.::: ღ♥ღ قــصـــيــدة نـــــالــت إ عـــجــابــــــــك .:::ღ♥ღ

[مسك المشاعر]

http://up.albrari.com/uploads/13878254151.jpg (http://up.albrari.com/)


يــا شينها لا صار قلبك مــع إنسان
ماهو معك قلبه مع إنسان ثـــــــاني

وأنته تناظـــر فيه والدمــــع حيران
تبيه لكن مـــــــــــــا تفيد الامـــــاني

ودك تصيح بعالي الصوت يــا فلان
وصرخة صدى صوتك تلجّ الاذانـي

والناس تـــفزع لك محبه وشــفقان
وكلٍ يجي من كل قـــاصي ودانــــي

وفي خاطرك حكيٍ يقدر بــــالاثمان
تبي تعبر له و خـــــــــان اللسانــي

وقفت تنــظر فيه والــدمـــــع هتان
ودك مـــــــن النظره تبين الـمعانـي

ثم صد عـــنك وصدته عنك حقران
مجني عليك وصرت مجني وجـاني

وترجع كسير وهمّك أشكال وألوان
وذكرى اللقاء تمر مــــــــرّ الثواني

وتعيش بالحــــــسره ذليلٍ ونــدمان
تشيل همٍ مــــا تـــــشيله مــــــواني

ومن وين ما وجّهت بالصدر نيران
والناس ما يدرون عـــــن ما تعاني

[بقآيآ .. حرف]

ربي يعطيك العافيه أختي
مسك المشاعر
على التواجد والطرح المميز
لي عوده بأذن الله
كل التحايا

[نواف عيد]

ابوك يذبح لنشاما مفاطيح __ وانتي بعينك تذبحين النشاما

[بقآيآ .. حرف]

ابوك يذبح لنشاما مفاطيح __ وانتي بعينك تذبحين النشاما


الله يعطيك العافيه
أخوي نواف على المشاركه والتواجد
وللتنبيه الموضوع مخصص لقصيده كامله
آمل مراعاة ذلك
كل التحايا

[مسك المشاعر]

ربي يعطيك العافيه أختي
مسك المشاعر
على التواجد والطرح المميز
لي عوده بأذن الله
كل التحايا

الله يعافيك اخوي
بأنتظارك:)
شكرا ع المرور الراقي

[مسك المشاعر]

ابوك يذبح لنشاما مفاطيح __ وانتي بعينك تذبحين النشاما

يعطيك العافيه ع المرور
ومثل ماقال اخوي بقايا حرف لازم تكون قصيده كامله
نورت:)

[مسك المشاعر]

ياعمري الدنيا ما تسوى تنام وخاطرك زعلان
ولابه شي يســتـــاهل يــــخـــلي قلبك يعانـــــــي
:ordh:
طلبتك كان لي خاطر تبعد عنك ألأحزاااااااان
فديت أعيونك الحلوه تبسم لو على شانــــــي
:ordh:
حبيبي صار لي مدة أشوفك تايه وحيراااااان
وانا والله لا شفتك حـــــزين تـــــــــــــزود أحزاني
:ordh:
أنا احبك ولا ودي تعيش بدنيتك ندمــــــــــــــان
ترى ألأيام محسوبة وتالي ها لعمر فانـــــــــي
:ordh:
تصدق بسمتك والله تفرح خاطري ااااالولهان
يطير من الفرح قلبي وااااااااصير بعالم ثاني
:ordh:
والى من شفتك بضيقة أحس اني اناالغلطان
أعاتب نفسي بنفسي ولو ما كنت أناالجاني
:ordh:
غلاك بداخل أعروقي ولا يوصل غلاك انسان
يمر الوقت ويثبت لك غــــلاك ان الله أحياني
:ordh:

أضحي بعمري لعيونك تنام انته وانا سهراان
ونادي جروحك لقلبي تجي واحد ورى الثاني
:ordh:

[بقآيآ .. حرف]

