يمه ترا فرقاك ماهي بسيطه

[عبدالمحسن الرحمه]

يمه ترا فرقاك ماهي بسيطه
من بعدكم ذقت الهموم السلايط

أي والله أن الفكر زاد اتخبيطه
حيران يايمه ونومي غطايط

الزلفي في عيني تضايق محيطه
كني طريحٍ ذاق ضرب السوايط

من فوق ضلع اطويق صوتي أعيطه
ونّات قلبي شبه موس الشلايط

نفسي حزينة والمواجع شطيطه
حد الرماح ابوسط جوفي لاعايط

بيتك بعد فرقاك ظلمة تحيطه
والحزن وشّح كل ركنٍ وحايط

يمه حياتي دون شوفك وريطه
كني يتيمٍ طول وقته يعايط

قربك دوا يبري الهموم الغويطه
تسوين من يسكن جميع البسايط

بوسة قدمكم كل جرح*ٍ تخيطه
وكل الحواس الخمس عندك ربايط

انتي الحنان اللي زهورك يحيطه
وانتي الدفا لازاد برد الشبايط

نفسي لبرك يا بعدهم نشيطه
ويضا الخوافي كلبوهن نشايط

دامك معي تبقى حياتي ضبيطه
ومجملة يمه بحلو الشرايط

عنك الأذى يمه بيدّي أميطه
وحبك سكن قلبي بليا وسايط

يازين ماضيكم ونغمة شريطه
فيه العلوم الطيّبات اللقايط

[حمود السحيمي]

صح السانك يالعمر
الله يطول بعمرها اذا هي حيه
ويغفرلها في مماتها
ابيات جدا رائعه رغم حزنها

[غانم الضومري]

أسأل الله أن يحفظها إن كانت من أهل الدنيا والجنة إن كانت من أهل الاخرة ..

ماشاء الله يا بو مالك .. تكتب بماء الذهب

أثابك الله في الدارين

تحيتي

[رذاذ]

أبيات جميله جداً ..
صح الله لسانك شاعرنا القدير
عبدالمحسن العمر على ماكتبت ..
.........
كن دوما بخير ..

رذاذ

[عبدالمحسن الرحمه]

صح ابدنك ياحمود الله يجزاك على دعواتك

[عبدالمحسن الرحمه]

أسأل الله أن يحفظها إن كانت من أهل الدنيا والجنة إن كانت من أهل الاخرة ..

ماشاء الله يا بو مالك .. تكتب بماء الذهب

أثابك الله في الدارين

تحيتي

شاعرنا القدير غانم ياهلا والله فيك صح ابدنك كل الشكر على مرورك القيم

[عبدالمحسن الرحمه]

أبيات جميله جداً ..
صح الله لسانك شاعرنا القدير
عبدالمحسن العمر على ماكتبت ..
.........
كن دوما بخير ..

رذاذ

رذاذ مرور شرفي ولا اروع كل الشكر لكم

[ابن حماد]

صح السانك وعتلا شانك جزله من شاعر جزل
تحيتي وتقديري

[عبدالمحسن الرحمه]

حمود السحيمي صح الله ابدنك وجزاك الله خير على الدعوات

[عبدالمحسن الرحمه]

شاعرنا غانم كل الشكر والعرفان على حضورك الدائم وصح الله ابدنك

[عبدالمحسن الرحمه]

رذاذ مرور شرفي رائع صح الله ابدنك

[عبدالمحسن الرحمه]

هماليل المخيل ياهلا والله مليون ولا يكفون صح الله ابدنك شرف لي مرورك المميز