافية أعتقد والجو 24 تمطر, بس شلون المطر ماكو يتناثر, المهم فشفتها
تستعرض بالكلب مالها, الكلب مهجن ذيب بكلب, بلكي الناس تشوف الكلب وتحكي معها,
أنا رحت عليها قبل دغري رحت عليها قولة إخوانا المصريين.. قلت لها سورْي.. بالهولندي..
العفو تسمحي لي بسؤال, هي ابتسمت بوجهي وضحكت يا خ راخ.. تفضل بكل سرور.. قلت لها
أنا غريب أستعطفها إنسانياً.. غريب وما أندل في بلدكم وعندي موعد, هم يحترمون الموعد..
قلت لها عندي موعد 11.30 وعلى هذا الموعد يتوقف إما أبقى في بلدكم أو أروح على أرصفة
بلجيكا أتسكع على أرصفة بلجيكا, قالت لا ما خليك تتسكع على أرصفة بلجيكا أدلك وين تريد؟
قلت لها أريد البلدية, وانا أريد بس تسولف أريدها تشتم أريدها تحكي, أريد أشوف هذا حكيها مثل
شكلها الحلو هذا اللي أريده, قالت لي تندل الكنيسة شوف هاي الكنيسة أنا أباوع على شكلها
أقلها هواي كنايس أي كنيسة منهم؟
وانا أطالع على طولها هي طول الكنيسة, فالتفت قلت لها هاي الكنيسة, قالت لي مو أول شارع ثاني
شارع هاي البلدية روح, قلت لها ما اندليت, هي صارت مجبورة تدلني, وصفت لي مرة مرتين ثلاثة,
قلت لها ما اندليت..
تعيد وتسولف أريدها تحكي, قالت لي بسيطة لا تقلق, طلعت البوك مالها وطلعت ورقة وقلم, رسمتني
أنا وهي والكلب, قلت لي دوْل إحنا ثلاثتنا, وسويت لي خارطة وكذا قال لي هذه البلدية..
خارطة سورْي أنا ما أقرأ..
وما اندليت قامت تبكي, قلت لها ليش تبكي؟ حيرتيني ليش بكيتي؟ قالت حيرتني يأوصلك لو أفسح
الكلب اختار؟ قلت لها لا والله فسحي الكلب...
القصيدةبعنوان( دوي)
*******
قالت (دوي)* واستوى إلما يستوي
ومن تخزرك عين كنها تقول خنجر ملتوي
والطول طول الخيزرانه وشو كنها حية ولو مشت تطوي طوي
والخدود تقول جوري و..... رمان اهلنا وحان وقتك يا حوي
وأنا اعد روحي قوي من شفتها تخربطت وتبرجدت صرت أنا والماكو سوي
كلمتها عود مثل الناس (اشتبليف ميشل ميشوي) *
من فضلك أيها الصبية ممكن اسئلك سؤال سكتت وما جاوبتني
دق عليها التلفون الخلوي أشرت جاوب كلبها وأنا ما شايف كلب نبحه عوي
فرغت وردت علي (فلي كلانت كوميي اوتسبراك )* حكيك عربوي
( كزخ أوت اراك) * أنا جاي من العراق (أليف اونن نيت سامن) * لا إلي صاحب ولا عندي خويي
(فتيمر)* ردت عليه وكنها قالت وي علي وحيدك تعيش ببلدنا وتنزوي
وإحنا حتى كلابنا تعيش برفاه وويا البشر عاشو سوا وسكنو سوي
شمالكم صرتو طشاش .. وإحنا ندري ذراعكم ما ينلوي
جاوبتها والخجل ندى الجبين والدمع مو ماي ينزل دموي
أنا من بلاد الرافدين العاث بينا الحربوي
وأنا من شعب العراق الداخ من كثر الدوي
وأنا من شعب التحاصر والتعوق والتأثر بالإشعاع النووي
لا تهيجين الجروح ..عاد يا بنية ارعوي ..
ولا تذكريني بأهلي وطيبة هواهم وش ترى الفركة جوت قلبي جوي
أنا عطشان على دجلة شما شربت من مايكم ما ارتوي
دوي .... دوي ...
*أعزائي القراء هذه معاني الكلمات الهولندية بين الأقواس :
(دوي ) معناها إلى اللقاء ويستعملها الشباب والشابات في هولندا
(اشتبليف ميشل ميشوي ) من فضلك أيتها الصبية
(فلي كلانت كوميي اوتسبراك ) من أي بلد أنت ؟
(كزخ أوت اراك ) انا من العراق
(أليف اونن نيت سامن ) أعيش لوحدي وليس لي صديقة
(فتيمر) تقال للمصيبة أو الكارثة
ودي واحترامي للجميع
-
قبل أن أبدأ القصيدة أحب أن أوضح أن هذه القصيدة هي للشاعر العراقي عباس جيجان
وهذا الشاعر كان معارض للحكم العراقي على أيام الرئيس العراقي صدام حسين فطرده
من البلاد وعاش في هولندا وهو في هولندا حدثت معه قصة ظريفة أليكم وقائع هذه القصة
يقول.. شفت فتاة هولندية جميله وهن طوال الهولنديات ومخصرات, خدودهم تقول.. ما ينوصفن
بالجمال.. طبيعة الجغرافية أعتقد والجو 24 تمطر, بس شلون المطر ماكو يتناثر, المهم فشفتها
تستعرض بالكلب مالها, الكلب مهجن ذيب بكلب, بلكي الناس تشوف الكلب وتحكي معها,
أنا رحت عليها قبل دغري رحت عليها قولة إخوانا المصريين.. قلت لها سورْي.. بالهولندي..