لا ملامه لا تشره لا عتاب
ماغدى لك شي مفروض يغدي

لا تحاسبني على اسباب الغياب
في يدك ماصار ماكان بيدي

لو رجعنا وابتدينا بالحساب
منتهي وياك من قبل ابتدي

كنت اشوفك غير لين القلب ذاب
في هواك وصار ماهو بجسدي

وقتها لو لي ولد عمره شباب
يمكن احبك كثر حب ولدي

لكن اللي غاب .. يوم النور غاب
شي يحداني عن ايدينك حدي

تذكر اللي صار يا مال الذهاب
ليلة ماجيت وامسيت اوحدي

لا تغرك بسمتي وزين الثياب
داخلي ضايق من الوقت الردي

السؤال اللي بقى ماله جواب
ياكثر مامر على الجرح الندي

يا معودني على طرد السراب
وشتبي فيني اليا ضاع جهدي ؟

صرت انا وياك نشبه للسحاب
لا تجمعنا تساقطنا بردي

السحاب اليا تساقط بالاهضاب
يحيي القاع الحزين الجرهدي

بس حنا .. لا تساقطنا عذاب
نكسر القلب الكبير الاجودي

[بقآيآ .. حرف]

صحت أرحب .. (يا هلا ).. يومك لفيـت ..؟!


وجاتني أرحب .. ولا جات البقا ..


اثر طيفك مرني يومي ..(سهيت) ..؟!

واثر ذا ..(صوت الصدى) يوم التقا ..


كلما سرتني .. (طيوفك) سريت ..؟!

ليـن صـار ..( اصعـب طموحاتـي لـقـا)


(عيبي ) .. أن حبي نقا .. وأني نسيت ..؟!

إن عربنا كذبوا (حب النقا)


و(عيـبـي) .. أني جيت كلي يوم جيت ؟!

ليت (قلبي) صان بعضي وانتقا ..


فـي غيـابـك كــم (سـهـرت) وكــم (شقـيـت) ..؟!

مالـقـيـت من الهوى غير (الـشـقــا)


تتصل بي بس لامنك (فضيت) ..؟!

حن ترى ..(عشاق) ماحن بأصدقا ..


يكفي انـي ..(رجل) بغيابك بكيت..؟!


أسألك بالله .. قلي ..(وش بقا)..؟

[مسك المشاعر]

في عيونك : حزن واسرار وذبول
وفي عيوني لك : شموع وكرنفال
وفي رموشك : سحر ونعاس وخمول
وفي رموشي لك : طيوف ٍ من خيال
ما ستر نظراتك الطرف الخجول
ما يتيح لصدّتك عني مجال
كل ما صديت بالرمش الكسول
تفضحك جررّرة نواعسك الثقال
كن في صوتك : رياحين وهطول
وكن في صمتك : قوافل وارتحال
وكن باغفاية هدبك : اربع فصول
وكن في سلّة نواظرك : احتلال
يوم نظراتي على زولك تجول
واكتشف وش قد طاغي هالجمال
اتمعّن بك طلوع ٍ في نزول
وما أمر من الطلوع .. الا النزال

[بقآيآ .. حرف]

ليه الهوى ../ ماعاد طآريه طآري

وليه الشعر مآهو مثل .. فايت الوقت

أغيب عن بوحي .. والم إنكسآري ..

ليه الهوى ../ ماعاد طآريه طآري .. مآطحت ../ لكن ليتني بغيبتك طحت


عايش وميّت ../شي مآهو إختياري



دآخل ضلوعي ..قمّة الموت وأن عشت


وش تنفع الأحلام ..والقلب عآري ..!؟


وش تعني الأيام .. وحظوظ........!نا "زفت "

وش به يفيد البوح ..؟ والهم جآري ..

ليش انت .. من عرض البشر ليت مآكنت .......!
عطني سبب مكن " يحدد مساري "

وأعطيك بعض اشياء ../ مما تعلمت .......!
الأوله : ركز معي في حوآري

وأصغي معي ../ وأفهم وش القول لا هنت .....!
طبع الشعر..!مثل الزهر حول دآري

للناس روعه../ بس أنا اللي تألمت
ذنب الشعر ..!؟ يآتي لكم دوم ساري

وأنا ذنوبي بختصرها وأقول ..( أنت )
والصمت وقت الصمت ( مآهو حضاري )

والنوم وقت النوم .. يجلب لك الكبت
وان السهر ..يشبه لـ وقت إحتضاري

تعآل حل المسئله../ لو تكرمت
يعني برت الجنــــون العآقل ..[ وبه تمكنت
دونك صرت شبه إنتحآري ..
صاحيا .. تقول أنسان دآيم يدآري

أنسان ثاني مآيدآري به الوقت ]
مآعآد لي في دنيتك ../أي طآري ..

