..اصعب سؤال

[عايد]

( اصعب سؤال) اللي جوابه للأسف مثله (ســــــؤال) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكــــــــــرك ذيك الليال ؟ )
كان الجواب بكل بساطه : ( من متى اصـــلا نسيت ؟ )

ادري بان جمع ( الصعوبه والبساطه ) شــــي محال !!
لكنها صارت كذا ! واللي (( اهـــــــــــم )) اني دريت :

ان الحيــــــــــــــــــــــــاه فبعد احبابك اذا جف الوصال
اتعيشهــــــــا لو تقتنع انك خلااص اصبحت ( ميت !!)

يا صاحبي لو كل شي يمر بالخـــــــــــــــــــــاطر يقال
ما كانت العبره تــــولجني اليامنك طـــــــــــــــريت ؟!

شفني قدرت احبس دموعي بس ( دمع القاف ) ســـال
ويا كبرها ســــــــــــــاكت ولكن داخل اوراقي بكيت !!

عمر الحكي ما كان دافـــــــــــــــي لاابتدى بقولة تعال
لجل اتجاهل رجفة حروفي اليــــــــــــــــامني حكيت ..

الحال في بعدك قســــــــــــــــــــــم بالله ما اسميه حال
انوي على الضحكـــــه واحس كلي خطا لاني نويت ؟!

اتصور انك من رحلت اشوفك لجسمـــــــــــــــي ظلال
لا شفته امشي ببتعد واثـــــــــره معي مهما مشيت !!

مدام يعني في بحرك لفرحتي مليون جــــــــــــــــــال
وش فيه موجك ما ركد ؟ قربت اموووت وما رسيـت

يرضيك ما عادت معي تفرق اذا جالك مجــــــــــــــال
لاني اقتنعت انك نهايه وانــــــــــي ببطي ما بديت !!

صرت ( اعقد حجاجي ) اذا جـــابوك باطراف الجدال
وانا قبل لاقالوا اسمـــــــــــك كني : ميت ثم حييت ..

تعبت اعيش الدور وافتــــــــــــــــح للمعاذير الخيال
واتخيل انـــــــــــــي جيت في بالك وبانك استحيت ..

وتردلي كلك (( وله )) وتقول : ( كن البعــد طال ؟ )
ومن الفرح ما عاتبك واقول : ( ياخــــي مابغيت ! )

حتى وانا تخيل حشمتك ! لن قلبي لا يـــــــــــــــزال
يكرر اسمك داخل اعماقي بنبضــــــــــه لا سهيت ..

قلي شسوي فيك ؟ وانت بداخلي اصدق مثــــــــــال
للحب واحساس القصيد ان عانق الليل وســـريت ..


ربي يصبرني على الفرقا مدام الحـــــــــــــــــظ مال
وانت بيجيلك يوم تعرف ليــــــــــه في بعدك شكيت ..

واذا بلاك الله وعذبك اشتياقك (( بس تعــــــــــــال ))
واقرى القصايد في غيابك كلبوها بيـــت ... بيــــت ..

بتدرى ان ( اصعب سؤال) اللي يجي رده ( ســؤال)
لا قلتلي ( وش ذكرك ؟ ) ثم قلتلك ( متى نسيت ؟ )






للشاعر
محمد جارالله السهلي

[تناهيد]

طرح عذب وجميل
صح لسان شاعرها وتسلم يمينك ع الاختيار الرااقي
الله يعطيك العافيه

[عايد]

المشرفه والاستاذه والاخت الكريمه تنااااهيد
اشكر لكِ سيدتي كلماتكِ واشكر لكِ مروركِ ومتابعتكِ الكريمه .. لاعدمناكِ سيدتي
تقبلي مني كل الاحترام والتقدير لشخصكِ الكريم

[بقآيآ .. حرف]

ربي يصبرني على الفرقا مدام الحـــــــــــــــــظ مال
وانت بيجيلك يوم تعرف ليــــــــــه في بعدك شكيت ..

واذا بلاك الله وعذبك اشتياقك (( بس تعــــــــــــال ))
واقرى القصايد في غيابك كلبوها بيـــت ... بيــــت ..

بتدرى ان ( اصعب سؤال) اللي يجي رده ( ســؤال)
لا قلتلي ( وش ذكرك ؟ ) ثم قلتلك ( متى نسيت ؟ )

سلمت يمينك أخي عايد
على الأختيار الراقي والعذب
وصح لسان الشاعر المبدع محمد جارالله السهلي
ودي وتقييمي

[عايد]

مشرفنا القدير الاستاذ والاخ الكريم ابو خالد
كل الشكر والعرفان على مرورك ومتابعتك الكريمه .. لاخلا ولاعدم
تقبل استاذي كل الود والاحترام لشخصك الكريم