العفو تسمحي لي بسؤال, هي ابتسمت بوجهي وضحكت يا خ راخ.. تفضل بكل سرور.. قلت لها
أنا غريب أستعطفها إنسانياً.. غريب وما أندل في بلدكم وعندي موعد, هم يحترمون الموعد..
قلت لها عندي موعد 11.30 وعلى هذا الموعد يتوقف إما أبقى في بلدكم أو أروح على أرصفة
بلجيكا أتسكع على أرصفة بلجيكا, قالت لا ما خليك تتسكع على أرصفة بلجيكا أدلك وين تريد؟
قلت لها أريد البلدية, وانا أريد بس تسولف أريدها تشتم أريدها تحكي, أريد أشوف هذا حكيها مثل
شكلها الحلو هذا اللي أريده, قالت لي تندل الكنيسة شوف هاي الكنيسة أنا أباوع على شكلها
أقلها هواي كنايس أي كنيسة منهم؟
وانا أطالع على طولها هي طول الكنيسة, فالتفت قلت لها هاي الكنيسة, قالت لي مو أول شارع ثاني
شارع هاي البلدية روح, قلت لها ما اندليت, هي صارت مجبورة تدلني, وصفت لي مرة مرتين ثلاثة,
قلت لها ما اندليت..
تعيد وتسولف أريدها تحكي, قالت لي بسيطة لا تقلق, طلعت البوك مالها وطلعت ورقة وقلم, رسمتني
أنا وهي والكلب, قلت لي دوْل إحنا ثلاثتنا, وسويت لي خارطة وكذا قال لي هذه البلدية..
خارطة سورْي أنا ما أقرأ..
وما اندليت قامت تبكي, قلت لها ليش تبكي؟ حيرتيني ليش بكيتي؟ قالت حيرتني يأوصلك لو أفسح
الكلب اختار؟ قلت لها لا والله فسحي الكلب...
القصيدةبعنوان( دوي)
*******
قالت (دوي)* واستوى إلما يستوي
ومن تخزرك عين كنها تقول خنجر ملتوي
والطول طول الخيزرانه وشو كنها حية ولو مشت تطوي طوي
والخدود تقول جوري و..... رمان اهلنا وحان وقتك يا حوي
وأنا اعد روحي قوي من شفتها تخربطت وتبرجدت صرت أنا والماكو سوي
كلمتها عود مثل الناس (اشتبليف ميشل ميشوي) *
من فضلك أيها الصبية ممكن اسئلك سؤال سكتت وما جاوبتني
دق عليها التلفون الخلوي أشرت جاوب كلبها وأنا ما شايف كلب نبحه عوي
فرغت وردت علي (فلي كلانت كوميي اوتسبراك )* حكيك عربوي
( كزخ أوت اراك) * أنا جاي من العراق (أليف اونن نيت سامن) * لا إلي صاحب ولا عندي خويي
(فتيمر)* ردت عليه وكنها قالت وي علي وحيدك تعيش ببلدنا وتنزوي
وإحنا حتى كلابنا تعيش برفاه وويا البشر عاشو سوا وسكنو سوي
شمالكم صرتو طشاش .. وإحنا ندري ذراعكم ما ينلوي
جاوبتها والخجل ندى الجبين والدمع مو ماي ينزل دموي
أنا من بلاد الرافدين العاث بينا الحربوي
وأنا من شعب العراق الداخ من كثر الدوي
وأنا من شعب التحاصر والتعوق والتأثر بالإشعاع النووي
لا تهيجين الجروح ..عاد يا بنية ارعوي ..
ولا تذكريني بأهلي وطيبة هواهم وش ترى الفركة جوت قلبي جوي
أنا عطشان على دجلة شما شربت من مايكم ما ارتوي
دوي .... دوي ...
*أعزائي القراء هذه معاني الكلمات الهولندية بين الأقواس :
(دوي ) معناها إلى اللقاء ويستعملها الشباب والشابات في هولندا
(اشتبليف ميشل ميشوي ) من فضلك أيتها الصبية
(فلي كلانت كوميي اوتسبراك ) من أي بلد أنت ؟
(كزخ أوت اراك ) انا من العراق
(أليف اونن نيت سامن ) أعيش لوحدي وليس لي صديقة
(فتيمر) تقال للمصيبة أو الكارثة
ودي واحترامي للجميع
-