ولد مبلش رفيع الشان

[عبدالمحسن الرحمه]

ألا يامحمد ولد مبلش رفيع الشان
تحية من أعماقي هجوسي مرتبها

ألا يامحمد صيتكم بالملا مزدان
يعمّ الحضر والبدو بالحيل سالبها

مكارم يمينك تروي الظامي العطشان
تهدي دموعه فوق خديه ساكبها

بك الطيب يامحمد بك الجود والإحسان
جميع الوصايف قدها أنت كاسبها

كريم ٍشهد لك قاصي الناس والخلان
ضيوفك من أفضالك مدسم شواربها

شجاعٍ وهيبك مثل هيبة ملوك الجان
تروع نفوسٍ غايرة أنت غالبها

سهوم المنايا لابتك لابة الشجعان
جميع المعارك لو جرت ماتهيبها

مفوه حكيم الرآي تصهل صهيل حصان
رجولتك يامحمد من الصغر شاربها

سهوم المنايا لابتك لابة الشجعان
جميع المعارك لو جرت ما تهيبها

بك الدين في قلبك نبع منه صدق إيمان
وبرك بوالديك نفسك مدربها

لجارك تودّ الخير له مابكم حقران
ووصلك مع الأرحام تسعى تقربها

في ساحة مكارمكم بها الزهر والغدران
جميع الملا عندك تنوخ ركايبها

مزاياكم اللي نادرة مابها نقصان
مدامك سلكت ادروب مبلش معزبها

حكيمٍ تحل الكايده فكركم بطران
ولاهي تعنيكم تفرق نشايبها

ملكتم نوادر نادرة من نسل حوران
حافظتوا عليها وانت ياشيخ صاحبها

أخذت العلوم الطيبة من كريم انسان
كريم المراجل مبلش اللي وفيّ إبها

عسى الله يجعل مبلش ابعاليات جنان
ويسعد مع محمد وحورٍ يحوز إبها

معك ذود وضحٍ لو تباري هلّ الذيدان
بلا شك جائزة مؤسس تفوز إبها

[عايد]

اخي واستاذي الشاعر المتمكن عبد المحسن
قصيده جزله وقويه في معانيها ... صح الله لسانك على هكذا قصيد ...
تقبل استاذي مروري مع خالص الود والاحترام لشخصك الكريم

[راع العرض]

صح لسانك اخوي عبدالمحسن قصيده جزله وراقت لي كثيرا ولا تحرمنا من جديدك

[غانم الضومري]

يعجبني الشاعر الذي له في كل ساحةٍ باحة .

شاعر الحدث .. صح الله لسانك يابو مالك

تحيتي

[ابن حماد]

صح لسانك يابو مالك شاعر جزل والطيب يستاهل المدح

[رذاذ]

صح لسانك شاعرنا القدير
عبدالمحسن العمر على هذه القصيده الجزله والجميله جداً ...
شاكرين لك حضورك الدآئم ومشاركاتك الجميله ..

دُمت بألف خير

رذاذ

[ابو سلطان العتيبي]

صَححْ لساانك ْشااعرْنا
عبد المحسن العمر
ابياات جزله وجميلة

يعطيكْ العاافية

-

[عبدالمحسن الرحمه]

عايد ياهلا فيك مليون صح ابدنك كل الشكر لك على الرد والمرور

[عبدالمحسن الرحمه]

راع العرض ياهلا بشاعرنا القدير مرورك بحد ذاته فخر لي وصح الله ابدنك

[عبدالمحسن الرحمه]

غانم الضومري شاعرنا المميز ياهلا والله فيك صح ابدنك

[عبدالمحسن الرحمه]

هماليل المخيل ياهلا والله فيك صح ابدنك كل الشكر لك على هذا المرور الأكثر من رائع

[عبدالمحسن الرحمه]

رذاذ نحلة المنتدى ياهلا والله فيك صح ابدنك

[عبدالمحسن الرحمه]

سلطان العتيبي ياهلا والله فيك مشرفنا القدير صح ابدنك