جعل السحاب اللي قنوفه مراميس &&& يمطر على روحي ويسقي ضماها .......... مما راق لي ......... أخوكم المحب الوااا(بالله)اااثق

[الوااا(بالله)اااثق]

بسم الله الرحمن الرحيم

السﻻم عليكم ورحمة الله وبركاته

جعل السحاب اللي قنوفه مراميس
يمطر على روحي ويسقي ضماها

ويبل ريــق اللي طوتــه الهواجيس
يابعــد رغبــات النفوس وهـواهــا

مبطي عن علوم المطر والعواسيس
والشــده لـ داار بعيــد مـداهــا

والـبرد والرقــده بخمسـة برانيس
يـاحــي طـاريهــا ولــذة دفــاهــا

يهديك ياحظــي ويلعنـك ياابليس
هيضت روحـي لين جاهـا بلاهـا

ليت البشر مايجرحون الاحاسيس
أو ليت طيب الناس يغلب رداهـا

أضيق من شوف المدن والدواعيس
واقول ياحـي السعة ما حـلاهــا

ودي ادوج بـ خايـع مابعــد ديس
قـد مـره سبـاع تدور عشـاهــا

البر بعيوني من الضيق تنفيس
للروح من هـم السنين وغثـاهـا

لاطرفت شمس العصر ياهل العيس
شــب الجـروم اللي يدلك سنـاهـا

مشتاق لاجواء الشتاء والنسانيس
والسيل لاغطـى البقـاع وكسـاهـا

واجمل عطر يسوى عطورات باريس
ريــح الحطــب بـ ثيـابنــا لامـلاها

مما راق لي

أخوكم المحب
الوااا(بالله)اااثق

[خالداللهيبي]

يهديك ياحظــي ويلعنـك ياابليس
هيضت روحـي لين جاهـا بلاهـا

ليت البشر مايجرحون الاحاسيس
أو ليت طيب الناس يغلب رداهـا

أضيق من شوف المدن والدواعيس
واقول ياحـي السعة ما حـلاهــا

ودي ادوج بـ خايـع مابعــد ديس
قـد مـره سبـاع تدور عشـاهــا

قصيده رائعه ومعبره تسلم تسلم

[تناهيد]

مشتاق لاجواء الشتا والنسانيس
والسيل لاغطى البقاع وكساها

واجمل عطر يسوى عطورات باريس
ريح الحطب بثيابنا لاملاها ..

نص فى قمة ألروعة و ألجمـآل
سلمت عـ الإنتقـآء
كل الشكر

[بقآيآ .. حرف]

ليت البشر مايجرحون الاحاسيس
أو ليت طيب الناس يغلب رداهـا

سلمت يمينك أخي أبو عبد العزيز
أبيات راقت لي كثيراً
كل التحايا