وانا تعبت آبوح .( وأحتجت لـ الصمت )

[مسك المشاعر]

http://up.albrari.com/uploads/13883941651.gif (http://up.albrari.com/)

جـاني يقول بجـد اتعبني الشـوق
وهـدّت دقايق فــرقتـك بي معاني
http://up.albrari.com/uploads/13883941662.gif (http://up.albrari.com/)

ماكل عاشق عاش عمره لمعشوق
ومـاكل منهـو حب بيكـون هاني
http://up.albrari.com/uploads/13883941662.gif (http://up.albrari.com/)

قلبه من الفرقه تعيبن ومحروق
واللي بجوفــه اشهد انـه كواني
http://up.albrari.com/uploads/13883941662.gif (http://up.albrari.com/)

والصوت عز الله بيكون مخنوق
واللي برى حال الحبيّب بــراني
http://up.albrari.com/uploads/13883941662.gif (http://up.albrari.com/)

والوقت مهما زان بيكون مسروق
وقت الفرح مايـدوم لانــه انــاني
http://up.albrari.com/uploads/13883941662.gif (http://up.albrari.com/)

برفوق يادنيا على الـــود بــرفوق
لاتهــدميــن اللي بقى بالمحــاني
http://up.albrari.com/uploads/13883941662.gif (http://up.albrari.com/)

لانمت اشوفه حلم مـاودّي افـــوق
ولا فقت حلمي مـــابـقى له مكاني
http://up.albrari.com/uploads/13883941662.gif (http://up.albrari.com/)

مثلي مثل منهو بالاوجاع مصفوق
ابكي زمان الامس وامسي بكاني
http://up.albrari.com/uploads/13883941662.gif (http://up.albrari.com/)

وماكل ماحسّه به القــاف منطـوق
ياكثـــرهــا ماقلتهــا وتـغـشــــاني
http://up.albrari.com/uploads/13883941662.gif (http://up.albrari.com/)

ميــر الشقا مايترك اليوم مخلــوق
ومهـما سلمنـا منه بيعــوود ثـانـي
http://up.albrari.com/uploads/13883941662.gif (http://up.albrari.com/)

[تناهيد]

,
عجزت اطالع في عيونك وصديت
خايف على هالقلب لاكن عصاني
قال الشهورالي مضت ويش سويت
انا اعانــي وانت مثلــــــــي تعاني
يامرحـــبا ترحـــيبهٍ مالــــــها بيت
تفرش فيــافــي نجد زهر اقحــواني
ترحـــيبهٍ غير التراحـــيب لاجيت
لاهــي قصيد ولاكـــلام واغــانـــي
تجيك مثل العشــق مثل التناهــيت
فــي كـــل درب وكل وقت ومكانــي
بيضا مثــــــل قلبك مثل ماتباهيت
الله لايحـــرمــك رغد الزمـــانـــــــي
كنك غزال الـــريم لاوالله اخطيت
وارجوك تدمح زلتي من لســــــاني
مايشبهك الا القمـــرلاتخـــــــليت
عن بعــض زينك يارهيف الثمانــي
والشمس ماهي في جمالك اذاابديت
زينتك كـنك في السمـــا نور ثانــي
لاجيت كنك فــــي عروقي تخطيت
احــس بك مثل الـــمطر في كيانــــي
عينك تغير كـــل من يمه اغظيت
وانا مــن اول رمـش طرفك سباني
وخليتنــــي لانـيب حـــي ولا ميت
واقــفيت مــثل الــريح مالك موانــي
واليوم اشوفك يابعد مــــن تحريت
هذي الصدف والاالقد ر لك دعانــــي
اسرتني بالحسن يالــــــــي تعديت
كــل الوصوف وكل شرح المعانــــي
العين ماتروى ولو فيك ســـــجيت
لــــروي جميع الي طوته المحانـــي
عجزت اطالع في عيونك وصديت
خايف على هالقلب لاكن عصانـــــي

للشاعر :نايف بن تركي

[تناهيد]

