سمّ اللقآ صدفه , وآسمّيه ميعآد

[عابر سبيل]

الشوق مآله عمر , يفنى وينعآد
له في الضلوع إن عآد وإن غآب رجفه

مع كل فرقآ , له ورى الجفن ميلآد
وإن مآتت الفرقآ لقى الشوق حتفه

جيت آقتل الفرقآ من بلآد لِ بلآد
ملّ الطريق يشيلني فوق كتفه

وآنآ بعد مليت من كثر مآ آرتآد
هآلشآرع اللي كآن لك فيه شرفه

تظمآ عيوني شوفك , وتشبع سهآد
عيّآ الزمن يقطع ظمآهآ بِ رشفه

لآوجهك آسقآهآ , ولآ ذآقت رقآد
مآ غير طيفك , طيفك اللي آعرفه

كنّه ظبي , وعيوني ظلآل صيآد
يجفل قبل يرتد للجفن طرفه

مشكلته إنه كل مآ آشتقت يزدآد
حتى ملآ جدرآن وقتي وسقفه

وآصبحت آشوفه فِ آول الغيم لآ جآد
وفِ آقصى الشفق لآ طآحت الشمس خلفه

وفي الآرض لآنآمت عقب صوت رعآد
وفي كل شبآكٍ صحت منه درفه

آتعبت طيفك لوم , واللوم مآفآد
ويوم الآمل في شوفتك مآت نصفه

نويت آسآفر عنك بجروحٍ جدآد
وعمرٍ من آورآق الزمن حآن قطفه

نويت , لكن جآبني الشوق منقآد
وجآبك حنينك , والزمن سآل عطفه

شفتك تبسّم لي خجل مدري عنآد
وفي نظرتك شوقٍ من الظلم وصفه

حسيت كني طفل , وعيونك آعيآد
يآعيدي اللي له ورى الصدر رجفه

سمّ اللقآ صدفه , وآسمّيه ميعآد
آنآ إنتظرتك , وإنت مريت صدفه

الشاعر فهد المساعد

[بقآيآ .. حرف]

سمّ اللقآ صدفه , وآسمّيه ميعآد
آنآ إنتظرتك , وإنت مريت صدفه

صح الله لسانك ولسان الشاعر
أخي عابر
أبيات رآآقت لي
كل التحايا

[عابر سبيل]

لاهنت يابوخالد على مرورك الجميل ... فالك الجنة ،،،،

[ابو سلطان العتيبي]

هلا باخي ومراقبنا القدير
" عابر سبيل "

انتقاء رائع كروعتك
وصح لسان شاعرها

تحيتي

-

[عايد]

نويت , لكن جآبني الشوق منقآد
وجآبك حنينك , والزمن سآل عطفه


صح لسان الشاعر وصح ذوووقك الراااقي اخي عابر
تقبل مروري مع ودي واحترامي لشخصك المميز والكريم

[عابر سبيل]

اشكر لكم مروركم العطر ... فالكم الجنة ،،،