قصيده اعجبتني

[عبدالهادي المالكي]

قصيده كتبتها من شيلة سمعتها جميله جدا اعجبتني واتمنى تعجبكم

حادي الاشعار من غير ناي ولا وتر
لا سرا شياً من الليل واتبدا الهلال
جر موال يولع مصابيح السهر
والا رفقا بالقوارير ياساري الليال
عوذ بالله من الشياطين واحلام العصر
والرجال الي خساره نسميها رجال
ما قروا في سيرة ابو بكر ولا عمر
لا ولا حازوا من الطيب ما يسوى ريال
يحتويني الحزن كني على صال الجمر
يوم اشوف ان الاجاويد في الدنيا قلال
طاف بي العمر المعنى على خيرا وشر
عايشا في خير والشر مازاله مزال
استعيد حساب الايام وديون الدهر
لا كسبت الوقت ولا تبقى راس مال
يمكن اني كنت غافل ودنيايه تمر
النظر قدامي وتدور باقدامي المحال
وال بن آدم شره وتقوده احكام القدر
لا تمتع بالقناعه ولا كسب النزال
قلت ليت وليت ما تطعم الجايع تمر
ليت لي صدرا شمالي وثروة بن طلال
فالدراهم ماتفيدك اذا ضاق الصدر
واتساع الصدر من غير مال اسمه هبال
ياوجودي وجد من خاب ضنه وانكسر
كل ما يرقا تهاوى به الجرف الهيال
لا وقف حظه ولا سلم طعنات الظهر
وان زعل ما غير يمناه تقطع بالشمال

[رذاذ]

صح لسانك أستاذنا
عبدالهادي
على هذه القصيده الجميله ...
سلمت أياديك على كتابتها ونقلها ..
دمت بألف خير

رذاذ

[بقآيآ .. حرف]

ياوجودي وجد من خاب ضنه وانكسر
كل ما يرقا تهاوى به الجرف الهيال
لا وقف حظه ولا سلم طعنات الظهر
وان زعل ما غير يمناه تقطع بالشمال

سلمت ودمت أخي عبدالهادي
أبيات رائعه بروعة حضورك الراقي
بأنتظار أبداعك وتواصلك
كل التحايا

[عبدالهادي المالكي]

لا شكر على واجب واشكر مروركم العطر