,,
الـمـحـبــه عـــــذاب الا اشـــــد الـــعـــذاب
لـــــو تـــــروح الـسـنـيــن يــضـــل مـفـعـولـهـا

لـيـت قلـبـي خــذا العـبـره وهــدى وتــاب
مـادخـل فـــي هـضــاب الـعـشـق وسهـولـهـا

الـمـراسـيــل جـتــنــي مـاعـلـيـهـا حــجـــاب
والــمــراســيــل جــــالــــك رد مــرســولــهــا

يـامـحـبـي انـــــا داري بــكـــل الـخــطــاب
والــشــدايــد تـــهـــون وربـــــــك يــزولــهـــا

الـمـواصـل بـتـالـي الـوقــت كـنــه ســـراب
لـيــت بـعــض الـسـلــوم يـغـيــب مـدلـولـهـا

لـويــدور الـزمــان ولــــو يــطــول الـغـيــاب
كـلـمــة انــســاك حــالــف ديــــن مـاقـولـهــا

انـــت قــــد الــغــلا والـغـطـرسـه والـعـتــاب
وانـــت ضــمــة حــنــان(ن) راق معـسـولـهـا

لويطـول الـفـراق ولــو يـصـك الــف بــاب
كــــل الاقــفــال عــنــدي مـسـتــر قـفـولـهــا

كـان رحلـة ذهـاب انــا احتـريـت الايــاب
شوف ما اوسع صدور(ن) حايل(ن) حولها
,,

[عايد]

مع الأسف ،، أعذارك بحاجة أعذار


زعلت لانك غير وصغارك كبار ..
.............. هالضيق ماهو قصدي .. ولا نويته ..


حاولت اقيد صوتي .. وصار ( ثرثار )
.............. و مر الكلام لساني .. وما حكيته !!


يا سبّة ( استمراي ) بـ عمري المار
............ اليوم ... منت اللي هويت وخشيته ؟


هذا انت ؟ ما تشبه حبيبي بالاشعار
................ لكن تشابه قلبي اللي خذيته !!


بلاش تذكرني .. وانا المخلص البار
........... ياخي تذكر شكلك اللي ( نسيته ) !!


( مع الاسف ) اعذارك بحاجة اعذار
................ دورت مايشفع لك .. ومالقيته ؟


وشلون اجيك .. وكل سكّه ومشوار
.......... عكس اتجاه احساسي اللي مشيته !!


اخترت ما اختار .. والوقت يختار
............... انا قبل لعرف قراره ( رضيته !! )


والحين عاتبني علي شي ما صار
................... ابتحمل لي خطا ما خطيته

[تناهيد]

يا متعب القلب قلي وش غلطاتـي ,,
ان كنت انا اقدر اعدلهـا .. بعدلهـا ’’

لاصرت تجهل عناء الدنيا .. وضيقاتي ,,
من دون ماشرح لك اوضاعي تأملها ’’

الوقت ضدي .. حرمني من ملذاتـي ,,
والصد بعدك ذبح روحي .. وكملهـا ’’

لا .. لايغرك كثير الصمت .. وسكاتي ,,
خل المشاعر تقول ( الآآآآه ) وإسألهـا ’’

يسكني الحب .. واضح من عباراتـي ,,
وش عاد لجلك حروفي لـو أدللها ’’

عذبني الشوق واسرفـت بخيالاتـي ,,
روح ٍ تحبك دخيلك ليش .. تهملها ’’

ياليتك إشوي تشعـر فـي معاناتـي ,,
دنياك يمكن عليك تضيـق باكملهـا ’’

الحزن كنه سفيـري فـي علاقاتـي ,,
والهم خيّم على حالـي .. وطولهـا ’’

اغديت دربي وتاهت فيـك خطواتـي ,,
كل المواعيد مدري ليـش تجهلهـا ’’

سنين احاول وضاعت كـل حيلاتـي ,,
ماتدري اني ( حيـاة الـذّل ) مقبلهـا ’’

لاجيتك أسال وادوّر فيـك ضحكاتـي ,,
كنك تعمد بيديـك اليـوم .. تقتلهـا ’’

لا تترك الظـن يلعـب باحتمالاتـي ,,
الكلمه اللي تحزّ بخاطـرك .. قلهـا ’’

