الصيد الجائر

[الملتمس]

السلام عليكم ورحمة الله وبركاته
ليش كل هذا
حراااااااااااااام عليكم ويقولون ليش الجزيره العربيه مافيها صيد
الصوره تتكلم
url=http://www.momeen.org/up]http://www.momeen.org/up/uploads/226a2307cd.jpg[/url]

[مراسل/جدة]

===========

السلام عليكم ورحمة الله وبركاته //

بالفعل اخوي حال مؤسف وعدم إهتمام أو إحساس بمدى خطوره هذا الصيد الجائر //

كل سنه والسنه اللي بعدها الصيد أقل كل هذا بكثره الصيد والنفسيات اللتي تستمتع بكثره الصيد

ما نقول الله يرحمنا برحمته ويهدي كثير من الصيادين //

====================

[دندشه]

اللهم امين

ما عاد نلقى شي مثل اول


دندشه

[rhaal]

أخوي الملتمس
والله أرى إن ما فيها شيء الرجال رايح يصيد ويستمتع ويآكل
الحمد لله فيه ذا الثلاجات ةالفريزرات وهات أشوف تخزين
بعدين هذي طيور مهاجره يعني صايرين لها مطب وماشيه
القطها قبل لا تمشي
وعليه بالعافيه والله يعينه على التنتيف

أما لو إنه يصيد ويجدع هذا اللي هو حرام أولـــــــــــــــــــــه

[MANAGER]

وعليكم السلام ورحمة الله وبركاته

انا ضد الصيد الجائر يفترض ان القناص يصيد

مايكفيه هو وربعه ويترك التفاخر بكثرة العدد

شكرا لك

[rhaal]

هذا ما يعتبر جائر لأنه لا تخاف عليهن من الإنقراض أو أي شيء مثل إنهن في محميات أو منطقه واحده فقط دون أخرى ترى لهن إنتشار واسع ودروب غير اللي تعرف
بعدين الناس اللي يصيدون يآخذون لأهلهم وبيوتهم ما هوب بس حق يوم
والا حق ربعي الاصل كلن يآخذ الباقي لأهله

[الملتمس]

السلام عليكم ورحمة الله وبركاته
ماقصرتو علا الردود ويا أخ rhaal لهن دروب واجد واجد
ولاكن يا أخ rhaal لو صاد اللي يكفيه ويكفي ربعه واهله بيضره شي والصيد نعمه مهب نقمه000
سنة من السنين قنصت الساحل الله رزقنا وجبت معي للبيت حول 90من بين قمري
وفري كلت اللي كلته وبقا حول75وقعد بالفريزراكثر من سنة وبعدين وين وديته للعامل
قال تعالى(( لاتسرفوا إن المسرفون إخوان الشياطين وكان الشيطان لربه كفورا ))

[rhaal]

الله يبارك فيك أخوي الملتمس
هذاك قلتها إن الباقي قعد بالفريزر يعني أنت اللي طولت ما أكلته أو وزعته على القرايب والعزيزين عليك
أنا أتكلم عن اللي خلال إسبوع ولاه قاضي أو إسبوعين إن طول
أما من ناحية إنه يكون زايد عن الحاجه أو مجرد هوايه صيد وأكثر منه للتفاخر
والواحد ما هوب بحاجته هذي قاضين منها وقلتها قبل بالرد الأول ماهوب صحيح بل قد يحرم شرعا على الواحد فعل مثل هذا الشيء
وأخوي الملتمس خل نرجع للصورة وندقق شف عدد الأسلحه 8 أسلحه يعني
لو نقول إن عددهم 6 أو 7 اللي يصيدون كل هذا تراه حق وجبه أو وجبتين بالكثير
طبعاً هذا إذا قلنا إنهم 6 أو 7 والغالب في الأصل إنهم يصير معهم عيالهم وشيبانهم
غير إن جيت للواحد تلقاه جايب رفيقه أو خويه وهالخوي جايب ولده تلقاه بعد
لكن أنا أرى إن هذي الصورة لا تمثل الصيد الجائر فعلاً
صح لو إن فيه صورة شاص ومالي الحوض صيد وطيور أقولك هذا الصيد الجائر ومعك حق بذي
برضو إن لقيت أحد مسويها علمنا نشري منه

أرجوي أن تتقبل ردي ومروري بصدر رحب أخوي
وتراها وجهة نظر لي قد لا تتفق معي بها
اختلاف الرأي لا يفسد للود قضية

وتقبل تحياتي / rhaal

[بندر بن دحيم]

اخواني والله مالومهم الطيور واجده

وهم شكلهم واجد والله لا يهين الفريزرات

تحياتي

[شرقاوي محب]

اللهم امين

ما عاد نلقى شي مثل اول


دندشه
اخوي دندشه



صح لسانك :70:

[ابواصلايل]

السلام عليكم كلنا عارفين ان البشاعه والاسراف في الصيد حراااام ولكن وش تقول هاذول الشباب اذا طاحو في شي الله يخلف عليه وخاصه طير القمري ياشباااب لاحضت انه قل بصوره غير طبيعيه والي يوافقني الراي يقول صحيت.

[مالك بدر]

ياخوي الخضاري ماينخاف عليه
يموت10ويفقس 20