قصيدة الفقر ... للشاعر ناصر القحطاني ...... إنتقاء أخوكم المحب / الوااا(بالله)اااثق

[الوااا(بالله)اااثق]

بسم الله الرحمن الرحيم

السﻻم عليكم ورحمة الله وبركاته

قصيدة
الفقر

للشاعر ناصر القحطاني -

YouTube - http://m.youtube.com/watch?v=EZHud_oikgI&desktop_uri=%2Fwatch%3Fv%3DEZHud_oikgI

أخوكم المحب
الوااا(بالله)اااثق

[تناهيد]

قصيدهــ رآئعه صح لسآن شآعرهآ
وسلم أنتقآئك ..~

[ابو سلطان العتيبي]

قصيدة جزله
مشكور اخي الوااا(بالله)اااثق
على حسن الاختيار

-

[بقآيآ .. حرف]

صح لسان الشاعر الكبير ناصر القحطاني
وصح أختيارك وذوقك أخي أبو عبدالعزيز
وأسمح لي بنشر رد الشاعر صالح العبدالله

لا هنت يافاهم معاناة الاجواد
سلم على الاجواد يسعد مساها
لاهنت يافاهم مقامات الانشاد
سلم على شعار نجد وصداها
اللي عن اوضاع المخاليق رصاد
ماكنه يعرف الامور وخفاها
ياشاعري صوتك وصل كل الابعاد
ماهو لزوم النفس تشرح غثاها
ترى الصدور اللي على المر تنقاد
ماحدها على المر الا قساها
عزيت من قالو له الناس قصاد
أبياته من العام محد قراها
ولا أنت في فن المواضيع ميراد
تارد على الفكره وتقطف وفاها
يوم أن غيرك خلف الاضواء طراد
مارحت لاجل النفس تلقى رضاها
قصايدك له داخل الروح ميعاد
وأبياتك العذبة بعيد مداها
واليوم زدت الجرح وأحرقت الاكباد
وأرسلت من عمق المعاني خفاها
تنشد وتبغى يلتحم صف الاعداد
وانت تعرف المخطيه من خطاها
تنشد وتبغى الطيب والخير يزداد
والناس تمسي ما تحصل عشاها
تنشد وتبغى تكمل افراح الاعياد
وفي نفوسنا نار شديد لظاها
وشلون كيف يحس بحساس الاجواد
اللي محيطه من الرجال أغنياها
وشلون كيف يحس بحساس الاولاد
اللي أبد ماشاف وجه أفقراها
وشلون كيف يحس باحساس الاحفاد
اللي عيونه كل خير غشاها
وشلون كيف يحس باحساس الاجهاد
وكل الخدم حوله وتمشي وراها
وشلون كيف يحس حتى بالانكاد
لاصار دمع العين مايشوف ماها
حنا عرب ودروبنا دروب الاجداد
هذي الحياة اللي هوانا هواها
الفقر طير في سما جونا اعتاد
مع مشرق الايام حتى مساها
مانشتكي من ضيم الايام في بلاد
على المعزه معتلين سماها
وبلادنا خيره لك الحمد يزداد
لو أن شعبه ماتذوق حلاها
وان كنت ترجي للمعاشات الامداد
أطلب من الله يسهل الله عطاها
مايحس في جرحك محبين وأضداد
لا يخدعك حكي البشر في لقاها
مايحك جلدك يوم تحتاج الافراد
الا على ماقيل ظفرك دواها

كل التحايا

صالح العبدالله