تعال شفني وحـس بحـال لوعاتـي ,,
كن الدقايق بدونـك عـام مطولهـا ’’

متى التباشير بقدوم ( الغـلا ) تاتـي ,,
فرحة زماني بشوفـك مـا تخيلهـا ’’

خلاص صبري تعـدى كـل هقواتـي ,,
اتعبت نفسي ( اعزيهـا .. وعللها ) ’’

ابيك تنسى وتدمـح كـل ( زلاتـي) ,,
بعض البشر صعب مانقـدر نزعلهـا ’’

والحين جيتك ابمسح كـل غلطاتـي ,,
دنياي دونـك وربـي ماتحملهـا

[بقآيآ .. حرف]

يا قاآسي النَـزْف , تكفى لاتعاتبني ..!
................. يكفي , عتب غربتي في دآآخل اوطاني ..!
ماهوب ذنبي لا شفت الحزن صاحبني..!
................ واصبح رفيق لـ شعوري وأعذب ألحاني ..!
ذي قسْمتي , يوم سيف الحظَ حارْبني ..!
................. جاني , وعن ْ برْد " ضيم الوقت" دفَآني ..!
وانا , لفيته " شعوور ٍ " مآ يكذّبني ..!
................ لا هزَه الحرف , بأعلى الصوووت ناداني ..!
والقاه قبل اكتبه " بالصدق" كاتبني ..!
............... على الورق , لجل " لا منْ " غبت يقراني ..!
واهيييم له لو, سكن دمعي وعذّبني ..!
................ واضييييع به , لا عجز " كلَي " لا يلقاني ..!
وان كان ما ودَك بـ طرْفه يداعبني ..!
................ وامْنعه , عن " صفحة عيووني " وديواني ..!
ابشر ولكن , قبل لا امنعه جاوبني: ..!
................ من يمنع البرد , عن صدر الشَتا الحاآني

[عايد]

ياصغيّر السن قدرك طاحـت أبراجـه
الجرح خلّى الصخـر ينطـق ونطقّنـي

خلاص ماعاد تعنـي لـي ولا حاجـة
رح.. جعـل ربـي يوفقـك ويوفقنـي

من بعد ماكنت نور العمـر وسراجـه
اليوم صـرت الظـلام اللـي يطوقنـي

عطيتك أكثر من اللـي كنـت تحتاجـه
أسرفت ف( الحب) ..لين الحب وهقني

خلاص.. مالي ومال الحـب وإزعاجـه
مالي ومال الـدروب اللـي تضايقنـي

تعبت أضـمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن الناس مابـه شـي يفرقنـي

إلا أني دايم أحـب الصـدق وأواجـه
مخلوق .. و الله على هالوضع خالقني

حتى رفيقي ضمـاد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي



فهد المساعد

[تناهيد]

الهاجس اللي ضواني وش هو مضوي
الصدر ما يحتمل من كثر ما عانا

كنـه يوم اقبل علي وانا على ضوي
ياخذ حطبها من ضلوعي وينعانا

اثر هاجس غلاه ما مر بـه توي
طرا علي زين خوتنا وجمعانا

اشرة على صدتة واللي هو مسوي
ولا على وقتنا وظروف فرقانا

اتلى العهد بـة يطري البعد وينوي
ويقول للبعد شرن ما تعدانا

والله ماني بـ متجشع ومتقوي
لاشك عيا الزمان يحقق منانا

احكى العرب كف خيري والحقك سوي
ياوش على البعض منا جعلة فدانا

اياك تامن قريب الناس وتخوي
شانت نواي الرفيق الله لا يبلانا

قلت الصبر قال قد لي عام متروي
وش فايدة صبرنا عقب اللذي جانا

قلت العوض حبل وصل وكل ما طوي
يفلة الشوق ورفقتنا وذكرانا

قال انت لو غبت عنك ويش بـ تسوي
قلت انت لو غبت ترجع مالك الا انا

آلشآعر :حَمدان المَري

[عايد]

الوقت قاسي والليالي بها هم
والقلب يشكي مالقينا مداويه
جار الزمن وصار قلبي محطّم
وضاع الوفاء وين الوفاء وين الاقيه
وشـ حيـلة الليـ لا بغـى شي ماتم
سود الليالي في طريقه تعنّيه
من هوله أشكي دام قلبي تألم
وشلون أبصبر كيف أنا بس اداريه
كلما اصيح بلوعتي قال لي سم
جرحي وعاودني على وقت ماضيه
العين تبكي دمعها صار به دم
والجرح ينزف يشتكي جور غاليه
مات الامل في عالمي صار له كم
عامـ(ن) وانا الي وافيـ(ن) له واعزيه

[بقآيآ .. حرف]

الغنوج الـي نـوت البعـد والعشـره نستهـا
مانويت فراقهـا لاكـن شيـن الحـظ نـاوي
الله اكبر ياالحظوظ السود مـن يمـي حدتهـا
لو بقول انـي قويـت فراقهـا مانـي بقـاوي
كن صورتها بـدون فـلاش فقلـب طبعتهـا
الفلاش خدودها والوجه دون فـلااش ضـاوي
المشاعر فـي يديهـا والاحاسيـس اربكتهـا
كلها فتنـه عسـى ربـي يكافينـا البلااوي
لازعلت ترفـع حواجبهـا وغـزت برقبتهـا
بين هيبات الملوك وبيـن نظـرات النـداوي
لامشت ياعونـت الله كمل هالنـاس افتنتهـا
مو غريب ان جالها حكم من شيـوخ الفتـاوي
النعومه والترف والزيـن مـع زايـد ثقتهـا
لاضربنا كل هذولي في بعضهن وش يسـاوي
مايسـاوي غيـر اف الله ياحـلـو ثمرتـهـا
بيضها سكر نبات وثغرهـا تمـرن حسـاوي
والشعر لاطاحـت القذله كـذا ثـم عدلتهـا
تربك الطاووس كيف تصير ربكـات الهـواوي
لاحكت كن السوالـف ذايبـه فـي حنجرتهـا
ولا اسكتت ماهو مسولف بعدها راعي الحكواوي
كرهتنـي بالحـريـم وحببتـنـي مرحبتـهـا
وعيفتنـي بالسـواد ولعتـنـي بالسـمـاوي
وقمت اتابع كمل شخصيـت ممثـل معجبتهـا
مرة رشدي اباضه ويـوم فـاروق الفشـاوي
جننتـي وكمـم قبلـي مـن عقـول جننتـهـا
والعقول الي تجننهـا عجـز فيهـا المـداوي
اااه ياليـت الصـدف وعيوننـا ماصادفتـهـا
كان ماذقت الفراق وصرت في حال الخل وي
والله انـي ماذخـرت بكل حاجـات اطلبتهـا
لو تبي هذي قبل هذي واصير الهـا عمـاوي
الله الله يالحظوظ السـود مـن يمـي حدتهـا
والله الله وش يزيل الهـم يالقلـب الشقـاوي
قصت بيني وبيـن القلـب وحروفـي روتهـا
مايوصفهـا الكلمل ام وشيبـت بالفـيـن راوي

[عايد]

دخيلك .... لا تطولهـــا

ت .. ودَمــــــــع العِين يغشااني !
سنينٍ أدثر أورآقي .. وريح الصّبح " تِكشفها " !

فقدته مِن سِكَن قلبي / وراح اليُوم .. خلّاني !
أبعثر بالألَم فيني .. دِمُوع الشّوق ( وأنثرها ) !
دقايق لو يمر طيفه .. أرُوح بْ عالمٍ ثاني ..
أبُوه الشّوق يا عالم .. ترا حالي مِبهذلها ..

قبل عَايش كذا عادي .. وجاء حبّك وِودّاني ..
لموطن ما اشوف إلا بِه ادروبك واعشقها ..

تصدق من كثر عشقي خيالك مرّ واعماني .. !
وصرت إنتَ الوحِيد اللي بِه أشعاري أردّدها , !

دخيلك لَا تطوّلها .. غيابِك حيل أشقااني .. !
سنِين العِمر قِد مرّت .. وانا ما غير أحسبها ..

حسبت البُعد لِه حيله .. و اثاري البُعد عُدواني !
مشاعر مالها غِيرك .. ولا غِيرك يروّضها .. !

ترا ما جاني في بُعدك .. كفايه حيل ما جاني !
دخيل الله لَو تدري .. عيُونِك " كِيف أنطرها " !

أقول الشّوق يَ حبّي .. تِقول الشّووق " يفداني " !
كذا واثق / ومِتمكّن .. خلايا القلب ’ تِملكها !

ترا لو كان هالإحساس .. رجُل بالحِيل عقلاني ..
ابد ما كان في ليله " دِمُوع الشّوق بعثرها " !

انا ما هزّ بي خافق .. وهدّ اليوم وجداني ..
سوا ذِيك المشاعر يوم .. يجي حسنٍ ويفتنها ..

ليا مِن لامس يْديني .. أضيع بْيدّه وأنساني ..
واقول اللّيله يا جعله " خلايا الرّوح يِحضنها " !

جعل مِن قلّب الذّكرى .. وجرّح قلبي أبكاني ..
يجيه الضّيم في غِيمه وكلّ افراحِه يهدِمها ..

[تناهيد]

لو كنت أشـوف إن الهـوى دون قيمـه
............ ما صرت أشوف الشمس تشرق ليا اشرقت

منـك .. عرفـت أن الليالـي ... كريـمـه
............. ولأجلك .. كذبت الفرح فيني .... وصدقـت

رزق الفيافي .... لو يجـي بـيـد غيمـه
.............. أن كان مبطـي...... مـن غيابـك .. تمزقـت

كـم كنـت بغيـابـك .. أود ...... النميـمـه
............... بينـي وبينـي .. بـس حنيـت..... وأشفقـت

أبسألـك .. أنـا ظروفـي / جريـمـه؟
.............. يرضيك .. لامن شلـت قلبـي .....وفارقـت؟

أنا صبـرت .. أصبـر / غيابـك ظليمـه
.............. لو لي جناح أن كان.. من أمـس.... حلقـت

تكفـى عشـان الذكـريـات القديـمـه
............. حـاول .. تحمّـل ضيقتـي....... لا تضايـقـت

http://www.st-ghalia.com/up/uploads/1374959194172.gifhttp://www.st-ghalia.com/up/uploads/1374959194172.gifhttp://www.st-ghalia.com/up/uploads/1374959194172.gif

[تناهيد]

,,,
ياطروشً تاصلونه .. تقدرون تجونه
علموه ان العذر مايقنع الدياني

وعلموه اني بدونه ويش انا من دونه
مالحد منّا غناةً من وجود الثاني

وعلموه اني على خبره وطيب ظنونه
اذكره ما انساه لاونّه نوى ينساني

وعلموه اني على شانه ولجل عيونه
متعباً حالي وانا اللي ما انقضى لي شاني

وعلموه ان المشاعر للغلا مرهونه
يعلم الله ماحوى صدري وفي وجداني

وعلموه ان الغلا حاميه كبر حصونه
ثابتاً سوره وبنيانه على برهاني

وعلموه ان القراح اللي تغيّر لونه
خالطه بعض الهماج وعافه العطشاني

لايتمادى في خطاه ونفسي المفتونه
في هواه ومن جفاه يزيد هم احزاني
,,,,

[تناهيد]

,,
خذ ما تبي بـس اتـرك القلـب يرتــــــاح
لا بالمودة عطيتــه لا بالصراحــة خذيتــــــه

فـي غايتـــك تهوى على ملك الأرواح
صدق الخيانـة جزيتـه يا كم بغيري نويتــه

كافـي علي أصبحت بالســد فضّــــــاح
غصبٍ عليّ حكيتـه بكاني حظـي وبكيتـــه

قل لي متى ترسـم على قلبـي جــــراح
منك الصبر ما قويتـه أفقدتنـي ما أحتويته

أملكت كلّ قلبي الوفـي ومعك مفـتــــاح
عقب الندم وش رأيته عن حب غيرك عميته

من علّمــك ترمـي بقيعــان الأرمــــــاح
لا بالقتل قد نويتـه عمري بكفـن حي طويتـه

جـذعٍ ذوى عطشـان لـو ترفـعـــه طـــــاح
تتعب معه لو ركيته ما هو بحي لو سقيتـه

لا تنتظـر رجعـــه ولا تطــري اصـفــــــاح
ما أقول حبك وطيتـه ما أقول حبك نسيتـه

أبعـــد عسـى في دربـك اليــوم ترتــــاح
أنت الذي أهتويته لا .. بالغصيبه مشيتــه

[تناهيد]

ليالي نجد ما مثلك ليالي
غلاك أول وزاد الحب غالي

ليالي نجد للمحبوب طيبي
أمانة نور عيني يا ليالي

حبيبي لا ذكرت انه حبيبي
دريت إني حظيظ وزان بالي

على شانه تهاونت المصاعب
أذوق المر لاجل رضاه حالي

وإلى من الزمان اشتد حره
لقيت بقرب مظنوني ظلالي

عفا الله عنه مما جاني أول
غسل حبه جميع الهم تالي

[تناهيد]

غاب الكثير ولا بقى غير القليل
.............. كانوا هنا .. واليوم في ظل الغياب..!

أثر الزمن مثل البشر عابر سبيل
.............. يمشي معَ درب التطوّر بـ إرتياب..!؟

مشكلتي إني أعشق الماضي الجميل
.......... لو كان ما يحسب لأحاسيسي حساب..!

كم فرق الوقت الردي خل و خليل
............... وكم شوّه وجيه الصداقه .. مايهاب..!؟

راحو ولا باقي سوا الفن الأصيل
................... وحروفهم .. اللي ملت كل الكتاب

وانا عيوني لــ/ بارق الذكرى تخيل
.................... اللي لمع برقه على صدر السحاب

أمطر على صدري وفاض ابه المسيل
................... وأنبت شعوري من على أرضه عتاب

لو كان صدري من غلا احبابه يشيل
..................... أجمل تفاصيله .. مثل صم الهضاب

ثابت ولا يمكن من افكاره يزيل
..................... يبقى الشموخ اللي سكن عز الجناب

ومن غاب ، يا جعل العوض عند القليل
........................ اللي تمنى رجعة اصحاب الغياب..!

[Abu Labeeb]

الله ولا الهاجس اللي ما يريحني........ أسهر عيوني وعناني وعنيته
أحاول أخفيه مير الحزن يفضحني....... متمركزن في الحشا كن الحشا بيته
يا اللي تعاتب غموضي لا توضحني....... ماباقي(ن) في الخفوق الا تناهيده
أصافح الهم قبل إنه يصافحني....... وأحب خشمه وأردد في الخفا ليته
ليته قبل لا تزل خطاي ينصحني........... والا يريح خفوقي من عـفـاريته
والغالي اللي عليه الشوق ذابحني....... أقفا به الوقت ما جاني ولا جيته
يا سيدالغيد قبل لا اقول لك بحني .......... بخبرك عن كلام (ن)عنك أخفيته*
تتدري وش اكبر خطاي الله يسامحني............. قفايتي عنك وانت اللي تمنيته
وهذا هو اللي معذبني وجارحني................ أقول أبنساه وأنا ما تناسيته

دمتم بود**

[Abu Labeeb]

أحبك*قالها*قلبي*قبل لاينطق لساني*
أحبك عاشت بدمي قبل لاتبصر ايامك
أحبك وش كثر ما ادري؟ أحبك مالها اوزاني*
أحبك ليت تسألها وتغنيها على الهامك
أحبك ليتها توصل غلاك وحجم تحناني*
أحبك كلمةٍ توقف شموخٍ وهيَ قدامك
أحبك جات لك تحمل وفا واحساس وجداني*
أحبك ليت تمنحها الأمان ونشوة احلامك
أحبك هي لها معنى أنا وياليت تهواني*

[Abu Labeeb]

حبيبي نام ياعمري على صدري وصارحني


وفض الصمت باحساسك وخل الحب لي يجري


وفضفض لي بعد عمري وعاتبني وفهمني


أنا أطري على بالك كثر ما أنته علي تطري؟!


تعال أقرب من أحضاني ترى خدك مواعدني


يبي يلامس شغف روحي ويقطف بوحي من شعري


تعال أنثر هنا ليلك وخل ويلك يولعني


أنا أحبك وأبي قربك.. ترى مني قضى صبري


أنا نبضك زهر أرضك وأنت؟! ايه تملكني


بنحل خصرك ..جمر ثغرك وزود بلونك الخمري


تتوهني .. تغرقني.. ومن بردك تدثرني


وتبكي لي وتشكي لي وله قلبك ومن سحري